ရွာဦးကျောင်း

တရားပွဲ ဖိတ်ကြားလွှာ

2012-02-13T07:36:00.000-08:00

ရွှေဆံပင်တံတားလမ်း အကျိုးတော်ဆောင် ဆရာတော် အရှင် ဝေပုလ္လ(သာသန ဓဇ ဓမ္မာစရိယ - ဥဘတောဝိ ဘင်္ဂဓရ)၏ တရားပွဲ

ဓမ္မမိတ်ဆွေအပေါင်းတို့………….. လမ်းတံတားပြုပြင်ထိန်းသ်ိမ်းရေး အကျိုးတော်ဆောင်ဆရာတော် အရှင်ဝေပုလ္လမှ၏ တရားပွဲကို စင်ကာပူနိုင်ငံတွင် အောက်ပါ အစီအစဉ်အတိုင်း ကျင်းပ ပြုလုပ်သွားမည် ဖြစ်ပါသဖြင့် တရားတော်နာ ကြွရောက်ကြပါရန် လေးစားစွာ ဖိတ်ကြား အပ်ပါသည်။

နေ့ရက်။ ။ ၁၈ မတ်လ ၂၀၁၂ ( တနင်္ဂနွေနေ့ )
အချိန်။ ။ ညနေ ၇း၀၀နာရီမှ ၉:၀၀ နာရီတရားပွဲ
နေရာ။ Function Room 1, The ARENA Country Club, 511 Upper Jurong Road, Singapore 638366, near (JooKoon MRT)
အောက်ပါ website များမှ ရုပ်သံတိုက်ရိုက် ထုတ်လွှင့်ပေးပါမည်။http://www.dhammadownload.com/live1.htm

ဆက်သွယ်ရန်ဖုန်းနံပါတ်များ
မခိုင်ခိုင်ဝင်း (၉၁၈၇၃၅၅၈)
မဆွေမာဦး (၉၈၈၆၀၄၂၅)
မောင်မြမင်းစိန် (၉၀၀၉၁၀၄၇)
ကိုမြင့်စိုး (၉၈၁၈၆၄၄၇)
မမြဆွေဦး (၉၃၄၉၃၈၇၉)Type the rest of your post here.

A S M A အဖွဲ့ နာယက ဆရာတော် ဦးသုမင်္ဂလ ဈာပန ခမ်းနားစည်ကားသိုက်မြိုက်စွာကျင်းပ

2012-01-24T20:16:00.000-08:00

ဘစောတင် ဇန်န၀ါရီ ၂၂

ရခိုင် စာသင်သား ရဟန်းတော်များအဖွဲ့ (ထိုင်း) ArakanStudent Monks Association (Thailand) A S M A အဖွဲ့၏ နာယက ဖြစ်သော ဆရာတော် ဦးသုမင်္ဂလ၏အန္တိမအဂ္ဂိဈာပန အခမ်းအနားကို ယနေ့နေ့လည်ပိုင်းက ထိုင်းနိုင်ငံ ဘန်ကောက်မြို့ရှိ နိုင်ငံခြားသားရဟန်းတော်များ သီတင်းသုံရား ၀ပ်တလုံ့ ကျောင်းတွင် ဇန်န၀ါရီလ ၂၂ ရက်နေ့က စည်ကားသိုက်မြိုက်စွာကျင်းပပြုလုပ်ခဲ့သည်။

ပျံလွန်တော်မူချိန်တွင် ဆရာတော်သည် သက်တော် ၄၁ နှစ် ၀ါတော်၂၁ ၀ါ ရှိပြီဖြစ်ကြောင်း သိရသည်။ ဦးသုမင်္ဂလသည် ဇန်န၀ါရီလ ၁၃ ရက်နေ့ နံနက်ပိုင်းက သီတင်းသုံးဖော်ရဟန်းတော်များနှင့် အတူ စကားပြောနေရင်း ရုတ်တရက် သတိလစ်ကာ ပျံလွန်တော်မူသွားခြင်းဖြစ်၏။သူ့တွင် သွေးတိုးရောဂါရှိသည်ဟု သီတင်းသုံးဖော်များ ပြောပြချက်အရ သိရသည်။

ရောဂါ ဝေဒနာကို ကြာရှည်စွာ မခံစားရဘဲ ရုတ်တရက် ပျံလွန်တော်မူသွားခြင်းကြောင့်သီတင်းသုံးဖော်များအနေဖြင့် မယုံကြည်နိုင်လောက်အောင်ဖြစ်ခဲ့ရသည်ဟု ဆိုကြသည်။

ဦးသုမင်္ဂလသည် ရန်ကုန်မြို့ သာကေတမြို့နယ်ရွှေစာရံ ပရိယတ္တိ စာသင်တိုက်တွင် စာပေပို့ချခြင်းနှင့် တရားဓမ္မ ဟောပြောခြင်း စသော ဘာသာရေးသာသနာရေး ကိစ္စရပ်များကို ၁၅ ၀ါတိုင်တိုင် ထမ်းရွက်ခဲ့သူ ဖြစ်သည်။ ဆရာတော်နှင့် ပတ်သက်၍A S M A ၏ ဒုဥက္ကဌ ဖြစ်သူ ဦးကုဏ္ဍလက ယခုကဲ့သို့ မိန့်ကြားသည်။

´ဦးဇင်းတို့ နောင်တော်ကြီး ဦးသုမင်္ဂလဟာဘ၀ တလျှောက်လုံးမှာ သာသနာရေး ဘာသာရေးကို စိုက်လိုက်မတ်တတ် လုပ်လာခဲ့တာဖြစ်တယ်။ အခုလဲဒီထိုင်းနိုင်ငံကို လာပြီး ဘာသန္တရ ဗဟုသုတ နိုင်ငံတကာ ဗဟုသုတ ထပ်မံဖြည့်စွက်ဖို့ သက်တော်ရွယ်တော်ရလာပေမဲ့ ဇွဲမလျှော့ဘဲ တက္ကသိုလ်ပညာ ဆည်းပူးဖို့ လာရောက်ခဲ့တာပါ။ ကိုယ့်တိုင်းပြည်မှာဓမ္မာစရိယဘွဲ့ကို ရထားပြီးပေမဲ့ နိုင်ငံတကာ ဗဟုသုတတွေ ဘာသာရေးနဲ့ ဆိုင်တဲ့ ပညာဗဟုသုတတိုးပွါးစေဖို့ထိုင်းတက္ကသိုလ်မှာ ပညာလာသင်ရင်း အခုလို ပျံလွန်တော် မူသွားရတာဟာ အင်မတန် ၀မ်းနည်းစရာကောင်းလှပါတယ်´ ဟု ဦးကုဏ္ဍလမှ မိန့်ကြားသည်။

ဆရာတော်သည် ထိုင်းနိုင်ငံ အယုဒ္ဓယမြို့ရှိမဟာချူလာလောင်ကွန်း တက္ကသိုလ် B.A (ဗုဒ္ဓဘာသာ စာပေ) အတန်းတွင် ပညာဆည်းပူးရင်း ပျံလွန်တော်မူသွားခြင်းဖြစ်သည်။

ထို့ပြင် ဆရာတော်သည် လူမှုရေးကိစ္စများတွင်လည်းစိတ်ရော ကိုယ်ပါ တက်ကြွစွာ ပါဝင်ကူညီခဲ့သူဖြစ်ကြောင်း သိရသည်။ ဆရာတော်၏ အန္တိမ အဂ္ဂိဈာပနတွင် ထေရုပ္ပတ္တိကို ဖတ်ကြားသူ အရှင်မောနန္ဒက ´ဆရာတော်ဟာ ရခိုင်ပြည်နယ်မှာ ဂီရိမုန်တိုင်းတိုက်ခတ်တုန်းကဒုက္ခရောက်ခဲ့ကြရတဲ့ ပြည်သူတွေဆီကို ကိုယ်တိုင်သွားရောက်ပြီး ဒေသခံ ပြည်သူတွေအတွက် တာတမံဆည်ရာမှာပါဝင်ကူညီခဲ့တယ်။ အပင်ပန်းခံပြီး ဦးဇင်းတို့ကိုယ်စား မုန်တိုင်းဒဏ် ခံခဲ့ရတဲ့ ပြည်သူတွေဆီကိုသွားခဲ့တဲ့ ပုဂ္ဂိုလ်လည်းဖြစ်ပါတယ်´ ဟု ထည့်သွင်းပြောဆိုသွားခဲ့သည်။

ထိုင်းနိုင်ငံအတွင်းတွင် တက္ကသိုလ်ပညာသင်ကြားနေသော မြန်မာနိုင်ငံသား ရဟန်းတော်များမှာ ၁၅၀ ၀န်းကျင်ခန့်ရှိသည်။ ယင်းတို့အထဲတွင်ရခိုင် ရဟန်းတော် ၅၀ ၀န်းကျင်ရှိ၏။ ထို့ပြင် ၀ပ်တလုံ့ ဘုန်းတော်ကြီးကျောင်းတိုက်တွင်ဘင်္ဂလာဒေ့ရှ် နီပေါ မြန်မာ လာအို ဗီယက်နမ် ကမ္ဘောဒီးယား ထိုင်း နိုင်ငံများမှ တက္ကသိုလ်စာသင်သားရဟန်းတော် ၄၀၀ ကျော် သီတင်းသုံးနေကြောင်း သိရသည်။

ယင်းသို့ ပညာလာသင်နေကြသော မြန်မာရဟန်းတော်များထဲမှဆရာတော် ဦးသုမင်္ဂလမှာ ပထမဆုံး ပျံလွန်တော်မူသော ရဟန်းတော်ဖြစ်သည်။ ထို့ကြောင့် ဘန်ကောက်မဟာချိုင်ဒေသများရှိ စက်ရုံ အလုပ်ရုံများမှ နှစ်ထောင်ကျော်ခန့် လာရောက်ခဲ့ကြကြောင်းသိရသည်။

ဘုန်းကြီးပျံပွဲတွင် ပါဝင်လုပ်ဆောင်နေသူကိုအောင်မြင့်သိန်းက ´ဆရာတော်ရဲ့ ဘုန်းတန်ခိုးကြောင့်ထင်ပါတယ်။ လာလိုက်ကြတဲ့လူတွေ ဘုန်းကြီးကျောင်းဝင်းတခုလုံးပြည့်လျှံသွားတာပါဘဲ။ အစက အများဆုံး ရောက်ရင် လူလေးငါးရာလောက်ဘဲလို့ မှန်းခဲ့ကြတာ။ထောင်နဲ့ချီရောက်လာကြတော့ ဆွမ်းကွမ်းဝေယျာဝစ္စ စီစဉ်သူတွေ ရင်မောနေကြရတယ်။ လောက်အောင်မှကျွေးနိုင်ပါ့မလားလို့ပေါ့။ ဒါပေမဲ့ နောက်ဆုံး အားလုံး လောက်လောက်ငင ပြည့်ပြည့်စုံစုံဖြစ်သွားတာ ၀မ်းသာစရာပါ။ ဒါဟာ ဆရာတော်ရဲ့ ဘုန်းတန်ခိုးလည်းပါတယ်။ A S M A ရဲ့ ဘုန်းတန်ခိုးလည်းပါတယ်လို့ ပြောချင်ပါတယ်´ ဟု ဆိုသည်။

ဆရာတော်ကို ရခိုင်ပြည်နယ် တောင်ကုတ်မြို့နယ်ပေါက်အင်းကျေးရွာ၌ (၅. ၁၁.၁၉၇၁ ခုနှစ်) သောကြောနေ့တွင် အဖ ဦးမောင်တိုး မယ်တော် ဒေါ်အေးသွယ်တို့မှမွေးဖွါးခဲ့သည်။ မွေးချင်း ၆ ယောက်အနက် ပဉ္စမမြောက်သား ဖြစ်သည်။ ငယ်စဉ်ကတည်းက သာသနာ့ဘောင်သို့ဝင်ရောက်ခဲ့ပြီး ၁၉၉၁ ခုနှစ်တွင် ရဟန်းအဖြစ်သို့ တက်ရောက်ခဲ့ကြောင်း သိရသည်။

ပျံလွန်တော်မူချိန်တွင် A S M A ရဟန်းတော်များအဖွဲ့၏နာယကအဖြစ် ဆောင်ရွက်နေဆဲ ဖြစ်ကြောင်း သတင်းရရှိသည်။

ဘဝနတ်ထံ ပျံလွန်တော်မူခြင်း

2012-01-13T22:16:00.001-08:00

ရခိုင်ပြည်နယ်၊ တောင်ကုတ်မြို့နယ်၊ ပေါက်အင်းကျေးရွာ၊ ခမည်းတော် ဦးမောင်တိုး၊ မယ်တော် ဒေါ်အေးသွယ်တို၏ သား၊ သက်တော် ၄၁-နှစ်၊ သိက္ခာတော်၂၁-ဝါ ရှိ၊ ဦးသုမင်္ဂလ (ဓမ္မာစရိယ-ရွှေစာရံပရိယတ္တိစာသင်တိုက် -စာချဆရာတော်) သည်၊ ထိုင်းနိုင်ငံ ဘန်ကောက်မြို့၊ ချလန် ၁၃ လမ်းရှိ၊ ဝပ်တလုမ်ကျောင်းတိုက်တွင် သီိတင်းသုံး နေထိုင်တော်မူရင်း၊ ၁၃-၁-၂၀၁၂ သောကြာနေ့ နံနက် ၁၀း နာရီ ခန့်တွင် ရုတ်တရက် သတိလစ်ကာ၊ ဖိကစင် အမှတ် (၂) ဆေးရုံသို့ တက်ရောက် ကုသခဲ့သော်လည်း၊ အနိစ္စတရားကို မလွန်ဆန်နိုင်ပါသဖြင့်၊ ၁၃-၁-၂၀၁၂ သောကြာနေ့ နံနက် ၁၁ နာရီ အချိန်တွင် ဘဝနတ်ထံ ပျံလွန်တော်မူသွားပါသောကြောင့် ကြွင်းကျန် ရစ်သော ဥတုဇရုပ်ကလာပ်တော်ကို၊ သာဓုကီဠန သဘင်ဆင်ယင် ကျင်းပပြုလုပ်မည် ဖြစ်ပါသောကြောင့်၊ အောက်ပါ အစီအစဉ်အတိုင်း တရားတော်နာ ကြွရောက်ကြပါရန် ဖိတ်ကြား အပ်ပါသည်။

နေ့ရက်။      ၂၂-၁-၂၀၁၂ တနင်္ဂနွေ နေ့။
နေရာ။    ဝပ်တလုမ်ကျောင်းတိုက်၊ ချလန် ၁၃ လမ်း၊ ဘန်ခေဈေးအနီး၊ ဘန်ကောက်၊။
ဧည့်ခံကျွေးမွေးချိန   နံနက် ၉ နာရီမှ၊ နေ့လည် ၁၂- နာရီထိ။တရားနာချိန်။ နေ့လည် ၁ -နာရီ။မီးသင်္ဂြိုလ်ချိန်။    နေ့လည် ၃ - နာရီ။
ဆက်သွယ်ရန် ‚ ဦးသုဝဏ္ဏ- ၀၈၁ ၄၁၂ ၅၈၂၀
ဦးပညာသာရဗောဓိ-၀၈၇ ၅၁၁ ၁၂၇၅
ဦးဥာဏဓဇ- ၀၈၂ ၃၄၀ ၈၂၈၅
ဦးဂန္ဓသာရ-၀၈၉ ၆၃၆ ၅၂၃၈
ဦးကုဏ္ဍလ- ၀၈၅ ၁၂၃ ၅၀၅၄
ဦးဋ္ဌေးဝင်း( အေဒီတာ)-၀၈၆ ၉၃၆ ၈၇၂၁
ကိုအချိုင်-၀၈၁ ၆၂၅ ၅၄၆၃
ဦးအံ့မောင်-၀၈၁ ၀၁၀ ၂၉၄၂
အောင်မြင့်သိန်း-၀၈၅ ၁၂၉ ၉၁၅၃
ကိုစောအောင်-၀၉၀ ၀၁၄ ၄၄၁၉
ကိုတင်ထွန်း- ၀၈၁ ၆၅၁ ၉၂၂၅

သံဃာ့ဂိုဏ်း မသင့်စေဖို့ 

2011-12-06T18:43:00.001-08:00

မိမိသည် နိုင်ငံရေး ဘုန်းကြီးလည်း မဟုတ်ပါ နိုင်ငံရေး ပိုစ့်များလည်း မရေးပါ သို့ သော် ရေးချိန်တန်လာသောကြောင့် ရေးလိုက်ပါသည် "အမရပူရ မဟာဂန္ဓာရုံဆရာတော် အရှင်ဇနကာဘိဝံသ"သံဃာတော်များအတွက် ပရိယတ္တိသာသနာနှင့်ဆိုင်သော ကျမ်းစာအားလုံးရေးသားတော်မူခဲ့သည် ။ သုတ္တန်ဘာသာ ဋီကာ တအုပ်သာ ရေးဖို့ ကျန်ခဲ့သည်ရုပ်ပုံ ရှင်ကျင့်ဝတ်မှ စ၍ အခြေပြုသဒ္ဒါ နာမ်ဂိုဏ်းစဉ် အာချာတ်ဂိုဏ်းစဉ် မှသည်အဆင့်မြင့်မားလွန်းသော စာပေများ သံဃာထု အားလုံး အသုံးပြုကြရသည်လူများအတွက် ရတနာဂုဏ်ရည် ကိုယ်ကျင့်အဘိဓမ္မာ မှသည် အဆင့်မြင့် ပုဂ္ဂိုလ်ဖြစ်နိုင်သည့်အထိ ကျမ်းစာပေါင်း များစွာ ရေးသားတော်မူသည် သာသနာတော်ဝယ် နေလိုလလို ထွန်းထောက်တော်မူခဲ့၍ ၂၁ ရာစု ဗုဒ္ဓဃောသ ဟုပင် နာမည်တွင်ခဲ့ နာမည်တင်နေဆဲဖြစ်သော ဆရာတော်ဖြစ်ပါသည်။"တိပိဋကဓရ ဆရာတော် အရှင်သုမင်္ဂလာလင်္ကာရ"အမရပူရ မဟာဂန္ဓာရုံဆရာတော်၏ တပည့်အရင်း တပါးဖြစ်တော်မူသည်။ သက်တော် ၂၇ သိက္ခာ ၀ါတော် ၇ ၀ါမျှဖြင့် တိပိဋကဓရ ဖြစ်တော်မူခဲ့၍တိပိဋကဓရ ဖြစ်သည်နှစ်တွင် ရန်ကုန်မြို့  ကမ္ဘာအေး မဟာဂန္ဓာရုံ ကျောင်းတိုက်ကိုတည်ထောင်တော်မူသည်တစ်ကြိမ်ပို့ ချလျှင် တစ်နာရီခွဲ ဖြင့် တစ်နေ့ လျှင် စာဝါ ၇ ၀ါ ၈ ၀ါမျှပို့ ချတော်မူခဲ့သည် ၁၉၉၃ ၁၃၅၂ ခု နှစ် မန္တလေးမြို့တွင် သံဃာတော်များကို စစ်တပ်မှ ပစ်ခတ်၍ မန္တလေးသံဃာထုမှ ဗိုလ်ချုပ်မှုးကြီးစောမောင် ဦးဆောင်သော န၀တ အစိုးရအားသပိတ်မှောက် သံဃာကံပြုတော်မူကြသည်။ သာသနာအတွက် အသက်စွန့် လှူထားတော်မူသော တိပိဋကဓရ ဆရာတော်သည် သပိတ်မှောက်ကံဆောင်သော သတင်းကို ကြားသောအခါ မိမိတပည့်များအားသြ၀ါဒပေးတော်မူသည် သံဃာဆိုတာ ညီညွတ်ရသည် .. သံဃာအဆက်ဆက် ညီညွတ်ခဲ့၍ ယနေ့ တိုင်အောင် သာသနာတော်တည်နေခြင်းဖြစ်သည် မန္တလေးသံဃာက အစိုးရကို သပိတ်မှောက် ကံဆောင်၍ ရန်ကုန်သံဃာက သပိတ်မမှောက်ခဲ့သော် သံဃာညီညွတ်ရေး ပျက်ပြားလိမ့်မည် သံဃာညီညွတ်ရေးကို ရှေးရှု၍ သာသနာအတွက် တာဝန်ကျေရမည်ဟု မိန်တော်မူသည်အင်းစိန်ရွာမ တိုက်အုပ်ဆရာတော် ။ ရွှေဘုန်းပွင့်ဆရာတော် ။ ကျောက်ကုန်းမေဒိနီ ဆရာတော်စသော ထင်ရှားသောဆရာတော်များကို ပင့်ဖိတ်၍ ဆရာတော်က ဥက္ကဌ ။ အင်းစိန်ရွာမ တိုက်အုပ်ဆရာတော်က အတွင်းရေးမှုး တာဝန်ယူကာ စစ်အစိုရအား သပိတ်မှောက်ကံပြုကြောင်း လက်မှတ်ရေးထိုး ပေးပို့ ခဲ့သည် တပည့် စာချဘုန်းတော်ကြီးများကို စေလွှတ်၍ ၆ ထပ်ကြီး ဘုရားတွင် အစိုးရအား သပိတ်မှောက်ကံ ပြုစေတော်မူသည် ဒီသံဃာ သပိတ်မှောက်လျှင် ကိုးကွယ်စရာ သံဃာများစွာရှိသည်ဟု သဘောထားသော စစ်အစိုးရသည် ထိုသို့  သပိတ်မှောက်ကံပြုခံရသည်ကို အစပိုင်းတွင် မမှုခဲ့ပါ နိုင်ငံတော် လမ်းဖွင့်ပွဲစသော ပွဲလမ်းများတွင် သံဃာများကိုပင့်သည် ။ မက်မောလောက်အောင် TV အောက်စက်မှ အစ လှူသည် .. သို့ သော် ငယ်ဖြူသံဃာများ ကြွရောက်တော်မမူကြ တောထွက်သံဃာများသာ ကြွရောက်တော်မူကြသည် အစိုးရပြုလုပ်သော သံဃာ့ အခန်းအနားများတွင် သံဃာ့ထိုင်ခုံနေရာများစွာ လွပ်လပ်နေသည် ထို့ ထက်ဆိုးသည်ကား စစ်တပ် မိသားစုဝင်များ ကွန်လွန်သော် အသုဘသို့ ကြွရောက်ခါ ရစက်ချ သရဏဂုံတင်ပေးမည့် သံဃာတော်မရှိဖြစ်ရသည် မိမိတို့  တိပိဋက မဟာဂန္ဓာရုံကျောင်းသည် ချောတွင်းကုန်း ကပစ ၁၀၆ စစ်တပ်နှင့် နီး၍ ထိုသတင်းများကို သိခဲ့ရသည် မိသားစုဝင်သေလို့ မှ အသုဘ ရေစက်ချ သရဏဂုံတင်ပေးမည့် ဘုန်းကြီးမရှိသော် မျက်ရည်ကျကြရသော အောက်ခြေ စစ်တပ်မိသားစုနှင့် အထက်အရာရှိများမှ တဆင့် ထိပ်ပိုင်းခေါင်းဆောင်များ ပြဿနာ တက်ရတော့မည့်အခြေအနေတွင် န၀တ အစိုးရမှ အမိန့် ထုတ်သည်။သပိတ်လှန်မပေးလျှင် ပြင်းထန်စွာအရေးယူမည်ဟု ဆရာတော့်ထံ စာပို့ သည မြန်မာ့အသံမှ တနာရီခြားတစ်ခါ ထိုအမိန့် ကို အသံလွှင့်သည် အမိန့် ကြေငြာစာ ထုတ်လွှင့်ပြီးချိန်အတွင်း စစ်ချီတေး စစ်သည်တေးများ အဆက်မပြတ်ထုတ်လွှင့်ခဲ့သည် ဆရာတော်က သပိတ်လှန်လက်မှတ်ထိုးမပေးလိုသော်လည်း အစိုးရအကြောင်းကို ဆရာတော်၏ ဆရာ မန္တလေး မဟာဝိသုဒ္ဓါရုံတိုက် သံတော်ဆင့် ဆရာတော်မှ ဖျောင်းဖျပြောဆို လက်မှတ်ထိုးစေတော်မူသည် ဆရာ့စကားကို မပယ်ရှားလို၍ သပိတ်လှန်ကြောင်း လက်မှတ်ထိုးပေးခဲ့ရသည် ထိုညက မှတ်မှတ်ရရ မိုးကြိုး ၁၂ ကြိမ်ကျော်မျှ ပစ်သံကြားရသည် န၀တ အစိုးရ သတ်မှတ်ချိန် အတိုင်မီ သပိတ်လှန်လက်မှတ် ထိုးပေးခဲ့သော်လည်း စစ်အစိုးရမှ အာဃာတတရား ကြီးမားစွာဖြင့် လက်မှတ်ထိုးပြီး နောက်တစ်နေ့  သံဃာတော်များ ဆွမ်းခံကြွတော်မူကြချိန် ဆရာတော်အား ဖမ်းခေါ်သွားကြသည်။ဆရာတော် ဘယ်ဆီဘယ်ဝယ်သို့ ရောက်သည်ဟု သတင်မကြား တလလောက်ကြာမှ မြစ်ကြီးနားထောင်သို့ ပိုဆောင်ခံရကြောင်း သိကြရသည် မြစ်ကြီးနားထောင်မပို့ ခင် စစ်ခုံရုံးသို့ ပိုသည် .. ဆရာတော်အား စစ်ဆေးမည့် ဗိုလ်မှုးကြီးအား အခြားဗိုလ်မှုးတစ်ဦးမှ မင်းစစ်ဆေးရမဲ့သူက တခြားသူမဟုတ်ဘူး တိပိဋကဓရ ဆရာတော်ဖြစ်သည်ဟု ပြောဆိုပြီး စာရေးဆရာ ကုသလဗုဒ္ဓိ ကောင်းကြွယ်ရေးသားသော တိပိဋကဓရ ဆရာတော်ကြီးငါးပါး စာအုပ်ကိုပေးခဲ့သည် ထို စစ်ဆေးရန်တာဝန်ကျ ဗိုလ်မှုးကြီးလည်း ထိုတာဝန်ကို ရှောင်လွှဲခဲ့သည် ထိုခေတ်ထိုအခါက သတင်းစာများတွင် ဘယ်ရဟန်းသည် ဘယ်နေရာမှာ အရက်မူးနေသည် ဘယ်မိန်ကလေးကို ဆွဲလားရမ်းလားလုပ်သည်ဟု သတင်းစာများတွင် ဓာတ်ပုံများဖြင့် သတင်းများစွာ လွှင့်ခဲ့သည် ဗိုလ်ချုပ်မှုးကြီးစောမောင် မြစ်ကြီးနားဘက်သို့  ခရီးစဉ်ထွက်သောအခါ တိပိဋကဓရ ဆရာတော်ဖြစ်လျှက် နိုင်ငံရေးလုပ်သော ဘုန်းကြီးများလည်းရှိဟု သတင်းစာတွင် 8 point စာလုံးမဲကြီးများဖြင့် ရေးသားခဲ့သည်ကို သတိထား သတိရ သူများ ရှာဖွေကြပါကုန် တိပိဋကဓရ ဆရာတော်သည် သံဃာညီညွတ်ရေး နှင့် သာသနာ့အရေးကိုသာ ကြည့်၍ န၀တ အစိုးရအား သပိတ်မှောက်ကံပြုခဲ့ခြင်းသာ ဖြစ်သည် နိုင်ငံရေးလုပ်သော ဘုန်းကြီးလည်း မဟုတ်ပါ ၂၀၀၇ စက်တင်ဘာတွင် လမ်းပေါ်ထွက်၍ မေတ္တာပို့ ကြသော သံဃာတော်များမှာ အစိုးရမှ ယာယီ သင်္ကန်းပတ်ပေးသော အတုအယောင်များမှလွဲ၍ စာသင်သား သံဃာတော် အစစ်အမှန်များသာဖြစ်သည် ယာယီ အတုအယောင်များသည်လည်း မိဘ ဆွေမျိုး အသက်စည်းစိမ် အိုးအိမ်ကို ကြောက်လန့်၍သာ လုပ်ကြရသည်ဟု ယူဆမိသည်။"သီလကြီးလေးပါး လုံခြုံလျှင် သီလကြီးလေးပါးလုံခြုံလျှင် သံဃာစစ် သံဃာမှန်သာ ဖြစ်သည် သံဃာဟူသည် ဘယ်ခေတ် ဘယ်အခါကမှ အတုအယောင် မရှိခဲ့ပါပေ သံဃာတော် အဆက်ဆက်သည် ဒကာ ဒကာမ တို့ အပေါ်ဝယ် တာဝန်ကျေခဲ့ကြသည်ချည်းဖြစ်သည် ကိုယ်တိုင် ပရိယတ် ပဋိပတ် သာသနာ့တာဝန်များ ကျေပွန်တော်မူကြရုံသာ မက ဒကာ ဒကာမတို့ အား သံသရာဝယ် အထက်တန်း ဘ၀များသို့ တိုင်အောင် တဆင့်တက်၍ နိဗ္ဗာန်တိုင်အောင် ပို့ ဆောင်ပေးတော်မူကြသည် သတ္တိ ဗျတ္တိရှိ၍ ထက်မြက်သော .. အတိုက်အခံ လုပ်သည်ဟု အစိုးရမှ ယူဆသော သံဃာတော်များမှာ အကြောင်းတစ်မျိုးမျိုးဖြင့် ဖိနှိပ်၍ လူဝတ်လဲ ခံခဲ့ရသည်ချည်းဖြစ်သည် ဟိုးယခင် ခေတ်အခါက သာသနာတော်သန့် ရှင်းရေး အမည်တပ်လျက် ထူးကြီးဆရတော် ။ ဦးစံတင့် စတုနိကာယကောဝိဒ စသော ပုဂ္ဂိုလ်များ လူဝတ်လဲခံခဲ့ရသည်ကို ကြည့်လျှင် သိနိုင်ပေသည် ။ နိုင်ငံတော် သံဃာ့မဟာနာယက ဆရာတော်ကြီးများသည်လည်း ထိုအကြောင်းကို သိ၍ ထိုသို့ ပြုလုပ်ခံခဲ့ရလျှင် သက်တော် ရွယ်တော်နှင့် မိမိတို့ ကိုယ်ကျင့်သိက္ခာကို ငဲ့ကွက်တော်မူကြရသောကြောင့် ရေငုံ နှုတ်ပိတ်သာ နေတော်မူကြရကုန်သည် ။ ယခု အခါ သံဃာတု သံဃာယောင်ဟူသော စကားလုံးများ ကျယ်လောင်စွာ သုံးလာကြသည် မြန်မာနိုင်ငံဝယ် သံဃာဦးရေ အရမ်းများနေသည် သံဃာအတွက် ခေါင်းခဲရ၍ နောင်တချိန် သာသနာတော် သန့် ရှင်းရေး အမည်ပေးကာ နှိပ်ကွက်ဖို့  အစပျိုးခြင်းလားဟု ထင်မိပါသည်။"အထူးသတိပေးချက်" သံဃာတော်များ ညီညွတ်တော်မူကြသည်မှာ ဘုရားရှင်၏ ၀ိနည်း ဥပဒေတော် ပယ်နှုတ်စရာ ပြင်ဆင်စရာ ရှိသည်ဟု ပြောစရာ မလိုလောက်အောင် ဥပဒေတိကျမှန်ကန်ခဲ့၍ ဖြစ်သည် အကယ်၍များ မြန်မာနိုင်ငံသည် မှန်ကန်၍ အများလက်ခံသော စစ်မှန်သော ဥပဒေပေါ်ပေါက်လာပါက စီးပွါးရေး ခိုင်မာဖွံ့ ဖြိုးလာပေမည် ထိုအခါ သာသနာဘောင်ဝယ် အချောင်နေသည်ဟု ယူဆသူတို့ က ယူဆနေကြသော သံဃာတော်များလည်း ယခုလောက် များတော့မည် မဟုတ် ဥပဒေ မှန်ကန်ဖို့ နှင့် နိုင်ငံတော် ဖွံ့ ဖြိုးတိုးတက်ဖို့ သာ လိုပေသည် တာဝန်ကိုယ်စီ ကျေပွန်ကြဖို့  အရေးကြီးသည် ။ ဘုရားလောင်း ဆဒ္ဒန်ဆင်မင်းသည် သောနုတ္ထိုရ် မုဆိုးအား အသေသတ်နိုင်ပါသော်လည်း မုဆိုးခြုံထားသော သင်္ကန်းကို မြင်ရသောအခါ ဘုရား ပစ္စေက ဗုဒ္ဓါတို့ ၏ အသုံးအဆောင်ကို ငါ့အားလာပြပေသည် ဒီလို အ၀တ်မျိုး ဘ၀သံသရာတွင် တွေ့ ကြုံရဖို့  အလွန်ခဲယဉ်းသည် ငါသည်လည်း ပါရမီဖြည့်နေသော ယောင်္ကျားကောင်း ယောင်္ကျားမြတ်ဖြစ်သည် သူ့ အသက်ကို မသေစေကောင်းဟု သာကြည်စွာ လွှတ်ပေးရုံမက ဆင်စွယ် တစ်စုံ ..။ မုဆိုးအတွက် ၇ရက်အတွင်း ပြည်တော်ပြန်ရောက်စေရန် ပရိတ်အရံအတားများ ဖြင့် ချီးမြှောက်တော်မူခဲ့သည်သြကာသပင်ဖြောင့်အောင် မရသော တချို့ သော လူတန်းစားများသည် သာသနာတော်၏ ဂုဏ်ကျေးဇူး သံဃာတော်တို့ ၏ ဂုဏ်ကျေးဇူးဆိုသည်ကို သိဖို့  အင်မတန်မှ ခက်ခဲလေသည် ။ မိမိဘ၀ကို မိမိမတူးဖြိုမှီ အသိနောက်မကျသေးခင် မပြစ်မှားသင့်သော သူများအား မပြစ်မှား မိစေဖို့  စေတနာဖြင့်ရေးသားရပါသည် သာသနာတော်အတွက် အန္တရာယ် ကျရောက်မည့် အခါတိုင်း သံဃာတော်သည် ကြောင့်ကြမဲ့ နေတော်မမူကြပါပေ မိမိရေးသားသောစာသည် မည်သူ့ ပုဂ္ဂိုလ် အဖွဲ့ အစည်းကိုမျှ ရည်ရွယ်၍ရေးသားသည် မဟုတ်ပါ နိုင်ငံရေးဆိုသည်ကိုလည်း စိတ်မ၀င်းစား .. မပျက်စီးသင့်သောသူများ ဘ၀သံသရာ မပျက်စီးစေဖို့  သံဃာ့ဂိုဏ်း မသင့်စေဖို့  မိမိကိုယ်ကိုယ် မိမိပြန်လည်၍ တူးဖြိုဖျက်ဆီးသူများ မဖြစ်စေဖို့  သာသနာအရှည်ခံ့၍ တည်တံ့စေဖို့ သာ ရည်ရွယ်ပါသည် သစ္စာစကား မှန်ကန်ပါက အမိမြန်ပြည် အေးချမ်းသာယာ၍ သာသနာတော်သည် နေလို လလို ထွန်းလင်းတောက်ပပါစေသတည်း ။ အမြဲတမ်း ဘေးမသန်းပဲအေးချမ်းသာယာ သံသရာဝယ် ချမ်းသာပျော်ရွှင်စွာ ဘ၀ခရီးကိုဖြတ် နိဗ္ဗာန်အထိ တက်လှမ်းနိုင်ကြပါစေ ။ မှတ်ချက်။ ။ ကိုယ်ပိုင် ဆောင်းပါ မဟုတ်၊ မေးလ်မှတစ်ဆင့် ရလာသော ဆောင်းပါးအား သဘောကျ၍ ပြန်လည် တင်ပြလိုက်သည်။

