မိမိသည် နိုင်ငံရေး ဘုန်းကြီးလည်း မဟုတ်ပါ နိုင်ငံရေး ပိုစ့်များလည်း မရေးပါ သို့ သော် ရေးချိန်တန်လာသောကြောင့် ရေးလိုက်ပါသည် "အမရပူရ မဟာဂန္ဓာရုံဆရာတော် အရှင်ဇနကာဘိဝံသ"သံဃာတော်များအတွက် ပရိယတ္တိသာသနာနှင့်ဆိုင်သော ကျမ်းစာအားလုံးရေးသားတော်မူခဲ့သည် ။ သုတ္တန်ဘာသာ ဋီကာ တအုပ်သာ ရေးဖို့ ကျန်ခဲ့သည်ရုပ်ပုံ ရှင်ကျင့်ဝတ်မှ စ၍ အခြေပြုသဒ္ဒါ နာမ်ဂိုဏ်းစဉ် အာချာတ်ဂိုဏ်းစဉ် မှသည် အဆင့်မြင့်မားလွန်းသော စာပေများ သံဃာထု အားလုံး အသုံးပြုကြရသည် လူများအတွက် ရတနာဂုဏ်ရည် ကိုယ်ကျင့်အဘိဓမ္မာ မှသည် အဆင့်မြင့် ပုဂ္ဂိုလ် ဖြစ်နိုင်သည့်အထိ ကျမ်းစာပေါင်း များစွာ ရေးသားတော်မူသည် သာသနာတော်ဝယ် နေလိုလလို ထွန်းထောက်တော်မူခဲ့၍ ၂၁ ရာစု ဗုဒ္ဓဃောသ ဟုပင် နာမည်တွင်ခဲ့ နာမည်တင်နေဆဲဖြစ်သော ဆရာတော်ဖြစ်ပါသည်။ "တိပိဋကဓရ ဆရာတော် အရှင်သုမင်္ဂလာလင်္ကာရ"အမရပူရ မဟာဂန္ဓာရုံဆရာတော်၏ တပည့်အရင်း တပါးဖြစ်တော်မူသည်။ သက်တော် ၂၇ သိက္ခာ ၀ါတော် ၇ ၀ါမျှဖြင့် တိပိဋကဓရ ဖြစ်တော်မူခဲ့၍ တိပိဋကဓရ ဖြစ်သည်နှစ်တွင် ရန်ကုန်မြို့  ကမ္ဘာအေး မဟာဂန္ဓာရုံ ကျောင်းတိုက်ကိုတည်ထောင်တော်မူသည်တစ်ကြိမ်ပို့ ချလျှင် တစ်နာရီခွဲ ဖြင့် တစ်နေ့ လျှင် စာဝါ ၇ ၀ါ ၈ ၀ါမျှပို့ ချတော်မူခဲ့သည် ၁၉၉၃ ၁၃၅၂ ခု နှစ် မန္တလေးမြို့တွင် သံဃာတော်များကို စစ်တပ်မှ ပစ်ခတ်၍ မန္တလေးသံဃာထုမှ ဗိုလ်ချုပ်မှုးကြီးစောမောင် ဦးဆောင်သော န၀တ အစိုးရအားသပိတ်မှောက် သံဃာကံပြုတော်မူကြသည်။ သာသနာအတွက် အသက်စွန့် လှူထားတော်မူသော တိပိဋကဓရ ဆရာတော်သည် သပိတ်မှောက်ကံဆောင်သော သတင်းကို ကြားသောအခါ မိမိတပည့်များအားသြ၀ါဒပေးတော်မူသည် သံဃာဆိုတာ ညီညွတ်ရသည် .. သံဃာအဆက်ဆက် ညီညွတ်ခဲ့၍ ယနေ့ တိုင်အောင် သာသနာတော်တည်နေခြင်းဖြစ်သည် မန္တလေးသံဃာက အစိုးရကို သပိတ်မှောက် ကံဆောင်၍ ရန်ကုန်သံဃာက သပိတ်မမှောက်ခဲ့သော် သံဃာညီညွတ်ရေး ပျက်ပြားလိမ့်မည် သံဃာညီညွတ်ရေးကို ရှေးရှု၍ သာသနာအတွက် တာဝန်ကျေရမည်ဟု မိန်တော်မူသည်အင်းစိန်ရွာမ တိုက်အုပ်ဆရာတော် ။ ရွှေဘုန်းပွင့်ဆရာတော် ။ ကျောက်ကုန်းမေဒိနီ ဆရာတော်စသော ထင်ရှားသောဆရာတော်များကို ပင့်ဖိတ်၍ ဆရာတော်က ဥက္ကဌ ။ အင်းစိန်ရွာမ တိုက်အုပ်ဆရာတော်က အတွင်းရေးမှုး တာဝန်ယူကာ စစ်အစိုရအား သပိတ်မှောက်ကံပြုကြောင်း လက်မှတ်ရေးထိုး ပေးပို့ ခဲ့သည် တပည့် စာချဘုန်းတော်ကြီးများကို စေလွှတ်၍ ၆ ထပ်ကြီး ဘုရားတွင် အစိုးရအား သပိတ်မှောက်ကံ ပြုစေတော်မူသည် ဒီသံဃာ သပိတ်မှောက်လျှင် ကိုးကွယ်စရာ သံဃာများစွာရှိသည်ဟု သဘောထားသော စစ်အစိုးရသည် ထိုသို့  သပိတ်မှောက်ကံပြုခံရသည်ကို အစပိုင်းတွင် မမှုခဲ့ပါ နိုင်ငံတော် လမ်းဖွင့်ပွဲစသော ပွဲလမ်းများတွင် သံဃာများကိုပင့်သည် ။ မက်မောလောက်အောင် TV အောက်စက်မှ အစ လှူသည် .. သို့ သော် ငယ်ဖြူသံဃာများ ကြွရောက်တော်မမူကြ တောထွက်သံဃာများသာ ကြွရောက်တော်မူကြသည် အစိုးရပြုလုပ်သော သံဃာ့ အခန်းအနားများတွင် သံဃာ့ထိုင်ခုံနေရာများစွာ လွပ်လပ်နေသည် ထို့ ထက်ဆိုးသည်ကား စစ်တပ် မိသားစုဝင်များ ကွန်လွန်သော် အသုဘသို့ ကြွရောက်ခါ ရစက်ချ သရဏဂုံတင်ပေးမည့် သံဃာတော်မရှိဖြစ်ရသည် မိမိတို့  တိပိဋက မဟာဂန္ဓာရုံကျောင်းသည် ချောတွင်းကုန်း ကပစ ၁၀၆ စစ်တပ်နှင့် နီး၍ ထိုသတင်းများကို သိခဲ့ရသည် မိသားစုဝင်သေလို့ မှ အသုဘ ရေစက်ချ သရဏဂုံတင်ပေးမည့် ဘုန်းကြီးမရှိသော် မျက်ရည်ကျကြရသော အောက်ခြေ စစ်တပ်မိသားစုနှင့် အထက်အရာရှိများမှ တဆင့် ထိပ်ပိုင်းခေါင်းဆောင်များ ပြဿနာ တက်ရတော့မည့်အခြေအနေတွင် န၀တ အစိုးရမှ အမိန့် ထုတ်သည်။ သပိတ်လှန်မပေးလျှင် ပြင်းထန်စွာအရေးယူမည်ဟု ဆရာတော့်ထံ စာပို့ သည မြန်မာ့အသံမှ တနာရီခြားတစ်ခါ ထိုအမိန့် ကို အသံလွှင့်သည် အမိန့် ကြေငြာစာ ထုတ်လွှင့်ပြီးချိန်အတွင်း စစ်ချီတေး စစ်သည်တေးများ အဆက်မပြတ်ထုတ်လွှင့်ခဲ့သည် ဆရာတော်က သပိတ်လှန်လက်မှတ်ထိုးမပေးလိုသော်လည်း အစိုးရအကြောင်းကို ဆရာတော်၏ ဆရာ မန္တလေး မဟာဝိသုဒ္ဓါရုံတိုက် သံတော်ဆင့် ဆရာတော်မှ ဖျောင်းဖျပြောဆို လက်မှတ်ထိုးစေတော်မူသည် ဆရာ့စကားကို မပယ်ရှားလို၍ သပိတ်လှန်ကြောင်း လက်မှတ်ထိုးပေးခဲ့ရသည် ထိုညက မှတ်မှတ်ရရ မိုးကြိုး ၁၂ ကြိမ်ကျော်မျှ ပစ်သံကြားရသည် န၀တ အစိုးရ သတ်မှတ်ချိန် အတိုင်မီ သပိတ်လှန်လက်မှတ် ထိုးပေးခဲ့သော်လည်း စစ်အစိုးရမှ အာဃာတတရား ကြီးမားစွာဖြင့် လက်မှတ်ထိုးပြီး နောက်တစ်နေ့  သံဃာတော်များ ဆွမ်းခံကြွတော်မူကြချိန် ဆရာတော်အား ဖမ်းခေါ်သွားကြသည်။ ဆရာတော် ဘယ်ဆီဘယ်ဝယ်သို့ ရောက်သည်ဟု သတင်မကြား တလလောက်ကြာမှ မြစ်ကြီးနားထောင်သို့ ပိုဆောင်ခံရကြောင်း သိကြရသည် မြစ်ကြီးနားထောင်မပို့ ခင် စစ်ခုံရုံးသို့ ပိုသည် .. ဆရာတော်အား စစ်ဆေးမည့် ဗိုလ်မှုးကြီးအား အခြားဗိုလ်မှုးတစ်ဦးမှ မင်းစစ်ဆေးရမဲ့သူက တခြားသူမဟုတ်ဘူး တိပိဋကဓရ ဆရာတော်ဖြစ်သည်ဟု ပြောဆိုပြီး စာရေးဆရာ ကုသလဗုဒ္ဓိ ကောင်းကြွယ်ရေးသားသော တိပိဋကဓရ ဆရာတော်ကြီးငါးပါး စာအုပ်ကိုပေးခဲ့သည် ထို စစ်ဆေးရန်တာဝန်ကျ ဗိုလ်မှုးကြီးလည်း ထိုတာဝန်ကို ရှောင်လွှဲခဲ့သည် ထိုခေတ်ထိုအခါက သတင်းစာများတွင် ဘယ်ရဟန်းသည် ဘယ်နေရာမှာ အရက်မူးနေသည် ဘယ်မိန်ကလေးကို ဆွဲလားရမ်းလားလုပ်သည်ဟု သတင်းစာများတွင် ဓာတ်ပုံများဖြင့် သတင်းများစွာ လွှင့်ခဲ့သည် ဗိုလ်ချုပ်မှုးကြီးစောမောင် မြစ်ကြီးနားဘက်သို့  ခရီးစဉ်ထွက်သောအခါ တိပိဋကဓရ ဆရာတော်ဖြစ်လျှက် နိုင်ငံရေးလုပ်သော ဘုန်းကြီးများလည်းရှိဟု သတင်းစာတွင် 8 point စာလုံးမဲကြီးများဖြင့် ရေးသားခဲ့သည်ကို သတိထား သတိရ သူများ ရှာဖွေကြပါကုန် တိပိဋကဓရ ဆရာတော်သည် သံဃာညီညွတ်ရေး နှင့် သာသနာ့အရေးကိုသာ ကြည့်၍ န၀တ အစိုးရအား သပိတ်မှောက်ကံပြုခဲ့ခြင်းသာ ဖြစ်သည် နိုင်ငံရေးလုပ်သော ဘုန်းကြီးလည်း မဟုတ်ပါ ၂၀၀၇ စက်တင်ဘာတွင် လမ်းပေါ်ထွက်၍ မေတ္တာပို့ ကြသော သံဃာတော်များမှာ အစိုးရမှ ယာယီ သင်္ကန်းပတ်ပေးသော အတုအယောင်များမှလွဲ၍ စာသင်သား သံဃာတော် အစစ်အမှန်များသာဖြစ်သည် ယာယီ အတုအယောင်များသည်လည်း မိဘ ဆွေမျိုး အသက်စည်းစိမ် အိုးအိမ်ကို ကြောက်လန့်၍သာ လုပ်ကြရသည်ဟု