ပြည်သူချစ်သော ထိုင်းဘုရင်မင်းမြတ် ဘူမိဘောအဒူလျာဒက်(ဒ်)၏ ၈၄-နစ်ပြည့် မွေးနေ့။

2011-12-05T07:08:00.001-08:00

ထိုင်းဘုရင်မင်းမြတ် ဘူမိဘောအဒူလျာဒက်(ဒ်)သည် ထိုင်းနိုင်ငံတွင် ၁၇၈၂ ခုနစ်မှ စတင်၍စိုးစံလာသော ချက်ကရီမင်းဆက်အနွယ်တော်မှ ဆင်းသက်လာခဲ့သော နဝမမြောက် ရာမဘုရင် ဖြစ်သည်။ဘုရင်ဘူမိဘောအဒူလျာဒက်(ဒ်)သည် ဆောင်းကုလားမင်းသား မဟီဒိုး (Prince Mahidol of Sonkhla) နှင့် မင်းသမီး ဆိုင်းဝန် မဟီဒိုး (Mon Sangwalya Mahidol) တို့၏ သားထွေးဖြစ်သည်။ ၁၉၂၇ ခု၊ ဒီဇင်ဘာလ ၅ ရက်နေ့တွင် အမေရိကန်ပြည်ထောင်စု မက်ဆာချူးဆက်ပြည်နယ် ကိန်းဗရစ်မြို့တွင် ဖွားမြင်ခဲ့သည်။ သူ၏ အစ်မတော်မှာ မင်းသမီး ဂါလာယာနီဗာဓာန (H.R.H. Princess Galayani Vadhana) နှင့် နောင်တော်မှာ အဋ္ဌမမြောက် ရာမဘုရင်ဘွဲ့ခံ အနန္ဒမဟီဒိုး (H.M.King Ananda Mahidol Rama VIII) တို့ ဖြစ်ကြသည်။ မင်းသားအား ဖွားသန့်စင်စဉ်က ဘုရင်ဘူမိဘောအဒူလျာဒက်(ဒ်)၏ ခမည်းတော် ဆောင်းကုလား မင်းသားသည် အမေရိကန်ပြည်ထောင်စုရှိ ဟားဗတ်တက္ကသိုလ်၌ ပညာသင်ကြားလျှက်ရှိနေချိန်ဖြစ်သည်။ထို့နောက် ဘုရင်ဘူမိဘောအဒူလျာဒက်(ဒ်)သည် ထိုင်းနိုင်ငံ ဘန်ကောက်မြို့နှင့် ဆွစ်ဇာလန်နိုင်ငံ လော့ဆိန်းမြို့တွင် ပညာသင်ကြားခဲ့သည်။ နောင်တော်ဘုရင် အနန္ဒမဟီဒိုး ရုတ်တရက်နတ်ရွာစံသောအခါ ဘုရင်ဘူမိဘောအဒူလျာဒက်(ဒ်)သည် နောင်တော်၏ အရိုက်အရာကို ၁၉၄၆ ခု၊ ဇွန်လ ၉ ရက်နေ့တွင် ဆက်ခံတော်မူ၍ ယနေ့တိုင် ထိုင်းနိုင်ငံထီးနန်း၌ စိုးစံလျှက်ရှိသည်။ဘုရင်ဘူမိဘောအဒူလျာဒက်(ဒ်)သည် (၁၉၅၀ ပြည့်နစ်၊ ဧပြီလ ၂၈ ရက်နေ့တွင်) ထိုင်းမင်းသားကြီး ချန်ဒရာမူရီဆူနတ်၏ သမီးတော်ဖြစ်သူ သီရိခေတ် (Mon Rajawongse Sirikit Kiktiyakara) မင်းသမီးနှင့် ၁၉၅၀ ပြည့်နှစ်၊ ဧပြီလ ၂၈ ရက်နေ့တွင် စုလျားရစ်ပတ် လက်ထပ်ထိမ်းမြားခဲ့သည်။သီရိခေတ်ကို ဆွစ်ဇာလန် နိုင်ငံတွင် ပညာသင်ကြားနေစဉ်ကပင် တွေ့မြင်ရင်းနှီးမေတ္တာမျှခဲ့ခြင်းဖြစ်သည်။ သီရီခေတ်သည် နုပျိုစဉ်အခါက ကမ္ဘာတစ်ခွင်တွင် အချောအလှဆုံး အမျိုးသမီးများတွင် တစ်ဦးအပါအဝင်အဖြစ် ထင်ပေါ်ကျော်ကြားခဲ့သည်။ စုလျှားရစ်ပတ်ပြီးနောက် ထိုနစ် မေလ ၅ ရက်နေ့၌ပင် ရာဇာဘိသေက အခန်းအနားကို ကြီးကျယ်စွာဆင်ယင် ကျင်းပပြီးဘိသိက်ခံခဲ့သည်။ထိုင်းဘုရင် ဘူမိဘောအဒူလျာဒက်(ဒ်)သည် ရွှေနန်းပြာသာဒ်တွင် အငြိမ့်သား ဇိမ်ခံ၍ နေနိုင်သူဖြစ်သည်။ ပုံပြင်ဆန်သော နန်းပြသာဒ်များကို သူ ပိုင်ဆိုင်သည်။ သို့သော် ဘုရင်းတစ်ပါးပင်ဖြစ်သော်ငြား ပြည်သူအကြားသို့ဝင်၍ ပြည့်သူ့ဝန်ကို ထမ်းရွက်နေသူဖြစ်သည်။ဘုရင်ဘူမိဘောသည်ကား ဆက်ဦးဆံပိုင်ဘုရင်တစ်ပါးမဟုတ်ပေ၊ ထို့ပြင် [အင်နာခင်နှင့် ယိုးဒယား(ထိုင်း) ဘုရင်] ဝတ္ထုထည့်ကလို ဒေါသ မာန်မာနကြီးမား၍ အာဏာစက်ပြင်းလှသော သူ၏ ဘိုးတော်လို ဘုရင်ကြီးလည်းမဟုတ်ပေ။ ဘူမိဘောသည် ငယ်စဉ်ကတည်းက အရှက်အကြောက်ကြီးသူ ဖြစ်သည်။ စိတ်ကောင်း နှလုံးကောင်းရှိသည်၊ အမူအရာခက်ထန်မောက်ကြွားမှုကင်းသည်။ မည်သူ့ကိုမဆို ကူညီရိုင်းပင်းလိုသော လူမှူဝန်ထမ်းစိတ်ရှိ အပြည့်ရှိသည်။ သည်စိတ်ဓာတ်များကြောင့်ပင် သူသည် ရွှေအိမ်နန်း နှင့် ကြငှန်းစံသောဘဝမှနေ၍ မြေကြီးပေါ်သို့ဆင်းကာ ဗျိုက်တော်နှင့် ရွှံ့ညွန်အကြား ခြေစုံပင်ကွဲစေဦးတော့ တိုင်းပြည်နှင့်လူမျိုးအကျိုးရှိမည့် အလုပ်မှန်သမျှ အားမာန်အပြည့်နှင့် တစိုက်မတ်မတ် အမျှင်မပြတ် သယ်ပိုးခဲ့သည်။လယ်သမားများနှင့် အသိချင်းဖလှယ်ခဲ့သည်။ ဘူမိဘောတိုင်းခန်းလှည့်လည်ရာ၌ သူ့နောက်ပါးတွင် အစိုးရအရာရှိများနှင့် ဆောက်လုပ်ရေး အင်ဂျင်နီယာများလည်းပါသည်။ အထူကုဆရာဝန်များနှင့် သွားအထူးကု ဆရာဝန်များလည်းပါသည်။ ဆရာဝန်များနှင့် ကျန်းမာရေးဝန်ထန်းများက ဒေသခံဆေးရုံများနှင့် ပူးပေင်း၍ အခမဲ့ ကုသပေးသည်။ယနေ့ထိုင်းနိုင်ငံသည် အာရှတိုက်တွင် ထွန်းသစ်စ စက်မှူနိုင်ငံဘဝသို့ရောက်ရှိနေပြီဖြစ်သည်။ သို့ပင်ဖြစ်သော်ငြားလည်း လယ်ယာလုပ်ငန်းသည်သာ ထိုင်းနိုင်ငံ၏ အဓိကစီးပွားရေးကျောရိုးဖြစ်သည်ဟု ဘူမိဘောက လက်ခံထားသည်။ကျေးလက်တောရွာများနှင့် တောင်ပေါ်ဒေသများ နယ်စပ်ဒေသများတွင် ဆင်းရဲမွေးတေမှူနှင့် လူမှူပြဿနာရှိနေသမျှ တိုင်းပြည် မတည်ငြိမ်နိုင်ကြောင်း ဘုရင်ဘူမိဘော ကောင်းကောင်း သိသည်။ထို့ကြောင့်ပင်လျှင် သူ့လုပ်ဆောင်ချက်များကို ဘူမိဘောဘုရင်က (ကြိုတင်ကာကွယ်ရေးဆေးဝါး) ဟုတင်စားခဲ့သည်။ ပြည့်သူ့အတွက် ချက်ချင်းဆောင်ရွက်‘‘ ဆိုသည်မှာလည်း ဘုရင်ဘူမိဘော၏ လက်တွေ့  ကျင့်သုံးလျှက်ရှိသည့် ဆောင်ပုဒ်တစ်ခုဖြစ်သည်။သို့ကလို ပြည်သူ့အကျိုးကို နေ့မအား ညမနား ဆောက်ရွက် ပေးလျက်ရှိသောကြောင့် ထိုင်းဘုရင်မင်းမြတ်သည် ထိုင်းနိုင်ငံ တိုင်းသူပြည်သားများ၏ စည်းလုံးညီညွတ်ရေး အထိန်းအမှတ်အဖြစ်ဖြင့် ရပ်တည်နိုင်ခဲ့သည်။ ယခုအခါ ဘုရင်ဘူမိဘော၏ နန်းသက်မှာ နစ်ပေါင်း ၅၀ ကျော်ခဲ့ပြီဖြစ်သည်။ ဘူမိဘောနန်းသက်တစ်လျှောက်၌ ကမောက်ကမ ဖြစ်မှူများ အတောမသတ်နိုင်အောင် ကြုံတွေ့ခဲ့ရသည်။စစ်တပ်မှ အာဏာသိမ်းပိုက်မှူ ၁၉ ကြိမ်၊ ဖွဲ့စည်းအုပ်ချုပ်ပုံဥပဒေသစ် ပျင်ဆင်ရေးအဖွဲ့မှ ၁၀ ကြိမ်နှင့် အကြိမ်ပေါင်း မရေတွက်နိုင်သော ကက်ဘိနက်အစိုးရဝန်ကြီးအဖွဲ့ ပြောင်းလဲဖွဲ့စည်းမှူများကို တွေ့ကြုံဖြတ်သန်း ခဲ့ရသည်။ဘုရင်ဘူမိဘောသည် လုပ်ပိုင်ခွင့်အာဏာ ကန့်သတ်ခံထားရသော စည်းမျဉ်းခံဘုရင်တစ်ပါးဖြစ်သည်။ သို့ရာတွင် သူကား ပြည့်သူချစ်သော ဘုရင်တစ်ပါးဖြစ်သည်။ ပြည်သူကိုအလုပ်အကြွေးပြုသော မင်းတစ်ပါးသာ ဖြစ်သည်။ သူ၏ကိုယ်ရေကိုယ်သွေး စွမ်းပကားကား ကြီးမားလှသည်။သူ၏တည်ဆောက်ရေး လုပ်ငန်းများသည် ထိရောက်အောင်မြင်သော လုပ်ဆောင်မှူများဖြစ်ခဲ့သည်။ ထိုင်းစစ်တပ်ကလည်း အစိုးရတွေ တစ်ဖွဲ့ပြီး တစ်ဖွဲ့ သာ ဖြုတ်ချခဲ့သည် ဘုရင်ဘူုမိဘောကိုမူ သစ္စာရှိကြသည်။ အာဏာရယူရေးကိစ္စများတွင် ဘုရင်ဘူမိဘောသည် မည့်သူ့ဖက်မျှမပါဝင်ပဲ သိက္ခာသမာဓိနှင့်နေခဲ့သည်။ ကျောသားရင်သား မခွဲခြားပဲ တရားနည်းလမ်းကျစွာ အဆုံး အဖြတ်ပေးသည်။ဘူမိဘောသည် ထိုင်းဘုရင်တစ်ပါးဖြစ်သော်လည်း သူ၏နိုင်ငံတွင် ဒီမိုကရေဆီအပြည့်အဝ ပေါ်ထွန်း ရေးကို ဦးတည်သော လုပ်ဆောင်ချက်များကိုသာ လိုလားနစ်သက်သူဖြစ်သည်။ ထိုင်း ဘုရင်ဘူမိဘော၏ ပုဂ္ဂိုလ်ရေး အာဏာသည် သူ၏ နန်းသက်တစ်လျှောက်တွင် ကြာလေခိုင်မြဲလေ ဖြစ်သည်။ ထိုင်းနိုင်ငံသမိုင်းတွင် ဘူမိဘောအဒူလျာဒက်(ဒ်)သည် နန်းသက်အရှည်ကြာဆုံး မင်းတစ်ပါးအဖြစ် သမိုင်းမှတ်တိုင်စိုက်ထူခဲ့လေပြီ။ဘုရင်ဘူမိဘောသည် မရည်ရွယ်ပဲ စော်ကဲမင်းဖြစ်ဆိုသလို နောင်တော် အနန္ဒမဟီဒိုးမှာ သူ၏ အိပ်ခန်းဆောင်၌ သေနပ်ဒါဏ်ရာဖြင့် ထူးဆန်းစွာလုပ်ကြံသတ်ဖြတ်ခြင်း ခံရပြီးနောက် နောင်တော်၏ ထီးနန်းအရိုက်အရာကို ညီတော်ဖြစ်သော ဘူမိဘောက ၁၉၄၆ ခုတွင် စတင်တာဝန်ထမ်းဆောင်ခဲ့ရသည်။နောင်တော်နတ်ရွာစံစဉ်က ဘုရင်ဘူမိဘောမှာ ၁၈ နစ်သာရှိသေးကာ ဆွစ်ဇာလန်နိုင်ငံ၌ ပညာသင်ကြားနေချိန်ဖြစ်သည်။ဘူမိဘောသည် ဘုရင်ဖြစ်လာပြီးနောက် နဝမမြောက်ရာမဘုရင် ဘွဲ့ကိုသာမက မဟာရာဇာ ဘွဲ့ကိုပါ ပြည်သူ၏ ဆန္ဒနှင့်အညီခံယူခဲ့သည်။ဘူမိဘောသည် ၁၇၈၂ ခုနစ်ကပင် စတင်ခဲ့သော ချက်ကရီမင်းဆက် အနွယ်မှ ဆင်းသက်လာသူဖြစ်သည်။ ဘုမိဘော၏ ဘိုးတော်မှာ မောင်းကွတ်ဘုရင်ဖြစ်သည်။ ထိုဘုရင်ကြီး အကြောင်းကို မှီငြမ်းရေးဖွဲ့ထားသော ကမ္ဘာကျော်ဝတ္ထုတစ်ပုဒ် ပေါ်ထွက်ခဲ့ဖူးသည်၊ အင်နာခင် နှင့် ယိုဒယား (ထိုင်း) ဘုရင် (Anna and the King Siam) ဖြစ်သည်။ထိုဝတ္ထုကို နောင်အချိန်တွင် ကမ္ဘာကျော် ခေါင်းတုံးမင်းသား ယူလ်ဘရိုင်နား နှင့် ရုပ်ရှင်ပြန်ရိုက်သောအခါ ဘုရင် နှင့် ကျွန်ုပ် (The King and I) အဖြစ် ကျော်ကြားခဲ့လေ၏။ထီးနန်းကို ဆက်ခံပြီးနောက် နစ်လကြာသောအခါ ဆွစ်ဇာန်နိုင်ငံ သို့ ပြန်သွားကာ လော့ဆန်းတက္ကသိုလ် တွင် သိပ္ပံ၊ ဥပဒေ ပညာ နှင့် နိုင်ငံရေးပညာရပ်များကို ဆက်လက်သင်ယူခဲ့လေသည်။ ဆွစ်ဇာလန်နိုင်ငံတွင် ဘွဲ့ရပြီးနောက် ၁၉၅၁ ခုနစ်တွင် ထိုင်းနိုင်ငံသို့ပြည်တော်ပြန်ခဲ့သည်။ထိုအချိန်မှအစပြု၍ ထိုင်းဘုရင်ဘူမိဘောအဒူလျာဒက်(ဒ်)သည်၊ ထိုင်းနိုင်ငံထီးနန်း၌ သက်တမ်းအကြားဆုံး ချက်ကရီမင်းဆက် နဝမမြောက် ရာမဘုရင်အဖြစ်ဖြင့် ယနေ့ တိုင် ဆက်လက်စိုးစံအုပ်ချုပ်လာခဲ့သည်မှာ သက်တော် ၈၃ နစ် မွေးနေ့သို့ တိုင်ခဲ့လေပြီးဖြစ်သည်။ထိုင်းဘုရင်မင်းမြတ်ဘူမိဘောအဒူလျာဒက်(ဒ်)သည်၊ ဒီဇင်ဘာလ ၅ ရက်နေ့တွင်ကျရောက်သော် ၈၄ နစ် မြောက် မွေးနေ့ မှသည် နောင်နစ်ပေါင်းများစွာတိုင်အောင် တိုင်းပြည်ကို ဆက်လက် အုပ်ချုပ်ပါစေသတည်း။

ကပ္ပိယကျော်ခေါင် နှင့် ဒန်အိုးပျံ

2011-11-29T10:54:00.001-08:00

တစ်နေ့သ၌ အကျွန်ုပ် ကပ္ပိယကျော်ခေါင်သည်၊ ဦးဇင်းငယ်တစ်ပါးနှင့် လိုက်ပါလျှက် တာမွေမြို့နယ်အတွင်း လှည့်လည်ကာ၊ ဆွမ်းအလို့ငှာ ဖိတ်မန်တကာ့ ပြုနေလေတော့၏၊ ရန်ကုန် စာသင်သားတို့ထုံစံအတိုင်း အိမ်စဉ်လှည့်လည်ကာ ဆွမ်းဖိတ်နေခြင်း ဖြစ်လေသည်။ တစ်လမ်းဝင် တစ်လမ်းထွက်ဖြင့် ဆွမ်းဖိတ်လာခဲ့သည်မှာ ရပ်ကွက်ပေါင်းမနည်းတော့ပေ၊ သို့သော် အကျွန်ုပ်၏ အားနည်းချက်ကြောင့် ပေလော့၊ သို့တည်းမဟုတ် ဦးဇင်းငယ်၏ ပါရမီဘုန်းကံနည်းပါးခြင်းကြောင့်ပေလော့ မဆိုနိုင်ပေ၊ ညနေ ၆ နာရီ ထိုခါနီး အချိန်ထိ ဆွမ်းခံအိမ်ဟူ၍ မည်မည်ရရ မရသေးချေ။.ရန်ကုန်တွင် ဆွမ်းခံအိမ် လိုက်၍ဖိတ်ရခြင်းမှာ စာသင်သား ရဟန်းပျိုများအတွက် အလွန်တရာ ခက်ခဲသော အလုပ်တစ်ခု ဖြစ်လေသည်။ မိမိသဘောကျသော စာသင်တိုက်ဖြစ်၍ နေချင်သော်လည်း ဆွမ်းခံအိမ် အလုံအလောက်မရှိခဲ့သော် အခက်ကြုံတတ်ကြရလေသည်။ဆွမ်းဖိတ်ရာ၌ တွေ့ရတတ်သော အခက်အခဲများမှာ ဤသို့တည်း။ အချို့သော ဒကာ ဒကာများမှာ မိမိတို့အိမ်တွင် ဆွမ်းခံကြွနေသော ကိုယ်တော်လေးများ မြောက်များစွာ ရှိနေကြ၍ လက်မခံလိုကြတော့ကြောင်း ပြောဆိုတတ်ကြခြင်း၊ အချို့သော ဒကာ ဒကာမများမူကာ၊ မိမိတို့ကို မိမိ ဧည့်သည်ဟုဆိုကာ အိမ်ရှင်များ မရှိ၍ လက်မခံလိုကြောင်း ငြင်းတတ်ကြလေသည်။ သို့သော် ထိုပုဂ္ဂိုလ်များသည်ကား အမှန်စင်စစ် ဧည့်သည်များ ဟုတ် မဟုတ်ကို ကြည့်ရုံနှင့် သိနိုင်လေသည်၊ လက်မခံလို၍ အကြောင်းပြခြင်းသာဖြစ်လေသည်။ ထို့သို့ အစရှိသော အကြောင်းပြချက်ပေါင်းစုံများဖြင့် တစ်နေကုန် ဆွမ်းခံအိမ် ဖိတ်၍ မရသည့်အဆုံးတွင်ကား၊ နောက်ဆုံးအနေဖြင့် ဤတိုက်တစ်လုံးကို တက်၍ ဖိတ်တော့မည်ဟု ဆုံးဖြတ်ချက်ချကာ၊ ရှစ်ထပ်တိုက်ကြီး တစ်လုံးကို ဗဟိုပြုလျှက် နစ်ဦးသားလျှောက်လှမ်းလာခဲ့လေတော့သည်။ တိုက်ပေါ်သို့ မတက်မီ လှေကားဝတွင် မင်္ဂလာမရှိစွာဖြင့်ပင် အမျိုးသမီးကြီးတစ်ဦးနှင့် အမျိုးသာတစ်ဦတုိ့ အားပေါင်အာရင်းသန်သန်ဖြင့် ငြင်းခုံနေကြသည် အကျွန်ုပ်ကပ္ပိယကျော်ခေါင် အကဲခမ်မိခဲ့လေသည်။ ၄င်းအသံသည်ကာ မြေညီထပ်မှသည် ငါးထပ်မြောက်ထိအောင် ဆူညံနေလေတော့၏၊ ဤသို့နှင့်ပင် အကျွန်ုပ်တို့နစ်ဦးသား ဆွမ်းခံအိမ်အလို့ငှာ မရလည်း ရလည်းအမြတ်ဟု ဆိုကာ တိုက်ခန်းများကို တစ်ခန်းပြီး တစ်ခန်း စတင်ဖိတ်လေတော့၏၊ သို့သော် အပေါ်ဆုံးထပ်သို့ ရောက်သည့်တိုင်အောင် မည့်သည့်အိမ်ကမျှ လက်ခံခဲ့ခြင်း မရှိသေးချေတကား။ ထိုအခါ၌ ကျွန်ုပ်ကပ္ပိယကျော်ခေါင်သည်၊ စိတ်မရှည်တော့သည်ဖြစ်၍ ၄င်းကိုယ်တော်ငယ်အား တော်တော်ဘုန်းကံပါရမီနည်းတဲ့ ကိုယ်တော်ဟု ပြောဆိုကာဖြင့်၊ ဒီတစ်ကြိမ် ငါကိုယ်တိုင်ဖိတ်မည်၊ ကိုယ်တော် အသာနေဟု ဆိုကာ၊ ရှစ်ထပ်မြောက်သို့ တက်ခဲ့လေတော့၏၊ရှစ်ထပ်မြောက်သို့အတက်တွင်းကား လင်းမယားစကားများသံလိုလို အသံတစ်ခုကိုကြားမိ၍၊ ငကျော်ခေါင် အသေအချာ နားထောင်စမ်း ဒီအသံ ဘယ်ကလာသလဲဟု မေးလေ၏၊ ကျွန်ုပ်သည်ကား အလွန်တရာပါးနပ်သူဖြစ်၍ ဤသို့ပြန်ဖြေလိုက်လေ၏၊ ဒီကိုယ်တော်နှယ် အောက်ထပ်လှေကားတက်ဝမှာ အာပေါင်အာရင်းသန်သန်နှင့် စကားများနေကြတာကို မမြင်ခဲ့ဘူးလား၊ အဲဒီက လာတဲ့ အသံပေါ့ဟု၊ ခပ်တည်တည်ဖြင့်ပင် ပြန်လည်ဖြေကြားလိုက်လေ၏၊ရှစ်ထပ်သို့ရောက်သည်နှင့် ၄င်းအသံသည်လည်း အနည်းငယ် ပို၍ကျယ်လောင်လာသကဲ့သို့ထင်ရလေသည်။ အကျွန်ုသည်ကား လှေကားများ၏ ပဲ့တင်သံကြောင့် အောက်ထပ်က အသံဟုသာ တစ်ထစ်ကျတွက်ဆလိုက်လေသည်။တံခါးမ တစ်ခုရှေ့ တွင် ကိုယ်တော်ငယ်နှင့် အကျွန်ုပ်တို့နစ်ဦးသား မတ်တပ်ရပ်လျှက်၊ ဆွမ်းခံဖိတ်ရန် တံခါးကို အကျွန်ုပ်ကိုယ်တိုင် ခေါက်မည်အပြုတွင်၊ ဒုန်းဟူသော အသံတစ်ခုနှင့် ၄င်း တံခါးမကြီးပွင့်ထွက်လာလေတော့၏၊ တစ်ခဏချင်းဖြင့်ပင်လျှ အလွန်လျှင်မြန်သော အဟုန်ဖြင့်၊ တံခါးဝမှ ဒန်အိုးတစ်လုံး ပလူပျံသကဲ့သို့ ထွက်ကျလာပြီးလျှင်၊ အကျွန်ုပ်၏ နားထင်နားမှ ဖြတ်ကျော်ကာ၊ ဒိုင်းဟူသော အသံနှင့်အတူ တစ်ဖက်နံရန်ကို ထိမှန်လေတော့၏၊ အရာအားလုံးကို ကျွန်ုပ်သဘောပေါက်သွားခဲ့လေပြီ၊ အကျွနု်ပ်သည် ငယ်စဉ်က ဆရာအောင်မြင့်ထံတွင် သင်ခဲ့ဖူးသော၊ မှတ်မိသမျှသော ခရာတေးအကွက်ဖြင့် ၄င်းဒန်အိုးပျံအား တိမ်းရှောင်ကာ လေကဲ့သို့လျှင်မြန်သော အဟုန်ဖြင့် စက္ကန့်ပိုင်းအတွင်း ရှစ်ထပ်တိုက်ကြီး၏ မြေညီထပ်သို့တိုင်အောင်၊ ပြေးဆင်းခဲ့ရလေတော့၏၊ အမှန်မှာ ရှစ်ထပ်သို့အတက်တွင် ကြားခဲ့ရသော အသံမှာ၊ မြေညီထပ်က လာသောအသံ မဟုတ်ပဲ၊ ဆွမ်းဖိတ်ရန်အလို့ငှာ အကျွန်ုပ်ကိုယ်တိုင် တံခါးခေါက်ရန် ကြံစည်နေသော တိုက်ခန်းတွင်းမှ လင်းမယားရန်ဖြစ်နေသော အသံသာ ဖြစ်ကြောင်းကို အကျွန်ုပ် နောက်မှ သိရှိခဲ့ရလေသည်၊ အကယ်၍သာ ထိုနေ့ ထိုအချိန်က ထိုတိုက်ခန်းအား တံခါးခေါက်၍ ဆွမ်းဖိတ်မိခဲ့ပါမူ။ .

ဝပ်တလုမ်ကျောင်း ရေဘေး

2011-11-29T10:41:00.001-08:00

ထွက်ပေါက်

2011-11-10T06:19:00.000-08:00

တစ်လောကလုံးက ငါ့အား မကောင်းဆိုးဝါးကြီးသဖွယ် ကြည့်နေကြပြီ။ စက်ဆုတ်ရွံရှာဖွယ် သတ္တဝါကြီးတစ်ကောင်လို သဘောထားနေကြပြီ။ အန္တရာယ်ကောင်းကြီးသဖွယ် ကျိန်ဆဲနေကြပြီ။ ငါလာရာ လမ်းကြောင်းတစ်လျှောက် အတားအဆီးများစွာတို့ဖြင့် ငါ့အား ကန့်ကွက်နေကြလေပြီ။ ငါ့ကို အပြီးပိုင် တိုက်ထုပ်နိုင်ရန် မဟာစီမံကိန်းကြီးများ ချမှတ်နေကြလေပြီ။ ငါ့၏ကျေးဇူးတရားကိုမျှ မထောက်ထားတော့ပဲ ဆန့်ကျင်နေကြလေပြီတကား၊

ငါ အမှန်အတိုင်း ဝန်ခံရပါမူ လွန်ခဲ့သော အနှစ် ငါးဆယ်ခန့်ကတည်းက ငါ့၏ လွတ်လပ်မှူကို အပြီးပိုင်စွန့်လွတ်ခဲ့ကာ ယနေ့အထိ ငါ လုံးဝ စိတ်ပျက်အားငယ်မှူမရှိပဲ၊ အစွန်းကုန် ကြိုးစားရုန်းကန်လျှက်၊ ပြည်သူလူထုများ၏ လိုအပ်ချက် မှန်သမျှကို ဖြည့်ဆည်းပေးခဲ့ပြီးပြီ။

မရှိမဖြစ်လိုအပ်သော မီး ရရှိရေအတွက် ငါ အစွမ်းကုန် ရုန်းကန်ခဲ့ရပြီးပြီ၊ မရှိမဖြစ်လိုအပ်သော ရေ အတွက်လည်း ငါ့၏ အသွေးအသားများအား ထက်ဝက်ခွဲဝေပေးခဲ့ရပြီးပြီ၊ သဘာဝတောတောင် သယံဇာတများကို ငါအစွမ်းကုန် ကြိုးစားရုန်းကန်လျှက် ထွန်းလင်း တောက်ပ စိမ်းလန်းစိုပြေစေခဲ့ပြီးပြီ။

အနှစ် ငါးဆယ်လုံးလုံး အကျဉ်စံဘဝဖြင့် ငါ အစွမ်းကုန် ကြိုးစားရုန်းကန်ခဲ့ပြီးတဲ့ နောက်၊ ငါ အတောင်းတဆုံး အလိုချင်ဆုံးဖြစ်သော လွတ်လပ်မှူကို ရှာဖွေရန် အလွန်တရာကျဉ်းမြောင်းလှသော လှောင်အိမ်ထဲမှ ထွက်ခွါသွားရန် ဆုံးဖြတ်ချက်ချလိုက်တော့သည်။

အကျဉ်စံဘဝဖြင့် အနှစ်ငါးဆယ်လုံးလုံး နေခဲ့ရခြင်းသည်လည်း၊ ပြစ်မှူ တစ်စုံတစ်ရာ ကြူးလွန်းခဲ့၍မဟုတ်၊ သူတို့၏လိုအပ်ချက်ကို ဖြည့်ဆည်းပေးရန်အတွက် ငါ့အား ချုပ်နှောင်ထားခဲ့ကြခြင်းသာဖြစ်လေသည်။ ငါသည်ကား သဘာဝအလျှောက် အမြဲတမ်း စီးဆင်းနေရမှ ရှင်သန်ရသော အမျိုးဖြစ်လေသည်။

သို့သော် လူတို့၏ အတော်မသတ်နိုင်သော လောဘဇောကြောင့် အနှစ်ငါးဆယ်လုံးလုံး ကျဉ်းမြောင်းကျပ်တည်းလှစွာ အလုပ်လုပ်ခဲ့ရလေသည်။

အခု ငါ ထွက်ခွါသွားတော့မည် ငါ့အား မည်သူတစ်ဦးတစ်ယောက်မျှ တားဆီးမှူမပြုနှင့်တော့။

မည်သို့ပင် တောင်းမန်သော်လည်း ငါလာရာ လမ်းတစ်လျှောက် ငါ့အား အမျိုးမျိုး အဖုံဖုံသော အတားအဆီးများဖြင့် မရ ရအောင် ပိတ်ပင်ကြလေသည်၊ သို့သော် ငါ့ကို ချစ်၍တားကြသည်မဟုတ်၊ ငါ့အား မကောင်းဆိုးဝါးကြီးတစ်ကောင် သဖွယ် တားဆီးကြခြင်းသာ ဖြစ်လေသည်။ ငါသည်ကား မကောင်းဆိုးဝါးသတ္တဝါတစ်ကောင်မဟုတ်၊ သက်ရှိ သက်မဲ့ မှန်သမျကို အကျိုးပြုနေသော၊ သဘ၀အတိုင်း စီးဆင်းနေသော ရေ သာလျှင် ဖြစ်လေသည်။

ရေ ဟု ဆိုအပ်သော ထိုငါအား၊ လွန်ခဲ့သော နစ်ပေါင်းများစွာကတည်းက ပိတ်လှောင်၍ အလွန်တရာကြီးကျယ်လှသော ရေလှောင်ကန်ကြီးဖြင့်၊ စုဆောင်းထားခဲ့ရမှ ယနေ့ တားမနိုင်ဆီးမရဖြစ်ကာ၊ ပွင့်အန် ထွက်ချလာခြင်းသာဖြစ်လေသည်၊ လူသားတို့အား ဒုက္ခပေးရန် ငါ စောင့်ဆိုင်း၍ နေခဲ့သည်မဟုတ်။

မည်သူက မည်မျှပင်တားတား ငါ လုံးဝ နောက်ဆုတ်တော့မည်မဟုတ်၊ တား၍လည်း ရမည်မဟုတ်တော့၊ ငါ၏ သွားလိုရာကား ငါတို့အမျိုးအနွယ်တို့၏ ပျော်စံရာ မဟာသမုဒ္ဒရာပင် ဖြစ်လေသည်။

သို့သော်လည်း လူတို့သည် ပြုခဲ့ဖူးသော ငါ့၏ကျေးဇူးကိုမျှမထောင်ထားပဲ၊ အမျိုးမျိုးအဖုံဖုံ နှောင့်ယှက် တားဆီး နေလေတော့သတည်း။

ထိုင်းနိုင်ငံ ရေဘေးသင့် မြန်မာများအား A.S.M.A အဖွဲ့မှ သွားရောက်ကူညီ

2011-10-27T12:55:00.000-07:00

သာဓု ဟူသည် အစွမ်းထက်သော ဂါထာမန္တရား မဟုတ်

2011-10-26T07:12:00.000-07:00

အမေး။ ။Guest ဆရာတော်ဘုရား. ဘာသာခြားများက မေးလာတဲ့မေးခွန်းကို သေရှာဖြေနိုင်အောင် ကူညီပါဦးဘုရား။
သာဓုဆိုတာဘာလဲ။ သာဓုခေါ်လိုက်တာနဲ့ ကျွတ်လွတ်သွားရောလား တဲ့။
ကိုယ်တိုင်မလုပ်ဘဲ သာဓုခေါ်လိုက်ရုံနဲ့ ကျွတ်လွတ်သွားရောလား။ အဲလောက်စွမ်းလား ဆိုတဲ့ သဘောနဲ့ မေးကြတယ် ဘုရား။

နောက်ပြီး တပည့်တော်မ သိချင်တာက မကောင်းဆိုးဝါးတွေ မနှောက်ယှက်အောင် အိမ်တို့ ကုတင်အိပ်ယာတို့ကို စည်းချတယ်ဆိုတာ ဘယ်လို လုပ်တာလဲ ဘုရား။

အဖြေ။ ။ သာဓု- ဟူသည် ပါဠိဘာသာဖြစ်သည်၊ မြန်မာလို (ကောင်းလေစွာ့- ကောင်းသည်) ဟု အဓိပ္ပါယ်ရသည်။ ကွယ်လွန်သွားပြီးသောသူများကို အမျှအတန်းပေးဝေရာ၌၊ ၄င်းသေပြီး၍ မကျွတ်မလွတ်သေးသော သူများက သာဓု ဟု ခေါ်ဆိုလိုက်ရလျှင်၊ ကျန်ရစ်သူများ ပြုလုပ်သော ကုသိုလ်ကောင်းမှူ၏ အကျိုးကို မုချရသည်ဟု ဆိုပါသည်။

သို့သော် သာဓု ဟု သာမန်အားဖြင့် ပြောဆိုရုံနှင့် အကျိုးခံစားရသည်ဟု မမှတ်စေချင်ပါ၊ သာဓု ဆိုသော စကားလုံးသည်၊ အစွမ်းထက်သော ဂါထာမန္တရား မဟုတ်ပေ။ မိမိအတွက် ရည်စူး၍ ပြုလုပ်သော ကုသိုလ်ကောင်းမှူကို၊ မြတ်မြတ်နိုးနိုး ဝမ်းသာပီတိဖြစ်၍ သာဓု ခေါ်ဆိုနိုင်မှ အကျိုးရလေသည်၊

အဘယ်ကြောင့် ဆိုသော်- ၄င်းပီတိသည်ပင်လျှင် မဟာကုသိုလ် သောမနဿပီတိ ဖြစ်သောကြောင့်ဟု မှတ်ပါလေ။ သာဓုက အကျိုးပေးသည်မဟုတ်၊ သာဓု (ဝါ) ဝမ်းမြောက် ဝမ်းသာ ဖြစ်သော ကိုသိုလ်သောမနဿ စိတ်က အကျိုးပေးသည်ဟု မှတ်ပါလေ။ ထိုသော ဝမ်းမြောက်မှ သာလျှင် (သာဓု) ခေါ်ဆိုနိုင်လေသည်။ တစ်နည်းအားဖြင့်၊ ငါ ဝမ်းမြောက် ဝမ်းသာဖြစ်သည် (သာဓု) ဟု ပြောခြင်းသာဖြစ်လေသည်။

မကောင်းဆိုးဝါးများ မနှောင့်ယှက်နိုင်အောင် စည်းချခြင်းသည်၊ ရတနာသုံးပါး၏ ဂုဏ်ကို အာရုံပြု၍ မေတ္တာ ဘာဝနာစိတ်ဖြင့် အိပ်စက်ခြင်းကို ဆိုလိုသည်၊ သိုသော်- လောကီနက္ခတ်ပညာ အင်းပညာ မှော်ပညာတို့၏ အစွမ်းများဖြင့် စည်းချခြင်းများလည်းရှိသေးသည်။

ည အိပ်ယာဝင်ခါနီ မေတ္တာပို့ခြင်း၊ ရတနာသုံးပါး မိဘ ဆရာသားများ၏ ဂုဏ်ကို အားပြု ရှိခိုးခြင်း၊ သို့မဟုတ် မိမိရွတ်ဖတ်ပူဇော်လေ့ရှိသော သမ္ဗုဒ္ဓေ အစရှိသော ဂုဏ်တော်များကို ရွတ်ဖတ်၍ မင်္ဂလာရှိစွာ အိပ်စက်ပါလေ။ ထိုသို့ အိပ်စက်ခြင်းသည်ပင်လျှင် စည်းချခြင်းဖြစ်လေသည်။

ရေဘေးကယ်ဆယ်ရေး မှတ်တမ်း

2011-10-25T01:22:00.000-07:00

Type the rest of your post here.

လက္ခဏာတော် ၃၂ ပါး

2011-08-18T06:42:00.000-07:00

Guest မေး။ ။ ဘုရား လက္ခဏာ ၃၂ပါးက ဘုရားဖြစ်ပြီးမှ ပေါ်လာတာလား မွေးတည်းက ပါရှိနေတာ လားဘုရား။
Guest မေး။ ။ အရင်ဘုရား ဘုရားဟောထဲမှာ ဒိုင်နိုဆောတို့ ကမ္ဘာဦးက အကြောင်းတွေ ပါပါသလား ဘုရား။
အဖြေ။ ။ ဘုရားလက္ခဏာ ၃၂ ပါး ဟူ၍ သိထားမိသောကြောင့် ဤမေးခွန်းကို မေးသည်ဟု ယူဆရပါသည်၊ အမှန်မှာမူ Guest သိထားသော ဘုရားလက္ခဏာ ၃၂ ပါးဟူသည်၊ မဟာပုရိသ လက္ခဏာ ခေါ် ယောင်္ကျားမြတ်တို့၏ လက္ခဏာ ၃၂ ပါးသာဖြစ်ပေသည်၊ ဘုရားအလောင်တော်သည် ၄င်းလက္ခဏာ ၃၂ ပါးနှင့်ပြည့်စုံသော မဟာပုရိသ ဖြစ်လေသည်။ ထို့ကြောင့်သာလျှင် ဗေဒင်လက္ခဏာ ဆရာများဖြစ်ကြသော၊ အရှင်ကောဏ္ဍညပုဏ္ဏားက ဘုရားစင်စစ် ဧကန် ဖြစ်မည်ဟု ဟောခဲ့ခြင်း ဖြစ်လေသည်။

သို့သော် အရွယ်နှင့် လိုက်လျှောညီထွေစွာသာလျှင် ၄င်းလက္ခဏာများ ဖြစ်ပေါ်ပေလိမ့်မည်။ ၄င်းလက္ခဏာ ၃၂ ပါးအား ဖော်ပြပေးလိုက်ပါသည်။
ဗုဒ္ဓဘုရားနှင့် စကြာဝတေးမင်းကဲ့သို့ ယောင်္ကျားမြတ်တို့၏ လက္ခဏာကြီးများ။
၁။ ပြည့် ဖြိုးညီညာသောဖဝါး။
၂။ ၁၀၈ ကွက် ၊ စက် လက္ခဏာ တော် အစုံပါသော ခြေဖဝါး။
၃။ သူတပါးတို့ထက် လုံးဝန်းရှည်သော ဖနောင့်။
၎။ ရင်းတုတ် ဖျားသွယ် ရှည်လျား၊ ညီညာသော ခြေချောင်း၊လက်ချောင်း ။
၅။ ဖွားစ အခါ ကဲ့သို့ အမြဲနုနယ်သော လက် ခြေ များ။
၆။ အတို အရှည် မရှိ ညီညာသော ၊ လက်ချောင်း၊ ခြေချောင်း။
၇။ မြင့်တက်သောဖမျက်၊
၈။ ခြေသလုံး၏ ရှေ့နောက်၊ နံပါး အသားစိုင်များမှ ၊ သလေးစပါးနှင့်တူခြင်း။
၉။ ကိုယ်ခန္ဓာ အဖြောင့်ထား၍ ဒူးဆစ်ထိရှည်သောလက်။
၁၀။ အအိမ်ဖြင့် ဖုံးလွှမ်းအပ်သော အင်္ဂါဇာတ်။
၁၁။ ရွှေ အဆင်းကဲ့သို့ဝါဝင်း၍ လုံးကျစ်သော ကိုယ်။
၁၂။ နုနယ်သော အရေ၊ အသား။
၁၃။ မွှေးညှင်းတစ်တွင်း ၌ တစ်ပင်စီ သာပေါက်ခြင်း။
၁၄။ ထိုမွှေးညှင်းတို့သည် လင်္ကျာရစ်လှည့်၍ အဖျားကော့တက်ပြီး ၊ မျက်စဉ်း အညိုရောင်ရှိခြင်း။
၁၅။ ဖြောင့်စင်းသော ကိုယ်ခန္ဓာ။
၁၆။ လက်ဖမိုး၊ခြေဖမိုး ပခုံးစွန်း လည်ဂုတ်ပြည့်ဖြိုးခြင်း။
၁၇။ ခြင်္သေ့မင်း၏ ရှေ့ပိုင်းကိုယ်ကဲ့သို့ ၊ ရှေ့ နောက် ၊အောက်ထက် ပြည့်စုံ သောကိုယ်။
၁၈။ လက်ပြင်ရိုးနှစ်ခု အကြား ပြည့်ဖြိုးသော အသား ။
၁၉။ အလံနှင့် အရပ် ညီ မျှ စွာရှိခြင်း။
၂၀။ အညီ အမျှ ၊ လုံး ၍ လှပသော ပခုံး၊လည်ပင်း။
၂၁။ အရသာကို ဆောင်ယူနိုင်သော အကြောကောင်းများ။
၂၂။ ခြင်္သေ့ ၏ အောက်မေးကဲ့သို့ ပြည့်ဖြိုးသော အထက်မေး ၊ အောက်မေး။
၂၃။ သွားပေါင်းလေးဆယ်ရှိခြင်း။
၂၄။ ညီညာတိကျသောသွားရှိခြင်း။
၂၅။ ကြိုးကြဲမရှိ၊စေ့သောသွားရှိခြင်း။
၂၆။ ထင်ရှားသောသွားစွယ်ရှိခြင်း။
၂၇။ ရှည်ပြန့်သော လျှာ ရှိခြင်း။
၂၈။ ဗြဟ္မာ မင်း၏ အသံကဲ့သို့ သာယာချိုမြိန်သောအသံ ၊ ကရဝိတ်သံရှိခြင်း။
၂၉။ ညိုသင့်သော အရပ်၌ ၊ အလွန်ညိုသော မျက်လုံး။
၃၀။ ဖွားသစ်စ နွားငယ်၏ မျက်လုံးအိမ်ကဲ့သို့ မျက်လုံးအိမ်ရှိခြင်း။
၃၁။ မျက်ခုံး နှစ်သွယ် ၊ အလည် တည့်တည့်၌ ၊ ဥဏ္ဏလုံမွှေးရှင်တော် ရှိခြင်း။
၃၂။ နဖူးသင်းကျစ်ရှိခြင်း

ဘုရားဟောထဲတွင် ကမ္ဘာဦးအကြောင်းတင်မကလှပဲ စကြာဝဠာ အဦးမှ အစပြုကာ မြောက်များစွာပါရှိလေသည်ဟု မှတ်သားစေချင်ပါသည်၊ သို့သော် သုတေသီတို့ကဲ့သို့ ဟောကြားထားခဲ့ခြင်းမဟုတ်ပေ၊ လူတစ်ယောက်၏ကျင်လည်ခဲ့ရာ ဘဝများစွာတို့ကို ဟောကြားရင် ထည့်သွင်းပြောကြားခြင်းများသာဖြစ်ပေသည်။ အလွန်တရာကျယ်ဝန်းလှသဖြင့် ရွာဦးကျောင်းဆရာတော် မရေးဝံ့တော့ပြီ။

ဒိုင်နိုဆောအကြောင်းကိုမူ ဟောကြားခဲ့သည် မဟောကြားခဲ့သည်ကို မလေ့လာဖူးပေ။ ဒိုင်နိုဆော အကြောင်းကို သိလိုပါက ဤနေရာတွင် အနည်းငယ် လေ့လာသိရှိနိုင်ပါသည်။ မြတ်စွာဘုရားသည် မဂ်ဖိုလ် နိဗ္ဗာန် ရမည့်အကြောင်းအရာများမှတစ်ပါး အခြားသော စကားများကို ပြောလေ့မရှိဟူ၍ကား မှတ်သားဖူးပါသည်၊ သိလိုပါက ကျမ်းတတ်အကျော် ဆရာတော်တို့အား မေးမြန်းလျှောက်ထားပါလေ။

ထိုင်းဘုရင်းမကြီး သိရိခေတ်

2011-08-11T18:29:00.000-07:00

ထိုင်း ဘုရင်မကြီး သိရိခေတ် (สมเด็จพระนางเจ้าสิริกิติ์ พระบรมราชินีนาถ ) (Somdej Phra Nangchao Sirikit Phra Boromarajininat) ကို ၁၉၃၂ ခု သြဂုတ်လ ၁၂ ရက်နေ့တွင်၊ မွေးဖွားခဲ့သည်၊ ခမည်းတော်မှာ ထိုင်းမင်းသားကြီး ချန်ဒရာမူရီဆူနတ် ဖြစ်သည်။

အဋ္ဌမမြောက် ရာမဘုရင်ဘွဲ့ခံ အနန္ဒာမဟီဒိုး နတ်ရွာစံပြီးနောက် နန်းတက်လာသော၊ လက်ရှိ နဝမမြောက် ရာမဘုရင် ဘူမိဘော အဒူလျာဒက်(ဂ်ျ)နှင့် ၁၃၉၅ ခုနစ် ဧပြီလ ၂၈ ရက်နေ့တွင် စုလျာရစ်ပတ် လက်ထပ်ထိမ်းမြားခဲ့သည်။

မိဘုရားသိရိခေတ်နှင့် ဘုရင်ဘူမိဘော တို့သည်၊ ဆွစ်ဇာလန်နိုင်ငံတွင် ပညာသင်ကြားနေခဲ့စဉ် ကတည်းက မေတ္တာမျှနေခဲ့ကြသည် ဟု လူသိများကြလေသည်၊ မင်းသမီးသိရိခေတ်သည်ကား နုပျိုစဉ်အရွယ်က ကမ္ဘာပေါ်ရှိတော်ဝင်မင်းသမီးများ ထဲတွင် အချောဆုံးအလှဆုံး စာရင်ဝင်ခဲ့သူ တစ်ယောက်ဖြစ်လေသည်။

မင်းသမီး သိရိခေတ်သည် ဘုရင်ဘူမိဘော နှင့်အတူ သျှောင်းနောက် ဆံထုံးပါ ဆိုသကဲ့သို့ နယ်စွန် နယ်ဖျားများသို့ လိုက်ပါလျှက် ပြည်သူ ပြည်သားများအား လက်ဆောင်များ ပေးခြင်း ဆေးဝါးကုသပေးခြင်း၊ အစရှိသော လူသား အကျိုးပြုလုပ်ငန်းကို မငြီးမညူ လိုက်ပါ ဆောင်ရွက်လေသည်။

အထူးသဖြင့် ထိုင်းအမျိုးသမီးကလေးများ၏ ဘဝဖူလုံရေး အတွက် အသက်မွေးဝမ်းကျောင်း ပညာရပ်များကို သင်ကြားစေရန် အားပေး ကူညီခဲ့လေသည်။

သိရီခေတ်သည် ထိုင်းဘုရင် ဘူမိဘော၏ တစ်ဦးတည်းသော မိဖုရားခေါင်ကြီး အဖြစ်ဖြင့် နေလာခဲ့သည်မှာ ယနေ့ သက်တော် အားဖြင့် ၇၉ နစ်သို့တိုင်ခဲ့လေပြီ။ သို့သော်လည်း မိဖုရားသိရိခေတ်အား မေတ္တာပျက်သော ထိုင်းပြည်သူတစ်ဦင်္းတစ်ယောက်မျှ မရှိသေးပေ။

အကျွန်ုပ်သည် သူတစ်ပါး တိုင်းပြည့်တွင် လူမဖြစ်ချင်သော်လည်း၊ အကျွန်ုပ် မွေးဖွားသော တိုင်းပြည်တွင်ကား ထိုကဲ့သို့ မင်း မိဖုရားများ ရှိခဲ့ပါမူ ကောင်းလေစွာ့ဟု ဆုတောင်းရင်း၊

တိုင်းသူ ပြည်သားများ အပေါ်တွင် ရင်ဝယ်သားကဲ့သို့ မေတ္တာထားကာ အုပ်ချုပ်နေသော မိဖုရားသီရိခေတ်သည်-၁၂-၈-၂၀၁၁ နေ့တွင် ကျရောက်သော ၇၉ နှစ်ပြည့် မွေးနေ့ မှသည် နောင်နှစ်ပေါင်း များစွာသော ကာလတိုင်အောင်၊ စိုးစံအုပ်ချုပ် မင်းလုပ်နိုင်ပါစေသတည်း။

အဖြေမသိသော ပုစ္ဆာ

2011-07-14T06:56:00.000-07:00

ဤသို့အစရှိသည်ဖြင့် အမေးပေါင်းစုံများကို မေးမြန်းခံနေရသော်လည်း မည်သို့မည်ပုံ နားလည်အောင် ပြန်လည်ဖြေကြား ရှင်းပြနိုင်စွမ်းမှ မရှိသေချေ။

ဘုန်းကြီးဖြစ်ပြီးတော့ ဘာကြောင့် အင်တာနက်သုံးသလဲ၊ ဝိနည်းတော်နှင့် ညီသလားဟု မေးသေး၏၊ ဤသည်ကား တော်ပါပေသေး၏တကား၊ တစ်ချိုလူများဆိုလျှင် အတီတေ ဗာရုဏသီချီလျှက် မြတ်စွာဘုရားရှင် လက်ထက်တော်အခါက ဘုန်းကြီးတွေ အင်တာနက်သုံးသလား ဟူ၍ မေးမြန်းကြသေး၏၊ ဒကာတော်ဦးပေါ်ဦးကိုသာ ဒုလ္လဘရဟန်းခံပေးပြီး ဖြေခိုင်းရပါမူကာ ကောင်းလေစွာ့။

သို့သော် ထိုကဲ့သို့သော် မေးခွန်းများကိုမူ ပြည်ပရောက်မြန်မာများနှင့် တစ်ခြားသော ဗုဒ္ဓဘာသာနိုင်ငံများမှ လူများ မေးလေ့မေးထမရှိပေ၊ ပြည်တွင်းမှ အင်တာနက်သုံးသော ညီငယ် ညီမငယ်များသာ မေးမြန်းလေ့ရှိကြ၏၊

အကြောင်းမှာကား၊ ဤသို့တည်း... မြန်မာပြည်အင်တာနက်လောကတွင် အသုံးပြုနေကြသူများမှာ google talk မှ တစ်ပါး အခြားမရှိချေ၊ ၄င်း google talk ဖြင့်လည်း တစ်ဦးနှင့်တစ်ဦး နောက်လိုက် စလိုက် ညာလိုက် ဝါလိုက်ဖြင့်ပင် လူငယ်အများစု အချိန်ကုန်နေကြကြောင်း တွေ့ ရှိရလေသည်၊ အခြားသော ဗဟုသုတဖြစ်ဖွယ်ရာ မည့်သည်ဝက်ဆိုဒ်ကိုမှ ဖွင့်ကြည့်၍မရချေ၊

ထို့ကြောင့်ပင်လျှင် ဦးဇင်းငယ်များကို အင်တာနက်လိုင်းပေါ်တွင် တွေ့ ရှိခဲ့ပါက၊ မိမိတို့ကဲ့သို့ (သူတို့အခေါ်) ကြူနေသည်ဟု တထစ်ချ ထင်မှတ်ကြလေတော့၏၊ အကျွန်ုပ် ရန်ကုန်သို့ ရောက်ခဲ့စဉ်က အင်တာနက်ဆိုင်များသို့ ဝင်မိလျှင် ကိုယ့်ကိုကိုယ် ရှက်ကိုးရှက်ကန်းဖြစ်မိသေး၏၊ အကြောင်းမှာ အများသူငါ ကြူနေသော နေရာတွင် ဝင်ထိုင်နေမိခြင်းကြောင့်ဖြစ်၏၊

ထို့သို့သော အကြောင်းများကြောင့်ပင်လျှင်၊ မေးခွန်းမျိုးစုံ မေးသော လူငယ်မောင်မယ်များအား အကျွန်ုပ်စိတ်မဆိုးနိုင်တော့ပေ၊ ထိုမေးခွန်း၏ အဖြေကိုလည်း အကျွန်ုပ်မဖြေဆိုလိုတော့ပေ၊ ပြည်ပမှာကဲ့သို့ အင်တာနက်လိုင်းများ အားကောင်းပြီး မိမိတို့ဖွင့်လိုသော ဝက်ဆိုဒ်များကို ဖွင့်၍ရသော တစ်နေ့ကိုသာ အကျွန်ုပ်မျှော်လင့် စောင့်စားနေမိသေးတော့၏တကား။

(နမော တဿ) ဘုရားဟော ဟုတ်မဟုတ်

2011-07-11T03:31:00.000-07:00

မေး။ ။ ဝေစန်း "နမော တဿ ဘုရားဟော ဟုတ်မဟုတ် သိလိုပါသည်ဘုရား၊ ကျေးဇူးပြု၍ ဖြေကြားပေးတော်မူပါ"

အဖြေ။ ။ အထက်ပါမေးခွန်းမှာ အလွန်သိထားသင့်သော မေးခွန်းဖြစ်သလောက်၊ နီးလျှက်နဲ့ ဝေးသော အဖြေဟုလည်း ဆိုချင်ပါသည်။

လေ့လာမိသလောက် ပြန်လည်ဖြေကြားရသော်၊ နမော တဿသည် ဘုရားရှိခိုး ဖြစ်သည့်အတွက်၊ ဘုရားရှင်အား ဂုဏ်တင်ထားသော၊ ဥဒါန်း၊ သို့မဟုတ်၊ အများနားလည်အောင် ပြောရမည့်ဆိုပါက၊ ဘုန်းတော်ဘွဲ့ တစ်ခု ဖြစ်လေသည်။ ဘုရားရှင်သည် မိမိကို ဂုဏ်တင်သော စကားကို ပြောဆိုမည်မဟုတ်ပေ၊ ဤတစ်ချက်တည်းဖြင့်ပင်လျှင်၊ ဘုရားဟော ဟုတ်မဟုတ် သဘောပေါက်ကြရပေမည်။

နမော တဿကို ရွတ်ဆိုခဲ့ကြသော ကျမ်းဂမ်လာ ပုဂ္ဂိုလ်များမှာ အောက်ပါအတိုင်း ဖြစ်လေသည်။

ဂေါတမဗုဒ္ဓလက်ထက်၊ ဗြဟ္မာယုပုဏ္ဏား၊ ဇာဏုသောဏိပုဏ္ဏား၊ ကာရဏပါလီပုဏ္ဏား၊ အာရာမဒဏ္ဍပုဏ္ဏား၊ ဓနဉ္ဇာနီပုဏ္ဏေးမ၊ ကောသလမင်းကြီး၊ သိကြားမင်း။

ဖုဿဘုရားရှင်လက်ထက်၊ မဟိန္ဒမင်းကြီး၊ အထက်ပါ ပုဂ္ဂိုလ်များသည်၊ မြတ်စွာဘုရားရှင်ကို ကြည်ညိုလှသဖြင့် နမော တဿ ဘဂဝတော အရဟတော သမ္မာသမဒ္ဗုဒ္ဓဿ ဟု ရွတ်ဆိုပြီး ရှိခိုးကန်တော့ခဲ့ကြသည် ဟူ၍မှတ်သားဖူးပါသည်၊

၎င်း နမော တဿ တွင်၊ ဘဂဝတော၊ အရဟတော၊ သမ္မာသမ္ဗုဒ္ဓဿ ဟူ၍ ဗုဒ္ဓ၏ဂုဏ်တော် သုံးမျိုးပါဝင်နေသည်ကိုလည်း တွေ့ရှိရပေသည်။

အကျယ်ကို သိလိုပါက၊ စာအုပ်မြောက်များစွာကို အချိန်ကြာကြာပေး၍ ဖတ်ရှူရပါမည်၊ အချိန်တိုအတွင်း သိလိုသူများသည်၊ (ပုံတော် ဂုဏ်တော်၊ ပရိတ်တော်) စာအုပ်ငယ်တွင် ရှာဖွေဖတ်ရှုလေ့လာနိုင်ပါသည်။

မှတ်သားရန်မှာ၊ နမော တဿသည် ဘုရားဟောမဟုတ်သော်လည်း ဘုရားရှိခိုးဟူ၍ မှတ်သားစေချင်ပါသည်။

တွေ့ရင် ပြောကြားပါ

2011-03-28T08:34:00.000-07:00

ဘုန်းဘုန်း
ရိုသေစွာ လျှောက်ထားအပ်ပါတယ်ဘုရား။

ပြင်သစ်မှ ဒကာတစ်ဦးက လွန်ခဲ့သော (၂)နှစ်က မဲဆောက်မြို့ Wat Aran Ya Khet ကျောင်းတွင် သီတင်းသုံးနေထိုင်သော ဦးဇင်း ငြိမ်းချမ်း (သို့မဟုတ်) ဦးသုန် အားဖူးတွေ့လိုပါကြောင်း အကြောင်းကြားလာပါတယ်ဘုရား။ ထိုအချိန်က ထိုဘုန်းဘုန်း သို့မဟုတ် ဦးဇင်းသည် ကျန်းမာရေးတော်တော် ဆိုးဝါးနေပါသည်ဟု ပြောပါတယ်။ အဆင်ပြေမယ်ဆိုရင် သတင်းအစအနလေးများ ရလိုရငြား သိရအောင် တောင်းပန်လျှောက်ထားပါတယ်ဘုရား။

ရိုသေစွာရှိခိုးဦးတင်လျှက်
ခရစ္စတလ်

အထက်ပါ အကြောင်းအရာ ကိစ္စနှင့်ပတ်သက်၍ ကာယကံရှင်ကိုယ်တိုင်ဖြစ်စေ၊ အခြားအဆက်အသွယ်ရှိသူ တစ်ဦးတစ်ယောက်ယောက်က ဖြစ်စေ ဆက်သွယ်အကြောင်းကြားပေးစေချင်ပါသည်၊

ဆက်သွယ်ရန် ဖုန်း- ၀၈၅ ၁၂၃ ၅၀၅၄၊၊

သန္ဓေတားခြင်း

2011-02-16T21:31:00.000-08:00

Guest "လျှောက်တင်ပါရစေဘုရား ကိုယ်ဝန်တားဆေးက သန္ဓေသားဖြစ်လာမယ့်အဆင့် မရောက်အောင် သန္ဓေမအောင်အောင် တားဆီးခြင်းဖြစ်လို့ ပါဏ ဆိုတဲ့ အသက်ကို ဖျက်ဆီးတာ မဟုတ်ဘူးလို့" သိရပါတယ်ဘုရား။

သားလောင်းအဖြစ် ရောက်နိုင်သောအဆင့် မဖြစ်ရလေအောင် ပြုလိုက်ခြင်း ဖြစ်ပါတယ်။ ဒီလို သန္ဓေမအောင်အောင် တားဆီးခြင်း မပြုလို့ သန္ဓေအောင်သွားရင်တော့ ရုပ်ဇီဝိတ နာမ်ဇီဝိတရှိတဲ့ သန္ဓေသား ဖြစ်လာပါတယ်ဘုရား။

သန္ဓေအောင်ပြီး ဖြစ်တည်လာတဲ့ သန္ဓေသားဆိုလျင်တော့ ရက်သား ဖြစ်စေကာမူ အသက်ရှိပါတယ်။ ထိုအဆင့်ရောက်မှ ပါဏာတိပါတကကံ မြောက်မယ်လို့ သိရပါတယ်ဘုရား။

အမိ၏ ကျန်းမာရေးမှာ သန္ဓေသားကို ဆက်လက်လွယ်လျှင် မွေးဖွားလျှင် အသက်ဘေးရှိလို့ ဘယ်သူ့အသက် ရွေးရမလဲ ဆုံးဖြတ်စရာ ဖြစ်လျှင်တော့ ဆက်လက်သန္ဓေစွဲခွင့် ပြုထားခြင်းဖြင့် မှီခိုခံလူသား၏ အသက်ကို ဖျက်ဆီးတော့မည့် သန္ဓေသားကို ဖယ်ရှားပေးရခြင်းမှာ သေစေလိုသောဆန္ဒမပါ လူသား ၁ - ဦး လူ့ဘဝရောက်ဖို့ သူ့အရင်လူသား၏ အသက်ကို ဆုံးရှုံးမခံသင့်သည်ဖြစ်၍ မလွှဲသာ၍ ကိုယ်ဝန်ဆိပ်မတက်မီ အမိမသေမီ သန္ဓေသားကို ဖယ်ရှားပေးရခြင်းမှာ ပါဏာတိပါတကံ မမြောက်ဟု ထင်ပါ

သည်။ အမှားပါလျှင် ခွင့်လွှတ်ပါဘုရား

ရွာဦးကျောင်းဆရာတော်။ ။ အခုလို ပါဝင်ဆွေးနွေးခြင်းကို ကျေးဇူးတင်ပါသည်။

သန္ဓေသားဘဝသို့ မရောက်မီ တားခြင်းသည် ပါဏခေါ် အသက် ဝိညာဉ် မရှိသေး၍၊ ပါဏာတိပါတကံ မထိုက်သေးဟု ဆိုသည်မှာ မှန်ပါသည်။

ဤအတိုင်းဖြစ်ခဲ့လျှင်ကောင်းပါသည်။ တစ်ခု သတိထားရမည်မှာ၊ သိပ္ပံပညာဖြင့် အသက်မရှိသေးဟု ယူဆထားသော ကာလမှ စ၍၊ ကလလရေကြည်(သုပ်သွေး)ဘဝကို အဘိဓမ္မာ သဘောအရ အသက်ရှိသည်ဟု ယူဆပါသည်။ အထက်ပါ ကိုယ်ဝန်တားခြင်း ဆိုရာ၌၊ အဘယ်အချိန်တွင် တားဆီးခဲ့ပါသနည်းဟု ဆိုသည်မှာ အလွန်အရေးကြီးလှပေသည်။

သိပံ္ပဖြင့် အသက်မရှိသေးသော အချိန်ဟု ယူဆထားသော ကာလ၌ တားဆီးခဲ့လျှင်၊ ဥပဒေအရ တရားရင်ဆိုင်ရန် မလိုသော်လည်း၊ အဘိဓမ္မာအရ အသက်ရှိသည်ဟု ယူဆထားချိန်ဖြစ်ခဲ့ပါက၊ ကံထိုက်ပါလိမ့်မည်။

မိခင်၏အသက်ကိုငဲ့ကွက်၍ မလွဲသာ မရှောင်သာ သန္ဓေသားကို ဖျက်ဆီးပစ်ရခြင်းမျိုး များစွာ ရှိကြပါသည်၊ ဤနေရာ၌ စဉ်းစားရန်မှာ၊ မသိနားမလည်သေးသော လူသားခလေးငယ်ဖြစ်၍သာလျှင်၊ မိခင်၏ အသက်ကိုငဲ့၍ အသတ်ခံလိုက်ရခြင်းသာ ဖြစ်ပါလိမ့်မည်။

အကယ်၍သာ အသက်အရွယ်ကြီးနေရင့်နေပြီး ဖြစ်သော သားအား မိခင်၏ အသက်ကိုကယ်ရန်ဟူသော ရည်ရွယ်ချက်ဖြင့်၊ ကိုယ်အင်္ဂါ အစိပ်အပိုင်း တစ်ခုခုကို အလိုရှိ၍ သတ်ခဲ့လျှင် မည်ကဲ့သို့ ဆုံးဖြတ်ကြမည်နည်း။

(အမိဝမ်းထဲ့သို့ မရောက်လာသေးသော သန္ဓေကိုတားလျှင် ကံမထိုက်၊ ရောက်ရှိနေပြီးသော သန္ဓေကိုတားလျှင် မည်သည့်နည်းဖြင့်၊ မည့်သောသို့အကြောင်းကြောင့် တားသည်ဖြစ်စေ၊ ကံထိုက်ပါသည်။)

မည်သူမဆို ပါဝင်ဆွေးနွေး ရေးသားနိုင်ကြပါသည်၊ ဤရွာဦးကျောင်းဘလော့သည်၊ အင်တာနက်တွင် ကျင်လည်ကျက်စားနေကြသည့် လူငယ်မောင်မယ်များကို ဘာသာရေး အသိရှိစေရန် ရည်ရွယ်လျှက်၊ လူငယ်များကျက်စားရာ အင်တာနက်၌ ရေးသားထားခြင်းသာ ဖြစ်ပါသည်၊ မိမိတို့ရေးသားပြုစုသော ကျမ်းဂန်များအတွက် ကိုးကားစရာအဖြစ် တစ်စုံတစ်ခုမျှ ဤဘလော့တွင် မရှိပါကြောင်းနှင့် အမှားပါခဲ့လျှင်လည်း သတိပေးဆုံးမကြပါရန်။

ဘာသာရေး အမေးအဖြေများ

2011-02-11T04:30:00.000-08:00

အရှင်ဘုရား.....တပည့် တော် ရှိခိုးကန်တော့ လိုက်ပါတယ်ဘုရား ။ တပည့်တော် မသိတာလေးတွေ မေးစရာရှိလို့ ပါဘုရား။
၁။ ခန္ဓာကိုယ်မှာ ကိုက်ခဲခြင်း ၊ ယားယံခြင်းစတဲ့ ဝေဒနာတွေက ဘယ်အာရုံနဲ့ ဘယ်ဒွါရတိုက်တာလဲဘုရား ။

၂။ အိပ်မက်မက်ခြင်း၊ သေငယ်ဇော မျှောနေစဉ် နတ်ပြည်တို့ ငရဲပြည်တို့သို့  ရောက်ခြင်းကို အဘိဓမ္မာသဘောနှင့် ရှင်းပြပေးပါ။ တပည့်တော်သဂြိုလ် ၉ ပိုင်းမှာ ဘုံပိုင်း အထိတော့ လေ့လာဘူးပါတယ် အဲဒီကိစ္စကို မစဉ်းစားတက်လို့ပါ။

၃။ ကိုယ်ဝန်တားဆေး သောက်ခြင်း၊ ထိုးခြင်းများသည် ပါဏာတိပါတကံ ထိုက်ပါသလားဘုရား။

၎။ သူများသားပျိူ၊ သမီးပျိူကို စိတ်ကူးနှင့် ညစ်ညမ်းစွာ တွေးတောလျှင် ကာမေသု မိစ္ဆာစာရကံ ထိုက်ပါသလားဘုရား။

၅။ ဆေးလိပ်သောက်ခြင်း၊ ဘီယာသောက်ခြင်းသည် သူရာမေရကံ ထိုက်ပါသလား။

၆။ လက်မထက်ပဲ အတူနေထိုင်လျှင် ကာမေသုမိစ္ဆာစာရကံ ထိုက်ပါသလား။

၇။ မိမိသော်၎င်း၊ သူတပါးသော်၎င်း နစ်နာမှု တစုံတရာမဖြစ်စေရန်၊ အကျိူးရှိစေရန်အတွက် (အလိမ်ခံရသူလည်းမထိခိုက်) အရိယာများ စကားပရိယာယ် သုံးကြပါသလား အရှင်ဘုရား။ ပြည့်တန်ဆာမနှင့် လူပျိုတစ်ယောက် ဆက်ဆံလျှင် ကာမေသု ထိုက်ပါသလား။

၈။ သူခိုးတစ်ယောက် ခိုးဝှတ်နေသည်ကို မြင်သောအခါ သူခိုး သူခိုး ဟု အော်ကောင်းပါသလား ဆိုတာကိုလဲ ဖြေ ကြားပေးပါ အရှင်ဘုရား။

အဖြေ။ ။၁ ခန္ဓာကိုယ်မှာ ကိုက်ခဲခြင်း ၊ ယားယံခြင်းစတဲ့ ဝေဒနာများသည်၊ အဘိဓမ္မာသဘောအရ ကာယဒွါရနှင့် ဖောဋ္ဌဗ္ဗာရုံတို့ ထိခိုက်သည်ဟုမှတ်ပါ။

၂။ အိပ်မက်မက်ခြင်း၊ သေငယ်ဇောမျှောနေစဉ် နတ်ပြည်တို့ ငရဲပြည်တို့သို့ ရောက်ခြင်းတို့သည်၊ အဘိဓမ္မာသဘောအရ၊ ဘဝင်စိတ်ကျနေခြင်းကိုခေါ်သည်၊ မှတ်သားရန်မှာ= မနောဒွါရဝီထိ၌ အာရုံကို အတိအကျဖမ်းယူ မှတ်သားနိုင်ခြင်းမရှိသော၊ ပရိတ္တာရုံဝီထိကိုဆိုလိုသည်။

၃။ ကိုယ်ဝန်တားဆေး သောက်ခြင်း၊ ထိုးခြင်းများသည် ပါဏာတိပါတကံ ထိုက်ပါသည်။ မိခင်များကိုယ်ဝန်နေစဉ်၊ ကလလရေကြည်မှ စ၍ ဇိဝိတခေါ် အသက်ဝိညာဉ် ရှိနေသောကြောင့်ဖြစ်ပါသည်။ ရဟန်းတော်များ အမျိုးသမီးများအား ကိုယ်ကျဆေး တိုက်ပါက၊ လူသတ်မှုမြောက်၍၊ ပါရာဇိက အာပတ်သင့်ပါသည်။

မှတ်ချက်။ ။ အမိဝမ်းထဲ့သို့ မရောက်လာသေးသော သန္ဓေကိုတားလျှင် ကံမထိုက်၊ ရောက်ရှိနေပြီးသော သန္ဓေကိုတားလျှင် မည်သည့်နည်းဖြင့်၊ မည့်သောသို့ အကြောင်းကြောင့် တားသည်ဖြစ်စေ၊ ကံထိုက်ပါသည်။

၎။ သူများသားပျိူ၊ သမီးပျိူကို စိတ်ကူးနှင့် ညစ်ညမ်းစွာ တွေးတောလျှင် ကာမေသုမိစ္ဆာစာရကံ မထိုက်ပါ၊ ၄င်းသိက္ခာပုဒ်အရ ကာယကံမြှောက်ကြူးလွန်မှသာ ကံထိုက်သည်ဟုမှတ်ပါ။ သို့သော်- စိတ်နှင့်ပြစ်မှားမိသောကြောင့်၊ မနောကံဒုစရိုက်ဖြစ်သည်ဟုမှတ်ပါ။

၅။ ဘီယာသောက်ခြင်းသည်၊ သုရာမေရယကံ ထိုက်ပါသည်။ ဘီယားဆိုသည်မှာ၊ အရက်၏အမည် တစ်မျိုးသားဖြစ်သည်၊ ထို့ကြောင့် ဘီယာကို အရက်မဟုတ်ဟု မသတ်မှတ်သင့်ပါ။
ဆေးလိပ်သောက်ခြင်းသည် သုရာမေရယကံမထိုက်ပါ။ အခြားသောမူးယစ်ဆေးများကို ဆေးလိပ်၌ ထဲ့၍သုံးစွဲလျှင် ကံထိုက်ပါသည်။ သုရာ- ဟူသည်မှာ၊ သေရည် အရက်ဟု အဓိပ္ပါယ်ရပါသည်။

၆။ လက်မထက်ပဲ အတူနေထိုင်လျှင် ကာမေသုမိစ္ဆာစာရကံ ထိုက်ပါသလား ဆိုရာ၌၊ မည်ကဲ့သို့ လက်ထပ်သည်ကို ဆိုလိုသနည်းဟု ရှေးဦးစွာသိဖို့ လိုအပ်ပေသည်။ နှစ်ဦးသဘောတူ လက်ထပ်ထားခဲ့လျှင် ကံမထိုက်ဟုမှတ်သားရပါမည်။ လက်ထပ်ခြင်းသည် ပွဲလမ်းသဘင် လုပ်သည် မလုပ်သည်နှင့်မဆိုင်၊ အကြင်လင်မယားအဖြစ် အသိအမှတ်ပြုသည် မပြုသည်နှင့်သာ ဆိုင်လေသည်။

လက်မထပ်ပဲ အတူနေထိုင်ခြင်းဆိုရာ၌= အဂမနီယ၀တ္ထု အရ ကာမပိုင် မရှိသေးသော အပျိုသည် မိမိကာမကို မိမိပိုင်သဖြင့် မည်သည့်ယောက်ျားနှင့် ဆက်ဆံသည်ဖြစ်စေ ကာမေသုမိစ္ဆာစာရ မထိုက်ဟုဆိုပါသည်။

စေ့စပ်ထားသူမှအစ မိမိကို ပိုင်ဆိုင်သူ ရှိပြီးဖြစ်သော မိန်းမအတွက်ကား ထိုကာမပိုင် ယောက်ျားမှ တစ်ပါး အခြားယောက်ျားနှင့် ဆက်ဆံလျှင် ကံထိုက်ပါသည်။

ယောက်ျားဖက်တွင်ကား မိမိပိုင် မိန်းမမှတစ်ပါး အခြားမည်သည့် မိန်းမနှင့်မဆို ကံထိုက်ပါသည်။ (အပျိုနှင့်ဆက်ဆံရာတွင် မထိုက်ဟု ထင်ကြသည်။ သတိပြုပါ။) ပြည့်တန်ဆာမနှင့် ဆက်ဆံရာတွင် ကိုယ့်ထက်အရင် ငွေပေးထားသူရှိနေပါက နောက်ယောက်ျား ကံထိုက်၏။
ပြည့်တန်းဆာမဘက်ကလည်း ငွေလက်ခံထားပြီး ထိုယောက်ျားနှင့် မပြီးပြတ်ခင် အခြားယောက်ျားကို လက်ခံလျှင် ကံထိုက်၏။

အိမ်ထောင်မရှိသူများ လွတ်လပ်စွာနေကြရာ၌ မယားအမှတ်ဖြင့် ပေါင်းသင်းဆက်ဆံလျှင် (မိဘ သဘောတူသည်ဖြစ်စေ, မတူသည်ဖြစ်စေ) ဆန္ဒ၀ါသီနီ - ဟူသော အလိုတူ၍နေသော မယားအရာမြောက်၍ ယောက်ျား ကံ မထိုက်။
အမျိုးသမီးဘက်တွင်လည်း စေ့စပ်ထားသူ, ငွေပေးထားသူ စသော ပိုင်ဆိုင်သူ မရှိသေးလျှင် ကံမထိုက်ဟု မှတ်ပါ။