ယူဆမိသည်။ "သီလကြီးလေးပါး လုံခြုံလျှင် သီလကြီးလေးပါးလုံခြုံလျှင် သံဃာစစ် သံဃာမှန်သာ ဖြစ်သည် သံဃာဟူသည် ဘယ်ခေတ် ဘယ်အခါကမှ အတုအယောင် မရှိခဲ့ပါပေ သံဃာတော် အဆက်ဆက်သည် ဒကာ ဒကာမ တို့ အပေါ်ဝယ် တာဝန်ကျေခဲ့ကြသည်ချည်းဖြစ်သည် ကိုယ်တိုင် ပရိယတ် ပဋိပတ် သာသနာ့တာဝန်များ ကျေပွန်တော်မူကြရုံသာ မက ဒကာ ဒကာမတို့ အား သံသရာဝယ် အထက်တန်း ဘ၀များသို့ တိုင်အောင် တဆင့်တက်၍ နိဗ္ဗာန်တိုင်အောင် ပို့ ဆောင်ပေးတော်မူကြသည် သတ္တိ ဗျတ္တိရှိ၍ ထက်မြက်သော .. အတိုက်အခံ လုပ်သည်ဟု အစိုးရမှ ယူဆသော သံဃာတော်များမှာ အကြောင်းတစ်မျိုးမျိုးဖြင့် ဖိနှိပ်၍ လူဝတ်လဲ ခံခဲ့ရသည်ချည်းဖြစ်သည် ဟိုးယခင် ခေတ်အခါက သာသနာတော်သန့် ရှင်းရေး အမည်တပ်လျက် ထူးကြီးဆရတော် ။ ဦးစံတင့် စတုနိကာယကောဝိဒ စသော ပုဂ္ဂိုလ်များ လူဝတ်လဲခံခဲ့ရသည်ကို ကြည့်လျှင် သိနိုင်ပေသည် ။ နိုင်ငံတော် သံဃာ့မဟာနာယက ဆရာတော်ကြီးများသည်လည်း ထိုအကြောင်းကို သိ၍ ထိုသို့ ပြုလုပ်ခံခဲ့ရလျှင် သက်တော် ရွယ်တော်နှင့် မိမိတို့ ကိုယ်ကျင့်သိက္ခာကို ငဲ့ကွက်တော်မူကြရသောကြောင့် ရေငုံ နှုတ်ပိတ်သာ နေတော်မူကြရကုန်သည် ။ ယခု အခါ သံဃာတု သံဃာယောင်ဟူသော စကားလုံးများ ကျယ်လောင်စွာ သုံးလာကြသည် မြန်မာနိုင်ငံဝယ် သံဃာဦးရေ အရမ်းများနေသည် သံဃာအတွက် ခေါင်းခဲရ၍ နောင်တချိန် သာသနာတော် သန့် ရှင်းရေး အမည်ပေးကာ နှိပ်ကွက်ဖို့  အစပျိုးခြင်းလားဟု ထင်မိပါသည်။ "အထူးသတိပေးချက်" သံဃာတော်များ ညီညွတ်တော်မူကြသည်မှာ ဘုရားရှင်၏ ၀ိနည်း ဥပဒေတော် ပယ်နှုတ်စရာ ပြင်ဆင်စရာ ရှိသည်ဟု ပြောစရာ မလိုလောက်အောင် ဥပဒေတိကျမှန်ကန်ခဲ့၍ ဖြစ်သည် အကယ်၍များ မြန်မာနိုင်ငံသည် မှန်ကန်၍ အများလက်ခံသော စစ်မှန်သော ဥပဒေပေါ်ပေါက်လာပါက စီးပွါးရေး ခိုင်မာဖွံ့ ဖြိုးလာပေမည် ထိုအခါ သာသနာဘောင်ဝယ် အချောင်နေသည်ဟု ယူဆသူတို့ က ယူဆနေကြသော သံဃာတော်များလည်း ယခုလောက် များတော့မည် မဟုတ် ဥပဒေ မှန်ကန်ဖို့ နှင့် နိုင်ငံတော် ဖွံ့ ဖြိုးတိုးတက်ဖို့ သာ လိုပေသည် တာဝန်ကိုယ်စီ ကျေပွန်ကြဖို့  အရေးကြီးသည် ။ ဘုရားလောင်း ဆဒ္ဒန်ဆင်မင်းသည် သောနုတ္ထိုရ် မုဆိုးအား အသေသတ်နိုင်ပါသော်လည်း မုဆိုးခြုံထားသော သင်္ကန်းကို မြင်ရသောအခါ ဘုရား ပစ္စေက ဗုဒ္ဓါတို့ ၏ အသုံးအဆောင်ကို ငါ့အားလာပြပေသည် ဒီလို အ၀တ်မျိုး ဘ၀သံသရာတွင် တွေ့ ကြုံရဖို့  အလွန်ခဲယဉ်းသည် ငါသည်လည်း ပါရမီဖြည့်နေသော ယောင်္ကျားကောင်း ယောင်္ကျားမြတ်ဖြစ်သည် သူ့ အသက်ကို မသေစေကောင်းဟု သာကြည်စွာ လွှတ်ပေးရုံမက ဆင်စွယ် တစ်စုံ ..။ မုဆိုးအတွက် ၇ရက်အတွင်း ပြည်တော်ပြန်ရောက်စေရန် ပရိတ်အရံအတားများ ဖြင့် ချီးမြှောက်တော်မူခဲ့သည်သြကာသပင်ဖြောင့်အောင် မရသော တချို့ သော လူတန်းစားများသည် သာသနာတော်၏ ဂုဏ်ကျေးဇူး သံဃာတော်တို့ ၏ ဂုဏ်ကျေးဇူးဆိုသည်ကို သိဖို့  အင်မတန်မှ ခက်ခဲလေသည် ။ မိမိဘ၀ကို မိမိမတူးဖြိုမှီ အသိနောက်မကျသေးခင် မပြစ်မှားသင့်သော သူများအား မပြစ်မှား မိစေဖို့  စေတနာဖြင့်ရေးသားရပါသည် သာသနာတော်အတွက် အန္တရာယ် ကျရောက်မည့် အခါတိုင်း သံဃာတော်သည် ကြောင့်ကြမဲ့ နေတော်မမူကြပါပေ မိမိရေးသားသောစာသည် မည်သူ့ ပုဂ္ဂိုလ် အဖွဲ့ အစည်းကိုမျှ ရည်ရွယ်၍ရေးသားသည် မဟုတ်ပါ နိုင်ငံရေးဆိုသည်ကိုလည်း စိတ်မ၀င်းစား .. မပျက်စီးသင့်သောသူများ ဘ၀သံသရာ မပျက်စီးစေဖို့  သံဃာ့ဂိုဏ်း မသင့်စေဖို့  မိမိကိုယ်ကိုယ် မိမိပြန်လည်၍ တူးဖြိုဖျက်ဆီးသူများ မဖြစ်စေဖို့  သာသနာအရှည်ခံ့၍ တည်တံ့စေဖို့ သာ ရည်ရွယ်ပါသည် သစ္စာစကား မှန်ကန်ပါက အမိမြန်ပြည် အေးချမ်းသာယာ၍ သာသနာတော်သည် နေလို လလို ထွန်းလင်းတောက်ပပါစေသတည်း ။ အမြဲတမ်း ဘေးမသန်းပဲအေးချမ်းသာယာ သံသရာဝယ် ချမ်းသာပျော်ရွှင်စွာ ဘ၀ခရီးကိုဖြတ် နိဗ္ဗာန်အထိ တက်လှမ်းနိုင်ကြပါစေ ။ မှတ်ချက်။ ။ ကိုယ်ပိုင် ဆောင်းပါ မဟုတ်၊ မေးလ်မှတစ်ဆင့် ရလာသော ဆောင်းပါးအား သဘောကျ၍ ပြန်လည် တင်ပြလိုက်သည်။
သံဃာ့ဂိုဏ်း မသင့်စေဖို့ 
Posted by ရွာဦးကျောင်း ဆရာတော် at 6:43 PM 0 comments Links to this post
Labels: ဆောင်းပါး