၇။ မိမိသော်၎င်း၊ သူတပါးသော်၎င်း နစ်နာမှု တစုံတရာမဖြစ်စေရန်၊ အကျိူးရှိစေရန်အတွက် (အလိမ်ခံရသူလည်း မထိခိုက်) အရိယာများ စကားပရိယာယ်သုံးကြပါသည်။ ဥပမာအားဖြင့်- မြတ်စွာဘုရားသည် ညီတော်နန္ဒမင်းသားအား တရားထူးကို ရရှိစေရန်အတွက်၊ ဥပါယ်တမျည် ဟုခေါ်သော နည်းပရိယာယ်ဖြင့်၊ စည်းရုံးဖူးသည်ကို ဖတ်ရှု့ရပါသည်။

ပြည့်တန်ဆာမနှင့် လူပျိုတစ်ယောက်ဆက်ဆံလျှင် ကာမေသု ထိုက်ပါသလား။ ဟူသော မေးခွန်းကို (နံပါတ် ၆ အဖြေတွင်၊ ပြန်လည်ဖတ်ရှု့ပါ။

၈။ သူခိုးတစ်ယောက် ခိုးဝှတ်နေသည်ကိုမြင်သောအခါ သူခိုး သူခိုး ဟု အော်ကောင်းပါသလား ဆိုရာတွင်၊ အော်ကောင်းပါသည်ဟု ဖြေဆိုရပါမည်။ အဘယ်ကြောင့်ဆိုသော်၊ ထိုကဲ့သို့သတိပေးခြင်းအားဖြင့်၊ သူခိုးလည်း အဒိန္နာဒါနာ သိက္ခာပုဒ်မှ ကင်းလွတ်ပြီး၊ ပိုင်ရှင်မှာလည်း မိမိ၏ကိုယ်ပိုင် ပစ္စည်းဆုံးရှုံးခြင်းမှ ကင်းလွတ်ပါလိမ့်မည်။

သို့သော် မိမိဖက်မှ စိတ်ထားတတ်ဖို့ တော့လိုအပ်ပေသည်။ ထိုကဲ့သို အသိပေးခြင်းဖြင့်၊ သူခိုးလည်း အဒိန္နာဒါန- ခိုးခြင်းအကုသိုလ်မှ ကင်းဝေးပါစေ၊ အိမ်ရှင်မှာလည်း ဘောဂဗျာသန- စည်းစိမ်ဥစ္စာ ပျက်စီးခြင်းမှ ကင်းဝေးပါစေဟု ထားဖုိ့လိုအပ်လှပေသည်။

အားနည်းနေရှာသော အနာဂတ်လူငယ်များအား မိမိ၏လက်တစ်ဖက်ကမ်းလှမ်းပေးလိုသူများသို့

2011-01-27T21:20:00.000-08:00

ရခိုင်ပြည်နယ်၊ မြောက်ဦးမြို့နယ်၊ တိမ်ညိုကျေးရွာတွင် ဆရာတော် ဘဒ္ဒန္တဇာနေယျ ဦးစီးဖွင့်လှစ် တည်ထောင်ထားသော လူငယ်များဖွံ့ဖြိုးရေးပရဟိတကျောင်းကို (၁၉၉၇)နှစ်မှစတင် ဖွင့်လှစ်ထားသည်မှာ ယခုဆိုလျှင် (၁၄)နှစ်ကျော်လာခဲ့ပြီ ဖြစ်ပါသည်။

ယခုအခါတွင် ၄င်းကျောင်းတိုက်၌ ပတ်ဝန်းကျင်ရွာပေါင်းအတော်များများမှ ဘ၀ကိုလက်မြှောက်အရုံး မပေး လိုသော အတန်းပေါင်းစုံမှ အနာဂတ်လူငယ်များသည် နှစ်စဉ်နှစ်တိုင်း လာရောက်နေထိုင်၊ ပညာသင်ယူ လျက်ရှိနေကြပါသည်၊ ၄င်းပရဟိတကျောင်း တိုးတက် အောင်မြင်ဖွံ့ဖြိုးနိုင်ရေး အတွက် လူမျိုးမရွေး၊ ဘာသာမရွေး ကလေးငယ်များ၏ ပညာရေးကဏ္ဍတွင် ဆရာတော်နှင့်တန်းတူ ပညာရေး လုပ်ငန်းများကို ပညာဒါနပြုလိုသော စေတနာရှင် အလှူရှင်များအား ဆရာတော်အနေဖြင့် တိုက်တွန်း နှိုးဆော်အပ်ပါသည်။

လှူဒါန်းနိုင်သောဝတ္ထုများ

၁။ ကျောင်းသားများ၏ တနေ့တာ စားသုံးရန်အတွက် ဆန်(၂၀) ပြည် ချက်ပြုတ်ရပြီး ဟင်းလျာစသည့် အပါအ၀င် တစ်ရက်ကိုငွေကျပ်(၂၀၀၀၀)အသုံးပြုရပါသည်။

၂။ စာဖတ်ရာတွင် ည၊ နံနက် အသုံးပြုရသောမီးစက်သုံးရေနံဆီ(၁)ဂါလံဖြစ်ပြီး ကာလပေါက်ဈေး တစ်ဂါလံ(၃၅၀၀)ကျပ် ကုန်ကျလျက်ရှိပါသည်၊ ( ၁. ၂၅ .၂၀၁၁ )

၃။ဆယ်တန်းကျောင်းသားတစ်ဦးအတွက် တစ်နှစ်လျှင်ပညာသင်ကြေးကျပ်(၂၀၀၀၀၀)ဖြစ်ပြီး၊ အတန်းစုံ ကျောင်းသား (၆၃) ဦးအတွက် ထောက်ပံ့ငွေများလိုအပ်လျက်ရှိနေပါသည်၊

၎။ ကျောင်းသား/သူများ၏ ကျန်းမာရေးနှင့် ညီညွတ်စေရန်အတွက် လေးခန်းတွဲ အိမ်သာ များတည်ဆောက် ရန်လိုအပ်နေပါသည်။

၅။ကျောင်းသား/သူများ စိတ်ချမ်းသာစွာ ပညာသင်ကြားရာတွင် နေထိုင်ရန်အတွက် ကျောင်းဆောင်သစ် များလိုအပ်နေပါသည်။

၆။တက္ကသိုလ်ဝင်စာမေးပွဲ အောင်ချက်မြင့်မားရေးအတွက် စာပြကျွမ်းကျင်သော ဆရာ(၃)ဦး ငှားရမ်းနိုင် အတွက် အဓိကလိုအပ်နေပါသည်။

ဆင်းရဲနွမ်းပါးသော ကလေးသူငယ်များ ပညာသင်ကြားပြီး လူမျိုးအကျိုး၊ နိုင်ငံအကျိုး၊ လောကအကျိုး သယ်ပိုးဆောင်နိုင်ရန်အတွက် အထက်ဖော်ပြပါ   လိုအပ်ချက်များကို မိမိတို့တတ်နိုင်သည့် ဘက်မှ ပါဝင်ပံ့ပိုးကူညီကြမည်ဆိုပါက ဆရာတော်၏ သာသနာပြုပညာရေး လုပ်ငန်းသည် ဆထက်တိုး အောင်မြင် တိုးတက်လာမည်မှာ အမှန်ပင်ဖြစ်ပါသည်။ တစ်ဦးချင်းဖြစ်စေ၊ မိသားလိုက်ဖြစ်စေ အချင်းချင်း စုပေါင်းခြင်း ဖြင့်ဖြစ်စေ   အောက်ပါလိပ်စာ အတိုင်း ပါဝင် လှူဒါန်းနိင်ကြပါသည်။

ဆရာတော်ဘဒ္ဒန္တဇာနေယျ ၊ လူငယ်များပရဟိတကျောင်း၊ တိမ်ညိုမြောက်ပိုင်းကျေးရွာ၊ မြောက်ဦးမြို့နယ်၊ ရခိုင်ပြည်နယ်၊   ဖုန်း098502155(တဆင့်ခေါ်ပါ)

မှတ်ချက်- စိတ်ပါဝင်စား၍ လေ့လာစုံစမ်း မေးမြန်းလိုသူများသည် ဖုန်းမှဆက်သွယ်မေးမြန်းရန် ခက်ခဲခဲ့ သော်

အင်တာနက်အီးမေလ်အကောက်... ashinpanna.5@gmail.com, ven.revata09@gmail.com, myominmg99@gmail.com, များမှတဆင့် စုံစမ်းနိုင်ပါသည်။

" အလိုတော်ပြည့် အလင်းရောင်" မဂ္ဂဇင်းစာအုပ်ထုတ်ဝယ်နိုင်ရန် စာမူတောင်းခံအပ်ပါသည်။

2010-12-11T01:43:00.000-08:00

ပြည်တွင်း၊ ပြည်ပနှင့် နယ်စပ်ဒေသ သာသနာပြု အလိုတော်ပြည့် ကျောင်းတိုက်များ၏ အဓိပတိ ဘဒ္ဒန္တဒေါက်တာ အရိယ၀ံသ ထံမှသြ၀ါဒ ခံယူပွဲအခမ်းအနား နှင့် အာစရိယပူဇော်ပွဲကို လာမည့် ၂၀၁၁ ခု ဇန္န၀ါရီလ ဒုတိယအပတ်အတွင်းတွင် စစ်တွေမြို့

အလိုတော်ပြည့်ကျောင်းတိုက်တွင် ကျင်းပပြုလုပ်မည်ဖြစ်ပါသဖြင့် ယင်းပွဲနှင့်ဆက်စပ်၍ ရခိုင်ပြည်နယ်ရှိ ဆရာတော်ကြီး၏
ဘာသာရေး၊ လူမှုရေး၊ ပရဟိတလုပ်ဆောင်ချက်များပါဝင်သော “အလိုတော်ပြည့် အလင်းရောင်” အမည်ရှိ စာစောင်တစ်ခုထုတ်ဝေသွားမည်ဖြစ်ပါသည်။ သို့ဖြစ်ပါ၍ ရခိုင်ပြည်နယ်မှ အလိုတော်ပြည့်ကျောင်းတိုက်ဆရာတော်များ၊တပည့် ရဟန်း ကျောင်းသား များ၊ ဂေါပကအဖွဲ့လူကြီးများနှင့် စာပေ ၀ါသနာရှင်များထံမှ အောက်ဖော်ပြပါအချက်အလက်များပါဝင်သော စာမူများ တောင်းခံအပ်ပါသည်။

(၁)မိမိရေးသားလိုသော အလိုတော်ပြည့်သာသနာပြုလုပ်ဆောင်ချက်များ၊
(၂)ယခင် သာသနာပြုလုပ်ဆောင်ချက်နှင့် ယနေ့သာသနာပြုလုပ်ဆောင်ချက်များ၊
(၃)စာရေးသူဖြစ်ချင်သည့် သဘောထားနှင့် ထင်မြင်ယူဆချက်များ၊
(၄)မိမိစုဆောင်းထားသမျှ မှတ်တမ်း ဓါတ်ပုံများနှင့် ဗွီဒီယိုဖိုင်များ၊
(၅)မိမိတို့ကျောင်းတိုက်အတွင်း ပရိယတ္တိ နှင့် ပဋိပတ္တိ သာသနာပြု လုပ်ဆောင်ချက် များ၊
(၆)လူမှုရေးနှင့် ပရဟိတလုပ်ငန်းများအား ဖေါ်ထုတ်ပေးခြင်း၊
(၇)ရှေးဟောင်း စေတီပုထိုးများ ပြန်လည်တည်ဆောက်ခြင်းများအား မိမိတို့သဘောထားများ၊
(၈)ကျောင်းထိုင်ဘုန်းကြီး၏ ကိုယ့်ရေးအကျဉ်းမှတ်တမ်းများ၊
(၉)ကျောင်းတိုက်ရှိ စာသင်းသားများ၏ သဘောထားနှင့် ထင်မြင်အယူဆများ
(မိမိနှစ်အသက်ဆုံး စာသင်သားတစ်ပါးအား ရေးပေးစေချင်ပါသည်)၊
(၁၀)မိမိတို့ကျောင်းတိုက်တွင် သတိပဋ္ဌာန်ဝိပဿနာ အလုပ်ပေးတရားစခန်းနှင့် ယင်းနှင့် ပတ်သတ်ပြီးတိုးတက်မှုများ၊
(၁၁)ယခင်ကျောင်းတိုက် တိုးတက်မှုနှင့် ယနေ့ကျောင်းတိုက် တိုးတက်မှုအခြေပြဇယား၊

အဆိုပါအကြောင်းအရာများပါဝင်သော စာမူများအား ၂၀၁၀ ခု ဒီဇင်ဘာလ ၂၅ ရက်နေ့ နောက်ဆုံးထား၍ ရန်ကုန်မြို့
အလိုတော်ပြည့်ကျောင်းတိုက်သို့ မဖြစ်မနေ အမြန်ပေးပို့ပါရန် လျှောက်ထားအပ်ပါသည်။

ဆက်သွယ်ရန်
ဖုန်း 0949234889
Web: www.alodawpyei.org
Emails: alodawpyei@myanmar.com.mmThis e-mail address is being protected from spambots. You need JavaScript enabled to view it / alodawpyei@gmail.comThis e-mail address is being protected from spambots. You need JavaScript enabled to view it

ရခိုင်ပြည်နယ်အတွင်း အလိုတော်ပြည့် ပ၀ါရဏအုပ်စုဝင် ကျောင်းတိုက်ပဓါနနာယကဆ၇ာတော်များနှင့် ကျောင်းတိုက်အမည့်များ

(၁) ဘဒ္ဒန္တ၀ါရိတ္တ အလိုတော်ပြည့်ပရဟိတဘုန်းတော်ကြီးကျောင်း၊ မင်းပြားမြို့
(၂) ဘဒ္ဒန္တဣန္ဒာစရိယ အလိုတော်ပြည့်ကျောင်းတိုက် ဘူးသီးတောင်မြို့
(၃) ဘဒ္ဒန္တမဏိသာရ အလိုတော်ပြည့်ကျောင်းတိုက် မောင်တောမြို့
(၄) ဘဒ္ဒန္တပညာဇောတ အလိုတော်ပြည့်ကျောင်းတိုက် စစ်တွေမြို့
(၅) ဘဒ္ဒန္တဥတ္တမသာရ ဗောဓိသုခဓမ္မရိပ်သာ (ညောင်ပင်လယ်ရွာ) ရသေ့တောင်မြို့နယ်
(၆) ဘဒ္ဒန္တအာစာရ ဗဟိုရ်ကျောင်းတိုက် မောင်တောမြို့
(၇) ဘဒ္ဒန္တဣန္ဒာစာရ အလိုတော်ပြည့်ကျောင်းတိုက် ရသေ့တောင်မြို့
(၈) ဘဒ္ဒန္တတေဇသာရ အလိုတော်ပြည့်ကျောင်းတိုက် မြောက်ဦးမြို့
(၉) ဘဒ္ဒန္တခေမာစာရ ဗောဓိရတနာတပ်ဦးကျောင်း (စကခ ၁၅) ဘူးသီးတောင်မြို့နယ်
(၁၀) ဘဒ္ဒန္တဇောတိက မာရမာကြီးကျောင်းဟောင်း စစ်တွေမြို့
(၁၁) ဘဒ္ဒန္တရ၀ိန္ဒ အလိုတော်ပြည့် ပရဟိတဘုန်းတော်ကြီးကျောင်း၊ မောင်တောမြို့
(၁၂) ဘဒ္ဒန္တသုမင်္ဂလ ဇေယျသုခ တပ်ဦးကျောင်း (နစက ဌာနချုပ်) မောင်တောမြို့နယ်
(၁၃) ဘဒ္ဒန္တစက္ကိန္ဒ မဒေးတောင်အလိုတော်ပြည့် ဓမ္မရိပ်သာ သံတွဲမြို့
(၁၄) ဘဒ္ဒန္တကေသရိန္ဒ ဗုဒ္ဓပါဒခြေတော်ရာအလိုတော်ပြည့်ကျောင်း ရသေ့တောင်မြို့နယ်
(၁၅) ဘဒ္ဒန္တရေ၀တ ဆင်ပိုက်ကျောင်း ရသေ့တောင်မြို့နယ်
(၁၆) ဘဒ္ဒန္တကောဝိဒ ထွန်းရဝေကျောင်း ရသေ့တောင်မြို့နယ်
(၁၇) ဘဒ္ဒန္တသီလာစာရ ပုဗ္ဗာရုံအရှေ့ဘက်ကျောင်း (ငကျဉ်တောက်ရွာ) ဘူးသီးတောင်မြို့နယ်
(၁၈) ဘဒ္ဒန္တ၀ရဗုဒ္ဓိ ဦးကင်းတောင်အလိုတော်ပြည့်တောရကျောင်း ရသေ့တောင်မြို့နယ်
(၁၉) ဘဒ္ဒန္တပညာဇောတ ခြံပြင်ကျောင်း မောင်တောမြို့နယ်
(၂၀) ဘဒ္ဒန္တကောဝိဒ အောင်သာယာကျောင်း မောင်တောမြို့နယ်
(၂၁) ဘဒ္ဒန္တတေဇောဘာသ သက်ကိုင်းညှာကျောင်း မောင်တောမြို့နယ်
(၂၂) ဘဒ္ဒန္တပညာ အထက်ပြူးမကျောင်း မောင်တောမြို့နယ်
(၂၃) ဘဒ္ဒန္တထေရိန္ဒ အ၀ဒါအလိုတော်ပြည့်ကျောင်း ရသေ့တောင်မြို့နယ်

လူကြီးမင်းအား မြန်မာ နှင့် ရခိုင်ရုပ်ရှင်အနုပညာရှင် ပွဲတော်သို့ဖိတ်ကြားခြင်း

2010-12-07T06:20:00.000-08:00

၂၀၁၀ - ခုနှစ် အောက်တိုဘာလ တွင် တိုက်ခတ် ခဲ့သော ဂီရိလေမုန်တိုင်းကြောင့် အတိဒုက္ခရောက် နေကြရသော ရခိုင်ပြည်နယ် ကျောက်ဖြူ၊မြေပုံ၊ မင်းပြားနှင့် ပေါက်တော မြို့နယ်များမှ ရခိုင်ပြည်သူ များအတွက် ပြန်လည် တည်ဆောက်ရေးနှင့် ကယ်ဆယ်ရေး ၊ ရံပုံငွေ ရှာဖွေစုဆောင်းရန် ရည်ရွယ်လျှက် လေးဝတီ ရခိုင်အနူပညာရှင်အဖွဲ့ (ရန်ကုန်)နှင့် ဥက္ကာဦးသာ plus+3 Music Band တို့မှာ ကြီးမူး၍ "ရှင်သန်နိုးထ အာရက္ခ" ခေါင်းစဉ်ဖြင့် အနုပညာ ပွဲတော်ကြီးကို အောက်ပါအစီအစဉ်အတိုင်း အခမ်းအနားကို ကျင်းပမည်ဖြစ်ပါသည်။

နေ့ရက်။ ။ ၂၀၁၀-ခုနှစ် ၊ ဒီဇင်ဘာလ (၁၃)ရက် ကြာသပတေးနေ့
အချိန်။ ။ညနေ့ ၅း၀၀ နာရီ မှ ၉း၀၀ နာရီး ထိ
နေရာ။ ။သုဝဏ္ဏ မိုးလုံလေလုံ အားကစာရုံ(၁)

တီးဝိုင်း။ ။ လေးဝတီရခိုင်အနူပညာအဖွဲ့နှင် ဥက္ကာဦးသာ ၏ Plus +3 Music Band
ပွဲတော်အစီအစဉ်များတွင် ရခိုင်ရိုးရာအကပဒေသများ နှင့် တေးသီချင်းသီဆိုမူများအပြင် မြန်မာနှင့် ရခိုင်ရုပ်ရှင် အနုပညာရှင် အမြောက်အမြားကလည်းပါဝင် ဖြေဖျော်ကြမည် ဖြစ်ပါသည်။ ငွေ နှင့် ပစ္စည်း လှူဒါန်း လိုသူများကလည်း ပွဲတော်မတိုင်မီဖြစ်စေ၊ ပွဲတော်အချိန်တွင် ဖြစ်စေ၊ လှူဒါန်းနိုင်ပါကြောင်း တိုက်တွန်း နိူးဆော်အပ်ပါသည်။ သို့ပါ၍ ယင်းပွဲတော်သို့ ကြွရောက်ချီးမြင့် ဂုဏ်ပြုပေးပါရန် လူကြီးမင်းအား လေးစားစွာဖြင့် ဖိတ်ကြားအပ်ပါသည်။

ပွဲတော်ကျင်းပရေးကော်မတီများ.
ဆက်သွယ်ရန်။ ။ဦးဇင်း ဘီလူး ဖုန်း 0949234889 / ဦးသန်းမောင် ဖုန်း 01.73034288 / ဦးထွန်းဝင်း ဖုန်း 095174891

အလိုတော်ပြည့်သတင်း

ပြည်သူချစ်သော ထိုင်းဘုရင်မင်းမြတ် ဘူမိဘောအဒူလျာဒက်(ဒ်)၏ ၈၃-နစ်ပြည့် မွေးနေ့။

2010-12-04T09:28:00.000-08:00

ထိုင်းဘုရင်မင်းမြတ် ဘူမိဘောအဒူလျာဒက်(ဒ်)သည် ထိုင်းနိုင်ငံတွင် ၁၇၈၂ ခုနစ်မှ စတင်၍စိုးစံလာသော ချက်ကရီမင်းဆက်အနွယ်တော်မှ ဆင်းသက်လာခဲ့သော နဝမမြောက် ရာမဘုရင် ဖြစ်သည်။

ဘုရင်ဘူမိဘောအဒူလျာဒက်(ဒ်)သည် ဆောင်းကုလားမင်းသား မဟီဒိုး (Prince Mahidol of Sonkhla) နှင့် မင်းသမီး ဆိုင်းဝန် မဟီဒိုး (Mon Sangwalya Mahidol) တို့၏ သားထွေးဖြစ်သည်။ ၁၉၂၇ ခု၊ ဒီဇင်ဘာလ ၅ ရက်နေ့တွင် အမေရိကန်ပြည်ထောင်စု မက်ဆာချူးဆက်ပြည်နယ် ကိန်းဗရစ်မြို့တွင် ဖွားမြင်ခဲ့သည်။

သူ၏ အစ်မတော်မှာ မင်းသမီး ဂါလာယာနီဗာဓာန (H.R.H. Princess Galayani Vadhana) နှင့် နောင်တော်မှာ အဋ္ဌမမြောက် ရာမဘုရင်ဘွဲ့ခံ အနန္ဒမဟီဒိုး (H.M.King Ananda Mahidol Rama VIII) တို့ ဖြစ်ကြသည်။ မင်းသားအား ဖွားသန့်စင်စဉ်က ဘုရင်ဘူမိဘောအဒူလျာဒက်(ဒ်)၏ ခမည်းတော် ဆောင်းကုလား မင်းသားသည် အမေရိကန်ပြည်ထောင်စုရှိ ဟားဗတ်တက္ကသိုလ်၌ ပညာသင်ကြားလျှက်ရှိနေချိန်ဖြစ်သည်။

ထို့နောက် ဘုရင်ဘူမိဘောအဒူလျာဒက်(ဒ်)သည် ထိုင်းနိုင်ငံ ဘန်ကောက်မြို့နှင့် ဆွစ်ဇာလန်နိုင်ငံ လော့ဆိန်းမြို့တွင် ပညာသင်ကြားခဲ့သည်။ နောင်တော်ဘုရင် အနန္ဒမဟီဒိုး ရုတ်တရက်နတ်ရွာစံသောအခါ ဘုရင်ဘူမိဘောအဒူလျာဒက်(ဒ်)သည် နောင်တော်၏ အရိုက်အရာကို ၁၉၄၆ ခု၊ ဇွန်လ ၉ ရက်နေ့တွင် ဆက်ခံတော်မူ၍ ယနေ့တိုင် ထိုင်းနိုင်ငံထီးနန်း၌ စိုးစံလျှက်ရှိသည်။

ဘုရင်ဘူမိဘောအဒူလျာဒက်(ဒ်)သည် (၁၉၅၀ ပြည့်နစ်၊ ဧပြီလ ၂၈ ရက်နေ့တွင်) ထိုင်းမင်းသားကြီး ချန်ဒရာမူရီဆူနတ်၏ သမီးတော်ဖြစ်သူ သီရိခေတ် (Mon Rajawongse Sirikit Kiktiyakara) မင်းသမီးနှင့် ၁၉၅၀ ပြည့်နှစ်၊ ဧပြီလ ၂၈ ရက်နေ့တွင် စုလျားရစ်ပတ် လက်ထပ်ထိမ်းမြားခဲ့သည်။

သီရိခေတ်ကို ဆွစ်ဇာလန် နိုင်ငံတွင် ပညာသင်ကြားနေစဉ်ကပင် တွေ့မြင်ရင်းနှီးမေတ္တာမျှခဲ့ခြင်းဖြစ်သည်။ သီရီခေတ်သည် နုပျိုစဉ်အခါက ကမ္ဘာတစ်ခွင်တွင် အချောအလှဆုံး အမျိုးသမီးများတွင် တစ်ဦးအပါအဝင်အဖြစ် ထင်ပေါ်ကျော်ကြားခဲ့သည်။ စုလျှားရစ်ပတ်ပြီးနောက် ထိုနစ် မေလ ၅ ရက်နေ့၌ပင် ရာဇာဘိသေက အခန်းအနားကို ကြီးကျယ်စွာဆင်ယင် ကျင်းပပြီးဘိသိက်ခံခဲ့သည်။

ထိုင်းဘုရင် ဘူမိဘောအဒူလျာဒက်(ဒ်)သည် ရွှေနန်းပြာသာဒ်တွင် အငြိမ့်သား ဇိမ်ခံ၍ နေနိုင်သူဖြစ်သည်။ ပုံပြင်ဆန်သော နန်းပြသာဒ်များကို သူ ပိုင်ဆိုင်သည်။ သို့သော် ဘုရင်းတစ်ပါးပင်ဖြစ်သော်ငြား ပြည်သူအကြားသို့ဝင်၍ ပြည့်သူ့ဝန်ကို ထမ်းရွက်နေသူဖြစ်သည်။

ဘုရင်ဘူမိဘောသည်ကား ဆက်ဦးဆံပိုင်ဘုရင်တစ်ပါးမဟုတ်ပေ၊ ထို့ပြင် [အင်နာခင်နှင့် ယိုးဒယား(ထိုင်း) ဘုရင်] ဝတ္ထုထည့်ကလို ဒေါသ မာန်မာနကြီးမား၍ အာဏာစက်ပြင်းလှသော သူ၏ ဘိုးတော်လို ဘုရင်ကြီးလည်းမဟုတ်ပေ။ ဘူမိဘောသည် ငယ်စဉ်ကတည်းက အရှက်အကြောက်ကြီးသူ ဖြစ်သည်။ စိတ်ကောင်း နှလုံးကောင်းရှိသည်၊ အမူအရာခက်ထန်မောက်ကြွားမှုကင်းသည်။ မည်သူ့ကိုမဆို ကူညီရိုင်းပင်းလိုသော လူမှူဝန်ထမ်းစိတ်ရှိ အပြည့်ရှိသည်။ သည်စိတ်ဓာတ်များကြောင့်ပင် သူသည် ရွှေအိမ်နန်း နှင့် ကြငှန်းစံသောဘဝမှနေ၍ မြေကြီးပေါ်သို့ဆင်းကာ ဗျိုက်တော်နှင့် ရွှံ့ညွန်အကြား ခြေစုံပင်ကွဲစေဦးတော့ တိုင်းပြည်နှင့်လူမျိုးအကျိုးရှိမည့် အလုပ်မှန်သမျှ အားမာန်အပြည့်နှင့် တစိုက်မတ်မတ် အမျှင်မပြတ် သယ်ပိုးခဲ့သည်။

လယ်သမားများနှင့် အသိချင်းဖလှယ်ခဲ့သည်။ ဘူမိဘောတိုင်းခန်းလှည့်လည်ရာ၌ သူ့နောက်ပါးတွင် အစိုးရအရာရှိများနှင့် ဆောက်လုပ်ရေး အင်ဂျင်နီယာများလည်းပါသည်။ အထူကုဆရာဝန်များနှင့် သွားအထူးကု ဆရာဝန်များလည်းပါသည်။ ဆရာဝန်များနှင့် ကျန်းမာရေးဝန်ထန်းများက ဒေသခံဆေးရုံများနှင့် ပူးပေင်း၍ အခမဲ့ ကုသပေးသည်။
ယနေ့ထိုင်းနိုင်ငံသည် အာရှတိုက်တွင် ထွန်းသစ်စ စက်မှူနိုင်ငံဘဝသို့ရောက်ရှိနေပြီဖြစ်သည်။ သို့ပင်ဖြစ်သော်ငြားလည်း လယ်ယာလုပ်ငန်းသည်သာ ထိုင်းနိုင်ငံ၏ အဓိကစီးပွားရေးကျောရိုးဖြစ်သည်ဟု ဘူမိဘောက လက်ခံထားသည်။

ကျေးလက်တောရွာများနှင့် တောင်ပေါ်ဒေသများ နယ်စပ်ဒေသများတွင် ဆင်းရဲမွေးတေမှူနှင့် လူမှူပြဿနာရှိနေသမျှ တိုင်းပြည် မတည်ငြိမ်နိုင်ကြောင်း ဘုရင်ဘူမိဘော ကောင်းကောင်း သိသည်။
ထို့ကြောင့်ပင်လျှင် သူ့လုပ်ဆောင်ချက်များကို ဘူမိဘောဘုရင်က (ကြိုတင်ကာကွယ်ရေးဆေးဝါး) ဟုတင်စားခဲ့သည်။ ပြည့်သူ့အတွက် ချက်ချင်းဆောင်ရွက်‘‘ ဆိုသည်မှာလည်း ဘုရင်ဘူမိဘော၏ လက်တွေ့  ကျင့်သုံးလျှက်ရှိသည့် ဆောင်ပုဒ်တစ်ခုဖြစ်သည်။

သို့ကလို ပြည်သူ့အကျိုးကို နေ့မအား ညမနား ဆောက်ရွက် ပေးလျက်ရှိသောကြောင့် ထိုင်းဘုရင်မင်းမြတ်သည် ထိုင်းနိုင်ငံ တိုင်းသူပြည်သားများ၏ စည်းလုံးညီညွတ်ရေး အထိန်းအမှတ်အဖြစ်ဖြင့် ရပ်တည်နိုင်ခဲ့သည်။ ယခုအခါ ဘုရင်ဘူမိဘော၏ နန်းသက်မှာ နစ်ပေါင်း ၅၀ ကျော်ခဲ့ပြီဖြစ်သည်။ ဘူမိဘောနန်းသက်တစ်လျှောက်၌ ကမောက်ကမ ဖြစ်မှူများ အတောမသတ်နိုင်အောင် ကြုံတွေ့ခဲ့ရသည်။

စစ်တပ်မှ အာဏာသိမ်းပိုက်မှူ ၁၉ ကြိမ်၊ ဖွဲ့စည်းအုပ်ချုပ်ပုံဥပဒေသစ် ပျင်ဆင်ရေးအဖွဲ့မှ ၁၀ ကြိမ်နှင့် အကြိမ်ပေါင်း မရေတွက်နိုင်သော ကက်ဘိနက်အစိုးရဝန်ကြီးအဖွဲ့ ပြောင်းလဲဖွဲ့စည်းမှူများကို တွေ့ကြုံဖြတ်သန်း ခဲ့ရသည်။

ဘုရင်ဘူမိဘောသည် လုပ်ပိုင်ခွင့်အာဏာ ကန့်သတ်ခံထားရသော စည်းမျဉ်းခံဘုရင်တစ်ပါးဖြစ်သည်။ သို့ရာတွင် သူကား ပြည့်သူချစ်သော ဘုရင်တစ်ပါးဖြစ်သည်။ ပြည်သူကိုအလုပ်အကြွေးပြုသော မင်းတစ်ပါးသာ ဖြစ်သည်။ သူ၏ကိုယ်ရေကိုယ်သွေး စွမ်းပကားကား ကြီးမားလှသည်။

သူ၏တည်ဆောက်ရေး လုပ်ငန်းများသည် ထိရောက်အောင်မြင်သော လုပ်ဆောင်မှူများဖြစ်ခဲ့သည်။ ထိုင်းစစ်တပ်ကလည်း အစိုးရတွေ တစ်ဖွဲ့ပြီး တစ်ဖွဲ့ သာ ဖြုတ်ချခဲ့သည် ဘုရင်ဘူုမိဘောကိုမူ သစ္စာရှိကြသည်။ အာဏာရယူရေးကိစ္စများတွင် ဘုရင်ဘူမိဘောသည် မည့်သူ့ဖက်မျှမပါဝင်ပဲ သိက္ခာသမာဓိနှင့်နေခဲ့သည်။ ကျောသားရင်သား မခွဲခြားပဲ တရားနည်းလမ်းကျစွာ အဆုံး အဖြတ်ပေးသည်။

ဘူမိဘောသည် ထိုင်းဘုရင်တစ်ပါးဖြစ်သော်လည်း သူ၏နိုင်ငံတွင် ဒီမိုကရေဆီအပြည့်အဝ ပေါ်ထွန်း ရေးကို ဦးတည်သော လုပ်ဆောင်ချက်များကိုသာ လိုလားနစ်သက်သူဖြစ်သည်။ ထိုင်း ဘုရင်ဘူမိဘော၏ ပုဂ္ဂိုလ်ရေး အာဏာသည် သူ၏ နန်းသက်တစ်လျှောက်တွင် ကြာလေခိုင်မြဲလေ ဖြစ်သည်။ ထိုင်းနိုင်ငံသမိုင်းတွင် ဘူမိဘောအဒူလျာဒက်(ဒ်)သည် နန်းသက်အရှည်ကြာဆုံး မင်းတစ်ပါးအဖြစ် သမိုင်းမှတ်တိုင်စိုက်ထူခဲ့လေပြီ။

ဘုရင်ဘူမိဘောသည် မရည်ရွယ်ပဲ စော်ကဲမင်းဖြစ်ဆိုသလို နောင်တော် အနန္ဒမဟီဒိုးမှာ သူ၏ အိပ်ခန်းဆောင်၌ သေနပ်ဒါဏ်ရာဖြင့် ထူးဆန်းစွာလုပ်ကြံသတ်ဖြတ်ခြင်း ခံရပြီးနောက် နောင်တော်၏ ထီးနန်းအရိုက်အရာကို ညီတော်ဖြစ်သော ဘူမိဘောက ၁၉၄၆ ခုတွင် စတင်တာဝန်ထမ်းဆောင်ခဲ့ရသည်။

နောင်တော်နတ်ရွာစံစဉ်က ဘုရင်ဘူမိဘောမှာ ၁၈ နစ်သာရှိသေးကာ ဆွစ်ဇာလန်နိုင်ငံ၌ ပညာသင်ကြားနေချိန်ဖြစ်သည်။
ဘူမိဘောသည် ဘုရင်ဖြစ်လာပြီးနောက် နဝမမြောက်ရာမဘုရင် ဘွဲ့ကိုသာမက မဟာရာဇာ ဘွဲ့ကိုပါ ပြည်သူ၏ ဆန္ဒနှင့်အညီခံယူခဲ့သည်။

ဘူမိဘောသည် ၁၇၈၂ ခုနစ်ကပင် စတင်ခဲ့သော ချက်ကရီမင်းဆက် အနွယ်မှ ဆင်းသက်လာသူဖြစ်သည်။ ဘုမိဘော၏ ဘိုးတော်မှာ မောင်းကွတ်ဘုရင်ဖြစ်သည်။ ထိုဘုရင်ကြီး အကြောင်းကို မှီငြမ်းရေးဖွဲ့ထားသော ကမ္ဘာကျော်ဝတ္ထုတစ်ပုဒ် ပေါ်ထွက်ခဲ့ဖူးသည်၊ အင်နာခင် နှင့် ယိုဒယား (ထိုင်း) ဘုရင် (Anna and the King Siam) ဖြစ်သည်။

ထိုဝတ္ထုကို နောင်အချိန်တွင် ကမ္ဘာကျော် ခေါင်းတုံးမင်းသား ယူလ်ဘရိုင်နား နှင့် ရုပ်ရှင်ပြန်ရိုက်သောအခါ ဘုရင် နှင့် ကျွန်ုပ် (The King and I) အဖြစ် ကျော်ကြားခဲ့လေ၏။

ထီးနန်းကို ဆက်ခံပြီးနောက် နစ်လကြာသောအခါ ဆွစ်ဇာန်နိုင်ငံ သို့ ပြန်သွားကာ လော့ဆန်းတက္ကသိုလ် တွင် သိပ္ပံ၊ ဥပဒေ ပညာ နှင့် နိုင်ငံရေးပညာရပ်များကို ဆက်လက်သင်ယူခဲ့လေသည်။ ဆွစ်ဇာလန်နိုင်ငံတွင် ဘွဲ့ရပြီးနောက် ၁၉၅၁ ခုနစ်တွင် ထိုင်းနိုင်ငံသို့ပြည်တော်ပြန်ခဲ့သည်။

ထိုအချိန်မှအစပြု၍ ထိုင်းဘုရင်ဘူမိဘောအဒူလျာဒက်(ဒ်)သည်၊ ထိုင်းနိုင်ငံထီးနန်း၌ သက်တမ်းအကြားဆုံး ချက်ကရီမင်းဆက် နဝမမြောက် ရာမဘုရင်အဖြစ်ဖြင့် ယနေ့ တိုင် ဆက်လက်စိုးစံအုပ်ချုပ်လာခဲ့သည်မှာ သက်တော် ၈၃ နစ် မွေးနေ့သို့ တိုင်ခဲ့လေပြီးဖြစ်သည်။

ထိုင်းဘုရင်မင်းမြတ်ဘူမိဘောအဒူလျာဒက်(ဒ်)သည်၊ ဒီဇင်ဘာလ ၅ ရက်နေ့တွင်ကျရောက်သော် ၈၃ နစ် မြောက် မွေးနေ့ မှသည် နောင်နစ်ပေါင်းများစွာတိုင်အောင် တိုင်းပြည်ကို ဆက်လက် အုပ်ချုပ်ပါစေသတည်း။

အလိုတော်ပြည့်ဗုဒ္ဓပူဇနိယပွဲတော် ကျင်းပပြုလုပ်မည်

2010-12-03T11:29:00.000-08:00

အလိုတော်ပြည့်ဗုဒ္ဓပူဇနိယပွဲတော်ကျင်းပပြုလုပ်မည်။

မန္တလေးတိုင်း ပုဂံ/ညောင်းဦးမြို့၌ နှစ်စဉ်ကျင်းပမြဲဖြစ်သော ရှေးဟောင်း အလိုတော်ပြည့် ဘုရားပွဲတော်ကို ၁၃၇၂-ခုနှစ် နတ်တော်လဆန်း (၁၄-၁၅)ရက် ၂၀၁၀ခုနစ် ဒီဇင်ဘာ ၂၀-၂၁ ရက်နေ့များတွင် ပြည်တွင်းပြည်ပ သာသနာပြု ကျေးဇူးတော်ရှင် အလိုတော်ပြည့် ဆရာတော်နှင့်
ဂေါပကအဖွဲ့ဝင် များမှ ဦးစီး၍ အမြို့မြို့အနယ်နယ်မှ ဆွမ်း၊ ရေချမ်း၊ သစ်သီး၊ ပန်း၊ ဆီမီး(၅၀၀၀)တို့ဖြင့် အလိုတော်ပြည့် ဗုဒ္ဓပူဇနိယထီးဖြူတော်ဖွင့်ပွဲ အခမ်းအနားဖြင့် လှူဒါန်းပူဇော်ပြီး ပင့်သံဃာ (၅၂၈)ပါး တို့အား လှူဒါန်းဖွယ်ရာ ၀ထ္ထုများကိုလှူဒါန်း ပူဇော်နိုင်ရန် လေးစားစွာ ဖိတ်ကြားအပ်ပါသည်။

ပင့်သံဃာတစ်ပါးလျှင် ကျပ်(၁၀၀၀၀)ဖြင့် ငွေပဒသာပင်များ လှူဒါန်းပူဇော်မည်ဖြစ်ပါသည်။

မိမိတို့လောင်းလှူလိုသော ပစ္စည်းများကို ပင့်သံဃာ(၅၂၈)ပါး အတွက် သံဃာ့ဒါန သံဃာစေ့ လှူဒါန်းနိုင်ပါကြောင်း ပြည်တွင်း ပြည်ပရှိ တပည့် ဒကာ/ဒကာမများတို့အား အသိပေးဖိတ်ကြားအပ်ပါသည်။

ဆက်သွယ်လှူဒါန်းနိုင်ရန် ဖုန်း 01.545337 -
Email: alodawpyei@myanmar.com.mm

ထိုင်းနိုင်ငံ ဘန်ကောက်မြို့မှ စုပေါင်းမဟာဘုံကထိန်ပွဲ

2010-11-14T05:03:00.000-08:00

ဘန်ကောက် ၁၄-၁၁-၂၀၁၀၊

ထိုင်းနိုင်ငံ ဘန်ကောက်မြို့ ဘန်ခေအရပ်ရှိ ဝပ်တလုမ်ကျောင်းတိုက်တွင်၊ စုပေါင်းမဟာ ဘုံကထိန်ပွဲကြီး တစ်ရပ်ကို စည်ကားသိုက်မြိုက်စွာဖြင့်၊ ထိုင်းနိုင်ငံရောက် မြန်မာနိုင်ငံသား အလုပ်သမားများမှ စုပေါင်း၍၊ ယနေ့ ပြုလုပ်ကျင်းပခဲ့ပြီး ပရိဿတ်အင်အား တစ်ထောင်ကျော်ခန့် လာရောက်ကာ ကထိန်အနုမောဒနာ တရားများ နာယူကြကြောင်း ကြားသိရပါသည်၊

တရားနာ ပရိဿတ်များ

အခန်းအနားကို အစီအစဉ်ကိုးရပ်ဖြင့် ကျင်းပခဲ့ပြီး ဝပ်တလုမ်ကျောင်းတိုက်တွင် သီးတင်းသုံးနေတော်မူ သော ဦးခေမာဝံသ မှ ကထိန်အနုမောဒနာ တရားကို ချီးမြင့်ပေးခဲ့ကြောင်း၊ ဝပ်တလုမ်ကျောင်းတိုက်၏ ပဓာန နာယကဆရာတော် ဖရမဟာဘုန်းထိန်ဇုတိနြေ္ဒာ ကလည်း မြန်မာရဟန်းတော်များနှင့် ကြွရောက်လာကြသော တရားနာ ပရိဿတ်အား သြဝါဒ စကားပြောကြားခဲ့ကြောင်း သိရှိရပါသည်။

ဝပ်တလုမ်ကျောင်းရှိ မြန်မာသံဃာတော်များအား ဆွမ်းဆက်ကပ်နေစဉ်

၎င်းဝပ်တလုမ်ကျောင်းတိုက်တွင် မြန်မာရဟန်းတော် ၁၀၀ ကျော်နှင့် ဘင်္ဂလား လာအို ကမ္ဘောဒီးယား အိန္ဒိယ သီရိလင်္ကာ စသောနိုင်ငံများမှ ရဟန်းတော်များ သီတင်းသုံးနေထိုင်ကာ ထိုင်းနိုင်ငံရှိ တက္ကသိုလ်များတွင် ပညာသင်းကြားနေကြကြောင်း၊ သိရှိရပါသည်။

သံဃာတော်များ ဆွမ်းဘုဉ်းပေးတော်မူနေစဉ်

ယခုလက်ရှိအချိန်တွင် မြန်မာရဟန်းတော် ၁၀၀ ကျော်အပါအဝင် နိုင်ငံတကာ ရဟန်းတော်များ ၄၀၀ ကျော်သီးတင်းသုံးနေထိုင်းကြကြောင်း၊ သို့သော် နေရာအခက်များရှိနေသည့်အတွက် နောက်ထပ် ငါးထပ်ကျောင်းဆောင် တစ်ဆောင်ကို ဆောက်လုပ်ကာ မြန်မာအပါအဝင် နိုင်ငံတကာမှ ရဟန်းတော်များကို တိုးချဲ့လက်ခံသွားမည် ဖြစ်ကြောင်း ဆရာတော်မှ မိန့်ကြားခဲ့ပါသည်။

ပရိဿတ်များအား မြန်မာမုန့်ဟင်းခါးဖြင့် ဧည့်ခံနေစဉ်

ယနေ့ပြုလုပ်ခဲ့သော ကထိန်ပွဲလာ ပရိဿတ်များမှာ ထောင်ကျော်နေသဖြင့်၊ မြန်မာများတင်မက ထိုင်းများကပါ အံ့အားသင့်ခဲ့ရကြောင်းနှင့် နစ်စဉ်နှစ်တိုင်းလည်း ယခုကဲ့သို တက်ညီလက်ညီ ဆောက်ရွက်သွားကြပါက၊ ယခု ဒုတိယအကြိမ်မှသည် နောင် အကြိမ်ပေါင်းများစွာ ဖြစ်လာအုံးမည် ဖြစ်ကြောင်း ဝပ်တလုမ်ကျောင်းဆရာတော်မှ မိန့်ကြားခဲ့ပါသည်။

သင်္ကန်း အရောင်းဌာန

ယခုအခါ ၄င်းဝပ်တလုမ်ကျောင်းတိုက်ကြီးတွင် မြန်မာများအတွက် သာရေးနာရေး ဘာသာရေး ပွဲလမ်းသဘင်များကို ဆင်နွဲရန် ဆရာတော်မှ ခွင့်ပြုပေးထားသဖြင့် ပြည်ပတွင် နေကြရသော မြန်မာများအတွက် ခိုကိုးစရာ အရိပ်အာဝါသကြီးသဖွယ် ဖြစ်နေပြီး၊ ဝပ်တလုမ်ကျောင်းကို မရောက်ဖူးလျှင် ဘန်ကောက်ကို ရောက်ဖူးသည် မမည် ဟု ဆိုရလောက်အောင် မြန်မာများ ဝင်ထွက်သွားလာနေကြကြောင်း သိရှိရပါသည်။

ဦးရွှေရိုးအကဖြင့် ကပြဖျော်ဖြေနေစဉ်

ကထိန်လှည့်လည်နေကြစဉ်

ကထိန်လှည့်နေကြစဉ်

ကထိန်လှည့်လည်နေသော ဝတ်အဖွဲ့သားများ

ထိုစုပေါင်း မဟာဘုံကထိန်ပွဲကြီးတွင် ကြွရောက်လာကြသော ပရိဿတ်များအား မြန်မာမုန့်ဟင်းခါးများဖြင့် ဧည့်ခံကျွေးမွေးပြီး၊ နေ့လည် ၁ နာရီ အချိန်တွင် ကထိန်လျှာသင်္ကန်းများ ဆက်ကပ်လှူဒါန်းကာ၊ လှူဒါန်းမှူအစုစုတို့ကို ရေစက်သွန်းချ အမျှပေးဝေပြီး ဗုဒ္ဒသာသနံ စိရံတိဋ္ဌတု သုံးကြိမ် ရွတ်ဆို၍ အခန်းအနားကို အောင်မြင်စွာ ကျင်းပပြုလုပ်ခဲ့ကြောင်း သိရှိရပါသည်။၊

အထူးဖိတ်ကြားခြင်း (အလိုတောာ်ပြည့် ရန်ကုန်)

2010-10-30T01:26:00.000-07:00

သဘာဝဘေးအန္တရယ်(ဂီရိ)မုန်တိုင်းဒဏ်ခံခဲ့ရသော ရခိုင်ပြည်နယ် မြေပုံ၊ မင်းပြား၊ ကျောက်ဖြူ၊ ပေါက်တောမြို့ များ၌ ပြည်တွင်းပြည်ပ နယ်စပ်ဒေသ သာသနာပြု အလိုတော်ကျောင်းတိုက်များ၏အဓိပတိ ကျေးဇူးတော်ရှင် အလိုတော်ပြည့်ဆရာတော်ကြီးမှ ဦးစီပြီး အဆိုပါ လေဘေးဒဏ်ခံခဲ့ရသော ဒေသများတွင် အထွေထွေပစ္စည်းများ လှူဒါန်းနိင်ရေးအတွက် ၄င်းဒေသများသို့  အလိုတော်ပြည့်ဆရာတော်ကြီးကိုယ်တိုင် ကြွရောက်လှူဒါန်းမည်ဖြစ်ပါသောကြောင့် စေတနာရှင်တပည့်ဒကာ၊ ဒကာမများတို့အား ၀တ္တုပစ္စည်းများ လှူဒါန်းမည့် အခမ်းအနားသို့ အထူးဖိတ်ကြားအပ်ပါသည်။

ကျင်းပပြုလုပ်မည်နေ့ရက်
၁၃၇၂-ခု သီတင်းကျွတ်လပြည့်ကျော်(၉)ရက် တနင်္လာနေ့ (၁.၁၁.၂၀၁၀)ရက်နေ့ .......နေ့လည် ၃း၀၀ နာရီ မှ (၄း၀၀)နာရီထိ အောင်မြေဗောဓိဓမ္မရိပ်သာ အလိုတော်ပြည့်ကျာင်းတိုက် ပင်ရွှေညောင်းလမ်း တာမွေကလေးရပ်ကွက် တာမွေမြို့နယ် ရန်ကုန်မြို့၊ ဆက်သွယ်နိုင်ရန် ဖုန်း ၅၄၅၃၃၇
Web:www.alodawpyei.org //Email: alodawpyei@myanmar.com.mm

ရခိုင်ပြည် ဂီရိမုန်တိုင်း လေဘေး ဒုက္ခသည်များ ကူညီထောက်ပံ့ရေး ကော်မတီ၏ နိုးဆော်လွှာ

2010-10-26T22:39:00.001-07:00

ရခိုင်ပြည်အတွင်း မကြာသေးမှီက တိုက်ခတ်သွားသော အင်အားပြင်း ဂီရီမုန်းတိုင်းဒါဏ်ကြောင့် အိုးအိမ်စွန့်ခွါသွားရသော လေဘေးဒုက္ခသည်များအရေးကို ကူညီဖြေရှင်းနိုင်ရန်အတွက်၊ ထိုင်းနိုင်ငံရောက် ရခိုင်ကျောင်းသားဟရန်းတော်များအဖွဲ့မှ ရခိုင်ပြည် ဂီရိမုန်တိုင်း လေဘေး ဒုက္ခသည်များ ကူညီထောက်ပံ့ရေး ကော်မတီ တစ်ရပ်ကို အရေးပေါ် ဖွဲ့စည်းလိုက်ကြောင်း သတင်းရရှိပါသည်။ လေဘေးဒုက္ခသည်များကို ကူညီလိုသော အနယ်နယ်အရပ်ရပ်ရှိ စေတနာရှင်များအနေဖြင့် အောက်ပါ လိပ်စာများသို့ဆက်သွယ် လှူဒါန်းနိုင်ကြောင်း သတင်းရရှိပါသည်။

Giri Donation Collection Annoucement

လူ့အဖြစ်ကို ရခဲခြင်းနှင့် လူဦးရေတိုးပွားလာရခြင်း၊ (မောင်သာဦး- အမေး)

2010-10-14T01:23:00.000-07:00

ရွာဦးကျောင်းကို အခုမှရောက်ဖူးတာပါဘုရား။
အဲဒီတော့ ဆရာတော်ဖြေကြားထားတဲ့ မနုဿတ္တဘာဝေါ ဒုလ္လဘော မေးခွန်းမှာ ဖြေကြားထားတဲ့ အထဲမှာ တပည့်တော် တစ်ခုသဘောမပေါက်ဘူး ဖြစ်နေတယ်ဘုရား။ ဟိုလွန်ခဲ့တဲ့ နှစ်ပေါင်း ၁၀၀ လောက်နဲ့စာရင် အခုခေတ်မှာ လူဦးရေရော၊ တိရစ္ဆာန်ဦးရေရော ပိုပြီး တော့များလာတယ်မလားဘုရား။

အဲဒီများလာတဲ့ လူတွေ၊ တိရစ္ဆာန်တွေ ဟာဘယ်ဘုံဌာနတွေက ဒီလူ့ဘုံ၊ တိရစ္ဆာန်ဘုံတွေကို ရောက်လာကြတာလဲဘုရား။ တပည့်တော်ကြားဖူးသည်မှာ သတ္တ၀ါတစ်ဦးဦးဒီဘ၀မှ သေသွားလျှင် နောက်ဘ၀မှာ သွားဖြစ်ရင် ဒီဘ၀မှာ သတ္တ၀ါဦးရေ လျှော့ဆင်းသွားရမယ်မလားဘုရား။

အခုက လူတွေလည်းများလာတယ်။ တိရစ္ဆာန်တွေလည်း များလာတယ်။ သတ္တ၀ါတစ်ခု ကံတစ်ခု မဟုတ်လားဘုရား။ သတ္တ၀ါတွေ တိုးပွါးလာဖို့အတွက် အဲဒီကံတရားတွေက ဘယ်ကနေတိုးလာတာလဲဘုရား။ ကြောင်းကျိုး ဆီလျော်အောင် ဖြေကြားပေးစေလိုပါတယ် ဘုရား။ မောင်သာဦး

ဖြေ။ ။ လွန်ခဲ့သော နစ်ပေါင်း ၁၀၀ လောက်နှင့် စာလျှင် လူဦင်္းရေတိုးပွားလာသည် ဆိုသည်မှာ မှန်ပေသည်၊ လူ့အဖြစ်ကိုရခဲ၏ဟု ဘုရားဟောထားခဲ့ခြင်းသည်လည်း လူဦးရေမတိုးပွားတော့ဘူုး၊ တစ်နစ်ထက် တစ်နစ်လျှော့နည်းသွားမည်ဟု ဟောခဲ့ခြင်း မဟုတ်ပေ။ လူ့အဖြစ်ဆိုတာ အလွန်ရခဲသည်၊ ရရှိနေသောလူ့ဘဝကို အကျိုးရှိရှိ အသုံးချကြပါဟု တိုက်တွန်းခဲ့ခြင်းသာဖြစ်ပေသည်။ လှူု့အဖြစ်ကို ရခဲသော်လည်း လူဦးရေ လျှော့နည်းမသွားပါ၊ ရတောင့်ရခဲ ရနေကြမည်သာဖြစ်၏။

(တပည့်တော်ကြားဖူးသည်မှာ သတ္တ၀ါတစ်ဦးဦး ဒီဘ၀မှသေသွားလျှင် နောက်ဘ၀မှာ သွားဖြစ်ရင် ဒီဘ၀မှာ သတ္တ၀ါဦးရေလျှော့ဆင်းသွားရမယ်မလားဘုရား။) ဒကာတော် ဤသို့ကြားဖူးသည် ဆိုသည်မှာ အရပ်စကား လူငယ်တို့စကားသာ ဖြစ်ပေလိမ့်မယ်၊ ဘဝတစ်ခုမှ သေဆုံးပြီးလျှင် နောက်ဘဝတစ်ခုတွင် ဖြစ်တတ်သည်ဆိုသည်မှာ မှန်သော်လည်။ ဒီဘဝမှ သတ္တဝါများ ဦးရေလျှော့ဆင်းသွားရမည်ဆိုသည်မှာ မမှန်ပေ။ အဘယ်ကြောင့်ဆိုသော်၊ သေသူရှိသကဲ့သို့၊ မွေးဖွားလာသူလည်း ရှိနေမည်သာ။ ဤသည်ကိုပင်လျှင် သံသရာလည်သည်ဟု ခေါ်သည်ဟူ၍မှတ်ပါလေ။

သတ္တဝါတစ်ခု ကံတစ်ခုဟု ဆိုရာတွင်၊ သဗ္ဗေသတ္တာ ကမ္မသကတာ- ဟူုသောပါဠိမှ ဆင်းသက်လာဖွယ်ရှိသည်၊ သတ္တဝါတို့မည်သည် မိမိအကြောင်း မိမိဖန်တီးနေကြသည်ဟု ဆိုလိုရင်းဖြစ်ပါသည်။

ဒကာတော် ဆိုလိုသည်မှာ၊ သတ္တဝါတို့သည်၊ မည်သည့်ဘုံဋ္ဌာနကမှ ရောက်လာခြင်း မဟုတ်ပဲ၊ ယခုမှ အသစ်စက်စက် ပေါ်ပေါက်လာကြ၍ သတ္တဝါဦင်္းရေများ များပြားလာရသည်ဟု ဆိုလိုချင်ပုံပေါ်သည်။ အကယ်၍သာ ခွေးတစ်ကောင် သေ၍ လူဖြစ်ခဲ့လျှင် လူဦးရေ တစ်ယောက်တိုးပြီး၊ ခွေးဦးရေ တစ်ကောင်နည်းသွားရမည်ဟု အယူရှိနေပုံပေါ်နေသည်။

သတ္တဝါများ တိုးပွားလာရခြင်းသည်ကား၊ မည်သည့်ဘုံမျိုးတွင်မှ မဖြစ်ဖူးသေးပဲ အခုမှ ကံအသစ်ဖြင့် သတ္တဝါသစ်တစ်ခု အသစ်စက်စက် ဖြစ်လာခြင်းမျိုးမဟုတ်ပေ။ ၃၁ ဘုံတွင် လူသားများ သိရှိလေ့လာနိုင်သော ဘုံမှာ လူ့ဘုံနှင့် တိရိစ္ဆာန်ဘုံသာ ရှိပါသည်၊ အခြားအခြားသော မြောက်များစွာသော နတ်ဘုံ ဗြဟ္မာဘုံများကိုမူ လူသားများ အိမ်ထောင်စုစာရင်း ကောက်ယူဖို့ရန် မဖြစ်နိုင် မသိနိုင်သော နေရာများ ဖြစ်သည်၊ ၄င်းဘုံများမှလည်း ဤလူ့ဘုံသို့ ရောက်ရှိလာနိုင်ကြောင်းကို ဗုဒ္ဓစာပေများတွင် မြောက်များစွာ ဖတ်မှတ်ဖူးပါသည်။

လွန်ခဲ့သော နစ်ပေါင်းများစွာက ရှိခဲ့ဖူးသော ဒိုင်နိုဆောကဲ့သို့ သတ္တဝါများ မျိုးပြုန်းသွားခဲ့သည်ကို မှတ်သားဖူးပါသည်။ လူသာအရေအတွက်များလာသော်လည်း တစ်ဖက်တွင် မျိုးတုန်းသွားသော သတ္တဝါများ မြောက်များစွာ ရှိသည်ကို သတိထား သင့်ပေသည်။ ထိုနည်းတူစွာ အထက်က ပြောခဲ့သလို လူသားများ မမြင်နိုင်မတွေ့ နိုင်သော နာနာဘာဝ အစရှိသော နတ် ဗြဟ္မာများမှလည်း လူ့ဘုံ လူ့ဘဝသို့ ကူးပြောင်းလာနိုင်ကြောင်းကို ဖြေကြားလိုက်ရပါသည်။

အထက်ပါ မေးခွန်းများအား ကျမ်းတတ်အကျော် ဆရာတော်များကိုလည်း မေးမြန်း၍ ကြည့်စေချင်ပါသည်။

ကဲ့ ..အခု ဘယ်လိုလုပ်မလဲ

2010-10-12T03:22:00.000-07:00

တစ်ခါက မြို့ငယ်တစ်မြို့တွင်၊ စီးပွားဥစ္စာ အသင့်အတင့်ရှိသော၊ လက်ထပ်ပြီးခါစ ဗုဒ္ဓဘာသာ ဇနီးမောင်နှံ နစ်ယောက်သည်၊ ဘဝရှေးရေးအတွက် စီးပွားတစ်ခုခုကို လုပ်ကိုင်ရန်ရည်ရွယ်၍၊ မြို့ကြီးတစ်မြို့ကို တက်လာခဲ့လေသည်။

သူတို့ဇနီးမောင်နှံနစ်ယောက်သည်ကား၊ ဟိုစပ်စပ် ဒီစပ်စပ် စီးပွားရေးများကို လုပ်ကိုင်းနေရင်း၊ အလွန်ရင်းနှီးသော မိတ်ဆွေတစ်ဦးကို ရရှိလေတော့၏၊ ထိုမိတ်ဆွေသည်လည်း သူတို့နည်းတူ လက်ထပ်ခါစ စုံတွဲတစ်တွဲ ဖြစ်လေသောကြောင့် စီးပွားရေးတစ်ခုကို မယ်မယ်ရရ လိုက်ချင်ကိုင်ချင်နေသဖြင့် ဆန္ဒချင်း တူညီနေကာ ပိုမိုရင်းနှီး ခင်မင်သွားကြလေသည်။

တစ်ခု ကွာခြားသည်မှာ နယ်မြို့မှ တက်လာသော ဇနီးမောင်နှံများက ဗုဒ္ဓဘာသာဖြစ်ပြီး၊ မြို့မှ မိတ်ဆွေလင်းမယားသည်ကာ၊ မူဆလင်ဘာသာဝင်များဖြစ်လေသည်။ သို့သော် သူတို့ မိသားစုများသည် ညားခါစ မိသားစုလေးများဖြစ်နေခြင်း၊ စီးပွားတစ်ခုကို ဇောက်ချ၍လုပ်ကိုင်လိုခြင်း အစရှိသော တူညီချက်ကလေးများကြောင့်ပင်၊ အလွန်ရင်းနှီးသွားကြလေသည်။

ဗုဒ္ဓဘာသာ ဇနီးမောင်နှံများက အမြဲတမ်း ဘုရားသွား ကျောင်းတက် လုပ်သကဲ့သို့ မူဆလင် ဇနီးမောင်နှံများသည်လည်း အမြဲတမ်း ဗလီတက် ဝတ်ပြုလေ့ရှိကြသေလည်။ သူတို့စုံတွဲများသည် မိမိတို့ ကိုးကွယ် ဆည်းကပ်သော ဘာသာတရားများကို အလွန်ရိုသေလေးစားသူများ ဖြစ်ကြလေသည်၊ ၄င်းဇနီးမောင်နှံ မိတ်ဆွေများသည်၊ အလုပ်တစ်ခုကို စပ်တူလုပ်ကိုင်းရင်း မြို့မျက်နှာဖုံးတမျှ ကြီးပွားတိုးတက် လာလေတော့သည်။

ဘာသာတရားများနှင့် ပတ်သက်၍မူ မည်သူကမျှ ဝင်ရောက်စွက်ဖက်ခြင်း မပြုကြပေ၊ တကယ့် မိတ်ကောင်း ဆွေကောင်းများအဖြစ် နေထိုင်လုပ်ကိုင်လာခဲ့ကြလေသည်၊ ဗုဒ္ဓဘာသာ ဇနီးမောင်နှံများမှာလည်း၊ ဘာသာတရားကို လိုက်စားသူများပီပီ အလွန်အေးချမ်းသော မိသားစုလေး တစ်စုဖြစ်လေ၏၊ ထို့အတူ မူဆလင်ဇနီးမောင်နှံတို့သည်လည်း အလွန်အေးချမ်းစွာ နေထိုင်တတ်သော ဇနီးမောင်နှံများ ဖြစ်ကြလေသည်။

နစ်ကာလများကြာလာသည်နှင့်အမျှ မူဆလင်ဇနီးမောင်နှံတွင် သားယောက်ျားလေးတစ်ယောက် ထွန်းကားပြီး၊ ဗုဒ္ဓဘာသာ ဇနီးမောင်တို့တွင် သမီးလေးတစ်ယောက် ထွန်းကားလေတော့၏၊ မူဆလင်းသားလေးသည် မိဘစကားကို အလွန်ရိုသေသူပီပီ မူဆလင်ဘာသာတရားကိုလည်း အလွန်ယုံကြည် သက်ဝင်သူတစ်ယောက် ဖြစ်လာလေ၏။

ထို့အတူ ဗုဒ္ဓဘာသာ သမီးလေးသည်လည်း မိဘစကားကို မြေဝယ်မကျနာခံတတ်ပြီး၊ ငယ်စဉ်ကတည်းက ဥပုသ်သီလများ ဆောက်တည်ကား နွေရာသီကျောင်းပိတ်ရက်များတွင်၊ ယဉ်ကျေးလိမ္မာသင်တန်းများနှင့် ဝိပဿနာ ၇ ရက်တရားစခန်းများကိုပင် အရွယ်နှင့်မလိုက်အောင် ဝင်ရောက်တရားထိုင်ဖြစ်လေ၏။

နစ်ဖက်မိဘများ ရင်းနှီးမူကို အကြောင်းပြုကာ သူတို့လူငယ်နစ်ဦးသည် ငယ်စဉ်ကတည်းကပင် ရင်းနှီးသော သူငယ်ချင်းများအဖြစ် နေထိုင်လာခဲ့ကြသည်မှာ၊ ယခု အရွယ်ရောက်သည် အထိဖြစ်လေ၏။ အရွယ်ရောက်လာသည်နှင့်အမျှ၊ လူငယ်တို့သဘာဝ မေတ္တာမျှသွားကြမည်ကိုလည်း နစ်ဖက်မိဘများ စိုးရိမ်းလျှက်ရှိကြလေသည်၊ သို့သော်လည်း မိဘများ၏ မျက်နှာကြောင့်ပင်လျှင် ကောင်လေးနှင့် ကောင်မလေး တစ်တွဲတွဲသွားလာနေသည်ကို မတားရက်နိုင်ကြပေ။

မူဆလင်းမိဘများသည်ကား ၄င်းတို့၏ တစ်ဦးတည်းသောသားကို ဘာသာတူ မူဆလင်းသမီးပျိုတစ်ဦးနှင့် လက်ဆက်ပေးရန် ရွယ်ထားသကဲ့သို့၊ ဗုဒ္ဓဘာသာ မိဘများသည်လည်း မိမိတို့၏ တစ်ဦးတည်းသော သမီးလိမ္မာလေးကို ဘာသာတူ အယူတူသူနှင့်သာ နီးစပ်စေချင်နေလေတော့၏။

သို့သော် အလွန်တရာမှ ရင်းနှီးပြီး စီးပွားအတူလုပ်နေကြသော မိဘများသည်၊ သူတို့၏ သားမသီးများကို မိမိတို့၏ အလိုဆန္ဒအတိုင်း ဖြစ်စေချင်ခဲ့သော်လည်း နောက်ဆုံးတွင်၊ မူဆလင်းသားလေးနှင့် ဗုဒ္ဓဘာသာ သမီးလေးတို့သည် မိဘများတားသည့်ကြားကပင်လျှင် ခိုးရာလိုက်ပြေးသွားတော့၏။

နစ်ဖက်မိဘများ၏ ရင်းနှီးမူကို အခြေခံ၍၊ သူတို့ဇနီးမောင်နှံသည်လည်း၊ ညားခါစတွင် ဘာသာတရားကိုးကွယ်မှူကို၊ မိခင်ဘာသာများကိုသာ စိတ်ကြိုက်ခွင့်ပြုပေးထားလေတော့၏၊ သို့သော် ယခုလက်ရှိအချိန်တွင် သားယောက်ျားလေးတစ်ယောက် ထွန်းကားနေပြီဖြစ်၍၊ မူဆလင်ဘာသာဝင် လင်တော်မောင်ကလည်း မိမိ၏သားလေးကို မူဆလင်ဖြစ်စေချင်နေသကဲ့သို့၊ ဗုဒ္ဓဘာသာ မိခင်သည်လည်း မိမိ၏ သားလေးကို ဗုဒ္ဓဘာသာတို့ ထုံးစံအတိုင်း ရှင်ပြုရဟန်းခံများ ပြုလုပ်ပေးချင်လျှက်ရှိပေသည်။
------------------------------------------------------------------------------

တောမှတက်လာသော ဗုဒ္ဓဘာသာဇနီးမောင်နှံများနှင့် စပ်တူစီးပွားလုပ်တော့မည့်ဟု သိရစဉ်တုန်းက၊ မြို့ပေါ်မှ မူဆလင်ဇနီးမောင်နှံကို ဗလီဆရာများက တားခဲ့သော်လည်း ကိုယ့်စိတ်ကို ကိုယ်နိုင်သည်ဟု ဆိုကာ တားဆီး၍မရခဲ့ဟုသိရသကဲ့သို့၊ ဗုဒ္ဓဘာသာ ဇနီးမောင်နှံများကိုလည်း မူဆလင်များနှင့် အလုပ်အတူတွဲမလုပ်ရန် ဗုဒ္ဓဘာသာ ဘုန်းတော်ကြီးများမှ တားခဲ့သည်က၊ို မိမိတို့သည် မည်သည့်အကြောင်းကြောင့်မျှ ဘာသာမပြောင်းပါ ဟုဆိုကာ စီးပွားလုပ်ဖြစ်သွားကြသည်ဟု သိရပါသည်။

ယခုလက်ရှိအနေအထားတွင်ကား မိမိတို့သားသမီးများ လက်ထက်ကို ရောက်မှန်းမသိ ရောက်ရှိလာပြီဖြစ်၍၊ မူဆလင်မိဘများ ကိုယ့်စိတ်ကို ကိုယ်နိုင်ခဲ့သကဲ့သို့ ၄င်းတို့၏သားမှာ နိုင်တော့မည် မဟုတ်ပေ။ ဗုဒ္ဓဘာသာမိဘများသည်လည်း မည်သည့်အကြောင်းကြောင့်မျှ ဘာသာမပြောင်းပဲ နေနိုင်ခဲ့သော်လည်း ၄င်းတို့၏သမီးငယ် နေနိုင်မည်မဟုတ်တော့ပေ၊ သမီးငယ်လေးက နေနိုင်သည်ထားဦးတော့၊ မီမီတို့၏ မြေးလေးသည်ကာ လုံးဝမသေချာတော့ပေ။

အထက်ပါအဖြစ်အပျက်ကို ဖတ်ရူ့ပြီး ယခုကဲ့သို့၊ မိဘနစ်ပါးနှင့် ဘိုးဘွားများ ဗျာများနေရခြင်းသည်၊ မည်သူ့အပြစ် ဟု စာဖတ်သူများရူ့မြင်သုံးသတ်ပါသနည်။

တကယ်လိုအပ်သော နေရာတွင် တကယ်လှူဒါန်းလိုက်ကြလေပြီ

2010-10-04T06:00:00.001-07:00

ဝိဇ္ဇာလယမြန်မာကျောင်းဆောင် ရေစက်ချပွဲအခန်းအနား

ထိုင်းနိုင်ငံ ဘန်ကောက်မြို့ ရှိ တက္ကသိုလ်အသီးသီးတွင် ပညာသင်ကြားနေကြသော မြန်မာစာသင်သား ရဟန်းတော်များ သတင်းသုံးရန်အတွက် ကျောင်းဆောင်ငယ် တစ်ဆောင်ကို စာသင်သားများကိုယ်တိုင် ကမကထ ပြုလုပ်ကာ ဆောက်လုပ်ခဲ့ကြပြီး ယင်းကျောင်းရေစက်ချပွဲကို ယမန်နေ့ က ဘန်ကောက်မြို့  ဘန်းခေးအရပ်ရှိ ၀ပ်တလုမ့် ဘုန်းတော်ကြီးကျောင်းတွင် ပြုလုပ်ခဲ့ကြသည်။

ဝိဇ္ဇာလယမြန်မာကျောင်းဆောင်

မြန်မာနိုင်ငံမှ စာသင်သား ရဟန်းငယ် သံဃာငယ်များသည် ယခင်ကကဲ့သို့ မိမိတို့  တိုင်းပြည်တွင်းတွင် ပညာသင်ကြားကြရုံနှင့် မရောင့်ရဲ မတိမ်းတိမ်ကြဘဲ ပြည်ပနိုင်ငံများသို့  ထွက်ခွါကာ နိုင်ငံတကာအဆင့်မီ ပညာရပ်များကို ကြိးစားသင်ယူလာကြသည်။
အထူးသဖြင့် ရွှေဝါရောင် တော်လှန်ရေးကာလ နောက်ပိုင်းတွင် ပြည်ပသို့ ထွက်ခွါကာ ခေတ်မီနည်းစနစ်များဖြင့် သင်ကြားမှုကို ပိုမိုခုံမင်လာကြသည်။ ထို့ ကြောင့် အိန္ဒိယ။ သီရိလင်္ကာနှင့် ထိုင်းနိုင်ငံများရှိ တက္ကသိုလ်များတွင် မြန်မာစာသင်သား ရဟန်းငယ် များစွာကို ဖူးတွေ့ လာကြရသည်။

မဟာမကုဋ ရာဇ ဝိဒယာလယ တက္ကသိုလ်

´ဦးဇင်းတို့  ဒီမှာ ကျောင်းတက်ရတာ အဆင်ပြေပေမဲ့ နေရေးထိုင်ရေး အရမ်းခက်ခဲတယ်ဒကာ။ အခု ဦးဇင်း နေရတဲ့ အခန်းက တပါးစာဘဲရှိတယ်။ ဒီနေရာလေးကို သုံးပါးနေရတယ်။ ဒါကြောင့် ဦးဇင်းတို့ ကို လက်ခံထားတဲ့ ၀ပ်တလုမ့်ကျောင်း ဆရာတော်က မင်းတို့ ကို ငါမြေနေရာပေးမယ် တတ်နိုင်ရင်ဆောက်ကြဆိုလို့  ဒီမှာရှိနေတဲ့ မြန်မာ သံဃာ တရာကျော်က တပါးစီကို ဘတ် ၅၀၀ စီ စုပြီး စလုပ်ကြတာ´ ဟု မိန့် ကြားသည်။ ဦးကုဏ္ဍလသည် မြန်မာ စာသင်သား ရဟန်းတော်များအဖွဲ့ (ထိုင်း) ၏ ပြန်ကြားရေးအဖွဲ့ ဝင်ဖြစ်သည်။

မဟာမကု တက္ကသိုလ်ဘုရားရှိခိုးဆောင်ရှေ့တွင် အမှတ်တရ

ထို့ ပြင် ယခုနှစ်တွင် ပထမအကြိမ်ပြုလုပ်သော ၀ါဆိုသင်္ကန်းကပ်ပွဲမှ ရရှိသော အလှူငွေများနှင့် စက်ရုံအလုပ်ရုံများမှ ရွှေ့ ပြောင်းအလုပ်သမားများ၏ စုပေါင်းလှူဒါန်းခြင်းများဖြင့် ယခုကျောင်းဆောင်သစ် ပေါ်ထွန်းလာခြင်းဖြစ်သည်ဟု သိရသည်။

မဟာမကုတက္ကသိုလ်နှင့် မြန်မာရဟန်းတော်တစ်ပါး

ယင်းဝါဆိုသင်္ကန်းကပ်ပွဲတွင် မြန်မာနိုင်ငံမှ နာမည်ကျော် ဓမ္မကထိ ဦးသုမင်္ဂလ (ဒယ်အိုးဆရာတော်) လာရောက် ဟောကြားသဖြင့် ထောင်ချီသော ပရိသတ်များ လာရောက်ကာ လှူဒါန်းခဲ့ကြသည်။

ကျောင်းသား ကျောင်းသူများ ဆရာတော်များထံမှ တက္ကသိုလ်အမှတ်တရ ပစ္စည်းများ ယူနေပုံ

´၀ါဆိုသင်္ကန်းကပ်ပွဲက ရတဲ့ ပိုက်ဆံကိုလည်း ကျောင်းဆောက်တဲ့နေရာမှာဘဲ သုံးကြတယ်။ နောက်ပိုင်း ဒကာ ဒကာမတွေ တဆင့်စကား တဆင့်နားကြားလာကြလို့  လာလာလှူကြတယ်´ ဟု ဦးကုဏ္ဍလက ဆိုသည်။

အမှတ်တရ ပစ္စည်းများ ယူုနေပုံ

မြန်မာ ရဟန်းတော် ၁၀၀ ကျော် အပါအ၀င် နိုင်ငံခြးသား သံဃာ ၃၀၀ခန့် မျှ သီတင်းသုံးနေသော ကျောင်းမှာ ဘန်ကောက်မြို့  ဘန်းခေအရပ်ရှိ ၀ပ်တလုမ့် ကျောင်းဖြစ်သည်။ အဆိုပါ ကျောင်းတိုက်မှ ကျောင်းထိုင်ဆရာတော်၏ ဘွဲ့ တော်မှာ ဖရမဟာဘုန်းထိန် ဇုတိနြေ္ဒာ ဖြစ်သည်။

ကျေးဇူးတော်ရှင် ဝပ်တလုမ်ကျောင်းဆရာတော် ဖရမဟာဘုန်းထိန် ဇုတိနြေ္ဒာ

ဆရာတော်သည် ငယ်စဉ်က အိန္ဒိယတွင် သွားရောက်ကာ M.A ဘွဲ့ ကို ရယူခဲ့သည်။ ထို့ ကြောင့် နိုင်ငံခြားသား စာသင်သားများ၏ အခက်အခဲကို ကိုယ်တိုင် တွေ့ ကြုံခံစားဖူးသဖြင့် စာနာကာ မြန်မာအပါအ၀င် သီရိလင်္ကာ။ ဘင်္ဂလာဒေ့ရှ်။ နီပေါ။ အိန္ဒိယ။ လာအိုနှင့် ကမ္ဘောဒီယား နိုင်ငံသား စာသင်သားများကို လက်ခံထားသည်။

ဝပ်တလုမ်ဆရာတော် သီတင်းသုံးရာကျောင်းဆောင်ငယ်

´ ဒီဆရာတော် လက်မခံခင်က ဆိုရင် လွန်ခဲ့တဲ့ နစ်နစ်လောက်ကပေါ့ အဲဒီင်္တုန်းက ဆိုရင် ဒီကျောင်းကို မသိသေးတဲ့ ကိုယ်တော်တွေလာရင် ဝပ်မဟာထကိုပဲ ရောက်ကြတာလေ အဲဒီမှာ နေစရာမရှိ ဘာမရှိနဲ့ ၊ သစ်ပင်အောင်မှာ နေဝင်သွားကြတယ်၊ နောက်မှာ အနီးအနားက ထိုင်းဒကာတွေက ဟိုတယ်လိုက်ပို့ မှ ဟိုတယ်မှာ အိပ်ခဲ့ရတဲ့ ကိုယ်တော်တွေလည်း တော်တော် များကြတယ်လို့ သိရတယ်၊ ဦင်္းဇင်းတို့ လာတုန်းကတော့ ဒီကျောင်းကို တန်းပြီးလာတာပါ ဒီမှာက လူခံရှိနေတာဆိုတော့ အဲဒိဒုက္ခကို မခံစားလိုက်ရပါဘူး၊´ ဟု ဦးကုဏ္ဍလက ရှေးဦးစွာ ရောက်ရှိလာကြသော စာသင်သားများ၏ အခက်အခဲကို ရှင်းပြသည်။

ဝပ်တလုမ်ကျောင်းရှိ မြန်မာရဟန်းတော်များ သီတင်းသုံးရာ အခန်းငယ်လေးများ

ယခုအခါ Mahchulalongkorn Rajavidyalaya University, Ayutthaya, တွင် (M.A ) Buddhist Studies, IMAP တက်ရောက်သင်ကြားနေသူ အရှင်ပညာစာရ ဗောဓိက ကိုယ်တိုင် ခက်ခက်ခဲခဲ နေထိုင့်ခဲ့ရပုံကို ယခုကဲ့သို့  ပြန်ပြောပြသည်။

´ဦးပဇင်းရောက်စတုန်းကတော့ သိပ်အဆင်မပြေဘူးလေ။ အိပ်စရာ နေရာမရှ်ိဆိုတော့ ကျောင်းအောက်ထပ် တမန်တလင်းပေါမှာပဲ အိပ်ခဲ့ရတယ်ပေါ့ ကြောင်တို့  ခွေးတိုနဲ့အတူတူလေ။ ကိုယ်အိပ်နေတုန်း ခွေးတွေက ကျော်သွားတာမျိုးလည်း ရှိခဲ့ပါတယ်၊ အခုလိုကျောင်းဖွင့်လိုက်တော့ သံဃာအားလုံးအဆင်ပြေတာပေါ့´ဟု ပြောသည်။

ဝပ်တလုမ်ကျောင်းနေ မြန်မာရဟန်းတော်တစ်ပါး

ဘန်ကောက်မြို့ Mahidol University, Faculty of Social Science, တွင် Religious Stududies နှင့် ပါရဂူတန်း တက်ခွင့်ရရန်ကြိုးစားနေသော အရှင်ခေမာဝံသကလည်း ´အဲဒီတုန်းက မဟာကျူလာက ကျောင်းသားတွေကို အဆောင် မပေးနိုင်ဘူး။ ဒါကြောင့် နေရေးထိုင်ရေးက အရမ်းခက်ခဲပါတယ်။ ဒီလိုအခက်အခဲရှိတဲ့ ဦးပဉ္ဖင်းတွေကို ၀ပ်တလုမ့် ဆရာတော်က လက်ခံတယ်။ ဒါပေမဲ့ ဆရာတော်ကျောင်းမှာလည်း နေစရာက ကျယ်ကျယ်ဝန်းဝန်းမရှိတော့ ဖြစ်သလိုနေခဲ့ကြရတယ်။ တချို့ ဆို ရပ်ကွက်ထဲမှာ နေပြီး တက်နေရပြီဆိုတော့ ရပ်ကွက်ထဲမှာ တိုက်ခန်းငှါးနေကြတဲ့သူတွေလည်း ရှိခဲ့တယ်´ ဟု ပြောပြသည်။

မြန်မာရဟန်းတော်များသီတင်းသုံးရာတွင် ယ္ခုကဲ့သို့ လူသေများထည့်ရာ ခေါင်းများရှိလေသည်

ထိုင်းဘုန်းကြီးကျောင်းများတွင် မီးသဂြိုဟ်စက်များ အလောင်းထည့်သော ခေါင်းများကို ထားရှိသည်မှာ ထိုင်းဓလေ့ ဖြစ်သော်လည်း မြန်မာများအတွက်မူ သင်္ချိုင်းမြေနှင့် သင်္ချိုင်းနှင့် ဆိုင်သောပစ္စည်းများမှာ ထိတ်လန့် ဖွယ် ကြက်သီးထဖွယ်ကောင်းသော ကြောက်စရာ ပစ္စည်းများ ဖြစ်ကြသည်။ ပြည်တွင်းမှ မိတ်ဆွေများက ထိုင်းတက္ကသိုလ်များတွင် ပညာသင်နေ၍ အဆင့်မြင့်မြင့် နေထိုင်ကာ ပညာသင်နေသည်ဟု ထင်ကြသော်လည်း စာသင်သား ရဟန်းတော်များသည် မီးသင်္ဂြိုဟ်စက် အောက်ထပ်နှင့် ခေါင်းတလားများကြားတွင် အိပ်စက်ခြင်း စာကျက်ခြင်း ဆွမ်းစားခြင်းများကို စသည်ဖြင့် နေထိုင် သီတင်းသုံးနေကြသည်ကိုတွေ့ ရသည်။

ဝပ်တလုမ်ကျောင်းတွင် သီတင်းသုံး၍ တက္ကသိုလ်အသီးသီးတွင် ပညာသင်နေကြသော မြန်မာရဟန်းတော်များ

ယခု ဆောက်လုပ်သော ကျောင်းဆောင်ကို ဝိဇ္ဇာလယ မြန်မာကျောင်းဆောင် ဟု အမည်ပေးထားကြောင်း သိရသည်။ ပေ ၄၀x ပေ ၆၀ တထပ် ကျောင်းဆောင်ဖြစ်သည်။ သံဃာ ၁၂ ပါးခန့် သာ သီတင်းသုံးနိုင်ဖွယ် ရှိသော်လည်း နေစရာနေရာ အတိအကျ မရသေးသော သံဃာ ၄၀ ကို မဲနှိုက်ကာ နေရာချထားမည်ဟု သိရသည်။
ယခုကျောင်းဆောက်လုပ်မှုနှင့် ပတ်သက်၍ ဦးပညာစာရ ဗောဓိက´သံဃာတော်တွေလည်း ချမ်းသာစွာမိမိတို့  ပညာရေးကို တစိုက်မတ်မတ် သင်းကြားနိုင်တာပေါ့ ကျောင်းဆရာတော်ကတော့ နေဖိုအခွင့်ကိုသာ ပေးထားတာပါ။ ဒါပေမယ့် သူကနေစရာက်ို မပေးနိုင်လေ။ သို့သော် ဆရာတော်ကတော့ ထိုင်းဆရာတော်တွေထဲမှာ မြန်မာ စာသင်သားတွေအတွက် အလွန်ကျေးဇူးကြီးမာတဲ့ ဆရာတော်ပါ။ အခုလို ဆရာတော် ကျောင်းဝန်းထဲမှာ ကျောင်းလှူဒါန်းတာက မြန်မာစာသင်သား သံဃားတွေအတွက် များစွား အဆင်ပြေသလို ဆရာတော်ကိုလည်း ကျေးဇူဆပ်ရာရောက်ပါတယ်´ဟု မိန့် သည်။

ထို့ အတူ ဦးခေမာဝံသကလည်း ´ဦးဇင်းအနေနဲ့  ၀မ်းသာပါတယ်။ ဦးဆောင်လုပ်ပေးတဲ့ ပုဂ္ဂိုလ်တွေကိုလည်း ကျေးဇူးတင်တယ်။ ဒကာဒကာမတွေကိုလည်း ကျေးဇူးတင်တယ်။ ဒါက တကယ်လိုအပ်တဲ့နေရာမှာ တကယ်လှူဒါန်းလိုက်တာဘဲလေ။ ဒီလိုလုပ်တဲ့အတွက် မြန်မာနိုင်ငံသားများ ဆောက်လုပ်တဲ့ ကျောင်းလေး တစ်ဆောင်တော့ ကျန်ခဲ့တာပေါ့။ နောင်လာမဲ့ မြန်မာ စာသင်သား ရဟန်းသံဃာတွေအတွက် အရိပ်အာဝါသ တခု ရတာပေါ့´ ဟု ပြောသည်။

ထိုင်းနိုင်ငံတွင်းရှိ ဘန်ကောက်။ ချင်းမိုင်။ ဟတ်ယိုင်။ အယုဒ္ဓယ အစရှိသောမြို့ များရှိ တက္ကသိုလ်အသီးသီးတွင် ပညာသင်ကြားနေကြသော မြန်မာ နိုင်ငံသား စာသင်သား ရဟန်းသံဃာ ၁၄၀ ခန့် ရှိသည်ဟု သိရသည်။
ဝပ်တလုမ့်ကျောင်းတစ်ခုတည်းတွင်ပင် မြန်မာနိုင်ငံသားများဖြစ်ကြသော ဗမာ။ ရခိုင်။ ရှမ်း။ မွန်။ ကရင်။ ကချင်။ ပအို့ ဝ်။ ပလောင်။ ဓနု။ ထားဝယ် စသည်ဖြင့် တိုင်းရင်းသား ရဟန်းတော်မျိုးစုံ သီတင်းသုံးလျှက်ရှိကြောင်း သိရသည်။
မဟာချူလာ ပုံရိမ်များကို ပညာဇာနည် တွင် ကြည့်ရှု့နိုင်ပါသည်။

ဘစောတင်(ဧရာဝတီ)၏ မူရင်း သတင်းအား ပြန်လည်တင်ပြအပ်ပါသည်။

G-mail တစ်ခု ဝယ်ချင်သူ

2010-10-01T23:10:00.000-07:00

နွေရာသီကျောင်းပိတ်ရက် မြန်မာနိုင်ငံသို့အလည်ပြန်ဖြစ်သည့်အချိန် ကြုံတွေ့ခဲ့ရသော အဖြစ်အပျက်ကလေးတစ်ခုပါ။ အခုခေတ်သည်ကား နည်းပညာခေတ်ဖြစ်နေသည် နည်းပညာ၏ပံပို့မှု့ကြောင့် ကိစ္စအတော်များများ အချိန်ကုန်လူပန်းသက်သာ၏၊ လျှပ်တစ်ပြက်အတွင်းမှာ ကမ္ဘာကြီးနှင့် တိုက်ရိုက်ဆက်သွယ် စကားပြောနိုင် ထိတွေ့နိုင်ပြီး ၊ ကမ္ဘာကြီးမှာ ဘာဖြစ်နေသည်ကိုလည်း မြင်တွေ့နိုင်ပြီဖြစ်သည်။

စာရေးသူတို့နိုင်ငံသည်ကား ဖွံ့ဖြိုးမှုအားနည်းသော်လည်း နည်းပညာပိုင်ဆိုင်ရာမှာ ညံ့သည်ဟု မဆိုင်နိုင်သေးပေ၊ သို့သော်လည်း ပြည်တွင်းက မြန်မာအများစုမှာ ကွန်ပျုတာနှင့် ပတ်သတ်၍ အခေါ်အဝေါ်များကိုမူ အင်္ဂလိပ်အသံထွက်အတိုင်း တိုက်ရိုက်ယူ၍ပြောဆိုသုံးစွဲကြ၏၊ တစ်ခြားနိုင်ငံများတွင် သူ့ဘာသာစကားတစ်ခုကို တတ်လျှင်ပင်လုံလောက်သော်လည်း၊ မြန်မာနိုင်ငံသားများအတွက် မလုံလောက်သေးပေ၊ တစ်ခြားနိုင်များတွင် မည်သည့်ပစ္စည်ပင်ထုတ်ထုတ် သူ့ဘာသာစကားဖြင့် ထည့်သွင်းထားသောကြာင့် မိမိ မိခင်ဘာသာစကား တစ်ခုကိုတတ်လျှင် အလုပ်ဖြစ်ပြီ။

အစစအရာအရာ ထိမ်းချုပ်ခံထားရသောမြန်မာပြည်မှ လူအများစုသည် မျက်စိပိတ် နားပိတ်လျှက် ကမ္ဘာကြီး၏ ပြင်ပတစ်နေရာကို ရောက်နေသကဲ့သို့ဖြစ်နေသည် ။
ထိုင်း၊ မလေးရှား စသော အိမ်နီးချင်း နိုင်ငံများတွင် ဟန်ဖုန်းကိုလူတိုင်း ကိုင်နိုင်သကဲ့သို့၊ အင်တာနက်ကိုလည်း ဖုန်းသုံးလို့ရသော နေရာတိုင်းတွင် သုံးနိုင်သည် ဖုန်းမှတစ်ဆင့်သော်လည်းကောင်း မော်ဒန်ကဒ်စနစ်ဖြင့် သော်လည်းကောင်းသုံးနိုင်၏၊ သို့သော် မြန်မာနိုင်ငံတွင်းမှာမူ ဖုန်းကိုင်နိုင်လျှင် သူဌေးဟု လူအများမှတ်ထင်နေကြတုန်းသာ ရှိသေး၏၊ ထင်လောက်အောင်လည်း ဟန်းဖုန်းကိုင်နိုင်သူများမှာ ငွေကြေးတတ်နိုင်သူများသာ၊ သာမန်လူများကိုင်နိုင်ဖို့ မဖြစ်နိုင်သေးချေ၊ အင်တာနက်ဆိုလျှင်လည်း မြို့ကြီးပြကြီးများလောက်တွင်သာ ကော်နယ်ရှင်ကျခြင် အစိုးရထိန်းချုပ်ခြင်း စသောချုပ်ချယ်ကန့်သတ်မှု များစွာဖြင့်သာ သုံးစွဲနိုင်၏၊

သို့သော်လည်း Google Talk တစ်ခုမှလွဲ၍၊ အခြား ဗဟုသုတဆိုင်ရာ ဝက်ဆိုဒ်များကိုမူ ဖွင့်မရသလောက် ဖြစ်ချေ၏၊ အင်တာနက်သုံးခြင်းသည် ကောင်လေးနှင့် ကောင်းမလေးများ Q ခြင်းမျှလောက်သာ ထင်မှတ်နေတုန်း ရှိသေး၏၊ ပြည်ပရောက် မိမိတို့သူငယ်ချင်းများ ပို့ပေးသော ဖတ်မှတ်စရာ သတင်းများကိုသာ မိမိတို့ မေးထဲမှာ မရ မက ဖွင့်ကာ ဖတ်နေရတုန်းရှိသေး၏။
တစ်နေ့- စာရေးသူတို့အိမ်နားက အင်တာနက်ကဖေးတွင် အင်တာနက်သွားသုံးစဉ် တောမှ လူကြီးတစ်ယောက်သည်၊ မလေးရှားတွင် အလုပ်လုပ်နေသော သားနှင့် စကားပြောရန်ရောက်ရှိလာလေသည်။

စာရေးသူသည်လည်း သူ့ကိုကြည့်လျှက် အကဲခပ်နေမိသည်၊ ဆိုင်ပိုင်ရှင်နှင့် တစ်ခြားအသိတစ်ဦးမှ အကူအညီပေးမှု့ကြောင့် အွန်လိုင်းက ဂျီတော့ပ်ဖြင့်ပင်လျှင်၊ ကော်နယ်ရှင်ကျလိုက် တက်လိုက် ခက်ခက်ခဲခဲ ပြောနေရှာလေသည်။
တောကလာသော ထိုလူကြီးသည် ကော်နယ်ရှင် ကျသွားသည်ကိုလည်းမသိ တက်လာသည်ကိုလည်း မသိပဲ ပြောချင်တိုင်း ပြောနေလေ၏၊ ဘေးမှလူများက ကော်နယ်ချင်ကျနေတယ် ခဏစောင့်ပါဦးဆိုမှ ရပ်လိုက်သည၊် တော်ကြာနေ ကော်နယ်ရှင်တက်လာသောအခါ ပြန်စကားပြောပြန်သည် ဤကဲ့သို့ ပြောလိုက်ရသည်ကို အလွန်အင်မတန်မှ ပီတိသောမနဿဖြစ်နေသော တောကလူကြီးသည် ဆိုင်ရှင်ကိုလှမ်းမေးလိုက်ပုံမှာ။

ငါ့တူ.. အဘ ဂျီးမေးလ်တစ်လုံးလောက်ဝယ်ချင်တယ်ကွာ ဘယ်လောက်ပေးရမလဲ သားနဲစကားပြောချင်ရင် တစ်ခါတစ်ခါ မြို့ကိုလာရတာမလွယ်ဘူးကွဲ့…….ဟူ၍ ဖြစ်လေတော့သတည်း။

အော်…….မြန်မာပြည်မှာ သူ့လို ဂျီးမေလ်းတစ်ခုလောက် ၀ယ်ထားချင်သူတွေ အများကြီး ရှိကြမှာပါ ဟု တွေးမိလေသည်။ အဘယ်ကြောင့်ဆိုသော် မြန်မာနိုင်ငံက လူတော်တော်များများ သူများနိုင်ငံမှာ အလုပ်ထွက်လုပ်နေကြရပြီးလေ၊ သူတိုသားသမိးတွေကို တွေ့ချင် မြင်ချင် စကားပြောချင်ကြမှာပေါ့။

ဗမာပြည်ကပြန်အလာ ထိုင်းနိုင်ငံကိုရောက်ပြန်တော့လည်း မိမိ၏ မိတ်ဆွေ မင်းထက်တစ်ယောက် အိမ်ကို ရောက်လာပြန်သည်။
အင်္ဂလိပ်စာလုံးဝ မတတ်သော်လည်း၊ မိတ်ဆွေအပေါင်းသင်းများ၏ အကူအညီအကြောင့် ကွန်ပျုတာ အင်တာနက်များကို အထိုက်အလျှောက်သုံးစွဲနိုင်သော မောင်မင်းထက်သည် သူသိချင် တတ်ချင်သော အရာများအား၊ မရှက်မကြောက် မေးတတ်သူပီပီ အင်တာနက်မှ ဒေါင်းလုပ်လုပ်တာကို သူပြောလိုက်ပုံက၊

ကိုယ့်လူရယ်… ဟု စချီကာဖြင့်၊ အင်တာနက်က ဒေါင်းမင်းဘယ်လို လုပ်ရတယ် ဆိုတာရယ် မြန်မာလိုင်းကို ဘယ်ကဖမ်းရတယ်ဆိုတာရယ်ကို၊ ခဏသင်ပေးစမ်းပါတဲ့၊ မြန်မာပြည်တွင်နေခဲ့စဉ်က ရေဒီယိုကိုသာ သုံးဖူးခဲ့သော တောသားလေးမောင်မင်းထက်တစ်ယောက၊် အင်တာနက်က မြန်မာလိုင်းကို ဖမ်းဖို့ပြောလာလေပြီတကား။
ကဲ… ကိုယ့်လူတို့ရယ်… မရယ်ချင်ကြနဲ့နော် ဘာတွေကွာသလဲလို့သာ စဉ်စားပေးကြပါတော့။

သူငယ်ချင်းတစ်ယောက်၏ အတွေ့အကြုံကို မိမိ၏ အတွေ့အကြုံများဖြင့် ပေါင်းစပ်ကာ တင်ပြလိုက်ခြင်းဖြစ်ပါသည်။

မရ အဆုံး ဝပ်တလုမ်း

2010-09-27T04:00:00.000-07:00

မြန်မာရဟန်းတော်များ အများဆုံးသီတင်းသုံးရာ ဝပ်တလုမ်ကျောင်းတိုက်

ဝပ်တလုမ်ကျောင်းဟု ဆိုလိုက်လျှင်၊ ထိုင်းနိုင်ငံရောက် မြန်မာများအနေဖြင့် မသိသေးသောသူ အလွန်ပင်ရှားပေလိမ့်မည်။

အဘယ်ကြောင့်ဆိုသော် ၄င်းဝပ်တလုမ်ကျောင်းတိုက်အတွင်၊ သီးတင်းသုံးနေသော မြန်မာရဟန်းတော်များမှာ ယခုသုံးလေးနစ်အတွင်း ၁၀၀ ကျော်ကျော်ထိ ရှိလာသောကြောင့် ဖြစ်ပါသည်။

၎င်းကျောင်းတိုက်သည်ကား၊ ဘန်ကောက်မြို့၊ ဘန်ခေဈေးအနီး ချလန် ၁၃ လမ်းတွင်၊ တည်ရှိလေသည်။

ဝပ်တလုမ်ကျောင်းတိုက်

လက်ရှိဝပ်တလုမ်ကျောင်းတိုက်တွင် ဗုဒ္ဓဘာသာနိုင်ငံပေါင်းစုံမှ ရဟန်းတော်များ ၃၀၀ ကျော်ခန့်သီးတင်းသုံး နေထိုင်ကြရာတွင် မြန်မာနိုင်ငံမှ တိုင်းရင်းသားပေါင်းစုံ မြန်မာရဟန်းတော်များ ၁၀၀ ကျော်ရှိလေသည်။ ထိုင်းနိုင်ငံရှိ တက္ကသိုလ်အသီးသီးတို့တွင် ပညာသင်ကြားနေသော မြန်မာရဟန်းတော်များမှာ၊ ၁၄၀ ခန့်ရှိလေသည်၊ ဘန်ကောက် ချင်းမိုင် ဟတ်ယိုင် စသော မြို့ အသီးသီးတို့တွင် တက္ကသိုလ်ပညာများကို သင်ကြားလျှက်ရှိကြသည်၊ ထိုင်းနိင်ငံတွင် တက္ကသိုလ် တက်ရောက်လိုသော မြန်မာရဟန်းတော်များ အနေဖြင့် လိုအပ်သော ကြိုတင်ပြင်ဆင်မူများကို သိရှိစေရန် ပညာဇာနည်း တွင် ဖတ်ရှူ့နိုင်ပါသည်။

ဘုရားရှိခိုးသွားရန် ပြင်ဆင်နေကြသော မြန်မာရဟန်းတော်များ

ထိုင်းနိုင်ငံသို့ လာရောက်ပညာသင်ကြားနေသော မြန်မာရဟန်းတော်များ၏၊ အခက်အခဲများထဲမှ အရေးအကြီးဆုံးတစ်ခုမှာမူ၊ နေထိုင်စရာ ကျောင်းပင်ဖြစ်လေသည်။ မဟာချူလာတက္ကသိုလ်တွင်ကား ကျောင်သားအဆောင်ရှိလေသည်၊ သို့သော်လည်း နေရာနှင့်ကျောင်းသား မမျှသေးသဖြင့် အခက်အခဲ ဖြစ်ကြရပါသည်။

ထိုင်းရဟန်းတော်များ ပုံစံဖြင့် မြင်တွေ့ရသော မြန်မာရဟန်းတော်များ

ထိုင်းနိုင်ငံရောက် မြန်မာရဟန်းတော်များသည်၊ ပညာသင်ကြားနိုင်ရန်အတွက် နေထိုင်စရာကျောင်းများကို အရေးတကြီးရှာဖွေရလေသည်၊ သို့သော်လည်း ထိုင်းဆရာတော်များသည်ကာ မြန်မာရဟန်းတော်များကို လက်ခံရန် အထူးသဖြင့် ငြင်းဆန်ကြလေသည်၊ တစ်ချို့ ကလည်း သမိုင်းပေးဝဋ်ကြွေးဟု ပြောဆိုကြသုများ ရှိသကဲ့သို့၊ တစ်ချို့ ကလည်း ဆင်းရဲသောနိုင်ငံမှ လာသူဖြစ်သောကြောင့် အထင်ကြီ်း လေးစားမူ မရှိသောကြောင့် လက်မခံလိုကြ ဟူ၍လည်း အမျိုးမျိုးဝေဖန်ကြလေသည်။

မိမိတို့ဝတ်ဆင်ထားသော ထိုင်းပုံစံများကို မှတ်တမ်းတင်နေကြပုံ

မည်သို့ပင်ဖြစ်စေ၊ ထိုကဲ့သို့ နေရာအခက်အခဲများကို ဒိုင်ခံ၍ ဖြေရှင်းပေးနေသော ပုဂ္ဂိုလ်တစ်ပါးတော့ ရှိလေသေးသည်၊ ထိုပုဂ္ဂိုလ်မှာ မြန်မာရဟန်းတော်များ၏ ကျေးဇူးရှင် ဝပ်တလုမ်ကျောင်း ဆရာတော်ကြီး ဖရမဟာဘုံးထိန် ဇုတိနြေ္ဒာ ပင်ဖြစ်လေသည်၊ ဆရာတော်သည် လာလာသမျှသော ရဟန်းတော်များအား တံခါးမရှိ ဓားမရှိ သာသနာပြုစိတ်ဓာတ် အပြည့်ဖြင့်၊ အမြဲတမ်းကြိုဆိုနေလေသည်။ သို့သော် ဆရာတော်၏ ကျောင်းတိုက်တွင် နေရာမရှိပေ၊ မိမိတို့နေတတ်သလိုသာ နေမည်ဆိုပါက၊ အမြဲတမ်း တံခါးဖွင့်ထားသော သစ်တစ်ပင်ကောင်း ငှက်တစ်သောင်း နားခိုရာ ပညောင်ပင်ကြီးသဖွယ် ဖြစ်လေသည်။

ဘုရားရှိခိုးရန် ကြိုတင်ရောက်နေကြသော မြန်မာရဟန်းတော်များ

မြန်မာနိုင်ငံမှ ရောက်လာခါစ ရဟန်းတော်များတစ်ချို့သည်ကား၊ ဝပ်တလုမ်ကျောင်းတိုက်တွင် နေရေးထိုင်ရေး ဆင်းရဲပုံကို တွေ့မြင်ရသဖြင့်၊ အခြားသော ထိုင်းကျောင်းများတွင် နေရာတစ်နေရာ ရလိုရငြား အစွမ်းကုန် ကျိုးစားရှာဖွေကြလေတော့သည်၊ သို့သော်လည်း အချီးနှီိးသာဖြစ်လေ၏၊ မည့်သည်ကျောင်းများတွင်မှ လျှောက်ထား၍ မရသောအချိန်တွင်ကား၊ မြန်မာရဟန်းတော်များ ခိုနားရာ ဝပ်တလုမ်ကျောင်းတိုက်သို့သာ၊ ခြေဦးတည်ကြရလေတော့သည်။ ထို့ကြောင့် မည့်သည့်နေရာများတွင်မှ မရသည့်အဆုံးတွင် ဝပ်တလုမ်ကျောင်းရှိသေးသည်ဟု ဆိုကာ၊ မရအဆုံး ဝပ်တလုမ်းဟူ၍ပင် ပြောစမှတ် ဖြစ်လာရလေတော့သည်တကား။

ဘုရားရှိခိုးရန် နေရာချထားပေးနေစဉ် စောင့်ဆိုင်းနေကြပုံများ

ထို့ကဲ့သို့ နေရာအခက်အခဲများသလောက် ပညာတော်သင်ရဟန်းတော်များလည်း များပြားလာရာ၊ ဝပ်တလုမ်ကျောင်းဆရာတော်မှ၊ မြေနေရာတစ်ခုကို ပေးသဖြင့်၊ ဝပ်တလုမ်ကျောင်းနေ မြန်မာရဟန်းတော်များမှ စုပေါင်း၍ အလျှားပေ ၄၀ အနံပေ ၆၀ ရှိသော ဝိဇ္ဇာယလမြန်မာကျောင်း တစ်ဆောင်ကို သီးသန့် ဆောက်လုပ်ခွင့် ရရှိလာလေတော့သည်။

ဝိဇ္ဇာလယကျောင်းဆောင် မော်ကွန်း

ထို့သို့သော အခွင့်အရေးမျိုးသည် အလွန်အင်မတန်မှ ကံကောင်းအကြောင်းလှခြင်းသာ ဖြစ်ပေသည်၊ မြန်မာရဟန်းတော်များအတွက် အလွန်အင်မတန်မှ ဝမ်သာစရာ ဖြစ်ကြရပေသည်။ ကျောင်းတိုက်အတွင်းရှိ ဦးဆောင်မြန်မာရဟန်းတော်များ ဦင်္်းစီးကား၊ ဆောက်လုပ်ပြီုးစီးသွားသော ထိုဝိဇ္ဇာလယကျောင်းဆောင်ကို ၂၆-၉-၂၀၁၀ တွင် စည်းကားသိုက်မြိုက်စွာ ရေစက်သွန်ချနိုင်ခဲ့ပြီးဖြစ်လေသည်။

ဝိဇ္ဇာလယ မြန်မာကျောင်းဆောင် မြင်ကွင်း

ပညာတော်သင် မြန်မာရဟန်းတော်များအတွက် ထာဝရခိုးနားရာ နေရာတစ်ခုဖြစ်လေတော့သည်။ မြန်မာရဟန်းတော်များအနေဖြင့်၊ အားတက်စရာဖြစ်လေတော့သည်။ များမကြာမီရက်အတွင်း၊ နေရာမရှိသေးသော မြန်မာရဟန်းတော်များအား ကံစမ်းမဲစနစ်ဖြင့် ခေါင်းဆောင် သံဃာတော်များမှ ဝေငှပေးသွားပေတော့မည်ဖြစ်သည်။

ဝိဇ္ဇာလယ မြန်မာကျောင်းဆောင် မြင်ကွင်း

ယခုအခါ ဝပ်တလုမ်ကျောင်းတိုက်တော်ကြီးသည်ကား၊ ပညာတော်သင် ရဟန်းတော်များသာမက၊ ထိုင်းနိုင်ငံရောက် မြန်မာအလုပ်သမားများအတွက်ပါ၊ သာရေးနာရေး ဘာသာရေးအခန်းအနားများကို၊ လွတ်လပ်စွာ ဝင်ထွက်လုပ်ကိုင်နိုင်သော၊ သစ်ပင်အရိပ်ကြီးတစ်ခုသိဖွယ် ဖြစ်နေပေတော့သည်။

အိုး...သီးတင်းသုံးဖော် သံဃာတော်အပေါင်းတို့ အသင်တို့သည်၊ ထိုင်းနိုင်ငံတွင် လာရောက် ပညာသင်ကြားလိုပါက၊ အကျွန်ုပ်တို့ ဝပ်တလုမ်ကျောင်းတိုက်မှ နွေးထွေးစွာကြိုဆိုပါကြောင်းနှင့်၊ နေရာအခက်အခဲရှိနေကြသော သံဃာတော်များအားလည်း၊ မရအဆုံး ဝပ်တလုမ်းဟု သဘောပိုက်ကာ ကြွလှမ်းတော်မူခဲ့ကြပါရန်၊ မောင်းခတ်လိုက်ရကြောင်းပါ။

ကပ္ပိယကျော်ခေါင်နှင့် ကမ္ဘာ့ ဘယ်သန်ကြီးများ

2010-08-14T01:17:00.000-07:00

တစ်နေ့သ၌ ရွာဦးကျောင်းရှေ့ သရက်ပင်ကြီးအောက်တွင် ကပ္ပိယကျော်ခေါင် တစ်ယောက် နဂိုကမှ မကြည့်လင်သော သူ၏ မျက်နှာကို ပုပ်သိုးသိုး ဖြစ်အောင် အစွန်းကုန်ဖန်တီးလျှက် ၊ တစ်စုံတစ်ခုကို ဘဝင်မကျသည့် ဟန်ဖြင့် မိမိ၏ လက်မောင်းတို့ကို ကွေးလိုက် ဆန့် လိုက် လုပ်ကာ ၊ ဒေါသ ဖြစ်နေလေ၏။

ထိုအခြင်းအရာကို တွေ့ မြင်သော ရွာဦးကျောင်းဆရာတော်သည်
‘‘ ဟေ့ - ငကျော်ခေါင်း လာခဲ့ စမ်း’’ ဟုခေါ်ကား ၊ မင်းဘာတွေ ဘဝင်မကျဖြစ်နေတာလဲ ပြောစမ်း’’
ဟူ၍ မေးမြန်းလေတော့၏ ။

ထိုအခါ ကပ္ပိယကျော်ခေါင်သည် သူ့၏ ထုံးစံအတိုင်း မျက်စိကို ပေကလပ် ပေကလပ် လုပ်ကာ၊ အတီတေ ဗာရာဏသီ ချီလေတော့၏ ။
‘‘ မှန်လှပါ ဘုရား တပည့်တော် ဟို ငယ်ငယ်လေးကတည်းက ဘယ်သန်လို့ ဘယ်နဲ့ စားရေးလာတာကို ဆရာတော် အသိပါပဲ ဘုရား’’ ။

‘‘အဲဒါ ဘာဖြစ်တာတုန်း ငကျော်ခေါင် ရဲ့ ’’ ၊
မှန်ပါ= အခုမှလာပြီး တပည့်တော်ကို ရွာကကောင်းလေးတွေက ဘယ်ချီးကိုင်လို့ ခေါ်ပါတယ် ဘုရား ။ အဲဒါကို မကြေနပ်လို့ ပါဘုရား။

ထိုအခါ ရွာဦးကျောင်းဆရာတော်သည် မိမိ၏ တပည့်အပေါ် သနားကရုဏာ သက်မိ၍ ။ အောင်ပါ အကြောင်းအရာကို ပြောဆိုကာ အားပေးစကား ပြောလေ၏ ။ ဆရာတော်၏ စကားကို ကြားရပြီးတဲ့နောက်၊ ကပ္ပိယကျော်ခေါင် သည် အင်မတန်မှ လျှင်မြန်သော အဟုန်ဖြင့် ၊ တိုက်ခန်းထဲံတွင်ရှိသော ပိတ်ဖြူစကြီးကို ယူပြီလျှင် ကျောင်းနှင့် မလှန်းမကမ်း တစ်နေရာ၌ အကြီးတကာ့ အကြီးဆုံး ဆိုင်းဘုတ်ကြီးတစ်ခုကို စိုက်ထူလိုက်လေတော့သတည်း ။

၎င်းဆိုင်းဘုတ်ကြီး၌ ရေးထားသော စာမှာ အောက်ပါအတိုင်း ဖြစ်လေ၏ ။

( သြဂုတ်လ ၁၃ ရက်နေ့တွင် ကျရောက်သော ကမ္ဘာ့ဘယ်သန်များနေ့အား လှိုက်လှဲစွာ ကြိုဆိုပါ၏ ) ။

ပြီးလျှင် ကမ္ဘာကျော် ဘယ်သန်ကြီးများကိုလည်း အောက်ပါအတိုင်း ရေးထားလိုက်လေ၏ ။

၁။ ကပ္ပိယကျော်ခေါင်( ရွာဦးကျောင်း)
၂။ အိုင်စတိုင်း
၃။ ဘေသိုဗင်
၎။ ဘင်ဂျမင်ဖရန်ကလင်
၅။ ဂျူးလီယက်ဆီဇာ
၆။ လီယိုနာဒို ဒါဗင်ချီ
၇။ မက်တွိုင်း
၈။ မိုက်ကယ်အိန်ဂျလို
၉။ နပိုလီယန် ဘိုနာပတ်
၁၀။ ဘတ်ဘလို ပီကာဆို
၁၁။ ၀ိတိုရိယ ဘုရင်မကြီး
၁၂။ စီလင်ဒီယွန်း(ဂီတ)
၁၃။ ဂျော့မိုက်ကယ်(ဘတ်စကက်)
၁၄။ ဂျင်မီဟင်းဒရစ်
၁၅။ ဖီးလ်ကိုလင်း(တင်းနစ်)
၁၆။ ပေါ်လ်မက္ကနေး(us သမ္မတ)
၁၇။ အန်တိုနီပါကင်း
၁၈။ ဘရုစ်လီ
၁၉။ ကာရိုးဘားနတ်
၂၀။ ဒန်နီကာရေး
၂၁။ တွမ်ခရု“
၂၂။ ကီးနူးရိဗ်
၂၃။ မော်ဂန် ဖရီးမင်း
၂၄။ ဆာရာဂျက် ဆီကာ ပတ်ကား
၂၅။ မာရီလင်မွန်ရိုး
၂၇။ အိဗာသွန်ပဆန်
၂၈။ ဂျက်ဆန် အလက်ဇန္ဒြား
၂၉။ ဂျင်ကဲရင်း
၃၀။ ဂျူလီယာရောဘတ်
၃၁။ လုပယ်ရီ
၃၂။ နီကိုကစ်ဒ်မင်း
၃၃။ အော်ပရာဝင်းဖရေး
၃၄။ ပီလီ(ဘောလုံး)
၃၅။ လာရီဘတ်
၃၆။ ဘေးလ်ဝယ်တန်
၃၇။ ဂျင်မီကော်နာစ်
၃၈။ ဂျိမ်းစ် ဂါဖီးလ်
၃၉။ အားဘတ်ဟုးမား
၄၀။ ဟယ်ရီအက်စ် ထရူးမင်း
၄၁။ ဂါးရက်စ်ဖို့ဒ်မင်း
၄၂။ ရော်နယ်လ်ရေဂင်
၄၃။ ဂျော့ဘုခ်ျ
၄၅။ ဘီးလ် ကလင်တန်
၄၆။ ရာဇာနေ၀င်း(ပြည်တွင်းဖြစ်)
၄၇။ အိန္ဒြာကျော်ဇင်( ။ )
၄၈။ သီဟတင်စိုး ( ။ )
၄၉။ သျှီသူုအောင်(ရတီမင်္ဂဇင်းအေဒီတာ) ဟူ၍ ရေးသားထားလေ၏ ။

နဂိုကတည်းကမှ ဆောင့်ကြွကြွနိုင်လွန်းသော ကပ္ပိယကျော်ခေါင်းသည်ကား ၊ ယခုကဲ့သို့ နပိုလီယံက အစ ရာဇာနေ၀င်း အဆုံး ရှိသော ပုဂ္ဂိုလ်များသည်လည်း သူ့ကဲ့သို့ ဘယ်သန်များ ဟု သိလိုက်ရသဖြင့် ။ အလွန်ဂုဏ်ယူ ဝင့်ကြွားလျှက်ရှိလေတော့ သထည်း ။ ။

သြဂုတ်လ ၁၃ ရက်နေ့ တွင် ကျရောက်သော ကမ္ဘာ့ဘယ်သန်များနေအာ့း ဤဆောင်းပါးဖြင့် ဂုဏ်ပြုလိုက်ပါသည်။ ။

ထိုင်းဘုရင်မကြီင်္း၏ ၇၈ နှစ်မြောက်မွေးနေ့

2010-08-11T11:21:00.000-07:00

ထိုင်းဘုရင်မကြီး သီရိခေတ်

ပြည်သူလူထု၏ မေတ္တာကို အပြည့်အဝ ရရှိသော မိဖုရားသီရိခေတ်

အဋ္ဌမမြောက် ရာမဘုရင်ဘွဲ့ခံ အနန္ဒာမဟီဒိုး နတ်ရွာစံပြီးနောက် နန်းတက်လာသော၊ လက်ရှိ နဝမမြောက် ရာမဘုရင် ဘူမိဘော အဒူလျာဒက်(ဂ်ျ)နှင့် ၁၃၉၅ ခုနစ် ဧပြီလ ၂၈ ရက်နေ့တွင် စုလျာရစ်ပတ် လက်ထပ်ထိမ်းမြားခဲ့သည်။

စုလျာရစ်ပတ် လက်ထပ်ထိမ်းမြားခဲ့စဉ်က

မိဘုရားသိရိခေတ်နှင့် ဘုရင်ဘူမိဘော တို့သည်၊ ဆွစ်ဇာလန်နိုင်ငံတွင် ပညာသင်ကြားနေခဲ့စဉ် ကတည်းက မေတ္တာမျှနေခဲ့ကြသည် ဟု လူသိများကြလေသည်၊ မင်းသမီးသိရိခေတ်သည်ကား နုပျိုစဉ်အရွယ်က ကမ္ဘာပေါ်ရှိတော်ဝင်မင်းသမီးများ ထဲတွင် အချောဆုံးအလှဆုံး စာရင်ဝင်ခဲ့သူ တစ်ယောက်ဖြစ်လေသည်။

မင်းသမီး သိရိခေတ်သည် ဘုရင်ဘူမိဘော နှင့်အတူ သျှောင်းနောက် ဆံထုံးပါ ဆိုသကဲ့သို့ နယ်စွန် နယ်ဖျားများသို့ လိုက်ပါလျှက် ပြည်သူ ပြည်သားများအား လက်ဆောင်များ ပေးခြင်း ဆေးဝါးကုသပေးခြင်း၊ အစရှိသော လူသား အကျိုးပြုလုပ်ငန်းကို မငြီးမညူ လိုက်ပါ ဆောင်ရွက်လေသည်။

အထူးသဖြင့် ထိုင်းအမျိုးသမီးကလေးများ၏ ဘဝဖူလုံရေး အတွက် အသက်မွေးဝမ်းကျောင်း ပညာရပ်များကို သင်ကြားစေရန် အားပေး ကူညီခဲ့လေသည်။

သိရီခေတ်သည် ထိုင်းဘုရင် ဘူမိဘော၏ တစ်ဦးတည်းသော မိဖုရားခေါင်ကြီး အဖြစ်ဖြင့် နေလာခဲ့သည်မှာ ယနေ့ သက်တော် အားဖြင့် ၇၈ နစ်သို့တိုင်ခဲ့လေပြီ။ သို့သော်လည်း မိဖုရားသိရိခေတ်အား မေတ္တာပျက်သော ထိုင်းပြည်သူတစ်ဦင်္းတစ်ယောက်မျှ မရှိသေးပေ။

သီရိခေတ်တို့၏ မိသားစု

အကျွန်ုပ်သည် သူတစ်ပါး တိုင်းပြည့်တွင် လူမဖြစ်ချင်သော်လည်း၊ အကျွန်ုပ် မွေးဖွားသော တိုင်းပြည်တွင်ကား ထိုကဲ့သို့ မင်း မိဖုရားများ ရှိခဲ့ပါမူ ကောင်းလေစွာ့ဟု ဆုတောင်းရင်း၊

တိုင်းသူ ပြည်သားများ အပေါ်တွင် ရင်ဝယ်သားကဲ့သို့ မေတ္တာထားကာ အုပ်ချုပ်နေသော မိဖုရားသီရိခေတ်သည်-၁၂-၈-၂၀၁၀ နေ့တွင် ကျရောက်သော ၇၈ နှစ်ပြည့် မွေးနေ့ မှသည် နောင်နှစ်ပေါင်း များစွာသော ကာလတိုင်အောင်၊ စိုးစံအုပ်ချုပ် မင်းလုပ်နိုင်ပါစေသတည်း

ရဟန်းတော်များနှင့် ကွမ်းယာ ဆေးလိပ်

2010-08-06T03:53:00.000-07:00

ဘုန်းဘုန်း...ဘုရား..ကိုယ်စိတ်နှစ်ပါး ကျန်းမာ ချမ်းသာစွာ သာသနာပြုနိုင်ပါစေ.....
အောက်မှာ တူတော်မောင်တစ်ယောက်က အလွန်သိချင်ပါသဖြင့်..ကရုဏာရှေ့ထားလို့ ဖြေကြားပေးပါရန် လျှောက်ထားအပ်ပါသည်...ဘုရား။

ဒကာ/ ဇော်လင်း

မေး။ ။ ဆရာတော်ဘုရား တပည့်တော်ရိုသေ လေးမြတ်စွာ ဦးခိုက်
လျှောက်ထားပါသည်ဘုရား။ ရဟန်းတော်များကွမ်းစားခြင်းသည် အာပတ်သင့်၊ မသင့် သိလိုပါသည်ဘုရား။
အကယ်၍ အာပတ်သင့်ပါက မည်သို့သော အာပတ်မျိုးဖြစ်ပါသလဲဘုရား။
ဒေသနာ ကြားပါက ပျောက်၊မပျောက် လည်းသိလိုပါသည် ဘုရား။ ဆေးလိပ်သောက်ခြင်း နှင့် ပတ်သက်၍ လည်းသိလိုပါသည်ဘုရား။

ဖြေ။ ။ ရဟန်းတော်များ ကွမ်းစားခြင်းသည် အာပတ်မသင့်ဟု မှတ်ပါ၊ သို့သော်လည်း အချို့အချို့သော ဆရာတော်ကြီးများသည်ကား၊ နေလွဲသောအခါ၌ သုံးဆောင်လေ့မရှိသည်ကို မှတ်သားဖူးပါသည်။
ထို့သို့မသုံးဆောင်းခြင်းသည်လည်း ဝိနည်းကို အလွန်လေးစားသောကြောင့် ဖြစ်ပါသည်၊ စားသုံးနေသော ဆရာတော်များကိုလည်း အာပတ်သင့်သည်ဟု မမှတ်ယူသင့်ပေ။

အနုဇာနာမိ ဘိက္ခဝေ ဓူမနတ္တံ၊ ဘိက္ခဝေ- ရဟန်းတို့၊ ဓူမနတ္တံ- အခိုးလိပ်ကို- ဝါ- ဆေးလိပ်ကို၊ အနုဇာနာမိ- ခွင့်ပြုတော်မူ၏။ ဟူ၍ နေမကောင်းသော ရဟန်းတော်တစ်ပါးအား ဆေးလိပ်သောက်ခွင့် ပေးသည်ကို မဟာဝါပါဠိတော်တွင် မှတ်သားဖူးပါသည်။

နေမကောင်းသောအခါ ဆေးလိပ်သောက်ခွင့်ရှိပါသည်၊ ကျန်းမာနေသောအခါများတွင်ကား မသောက်သင့်ဟု မှတ်ယူရပါမည်။ အာပတ်သင့်မည်ဆိုပါက ဒုက်ကဋ် အာပတ်သင့်ပါသည်၊ ဒုက်ကဋ်အာပတ်သည် အလွန်သေးငယ်သော အာပတ်ဖြစ်ပါသည်၊ ဒေသနာကြားပါက ပျောက်လေသည်။

အာပတ် (၇)မျိုးရှိသည့်အနက်၊ ဒေသနာကြားရုံဖြင့် မပျောက်သော အာပတ်များမှာ သံဃာဒိသေသ်နှင့် ပါရာဇိက နစ်မျိုးသာ ရှိသည်ဟုမှတ်ပါ။ သို့သော် သံဃာဒိသေသ်သည်ကား ပျောက်အောင်ကုစားနည်း ရှိပါသေးသည်။

မေး။ ။ အောက်ပါ ရေးသားချက်နှင့် ပတ်သက်၍ ရှင်းလင်းစွာသိလိုပါသည် ဘုရား။

(ရဟန်းတို့၏ ကာလိက ၄ ပါး)
၁။ ယာဝကာလိက=ဆွမ်း၊ ဟင်း၊ မုန့်၊ ခဲဖွယ်၊ ဘောဇဉ် စသည်များ(၎င်းတို့ကို နေအရုဏ်တက်မှစ၍ မွန်းမတည့်မီ အကပ်ခံ၍ ရဟန်းတို့ သုံးဆောင်အပ်သည်)

၂။ ယာမကာလိက=အဖျော်ရှစ်ပါး(၎င်းတို့ကို နေလွဲသည်မှစ၍ ညဉ့်သုံးယံပတ်လုံး ဆာလောင်သောအခါ ဘုဉ်းပေးသုံးဆောင်အပ်သည်)

၃။သတ္တာဟကာလိက=ထောပတ်၊ ဆီဦး၊ နှမ်းဆီ၊ ပျား၊ တင်လဲ စသည်များ(၎င်းတို့ကို အကပ်ခံ၍ ခုနစ်ရက်ပတ်လုံး သုံးဆောင်ဘုဉ်းပေးအပ်သည်)

၎။ ယာဝဇီဝက=ဆီးဖြူ၊ သျှိသျှား၊ သဖန်းခါး၊ ငရုတ်စသော သစ်သီးသစ်ရွက်များ (၎င်းတို့ကို အကြောင်းရှိသော် တစ်သက်ပတ်လုံး သုံးဆောင်အပ်သည်) ထို့ကြောင့် ရဟန်းသံဃာများ ကွမ်းစားခြင်း(ကွမ်းရွက်စားခြင်း)သည် အာပတ်မသင့်ပါ။
ယာဝဇီဝက အရ တစ်သက်ပတ်လုံး သုံးဆောင်နိုင်ပါသည်။ (ခုဒ္ဒသိက္ခာ)

ဖြေ။ ။ အထက်ပါ ရေးသားချက်များမှာ နေလွဲညစာ မစားရဟု သိက္ခာပုဒ်ကို ပညတ်လိုက်သည်နှင့် တစ်ပြိုက်နက်၊ မည်သည့် စာသောက်ဖွယ်ရာများကို နေလွဲသော အခါ မစားကောင်းသနည်းဟု ရဟန်းတော်များ သံသယ ဖြစ်လာသည်ကို၊ ဖြေရှင်းထားခြင်းများဖြစ်ပါသည်။

အထက်ပါ လေးမျိုးထဲတွင်၊ အကပ်ခံပြီင်္းသည့်နောက် အရုဏ်တက်သည်အချိန်မှ နေမွန်းမလွဲခင် စားသုံးကောင်းသော အရာ၊ ခုနစ်ရက်ပတ်လုံး စားသုံးအပ်သော အရာ၊ တစ်သက်လုံးစားသုံးကောင်းသော အရာဟု ခွဲပြထားခြင်းဖြစ်ပါသည်။

ကိုရင်ငယ်များအတွက် ထုပ်ထားသော ရှင်ကျင့်ဝတ် စာအုပ်တွင် လေ့လာမှတ်သားနိုင်ပါသည်။

အထက်ပါ အမျိုးအစားများဖြင့် ညှိနိုင်းကြည့်ပြီ်း၊ နီးစပ်ရာ ဆရာတော် သံဃာတော်များကိုလည်း မေးစမ်းကြည့်စေချင်ပါသည်၊ ရွာဦင်္းကျောင်းဆရာတော်လည်း ကြားဖူးနားဝများကိုသာ သိသလောက်ကလေးဖြင့် ဖြေကြားပေးလိုက်ခြင်းသာ ဖြစ်ပါသည်၊

ဝိနည်းအရာဟူသည် အလွန်ကျယ် ပြန့်လှပါသည်။ လူ့လောကတွင်လည်း အလွန်ကျယ်ပြန့်သော ဥပဒေများကို ဥပဒေပညာရှင်များသာ သိနိုင်စွမ်းလေသည်ကို အထူးသတိပြုစေချင်ပါသည်။

ရွာဦ်းကျောင်းဆရာတော်နှင့် မနောမယ ဂမ္ဘီရ ရေမန်း

2010-08-03T02:14:00.000-07:00

္ဖ

တစ်နေ့သ၌ အင်းစိန်မြို့ ဖော့ကန်ရပ်ကွက် မင်္ဂလာလမ်းတွင် အသက် ၂၅- ၃၀ ဝန်းကျင်ရှိ် စတိုးဆိုင်ပိုင်ရှင် အမျိုးသမီး တစ်ယောက်သည်၊ ရောင်းမထွက်နိုင်သော မိမိ၏ဆိုင်မှ ပေါင်မုန့်များ ကို ပြန်လည် သိပ်ဆည်း ရင်း၊ နှမြှောတသဖြစ်နေခိုက်၊ မိမိ၏ ဆိုင်နှင့်မျက်နှာချင်းဆိုင်တွင်၊ ဆိုင်းခန်းဖွင့်ရန် လာရောက် နေရာချ နေသော တစ်ခြားအမျိုးသမီးငယ်တစ်ယောက်ကို သတိထား မိလေ၏၊

၎င်းစတိုးဆိုင်ပိုင်ရှင် အမျိုးသမီးသည်၊ သူမ၏ အတွေ့အကြုံအရ ဤနေရာ ဤဒေသ၌ ဈေးဆိုင် လာဖွင့်သူ မှန်သမျှ အရှုံးနှင့်သာ ရင်ဆိုင်ခဲ့ရပုံများကို ပြန်လည်တွေးကြည့်ရင်း၊ ဆိုင်ခန်းပြင်ဆင် နေသူ အမျိုးသမီး ငယ်လေးကို သနားမိသေးတော့၏။

သူကိုယ်တိုင်းမှာလည်း အရောင်းမသွက်ဖြစ်နေရသည့်အထည့်၊ ဤကဲ့သို့ မိမိဆိုင်နှင့် ကပ်လျှက်နေရာတွင် နောက်ထပ်ဆိုင်တစ်ဆိုင် လာရောက်ဖွင့်ခဲ့ပါက အကျိုးနည်းရချေရဲ့ ဟုလည်း၊ စိတ်ကူးမိလေသည်။ မည်သို့ ပင်ဖြစ်စေ၊ မိမိဆိုင်အရောင်းသွက်ရေးအတွက် မှတ်မိသမျှသော ဂါထာမန္တရားများ ကိုသာ ရွတ်ဖတ် နေမိ လေ၏၊

သို့သော်လည်း နောက်ထပ်ဖွင့်ရန် ပြင်ဆင်နေသော ဆိုင်မှာ မိမိကဲ့သို့ စတိုးဆိုင် မဟုတ်ကြောင်းကို အကဲခပ်မိသဖြင့် အနည်းငယ် နေသာထိုင်သာရှိသွားတော့၏၊ အတော်အသင့် သပ်သပ်ရပ်ရပ်ရှိသော ၄င်းဆိုင်ငယ်လေးသည်၊ စာသောက်ဆိုင်သော်၎င်း၊ ထမင်းဆိုင်သော်၎င်း တစ်ခုခုဖြစ်ရမည်ဟု တွက်ဆထားလိုက်လေ၏။

နောက်တစ်နေ့ နံနက် မိုးလင်း၍ မိမိ၏ စတိုးဆိုင်ကို ဖွင့်ရန်အသွား၊ ပရိတ်သတ်အနည်း ငယ် စည်ကားနေသော ၄င်းဆိုင်ကလေးကို၊ အမှတ်မထင်သတိထားမိသွား၏၊ ရခိုင်မုန့်တီ အာပူလျှာပူဟူ၍လည်း ဆိုင်းပုဒ်ငယ်တစ်ခုကို ခပ်ရိုးရိုးကလေး ချိုတ်ဆွဲထားသေး၏၊

စိတ်ဝင်စားမိ၍ အသေအချုာ လေ့လာကြည့်မိသောအခါတွင်ကား။ ဆိုင်ခန်း၏ ခေါင်းရင်း ဖက်တွင်၊ အသက် ၂၀ ဝန်းကျင်ရှိ ရဟန်းငယ်တစ်ပါးလည်း ရှိနေသည်ကို တွေ့ရသဖြင့် ပို၍ပင် စိတ်ဝင်စားစွာ မိမိဆိုပေါ်မှ နေ၍ အစအဆုံး ဂရုတစိုက် ကြည့်နေမိ၏။

ခဏအကြာတွင် ၄င်းရဟန်းငယ်သည်၊ မိမိ၏ရှေ့တွင်ချထားသော သောက်ရေခွက်ကို ဟန်ပါပါဖြင့် ထက်ဝက်ခန့် သောက်ပြီးနောက်၊ ကျန်ထက်ဝက်ခန့်ကို ပလပ်စတိတ်အိပ်ငယ် တစ်လုံးတွင် ထည့်ကာ၊ ဆိုင်ရှင်အမျိုးသမီးငယ်အား၊ ရော့..ဟူ၍လှမ်းပေးလိုက်လေ၏ ပြီးလျှင် ၄င်းရဟန်းငယ်သည် ဆိုင်ခန်းထဲရှိ လူသူများကို ခပ်ဆပ်ဆပ် စကားအနည်းငယ် ပြောပြီးလျှင်၊ မုန့်တီတစ်ခွက်ကို အားရပါးရ သုံးဆောင်နေလေတော့၏။

ဆိုင်ရှင်အမျိုးသမီးသည်၊ ရဟန်းငယ်ပေးသော ပလပ်စတိတ်ရေထုပ်ကလေးကို တရိုသေ ယူဆောင် လာပြီးလျှင်၊ စာပွဲခင်းကျင်းထားရာ အပေါ်တွင် ကြိုးတစ်ချောင်းဖြင့် တပ်ဆင်လိုက်၏၊ ထိုသို့တပ်ဆင် နေစဉ်တွင်လည်း ၄င်းရဟန်းငယ်မှ မကြာမကြာ အမိန့်ပေးနေသကဲ့သို စကားများ လှန်းလှန်း ပြောနေ သည်ကို ဝိုးတဝါး လှမ်းမြင်နေရလေ၏။ ရဟန်းငယ်သည်ကား ၄င်းဆိုင်ခန်းရှိ သူများအပေါ် အတော် သြဇာရှိပုံရ၏။

စတိုးဆိုင်ပိုင်ရှင် အမျိုးသမီးသည် အလွန်အင်မတန်မှ စိတ်ဝင်းစားမိသဖြင့်၊ ချက်ချင်း ဆိုသလို၊ မိမိဆိုင်ပေါ်မှ ဆင်းကာ၊ ရခိုင်မုန့်တီတစ်ခွက်ကို သွားရောက်အားပေးလိုက်လေ၏၊ ပြီင်္းလျှင် ၄င်းရဟန်းငယ်အား မိမိဆိုင်ပေါ်သို့ ပင့်ကာ၊ အချိုပွဲအချဉ်ပွဲများဆက်ကပ်လိုကြောင်း လျှောက်ထား လေတော့၏၊

ရဟန်းငယ်ကမူ မိမိမှာ စာချတာဝန်ရှိနေသေး၍ နောက်တစ်ပတ် တနင်္ဂနွေ နေ့နှင့် ဥပုသ်နေ့နှင့် တိုက်ဆိုင်ခဲ့လျှင် မုချလာရောက်မည်ဖြစ်ကြောင်း၊ သို့သော်လည်း ဒကာမကြီင်္း၏ စတိုးဆိုင်ပေါ်သို့ မတက်ရောက်တော့ပဲ ဤမုန့်တီဆိုင်ခန်းသို့ လာရောက်ကပ်နိုင်ကြောင်းကို ပြောကြား လိုက်လေတော့၏၊

စတိုးဆိုင်ပိုင်ရှင် အမျိုးသမီးသည် အလွန်ဝမ်းမြောက်ဝမ်းသာ ဖြစ်သွားလေတော့၏၊ ၄င်းစတိုးဆိုင်ပိုင်ရှင် အမျိုးသမီး၏ အထင်မှာ ဤဦ်းဇင်းငယ်သည်၊ ဈေးရောင်းကောင်းရန်အတွက် ရေမန်းဖြင့် သိဒ္ဓိတင်ပေး သည်ဟု အတိအကျ ယူဆထားလေ၏၊

တိုက်တိုက်ဆိုင်ဆိုင်ပင်လျှင် မုန့်တီဆိုင်ကလေးသည်လည်း တစ်ပတ်အတွင်း အတော်လေးကို ရောင်းအားကောင်းလာခဲ့လေတော့၏ အပျင်းပြေမုန့်တီဆိုင်ဖွင့်ကြည့်သည်ဟု ဆိုစေကာမူ တစ်နေ့ကို မုန့်ဖတ် ၁၂ ပိဿာထိ ရောင်းချရလေ၏၊ မနက်အစောကြိ်းကတည်းက နေ့လည် ၁ နာရီလောက်ထိ လက်လည်သည်ဟူ၍မရှိပေ။

ထိုမထင်မှတ်ပဲ ဈေးရောင်းကောင်းနေသည်ကိ်ု မြင်သောအခါ စတိုးဆိုင်ပိုင်ရှင် အမျိုးသမီးသည် ဦးဇင်းငယ် ကြွလာမည့်နေ့ကို တမျှော်မျှော်ဖြင့် စောင့်နေ ရှာ၏၊ ဥပုသ်နေ့နှင့် တနင်္ဂနွေနေ့ တိုက်ဆိုင်လျှင် ကြွလာ မည်ဟု ပြောခဲ့သော ဦးဇင်းငယ်၏ စကားကို အမြဲကြာယောင် နေမိလေ၏၊

အမှန်မှာမူ ဦင်္းဇင်းငယ်ဆိုလိုသည်မှာ ဥပုသ်နေ့များတွင်မှ စာဝါပ်ိတ်သောကြောင့် ဥပုသ်နေ့မှ ကြွလာခဲ့မည် ဟု ဆိုလိုခြင်းဖြစ်လေသည်၊ တနင်္ဂနွေနေ့ နှင့် တိုက် ဆိုင်စေချင်သည် မှာကား ဦင်္်းဇင်းငယ်၏ မောင်နှမများ အလုပ်နားသည့်ရက်နှင့် တိုက်ဆိုင်လိုစေသော ကြောင့်ဖြစ် လေည်။

ဤသည်ကိုပင်လျှင် အလွန်အထင်ကြီးနေသော စတိုးဆိုင်ပိုင်ရှင် အမျိုးသမီးမှာမူ နေ့ထူး နေ့မြတ်ကိ်ု ရွေး၍ ကြွလာမည့်ဟု အထင်ရောက်နေလေတော့သည်။

နောက်တစ်ပတ်ကြာလျှင် ဦးဇင်းငယ် ကြွလာပြီး သူအင်မတန်မှ ကြိုက်နစ်သက်သော ရခိုင်မုန့်တီကို အားရ ပါးရ သုံးဆောင်နေလေတော့၏၊ ၄င်းဦးဇင်းငယ်သည်ကား ရခိုင်မုန့်တ်ီကို အလွန်ကြိုက်နစ်သက်၏၊ ငယ်စဉ်က ဆိုလျှင် ရခိုင်မုန့်တီကျွေးမည်ဟု ပြောပြီးကာမှ အကြောင်းအမျိုးမျိုးကြောင်း မကျွေးဖြစ်ခဲ့လျှင်ကား ထိုနေ့အဖို့ မည်သည့် အစားအစာကိုမှ မစားသောက်တော့ပေ။ ယခု အသက်ကြီးလာသည့်တိုင်အောင် ထိုအကျင့်ကို မစွန့်လွတ်နိုင်သေးပေ။

ရခိုင်မုန့်တီသုံးဆောင်ပြီး၍ မကြာခင်ပင်လျှင် စတိုးဆိုင်ပိုင်ရှင်အမျိုးသမီးတစ်ယောက် အလွန်ရိုသေသော အမူအယာဖြင့် ရောက်လာလေတော့၏၊ ဦးဇင်းငယ်မှာ ဤမျှရိုသေ ကိုင်းရှိုင်း သော အမူအယာဖြင့် မိမိရှေ့ တွင် လာရောက်ထိုင်နေသော အမျိုးသမီး တစ်ယောက်၏ ရှေ့တွင် ကိုယ့်ကိုကိုယ့် မယုံသင်္ကာဖြင့် မနေတတ် မထိုင်တတ်ဖြစ်နေလေတော့၏၊

စတိုးဆိုင်ပိုင်ရှင် အမျိုးသမီးလျှောက်ထားသည်မှာကား= မှန်လှပါဦင်္းဇင်းလေးဘုရား၊ တပည့်မတော်မ ဆိုင်ခန်းအတွက် ရေမန်းတစ်ပုလင်းလောက် မန်းပေးတော်မူပါဘုရား.. ဟူ၍ဖြစ်လေ၏၊

ဦင်္းဇင်းငယ်သည် အလွန်အံ့သြသော အမူအယာဖြင့် ဘေးဘီးဝဲယာကို အနည်းငယ် အကဲခပ်ကြည့်ပြီးလျှင်၊ ဒကာမကြီး ဘာပြောတာလဲ ဟု မယုံသင်္ခါ မေးမိလေတော့၏၊ ထိုအခါ စတိုးဆိုင်ပိုင်ရှင် အမျိုးသမီး သည် လည်း၊ ဆိုင်ဖွင့်သည့်နေ့က ဦင်္းဇင်းငယ်ကိုယ်တိုင် ထုတ်ပေးခဲ့ သော ရေထုပ်ကလေးကို လက်ညှိုညွန်ပြကာ၊

ဟော..ဟိုက အရှင်ဘုရား မန်းပေးခဲ့တဲ့ မနောမယဂမ္ဘီရ ရေမန်းလိုမျိုး တပည့်တော်မကိုလည်း ချီင်္းမြင့်ပေးပါ ဘုရားဟု ထပ်မံလျှောက်ထား လိုက်လေတော့၏။

ဦင်္းဇင်းငယ်သည် အရာအားလုံးကို သဘောပေါက်သွားသဖြင့် ရယ်ချင်သောစိတ်ကို အောင့်အီးသီးခံပြီး၊ ဤသို့ပြန်လည် ရှင်းပြရလေတော့၏။

အဲဒီင်္ ..ရေထုတ်က ရေမန်းမဟုတ်ဘူး ဒကာမကြီ်ရဲ့ ….ဟု စအချီကာဖြင့်၊ ၄င်းရေထုပ်ငယ် ကို စာပွဲပေါ်မှ နေ၍ ကြိုးတစ်ချောင်းဖြင့် ချည်ထားသည်မှာကား မုန့်ဖတ်နှင့် အခြား တိုလီ မိုလီများ ကို ယင်ကောင် နားမှာစိုး သဖြင့်၊ ယင်ကောင်များကို ခြောက်လှန့်ရန်အတွက် တမင်သက်သက် စာခြောက်ရုပ်ကဲ့သို့ လုပ်ထားသော ရေထုပ်သာဖြစ်ကြောင်း၊ ဘယ်လို မန္တရားကိုမှ မတတ်ကြောင်း ယင်ကောင်များ မလာနိုင်ရန် ၄င်းရေထုတ်ကလေးကို ယိုင်ထိုးလှုပ်ပေးခြင်းဖြင့် ဟန့်တားထား ခြင်းသာ ဖြစ်ကြောင်း ရှင်းပြရလေတော့၏။

စတိုးဆိုင်ပိုင်ရှင် အမျိုးသမီးမှာလည်း မိမိ၏အဖြစ်ကို မိမိသိရှိရသဖြင့် ၄င်းအမျိုးသမီး နှင့် ဆိုင်ခန်းရှိ ညီအစ်ကို မောင်နှမများ အားလုံးတို့မှာ တစ်ညီင်္တစ်ညွတ်တည်း..ဝါး..ဟား..ဟား ဟူ၍ ပြိုင်တူ ထွက်သွား ကြလေတော့သတည်း။

ထိုစဉ်က ရေမန်းမန်းသော ဦးဇင်းငယ်မှာ ကပ္ပိယကျော်ခေါင်၏ဆရာရင်း ရွာဥိ်းကျောင်းဆရာတော် ဖြစ်လေသည်၊ မုန့်တီဆိုင်ပိုင်ရှင်မှာ ရွာဦင်္းကျောင်းဆရာတော်၏ အစ်မဖြစ်လေသည်၊ စတိုးဆိုင်ပိုင်ရှင် မှာကား ဖော့ကန်ရပ်ကွက်တွင် အလွန်နာမည်ကြီင်္းသော ဦင်္းတင်မောင်စတိုးဆိုင် ဖြစ်လေသည်။

ဤသို့လျှင် လူတို့မည်သည်၊ မိမိတို့၏ အားကိုးရာကို လွဲမှားစွာ ရှာမှီးတတ်ကြလေသည်၊

အလိုတော်ပြည့်ဆရာတော်ကြီင်္း၏ စင်ကာပူတရားစခန်း

2010-07-30T07:35:00.000-07:00

5 Days Intensive Vipassana Meditation Course taught by
the most Venerable His Holiness Alodawpyeit Sayadaw Baddanta
Dr. Ariyavamsa, is being organized at the address for Meditation
Retreat is as follow (FAIRY POINT CHALLET 2,ALOHA CHANGI).
on and from 14th to 19th August 2010. Singapore is a land where there was always an
influence of an intrinsic human power which
we acquire from meditation. This is a process which
dates back to the ancient ages. In Pali
(ancient Indian Language) Meditation is known as Vipassana.
By practicing Vipassana, the power to develop
the concentration of mind in turn helps in doing well in life.
It is a therapy to bring in peace and tranquility of mind.
As our mind and body are closely related, the healthy
mind transmits healthy stimulation to the body.
Meditation is more relevant in the present day world.

ဆက်သွယ်စုံစမ်းနိုင်ရန်အတွက် တပည့်ဒကာ ဒကာမ များ ကိုသိန်းထွန်းအောင် ဖုန်း98356554
ဒေါ်ရတနာရှိန် ဖုန်း90484205 ဒေါ်သန္တာမြင့် ဖုန်း 90603792 သို့ဆက်သွယ်မေးနိုင်ပါတယ်
မှတ်ချက်။ ။ အလိုတော်ပြည့်တရားစခန်းသို့ ၀င်ရောက်လိုသောယောဂီများ(၁.ရ.၂၀၁၀)မှစ၍စာရင်းပေးသွင်းနိုင်ပါသည်
တရားစခန်းယာယီကျောင်းဆောင်၊တရားဟောခန်းမ၊ကမ္မဋ္ဌာနာစရိယဆရာတော်လေယာဉ်လက်မှတ်၊အရုဏ်ဆွမ်း၊
သောက်ရေသန့်၊အအေး၊လှူဒါန်းလိုသူများ ဆက်သွယ်လှူဒါန်းနိုင်ပါသည်။

ဆက်သွယ်လှူဒါန်းရန်။ ။ Mahamuni Buddhist Society
No.264.Westwood Ave,(Off jurong West Ave 5) Singapore 648464
Tel:6777 7018 - 67909279 - Hp: 91852924
for more information to visit www.alodawpyei.org
email: contact@alodawpyei.orgThis e-mail address is being protected from spambots. You need JavaScript enabled to view it

အလိုတော်ပြည့်ဆရာတော်ကြီင်္း၏ စင်ကာပူတရားစခန်း

2010-07-29T22:05:00.000-07:00

ဝိပဿနာအလုပ်ပေးတရားစခန်းကို ၅ ရက်တိုင်တိုင် ကျင်းပပြုလုပ်ပေးမည် ဖြစ်ပါ၍၊ တရားအားထုပ်လိုသူ မည်သူမဆို အောက်ပါလိပ်စာများတွင် စာရင်းပေးသွင်းနိုင်ပြီဖြစ်ကြောင်း နိဗ္ဗာန်ကို အကျိုးမျှော်၍၊ နိုးဆော်တိုက်တွန်းအပ်ပါသည်။

ဆက်သွယ်စုံစမ်းနိုင်ရန်=

ကိုသိန်းထွန်းအောင် ဖုန်း 98356554

ဒေါ်ရတနာရှိန် ဖုန်း 90484205

ဒေါ်သန္တာမြင့် ဖုန်း 90603792 များသို့ဆက်သွယ်မေးမြန်းနိုင်ပါသည်။

မှတ်ချက်။ ။ အလိုတော်ပြည့်တရားစခန်းသို့ ၀င်ရောက်လိုသောယောဂီများသည် (၁.ရ.၂၀၁၀)မှစ၍ စာရင်းပေးသွင်းနိုင်ပါသည်
တရားစခန်းယာယီကျောင်းဆောင်၊ တရားဟောခန်းမ၊ ကမ္မဋ္ဌာနာစရိယဆရာတော်လေယာဉ်လက်မှတ်၊ အရုဏ်ဆွမ်း၊
သောက်ရေသန့်၊ အအေး၊ လှူဒါန်းလိုသူများ ဆက်သွယ်လှူဒါန်းနိုင်ပါသည်။

ဆက်သွယ်လှူဒါန်းရန်။ ။ Mahamuni Buddhist Society
No.264.Westwood Ave,(Off jurong West Ave 5

Singapore 648464

Tel:6777 7018 - 67909279 - Hp: 91852924
for more information to visit www.alodawpyei.org
email: contact@alodawpyei.org

ကပ္ပိယကျော်ခေါင်နှင့် M.B.B.S

2010-07-27T22:37:00.000-07:00

တစ်နေ့သ၌ အကျွန်ုပ် ကပ္ပိယကျော်ခေါင်သည်၊ ကပ္ပိယတစ်ယောက်၏ ရှိသင့်ရှိထိုက်သော စတိုင်လ် အပြည့်ဖြင့်၊ ဘင်္ဂလားပင်လယ်ပြင်ကို ဗဟိုပြုပြီးခုပ်မောင်းလာသော မလိခ အပြန်ရေယာဉ်ပေါ်တွင် အခန့်သား စီးနင်းလိုက်ပါလာလေတော့၏၊ အကျွန်ုပ်သည်ကား အလွန်အင်မတန်မှ လူကဲခပ်တော်သူဖြစ်သည်အားလျှော်စွာ၊ ဘေးဘီးဝဲယာကို အကဲခပ်လျှက်၊ နေမိလေတော့၏။
ထိုအထည့်တွင် အကျွန်ုပ် စိတ်အဝင်စားဆုံးမှာကား၊

မလှန်းမကမ်းတွင် ရှိသော သစ်သာ သေတ္တာကြီးတစ်လုံးဖြစ်လေ၏၊ ထိုသေတ္တာကြီင်္းဘေးတွင်လည်း ပုတ်သင်ညိုကို ဥညှစ်ထားသော ပုံစံဖြင့်၊ လူတစ်ယောက် ထိုင်နေသေး၏၊ မည်သို့မျှ သောတ္တာနဲ့ လူ ပနံမသင့်လှ ဟုလည်း ကောက်ချက်ချမိလိုက်သေး၏၊

သောတ္တာကြီ်းတွင် ရေးထားသောစာမှာကား၊ M B B S ဟုဖြစ်လေ၏၊ သို့သော်လည်း ၄င်းသေတ္တာဘေးတွင် ထိုင်နေသောလူသည် M B B S မဆိုထားဖိ၊ သူငယ်တန်းကြီ်းကိုတောင် အမှတ်ကောင်းခဲ့ပုံမပေါ်ပေ၊ ထိုထက်စိတ်ဝင်းစားဖို့ကောင်းသည်မှားကား။
၎င်းသေတ္တာကြီး၏ အခြားတစ်ဖက်တွင်ထိုင်နေသော ကောင်မလေးသုံးယောက်၏ တီးတိုးဝေဖန်နေသော အသံ ဖြစ်လေသည်။

သူတို့ပြောနေသော စကားများထဲတွင်၊ ဤသင်္ဘောပေါ်၌ မြို့နယ် ဆရာဝန်တစ်ယောက် ပါလာကြောင်း နှင့် သူတို့ရှေ့က တင်ထားသော သေတ္တာကြီးမှာ ၄င်းဆရာဝန်၏၊ သောတ္တာသာဖြစ်နှိုင်ကြောင်း စသည်စသည်၊ အကြောင်းအရာများ ဖြစ်လေ၏။
အကျွန်ုပ်သည်လည်း အရာရာကို သဘောပေါက်သွားပြီးဖြစ်ရကာ၊ မိမိ၏ ခရီင်္းစဉ်ကိုသာ တွေးနေမိလေတော့၏။

များမကြာမီ မိမိတို့သွားလိုရာ မာန်အောင်သင်္ဘောဆိပ်သို့  ရောက်ခဲ့လေ တော့၏။ ကမ်းပေါ်တွင် မိမိနှင့်သိသူ တစ်စုံတစ်ယောက်များ ရှိလေမလားဟု၊ ကြည့်မိရာ၊ အရာရှိကြီးငယ်တို့ဖြင့် ပြည့်နှက်နေသည်ကို တွေ့ရှိရသဖြင့်၊ သင်္ဘောပေါ်တွင် ပါလာသော၊ ဆရာဝန်ကို လာရောက်ကြိ်ုဆိုနေသူများသာ ဖြစ်မည်ဟု မှတ်ချက်ချကား၊ ဘာမှဂရုမစိုက်ဟူသော စတိုင်လ်ဖြင့်ပင်၊ ကမ်းပေါ်သို့ တက်လိုက်လေ၏။

ကမ်းပေါ်သို့အရောက်တွင်ကား၊ သင်္ဘောပေါ်တွင်တွေ့ မြင်ခဲ့ရသော၊ ပုတ်သင်ညိုကို ဥညှစ်ထားသကဲ့သို့ ပိန်ရှည်ရှည် လူတစ်ယောက်နှင့်၊ အရာရှိငယ်တစ်ဦး အကြီ်းအကျယ်ပြဿနာ တက်နေသည်ကို မထင်မှတ်ပဲ တွေ့ လိုက်ရသဖြင့်၊ စုံထောက်တစ်ယောက်၏ အကြည့်မျိုးဖြင့် အလျှင်အမြန်သွားရောက် စပ်စုမိလေတော့၏၊

အကြောင်းစုံကို သိရသည်မှားကား၊ သင်္ဘောပေါ်တွင် တွေ့ ခဲ့ရသော ပိန်ရှည်ရှည်လူသည် အရာရှိငယ်၏ ပခုံးပေါ်တွင် ထမ်းထားသော M B B S စားတမ်းပါ သစ်သားသောတ္တာ ကြီ်းအား သူ့သောတ္တာဟုဆိုကာ အတင်းလုယက်နေသည့် ပြဿနာဖြစ်ကြောင်း သိရလေတော့၏၊

အကျွန်ုပ်သည် ပြဿနာ၏ အခြေခံအကြောင်းတရားများကို သေသေချာချာ စစ်ဆေးကြည့်လိုက်သော်အခါ၊ ၄င်း M B B S ဟူသောစားကြောင်းသည်ကား၊ သင်္ဘောပေါ်တွင် ပါလာသော၊ ဆရာဝန်၏ M B B S မဟုတ်ပဲ၊ မောင်ဘိုဘိုစိန် ခေါ် (ပုတ်သင်ညိုကို ဥညှစ်ထားသော ပုံစံရှိသော) ပ်ိန်ရှည်ရှည်လူ၏ M B B S ဖြစ်ကြောင်း သိရှိရလေတော့၏။

ပြဿာနာများ အကုန်အေးအေးဆေးဆေးဖြစ်သွားသောအခါ၊ အကျွန်ုပ်သည် ဆိုက်ကယ်တစ်စီင်္းကို လက်ယတ်ခေါ်လျှက် သွားလိုရားဖက်ကို ဦ်းတည်လိုက်လေတော့၏၊ ဆိုင်ကယ်ပေါ်တွင်ထိုင်ရင်းနှင့်၊ ကိုယ့်ကိုကိုယ့် စဉ်းစားနေမိသည်မှားကား၊ ငါ လူကဲခပ် မဆိုးသေးပါဘူး ဟူ၍ ဖြစ်လေ၏။

အလိုတော်ပြည့်ဆရာတော်ကြီး၏ စင်ကာပူတရားပွဲ

2010-07-08T10:13:00.000-07:00

ပြည်တွင်း ပြည်ပ အလိုတော်ပြည့် ကျောင်းတိုက်များ၏ အဓိပတိ၊ အဂ္ဂမဟာပဏ္ဍိတ၊ အဂ္ဂမဟာ သဒ္ဓမ္မဇောတိကဓဇ၊ မဟာဂန္ထ၀ါစကပဏ္ဍိတ၊ ပရိယတ္တိသာသနဟိတဓရ၊ အလိုတော်ပြည့် ဆရာတော် ဘဒ္ဒန္တ ဒေါက်တာ အရိယ၀ံသ (Dr. of Tripitaka (India) Ph. D. (Philosophy-Italy) ဆရာတော်ကြီး မှ

နိဗ္ဗာန် ရောက်ကြောင်း တရားတော်များ ဟောကြားချီမြင့် မည်ဖြစ်ပါသဖြင့် တရားတော်နာကြွရောက်ပါရန် စင်ကာပူ နိုင်ငံရှိ တပည့်ဒကာ၊ ဒကာမများတို့အား အသိပေး ဖိတ်ကြားအပ်ပါသည်။

ကျင်းပမည်နေ့ရက်= ၉- ဇူလိူင် ၂၀၁၀ (သောကြာနေ့)
ကျင်းပမည်အချိန် ညနေ့ ၈ နာရီ မှ ၉ နာရီး ထိ ဟောကြားမည်
ကျင်းပမည်နေ့ရာ ဇယမင်္ဂလာဗုဒ္ဓ၀ိဟာရ(Clementi ဘုန်းကြီးကျောင်းတိုက်)
23 A – Jalan Mas Puteh Singapore 128628

၂၀၁၀ ခု သြဂုတ်လ ၁၅ ရက် မှ၊ ၂၀၁၀ ခု သြဂုတ်လ ၂၀ ရက်နေ့အထိ
စင်ကာပူနိုင်ငံတွင် အခြေခံဝိပဿနာ အလုပ်ပေးတရားစခန်း ဖွင့်လှစ်မည် ဖြစ်ပါကြောင်းနှင့်၊ ဆက်သွယ်လိုလျှင် အောက် ဖုန်းနံပါတ်
Ph: 67781678-91183961 များသို့  ဆက်သွယ် စုံစမ်းနိုင်ကြောင်း သတင်းရရှိပါသည်။

မူလပန်းတိုင်နှင့် နောက်ဆုံးရည်ရွယ်ချက်

2010-07-08T04:08:00.000-07:00

ရဟန်းတော်များ၏ မူလပန်းတိုင်၊ ရဟန်းတော်များနှင့် ခေတ်ပညာ၊ ရဟန်းတော်များနှင့် ကွန်ပျူတာအင်တာနက် အစရှိသဖြင့် မေးခွန်းပေါင်းစုံကို အီးမေး တော်တော်များများတွင် ဖတ်ရှူနေရသဖြင့်၊ ဤ မူလပန်းတိုင်ကို ရေးသားလိုက်ပါသည်။

အမြင်အမျိုးမျိုးရှိသည့်အနက် ဤယခု ရေးသားလိုက်ခြင်းသည်လည်း အမျိုးမျိုးရှိသည့်ထဲမှ တစ်မျိုးဟူ၍ မှတ်ယူတော်မူကြပါရန်။
ကမ္ဘာပေါ်ရှိ မည့်သည်အဖွဲ့အစည်းမဆို မူလပန်းတိုင် ဟူ၍ ရှိကြလေသည်။ ဥပမာ အားဖြင့် မြန်မာနိုင်ငံကို ဆိုကြပါစို့…။ မြန်မာနိုင်ငံ၏ မူလပန်းတိုင်သည် ခေတ်မီ ဖွံ့ဖြိုးတိုးတက်သော နိုင်ငံတော်သစ်ကြီ်းဆီသို့ ဟူ၍ ဖြစ်လေသည်။

ထိုနည်းတူစွာ အဖွဲ့အစည်းစုံ၌ ပန်းတိုင်မျိုးစုံရှိကြလေသည်။ သို့သော် ဤနေရာ၌ အဖွဲ့ အစည်းနှင့် ဝန်ထမ်းကို ကွဲပြား စေချင်သေးသည်။ နိုင်ငံတော်၏ ရည်ရွယ်ချက်ကို အကောင်အထည်ဖော်နေသော သူများကို နိုင်ငံဝန်ထမ်းဟု ခေါ်သကဲ့သို့၊ သာသနာတော်၏ ရည်ရွယ်ချက်များကို အကောင်အထည် ဖော်နေသူုများကိုလည်း သာသနာ့ဝန်ထမ်းဟုခေါ်လေသည်။

ဆိုလိုသည်မှာ နိုင်ငံဝန်ထမ်းတိုင်း နိုင်ငံတော်၏ ရည်ရွယ်ချက်သို့  ဦ်းတည်နေသလော ဟု မေးစရာဖြစ်လာသကဲ့သို့၊ ဦင်္းမတည် တိုင်းလည်း နိုင်ငံဝန်ထမ်းမဟုတ်တော့ ဟူ၍ကား မဆိုနိုင်ချေ။ အဘယ်ကြောင့်ဆိုသော်.. စာပို့ သမားသည် စာပို့မည်။ ရုံးဝန်ထမ်းသည် ရုံးအလုပ်ကိုလုပ်မည်။ စစ်သားသည် စစ်သားအလုပ်ကိုလုပ်မည်။ ဥက္ကဋ္ဌသည် ဥက္ကဋ္ဌအလုပ်ကို လုပ်မည်။ ၄င်းတို့အားလုံး နိုင်ငံတော်၏ မူလပန်းတိုင်ဖြစ်သော ခေတ်မီဖွဲ့ဖြိုးတိုးတက်အောင် လုပ်ဆောင်နေကြမည်မဟုတ်။ စိတ်လည်း ဝင်စားမည်မဟုတ်ပေ။

သူတို့၏ ပုဂ္ဂလိက ရည်ရွယ်ချက်များကိုသာ ဖြစ်အောင် အကောင်အထည်ဖော်နေကြမည်မှာ သေချာသည်။ စာပို့လုလင်သည် စာတိုက်စာရေးကြီးဖြစ်အောင် ကြိုးစားမည်၊ ရုံးဝန်ထမ်းသည် ရုံးအုပ်ကြီ်းဖြစ်အောင် ကြိုးစားမည်၊ စစ်သားသည် ဗိုလ်ဖြစ်အောင် ကြိုးစားမည်၊ ရပ်ကွက် ဥက္ကဋ္ဌသည် မြို့နယ် ဥက္ကဋ္ဌဖြစ်အောင် ကြိုးစားမည်။

ထို့ကြောင့်.. နိုင်ငံတော်၏ မူလပန်းတိုင်သည် ခေတ်မီင်္ဖွံ့ဖြိုးတိုးတက်သော နိုင်ငံတော်သစ်ကြီးဆီသို့ဟု ဆိုသော်လည်း ဝန်ထမ်းတစ်ဦင်္်း ချင်းစီ၏၊ နောက်ဆုံးရည်ရွယ်ချက်သည်ကား တစ်မျိုးတစ်ဖုံကွဲပြားနေမည် ဖြစ်၏။ သို့သော်လည်း ၄င်းတို့အားလုံးသည်ကား ဝန်ထမ်း ကောင်းများဖြစ်သည်သာမက နိုင်ငံတော်၏ ဦးတည်ချက်ကိုလည်း တစ်နည်းတစ်ဖုံ အကောင်အထည်ဖော်နေသူများသာဖြစ်လေသည်။

ထိုနည်းတူစွာပင်လျှင် သာသနာတည်းဟူသော အဖွဲ့အစည်းကြီင်္း၏ မူလပန်းတိုင်သည်၊ သန္တိသုခ ခေါ် နိဗ္ဗာန် ဖြစ်လေသည်။ နိဗ္ဗာန် သည် အဖွဲ့အစည်းကြီး၏ မူလပန်းတိုင် သို့သော် ၄င်းအဖွဲ့အစည်းကြီး ရည်ရှည်တည်တံ့နိုင်ရန်အတွက်မူ နိဗ္ဗာန်တစ်ခုတည်း မဟုတ် တော့ပေ၊ များလှစွာသော တာဝန်များကို ထမ်းဆောင်နေကြရသော သာသနာ့ဝန်ထမ်းများရှိပေသည်။ ၄င်းသာသနာ့ ဝန်ထမ်းများ သည်ကား မိမိတို့ သန်ရာသန်ရာ တာဝန်များကို နောက်ဆုံးရည်ရွယ်ချက်သို့ရောက်အောင် ထမ်းဆောင်နေကြလေသည်။

တစ်ချို့က ပရိယတ် တစ်ချို့က ပဋိပတ်၊ စသည်အားဖြင့် ပရဟိတပါမကျန် ထမ်းဆောင်နေကြလေသည်။ သို့သော် သာသနာတော်၏ မူလရည်ရွယ်ချက်ကား နိဗ္ဗာန်သည်သာ ဖြစ်၏။ နိဗ္ဗာန်သို့ ရောက်ရာရောက်ကြောင်း အဖွဲ့ကြီင်္းကို စောင့်ရှောက်နေသည်မှာကား ဝန်ထမ်းများသာဖြစ်လေသည်။ ဤသည်ကို လူတိုင်းနားလည်ထားသင့်သည်ဟု ထင်မြင်မိပါသည်။

ဝန်ထမ်းတိုင်း နိဗ္ဗာန်ရောက်ကြောင်း တရားကောင်းများကို အမြဲတစေကျင့်ကျန် အားထုတ်နေကြသည်မဟုတ်၊ သူ့တာဝန်နှင့်သူ ထမ်းဆောင်နေကြခြင်းသာ ဖြစ်လေသည်။ ဤကဲ့သို့ထမ်းဆောင်နေပါမှလည်း ဤအဖွဲ့အစည်းကြီ်း၏ ဘေးအန္တရာယ်များကို ဘက်ပေါင်းစုံမှ ကာကွယ်နိုင်မည်ဖြစ်သည်။

အဖွဲ့အစည်းကြီးတစ်ခု အစဉ်တည်မြဲနေဖို့အတွက် လူပေါင်းစုံ ဘက်ပေါင်းစုံမှာ တာဝန်ယူရသကဲ့သို့၊ ဤသာသနာ့အဖွဲ့အစည်းကြီး တည့်တံ့ဖို့အတွက်လည်း၊ ဘက်ပေါင်းစုံမှ ပညာရှင်များ၊ လိုအပ်လေသည်၊ ကွန်ပျူတာ ကျွမ်းကျင်သော ဆရာတော်များက ကွန်ပျူတာဖြင့်၊ ဗုဒ္ဓစာပေများကို မှတ်သားထားနိုင်သကဲ့သို့၊ ဘာသန္တရ စာပေများ ကျွမ်းကျင်သော ဆရာတော်များသည်လည်း၊ ဗုဒ္ဓစာပေများကို အခြားသော ဘာသာစကားများ စာပေများဖြင့် ဘာသာပြန်နိုင်လေသည်၊။

အထက်ပါမေးခွန်းများကို မေးမြန်းကြသော မေးခွန်းရှင်များအား အနည်းငယ်သိထားစေချင်သည်မှာ၊ ဘာသာစကားနှင့် ဘာသာတရားကို ကွဲပြားဖို့ လိုလေသည်။ ဘာသာစကားဟူသည်မှာ ဘာသာတရား မဟုတ်သေးသကဲ့သို့၊ ဘာသာတရားသည်လည်း ဘာသာစကား တစ်ခုမဟုတ်သေးပေ၊ မိမိတို့ထင်ထားသည်မှာ ပါဠိစာပေသည်သာ ဗုဒ္ဓစကား၊ ပါဠိစာဖြင့်ရေးသားထားသော စာသည်သာ ဗုဒ္ဓစာပေ ဟူ၍မှတ်သားထားကြသောကြောင့်၊ အထက်ပါ သို့လော သို့လောမေးခွန်းများကို မရှင်းမလင်း နိုင်ကြခြင်းဖြစ်လေသည်။

အမှန်မှာမူ ပါဠိစာပေသည်လည်း ဘာသာစကားတစ်ခုမျှသာ ဖြစ်သောကြောင့်၊ ပါဠိဖြင့်ရေးသားထားမှ ဗုဒ္ဓစကားဟူ၍ မှတ်ထားရန် မသင့်ပေ၊ ပါဠိစကားကို သုံးသော ပါဠိဘာသာကိုပြောသော လူများသည်လည်း၊ မိမိတို့ ပါဠိဘာသာဖြင့် အကြောင်းအရာပေါင်းစုံကို ၄င်းပါဠိစာပေဖြင့်သာ မှတ်သားထားခဲ့ကြပေလိမ့်မည်၊

ထိုအထဲတွင် ဗုဒ္ဓတရားတော်များကိုလည်း ပါဠိဖြင့် မှတ်သားခဲ့ကြသကဲ့သို့၊ အခြားသော လူ့မူရေးအကြောင်းအရာ၊ နိုင်ငံရေး အကြောင်းအရာ၊ စသည်စသည်အားဖြင့် အကြောင်းအရာများ စုံလင်မည်သာဖြစ်၏။

ထိုမျှလောက် သိထားခဲ့လျှင်ပင်၊ ဘာသာခြားစာပေများကို သင်ယူနေကြသော ရှင်ငယ်ရဟန်းငယ်များအပေါ်၊ နားလည် သဘော ပေါက်နိုင်လောက်ပေသည်။ ဘာသာစကားသည် ဘာသာတရားမဟုတ်ဟူသော အသိကို သိရှိထားဖို့ လိုအပ်လှလေသည်။

ဥပမာအားဖြင့် = ပါဠိစာပေသည်သာလျှင် ဗုဒ္ဓဘာသာဟူ ထင်မှတ်ထားသော လူတစ်ယောက်အား အောက်ပါ မေးခွန်းကို ဖြေစေချင်ပါသည်။

အင်္ဂလိပ်စာဖြင့် ရေးသားထားသော ငါးပါးသီလ ကို ဘယ်ဘာသာဟူ၍ ဆုံးဖြတ်ချင်ပါသည်နည်း၊

ထိုနည်းတူစွာ ရဟူဒီ၊ ဘင်ဂါလီ၊ တရုတ်၊ စသည်စသည် ဘာသာစကားများဖြင့် ရေးသားထားသော ဗုဒ္ဓဘာသာလာ အသုံးအနုန်း အခေါ်အဝေါ်များကို တွေ့ ခဲ့လျှင် အသင်သည်၊ ၄င်း အယူအဆများသည်၊ ပါဠိစာပေးဖြင့် ရေးသားထားခြင်း မဟုတ်သောကြောင့် ဟူသော၊ အကြောင်းပြချက်ဖြင့် ဗုဒ္ဓစကားမဟုတ် ဗုဒ္ဓဘာသာလာ အသုံးအနှုန်းများ မဟုတ်ဟု ဆုံးဖြတ်ချင်ပါသလား.။ မည်ကဲ့သို့ ဆုံးဖြတ်မည်နည်း..။

အပေါ်ကို မော့ကြည့်ပါ

2010-05-15T18:18:00.000-07:00

တစ်နေ့သ၌ အကျွန်ုပ်ကပ္ပိယကျော်ခေါင်သည်၊ ပန်းဆိုးတန်းစာအုပ် အဟောင်းဆိုင်များနှင့် အလှန်းဝေးနေသည်အားလျှော်စွာ၊ ဗဟုသုတရလို ရငြားဖြင့် နီးစပ်ရာ ဘလော့ပေါင်းများစွာတို့ကို၊ ဝင်ရောက်ဖတ်ရှု့နေရင်း၊ တစ်နေရာသို့ အရောက်တွင်။
သတိမော့မကြည့်ရ ဟူသော၊ ကန့်သတ် တားမြစ်ချက်ကို တွေ့ရသဖြင့်၊ ကြည့်ဖြစ်အောင် မော့ကြည့်မိလေတော့၏။

မှန်ပါပေသည်၊ ဘန်ကောက်သူလေးများ၏ ဝတ်ပုံစားပုံများနှင့် အလွန်တစ်ရာမှ ပေါများလှသော လူကူးခုန်းကျော် တံထားများသည်၊ တကယ်ပင်လျှင် အပေါ်သို့ မော့မကြည့်ဝံ့စရာ။ သို့သော်လည်း အကျွန်ုပ်ကပ္ပိယကျော်ခေါင်သည်ကား ကြည့်ဖြစ်အောင် ကြည့်မိသည် သာတည်း။

ဘန်ကောက်သူလေးများ၏၊ စကပ်တိုတို ခါးပေါ်ပေါ်၊ ဝတ်စားဆင်ယင် ထားခြင်းသည်ကား ဒီအရပ်နှင့် ဒီဇာတ် လိုက်ဖက်ညီလှ သောကြောင့်၊ အပေါ်ကို မော့မကြည့်ရသည်ကို၊ အကျွနုုပ်ကပ္ပိယတစ်ယောက်အနေဖြင့်၊ ဘာမှမပြောလိုတော့ပေ။

သတိ အပေါ်ကို မော့ကြည့်ပါဆိုသော ဆိုင်းပုတ်လေးကြောင့်၊ မလွဲသာ အရှောင်သာ အပေါ်ကို မော့ကြည့်ခဲ့မိ၍၊ (မအေနှင့်) ကော်တုတ် ခံခဲ့ရဖူးသော၊ မြန်မာနိုင်ငံ တစ်နေရာမှ အကျွန်ုပ်၏ ဖြစ်ရပ်ကိုကား၊ လူစုံတုန်းရှင်းပြရပေတော့မည်။

အကျွန်ုပ်သည် ငယ်ပေါင်းသူငယ်ချင်းများဖြစ်သော ဒဂုံတက္ကသိုလ်ကျောင်းသူ လေးများနှင့်၊ နွေရာသီကျောင်းပိတ်ရက်တွင် ကိုယ့်ဌာနေ ကိုယ်မပြန်ခင်၊ ရန်ကုန်မြို့အနှံ့ ကားစီးလုံးငှားကာ၊ ဘုရားဖူးထွက်လာခဲ့ကြလေ၏။ ရွှေတိဂုံ၊ ဆူးလေ၊ ဗိုလ်တစ်ထောင်၊ ကမ္ဘာအေး၊ စွယ်တော်၊ ထိုမှတစ်ဆင့် ဒဂုံတက္ကသိုလ်သို့ အပြန်လမ်းတွင်၊ မယ်လမုဘုရားကိုလည်း ဝင်ခဲ့ကြလေ၏။

မယ်လမုဘုရားသို့ အရောက်တွင်ကား၊ နေ့လည်က စားတော်စုံခဲ့သမျှ ခဝါချချင်လာသဖြင့်၊ အိမ်သာကို လိုက်ရှာရသေတော့၏၊ အကျွန်ုပ်နည်းတူပင်လျှင် အားလုံးသော မိန်းခလေးများမှာလည်း၊ အိမ်သာအတွက် တီးတိုးတိုင်ပင်နေကြလေပြီ။
အလွန်တစ်ရာမှ လိမ္မာပါးနပ်သော အကျွန်ုပ်ကပ္ပိယကျော်ခေါင်သည်လည်၊ ချက်ချင်းဆိုသလို အကဲခတ်မိကာ၊

ဟေ့-ကလေးမလေးတွေ၊ ဟော့-ဟိုမှာ အိမ်သာရှိတယ်၊ ငါအရင်သွားလိုက်မယ် ပြီးမှနင်တို့အလှည့် ဟု ဆိုကာ၊ အိမ်သာရှိရာသို့ ဒုန်းစိုင်းခဲ့လေ၏။

လက်ရှိ မယ်လမုဘုရားဝင်းတွင် အသုံးပြုနေသော အိမ်သာမှာ ထိုစဉ်က ဆောက်လုပ်ဆဲသာ ဖြစ်သေး၍၊ ယာယီအသုံးပြုနိုင်ရန်၊ အထပ်သားများဖြင့် ပြုလုပ်ထားသော အိမ်သာတစ်လုံးသာလျှင်ရှိလေသည်။

အကျွန်ုပ်သည် ဘာကိုမျှဂရုမစိုက်တော့ပဲ၊ အိမ်သာထဲ့သို့ ဝုန်းခနဲဝင်ကာ၊ တံခါးကို ဒုန်းခနဲ ပိတ်လိုက်ပြီး ဆပ်ခနဲထိုင်ချလိုက်ပြီးမှ၊ ဘေးဘီးဝဲယာကို အကဲခပ်မိတော့၏၊ ကျွန်ုပ်၏ ရှေ့တည့်တည့် တံခါးရွက်တွင်ကား၊ ဆေးရောင်အဖြူဖြင့် ရေးထားသော သတိ အပေါ်ကို မော့ကြည့်ပါ ဟူသော သတိပေးစာတမ်းလေးကို၊ လမ်းညွန် မျှားလေးနှင့်တကွ၊ တွေ့ရလေတော့၏။

အကျွန်ုပ်သည်လည်းစိတ်ဝင်စားလွန်းလှသဖြင့်၊ အလို…ဘာများပါလိမ့်ဟု အကြံဖြင့်၊ မျှားပြရာသို့ အစဉ်အတိုင်းလိုက်၍ အပေါ်ကို့ မော့ကြည့်ရာ၊ မျက်နှာကျက်သို့ ရောက်သည့်တိုင်အောင်၊ မျှားက မဆုံးသေချေ၊ ကျွနုုပ်သည် စိတ်ဝင်စားလွန်းသော ကြောင့်သာ ခေါင်းကို မော့နိုင်သမျှမော့၍၊ ကြည့်ရှု့နေလေတော့၏။

အကျွန်ုပ်၏ဘဝတွင်၊ ထိုအခါကကဲ့သို့  ဘယ်တုန်းကမျှ ခေါင်းကို ထိုင်လျှက်နှင့် မမော့ဖူးချေတကား။ ခေါင်းကို အစွမ်းကုန် မော့ပြီးမှ၊ လမ်းညွန်မျှားလေး၏ အဆုံးတွင်၊ ရေးသားထားသောစာမှာ (နားနဲ့ မနာ ဖဝါနဲ့သာနာကြပါတော့)၊

ငါ့ (…) စားချင်လို့ကြည့်လား။ ဟူသော စာတန်းလေးကို တွေ့ရသဖြင့်၊ နဂိုကမှ ခေါင်းကို အစွမ်းကုန် မော့ထားရသဖြင့် သိပ်ဘဝင်မကျလှသော အကျွန်ုပ်သည်၊ ဖျင်းခနဲ ဒေါသထွက်လေတော့၏။

အကျွန်ုပ်ကဲ့သို့ပင်လျှင် ၄င်းအိမ်သာကို ဝင်ခဲ့ကြသော၊ ဒဂုံတက္ကသိုလ် ကျောင်းသူလေးများသည်လည်း၊ အပေါ်ကို မော့ကြည့်ခဲ့ကြမည်မှာ သေချာလေတော့၏။

ထိုမှတစ်ဆင့် အိမ်အပြန်လမ်း ကားပေါ်တွင်ကား၊ ကျွန်ုပ်တို့ လူတစ်စုသည်၊ အနည်းငယ်တိတ်ဆိတ်နေကြပြီးမှ၊ တစ်ယောက်မျက်နှာ တစ်ယောက်ကြည့်ကာဖြင့်၊ ကြိုတင်တိုင်ပင်ထားဖိသကဲ့သို့၊ သတိ အပေါ်ကိုမော့ကြည့်ပါ ဟု ပြိုင်တူရွတ်ဆိုကာ၊ ဝါး..ဟား ဟား။ ဟူ၍ ရယ်မိကြလေတော့သတည်း။

ကြွက်ကိုက်သော ပုဆိုး

2010-05-14T03:32:00.000-07:00

မေး။ ။ အောင်ကျော်ဇော။ ။ အရှင်ဘုရား တပည့်တော် တစ်ခုမေးပါရစေဘုရား၊ ရပ်ကွက်ထဲမှာ အမြဲလိုလို ကြားနေရတဲ့ ၊ အတိတ် နိမိတ် ဆိုတာနဲ့ ပါတ်သက်ပြီးတော့၊ ကြွက်ကိုက်တဲ့ အဝတ်ကို မဝတ်ရဘူးဟု ကြားဖူးပါသည်ဘုရား၊ ဘာသာရေးရှု့ထောင့်မှ ဘယ်လို အယူရှိသည်ကို ဖြေကြားပေးတော်မူပါဘုရား။

ဖြေ။ ။ ကြွက်ကိုက်သောအဝတ်၊ မီးလောင်သောအဝတ်၊ ရေမျော်သောအဝတ်၊ ရက်ရာဇာ၊ ပြဿဒါး၊ ဝါရမိတ္တု၊ အိမ်ထောင်ဖက်၊ မိတ်ဖက်၊ ရန်ဖက်၊ ဓာတ်နေ၊ လာဘ်နေ၊ နတ်နေ၊ စက်နေ၊ ရေချိုးနေ့၊ ခေါင်လျှော်နေ့၊ သမားဖြူနေ့၊ တာနောနေ့၊ ဤများလှစွာသော၊ ရှောင်စရာအဖုံဖုံ ပေါက်ကရ မျိုးစုံတို့ကြောင့်၊

သောကြာရေကြောင်း မသွားကောင်း၊ တနင်္လာတစ်ခါနှင့်မပြီး၊ ပန်းပေး အလှန်းဝေး၊ ပါဝါပေး တစ်ကမ္ဘာဝေး၊ စသည် စသည်အားဖြင့် ပြောမဆုံးပေါင် တောသုံးတောင် မျှလောက်သော၊ အယူအဆ အစွဲအလမ်းတို့သည်၊ လူလောက လူ့ဘဝထည့်တွင်၊ အနည်းနှင့်အများ ရှိနေကြသည်ကို နေရာတိုင်း ဒေသတိုင်း၌ တွေ့နေရလေသည်။

ဤကဲ့သို့ အယူအဆများကို အစွဲဥပါဒါန်မထားသင့်ဟု ဘုရားရှင်ဟောတော်မူခဲ့သော၊ ဇာတ်နိပါတ်များမှ တစ်ခု ထုပ်နုတ်ရေးသားပြပါမည်။

ရာဇဂြိုဟ်ပြည်တွင် အတိတ်နိမိတ်ကို အလွန်ယုံကြည်သော ပုဏားတစ်ယောက်သည်၊ မိမိ၏ အဝတ်များကို ကြွက်ကိုက်ခံရသဖြင့်၊ နိမိတ် မကောင်းဟု ယူဆကာ သားဖြစ်သူကို သုဿာန်၌ စွန့်ပစ်ရန် စေခိုင်းလိုက်လေ၏၊

ချစ်သား ဒီအဝတ်တွေကို လက်နှင့်မထိစေနဲ့ ၊ လက်နှင့် ထိမိလျှင် ပျက်စီးတော့မည်၊ အိမ်မှာထားလျှင်လည်း စီးပွားပျက်မည်၊ အစေခံတွေက မလွင့်ပစ်ပဲ သိမ်းဆည်းထားလျှင်လည်း ပျက်စီးတော့မည် ဟု ပြောဆိုကာ သူ့သားကိုလည်း မထိမိစေပဲ ထုပ်ချောင်းနှင့် ကော်ယူကာ သွားရောက် စွန့်ပစ်ခိုင်းလေတော့၏။

ထိုအခြင်းအရာကို သိတော်မူုသော ဗုဒ္ဓက၊ သုဿာန်တွင် အသင့်စောင့်၍ နေလေ၏၊ ပုဏား၏သား ရောက်လာသောအခါ၊
အသင်လုလင် ဘာ့ကြောင့် သုဿာန်သို့ လာသနည်းဟု မေးလေ၏၊

ထိုအခါ လုလင်က၊ အရှင်ဘုရား တပည့်တော်တို့အိမ်မှာ အဝတ်တွေကို ကြွက်ကိုက်ခံရပါသည်၊ ၄င်းမင်္ဂလာမရှိတော့သော အဝတ်များကို သိမ်းဆည်းထားမိလျှင် ပျက်စီးတတ်သောကြောင့်၊ သုဿာန်၌ စွန့်ပစ်ရန် လာခဲ့ပါသည်ဘုရား ဟူ၍ လျှောက်ထားလေ၏။

ဘုရားရှင်သည် လုလင်ငယ် စွန့်ပစ်သော အဝတ်များကို ကောက်၍ယူသွားလေ၏၊ ထိုအကြောင်းကို သိသော ဖခင်ပုဏားကြီးသည်၊ ဤအရှင်ဂေါတမသည်၊ ပျက်စီးဆုံးရှုံးရတော့မည်ဟု စိုးရိမ်မိသဖြင့်၊ မိမိအိမ်၌ရှိသော အဝတ်အစားများကိုယူကာ ဝေဠုဝန်ကျောင်းသို့ ချက်ချင်းလိုက်သွားလေ၏၊

အရှင်ဂေါတမ ကြွက်ကိုက်သော အဝတ်အစားတွေကို သိမ်းထားလျှင် အရှင်ဂေါတမရော ကျောင်းတိုက်ကြီးပါ ပျက်စီးရတော့မည်၊ သင်္ကန်းအတွက် အဝတ်မလုံလောက်လျှင် ဤအဝတ်သစ်များကိုယူ၍ သင်္ကန်းချုပ်ဝတ်ပါဟု လျှောက်ထားလေ၏။
ထိုအခါဘုရားရှင်က ပုဏားသားအဖအား မင်္ဂလဇာတ်တော်ကို ဟောကြားတော်မူလေ၏၊ မင်္ဂလဇာတ်အဆုံးတွင် ပုဏားကြီးအား ဘုရားရှင်က ဤသို့ ပြောလိုက်လေ၏၊

ပုဏားကြီး.. ရဟန္တာပုဂ္ဂိုလ်တို့မည်သည်၊ နေကြတ်၊ လကြတ်၊ နက္ခတ်ကြတ်၊ ဥက္ကာကျ၊ ပြဿဒါး၊ အရပ်မီးလောင်ခြင်းစသော အထူး ထူးသော၊ အတိတ်ဖတ် နိမိတ်ဖတ်၊ လက္ခဏာဖတ်၊ အစွဲများကို လွန်မြောက်နေလေပြီ၊ အစွဲအလန်းများကို ပယ်ဖြတ်ပြီးလေပြီ၊ ယုတ်စွာ့အဆုံး ဤလောကကိုပင် အစွဲမရှိကြတော့ပြီးဟူ၍ ဟောတော်မူလေ၏။
ပုဏားသားအဖသည်လည်း ဘုရားရှင်၏တရားကို နာကြားရသဖြင့်၊ သောတာပန်တည်လေတော့သတည်း။

ထိုင်းနိုင်ငံရှိ တက္ကသိုလ် အသီးသီးမှ ရခိုင်ကျောင်းသား ကျောင်းသူများ စုပေါင်းဆွမ်းကပ်၊

2010-05-04T04:45:00.000-07:00

ကျောင်းသား ကျောင်းသူများ ဆွမ်းဆက်ကပ်နေပုံ

Accumption University , Mahidol University နှင့် Rangsit University တက္ကသိုလ် အသီးသီးတို့၌၊ တက်ရောက် ပညာသင်ကြားနေကြသော၊ ရခိုင်ကျောင်းသူ ကျောင်းသားများမှ စုပေါင်း၍၊ မြန်မာကျောင်းသား ရဟန်းတော်များ အများဆုံး သီတင်းသုံးရာ ဝပ်တလုမ်ကျောင်းတိုက်၌၊ ဆွမ်းဆက်ကပ်လှူဒါန်း၊

တက္ကသိုလ်အသီးသီးမှ ရခိုင်ကျောင်းသား ကျောင်းသူများ ပျော်ပျော်ပါးပါး ထမင်းသုံးဆောင်နေကြစဉ်