ပြည်သူချစ်သော ထိုင်းဘုရင်မင်းမြတ် ဘူမိဘောအဒူလျာဒက်(ဒ်)၏ ၈၄-နစ်ပြည့် မွေးနေ့။
Posted by ရွာဦးကျောင်း ဆရာတော် at 7:08 AM 0 comments Links to this post
Labels: ဆောင်းပါး
ကပ္ပိယကျော်ခေါင် နှင့် ဒန်အိုးပျံ
တစ်နေ့သ၌ အကျွန်ုပ် ကပ္ပိယကျော်ခေါင်သည်၊ ဦးဇင်းငယ်တစ်ပါးနှင့် လိုက်ပါလျှက် တာမွေမြို့နယ်အတွင်း လှည့်လည်ကာ၊ ဆွမ်းအလို့ငှာ ဖိတ်မန်တကာ့ ပြုနေလေတော့၏၊ ရန်ကုန် စာသင်သားတို့ထုံစံအတိုင်း အိမ်စဉ်လှည့်လည်ကာ ဆွမ်းဖိတ်နေခြင်း ဖြစ်လေသည်။ တစ်လမ်းဝင် တစ်လမ်းထွက်ဖြင့် ဆွမ်းဖိတ်လာခဲ့သည်မှာ ရပ်ကွက်ပေါင်းမနည်းတော့ပေ၊ သို့သော် အကျွန်ုပ်၏ အားနည်းချက်ကြောင့် ပေလော့၊ သို့တည်းမဟုတ် ဦးဇင်းငယ်၏ ပါရမီဘုန်းကံနည်းပါးခြင်းကြောင့်ပေလော့ မဆိုနိုင်ပေ၊ ညနေ ၆ နာရီ ထိုခါနီး အချိန်ထိ ဆွမ်းခံအိမ်ဟူ၍ မည်မည်ရရ မရသေးချေ။. ရန်ကုန်တွင် ဆွမ်းခံအိမ် လိုက်၍ဖိတ်ရခြင်းမှာ စာသင်သား ရဟန်းပျိုများအတွက် အလွန်တရာ ခက်ခဲသော အလုပ်တစ်ခု ဖြစ်လေသည်။ မိမိသဘောကျသော စာသင်တိုက်ဖြစ်၍ နေချင်သော်လည်း ဆွမ်းခံအိမ် အလုံအလောက်မရှိခဲ့သော် အခက်ကြုံတတ်ကြရလေသည်။ ဆွမ်းဖိတ်ရာ၌ တွေ့ရတတ်သော အခက်အခဲများမှာ ဤသို့တည်း။ အချို့သော ဒကာ ဒကာများမှာ မိမိတို့အိမ်တွင် ဆွမ်းခံကြွနေသော ကိုယ်တော်လေးများ မြောက်များစွာ ရှိနေကြ၍ လက်မခံလိုကြတော့ကြောင်း ပြောဆိုတတ်ကြခြင်း၊ အချို့သော ဒကာ ဒကာမများမူကာ၊ မိမိတို့ကို မိမိ ဧည့်သည်ဟုဆိုကာ အိမ်ရှင်များ မရှိ၍ လက်မခံလိုကြောင်း ငြင်းတတ်ကြလေသည်။ သို့သော် ထိုပုဂ္ဂိုလ်များသည်ကား အမှန်စင်စစ် ဧည့်သည်များ ဟုတ် မဟုတ်ကို ကြည့်ရုံနှင့် သိနိုင်လေသည်၊ လက်မခံလို၍ အကြောင်းပြခြင်းသာဖြစ်လေသည်။ ထို့သို့ အစရှိသော အကြောင်းပြချက်ပေါင်းစုံများဖြင့် တစ်နေကုန် ဆွမ်းခံအိမ် ဖိတ်၍ မရသည့်အဆုံးတွင်ကား၊ နောက်ဆုံးအနေဖြင့် ဤတိုက်တစ်လုံးကို တက်၍ ဖိတ်တော့မည်ဟု ဆုံးဖြတ်ချက်ချကာ၊ ရှစ်ထပ်တိုက်ကြီး တစ်လုံးကို ဗဟိုပြုလျှက် နစ်ဦးသားလျှောက်လှမ်းလာခဲ့လေတော့သည်။ တိုက်ပေါ်သို့ မတက်မီ လှေကားဝတွင် မင်္ဂလာမရှိစွာဖြင့်ပင် အမျိုးသမီးကြီးတစ်ဦးနှင့် အမျိုးသာတစ်ဦတုိ့ အားပေါင်အာရင်းသန်သန်ဖြင့် ငြင်းခုံနေကြသည် အကျွန်ုပ်ကပ္ပိယကျော်ခေါင် အကဲခမ်မိခဲ့လေသည်။ ၄င်းအသံသည်ကာ မြေညီထပ်မှသည် ငါးထပ်မြောက်ထိအောင် ဆူညံနေလေတော့၏၊ ဤသို့နှင့်ပင် အကျွန်ုပ်တို့နစ်ဦးသား ဆွမ်းခံအိမ်အလို့ငှာ မရလည်း ရလည်းအမြတ်ဟု ဆိုကာ တိုက်ခန်းများကို တစ်ခန်းပြီး တစ်ခန်း စတင်ဖိတ်လေတော့၏၊ သို့သော် အပေါ်ဆုံးထပ်သို့ ရောက်သည့်တိုင်အောင် မည့်သည့်အိမ်ကမျှ လက်ခံခဲ့ခြင်း မရှိသေးချေတကား။ ထိုအခါ၌ ကျွန်ုပ်ကပ္ပိယကျော်ခေါင်သည်၊ စိတ်မရှည်တော့သည်ဖြစ်၍ ၄င်းကိုယ်တော်ငယ်အား တော်တော်ဘုန်းကံပါရမီနည်းတဲ့ ကိုယ်တော်ဟု ပြောဆိုကာဖြင့်၊ ဒီတစ်ကြိမ် ငါကိုယ်တိုင်ဖိတ်မည်၊ ကိုယ်တော် အသာနေဟု ဆိုကာ၊ ရှစ်ထပ်မြောက်သို့ တက်ခဲ့လေတော့၏၊ ရှစ်ထပ်မြောက်သို့အတက်တွင်းကား လင်းမယားစကားများသံလိုလို အသံတစ်ခုကိုကြားမိ၍၊ ငကျော်ခေါင် အသေအချာ နားထောင်စမ်း ဒီအသံ ဘယ်ကလာသလဲဟု မေးလေ၏၊ ကျွန်ုပ်သည်ကား အလွန်တရာပါးနပ်သူဖြစ်၍ ဤသို့ပြန်ဖြေလိုက်လေ၏၊ ဒီကိုယ်တော်နှယ် အောက်ထပ်လှေကားတက်ဝမှာ အာပေါင်အာရင်းသန်သန်နှင့် စကားများနေကြတာကို မမြင်ခဲ့ဘူးလား၊ အဲဒီက လာတဲ့ အသံပေါ့ဟု၊ ခပ်တည်တည်ဖြင့်ပင် ပြန်လည်ဖြေကြားလိုက်လေ၏၊ ရှစ်ထပ်သို့ရောက်သည်နှင့် ၄င်းအသံသည်လည်း အနည်းငယ် ပို၍ကျယ်လောင်လာသကဲ့သို့ထင်ရလေသည်။ အကျွန်ုသည်ကား လှေကားများ၏ ပဲ့တင်သံကြောင့် အောက်ထပ်က အသံဟုသာ တစ်ထစ်ကျတွက်ဆလိုက်လေသည်။ တံခါးမ တစ်ခုရှေ့ တွင် ကိုယ်တော်ငယ်နှင့် အကျွန်ုပ်တို့နစ်ဦးသား မတ်တပ်ရပ်လျှက်၊ ဆွမ်းခံဖိတ်ရန် တံခါးကို အကျွန်ုပ်ကိုယ်တိုင် ခေါက်မည်အပြုတွင်၊ ဒုန်းဟူသော အသံတစ်ခုနှင့် ၄င်း တံခါးမကြီးပွင့်ထွက်လာလေတော့၏၊ တစ်ခဏချင်းဖြင့်ပင်လျှ အလွန်လျှင်မြန်သော အဟုန်ဖြင့်၊ တံခါးဝမှ ဒန်အိုးတစ်လုံး ပလူပျံသကဲ့သို့ ထွက်ကျလာပြီးလျှင်၊ အကျွန်ုပ်၏ နားထင်နားမှ ဖြတ်ကျော်ကာ၊ ဒိုင်းဟူသော အသံနှင့်အတူ တစ်ဖက်နံရန်ကို ထိမှန်လေတော့၏၊ အရာအားလုံးကို ကျွန်ုပ်သဘောပေါက်သွားခဲ့လေပြီ၊ အကျွနု်ပ်သည် ငယ်စဉ်က ဆရာအောင်မြင့်ထံတွင် သင်ခဲ့ဖူးသော၊ မှတ်မိသမျှသော ခရာတေးအကွက်ဖြင့် ၄င်းဒန်အိုးပျံအား တိမ်းရှောင်ကာ လေကဲ့သို့လျှင်မြန်သော အဟုန်ဖြင့် စက္ကန့်ပိုင်းအတွင်း ရှစ်ထပ်တိုက်ကြီး၏ မြေညီထပ်သို့တိုင်အောင်၊ ပြေးဆင်းခဲ့ရလေတော့၏၊ အမှန်မှာ ရှစ်ထပ်သို့အတက်တွင် ကြားခဲ့ရသော အသံမှာ၊ မြေညီထပ်က လာသောအသံ မဟုတ်ပဲ၊ ဆွမ်းဖိတ်ရန်အလို့ငှာ အကျွန်ုပ်ကိုယ်တိုင် တံခါးခေါက်ရန် ကြံစည်နေသော တိုက်ခန်းတွင်းမှ လင်းမယားရန်ဖြစ်နေသော အသံသာ ဖြစ်ကြောင်းကို အကျွန်ုပ် နောက်မှ သိရှိခဲ့ရလေသည်၊ အကယ်၍သာ ထိုနေ့ ထိုအချိန်က ထိုတိုက်ခန်းအား တံခါးခေါက်၍ ဆွမ်းဖိတ်မိခဲ့ပါမူ။ .
Posted by ရွာဦးကျောင်း ဆရာတော် at 10:54 AM 0 comments Links to this post
Labels: ဆောင်းပါး
ဝပ်တလုမ်ကျောင်း ရေဘေး
Posted by ရွာဦးကျောင်း ဆရာတော် at 10:41 AM 0 comments Links to this post
Labels: ဗွီဒီယို
ထွက်ပေါက်
တစ်လောကလုံးက ငါ့အား မကောင်းဆိုးဝါးကြီးသဖွယ် ကြည့်နေကြပြီ။ စက်ဆုတ်ရွံရှာဖွယ် သတ္တဝါကြီးတစ်ကောင်လို သဘောထားနေကြပြီ။ အန္တရာယ်ကောင်းကြီးသဖွယ် ကျိန်ဆဲနေကြပြီ။ ငါလာရာ လမ်းကြောင်းတစ်လျှောက် အတားအဆီးများစွာတို့ဖြင့် ငါ့အား ကန့်ကွက်နေကြလေပြီ။ ငါ့ကို အပြီးပိုင် တိုက်ထုပ်နိုင်ရန် မဟာစီမံကိန်းကြီးများ ချမှတ်နေကြလေပြီ။ ငါ့၏ကျေးဇူးတရားကိုမျှ မထောက်ထားတော့ပဲ ဆန့်ကျင်နေကြလေပြီတကား၊
ငါ အမှန်အတိုင်း ဝန်ခံရပါမူ လွန်ခဲ့သော အနှစ် ငါးဆယ်ခန့်ကတည်းက ငါ့၏ လွတ်လပ်မှူကို အပြီးပိုင်စွန့်လွတ်ခဲ့ကာ ယနေ့အထိ ငါ လုံးဝ စိတ်ပျက်အားငယ်မှူမရှိပဲ၊ အစွန်းကုန် ကြိုးစားရုန်းကန်လျှက်၊ ပြည်သူလူထုများ၏ လိုအပ်ချက် မှန်သမျှကို ဖြည့်ဆည်းပေးခဲ့ပြီးပြီ။
မရှိမဖြစ်လိုအပ်သော မီး ရရှိရေအတွက် ငါ အစွမ်းကုန် ရုန်းကန်ခဲ့ရပြီးပြီ၊ မရှိမဖြစ်လိုအပ်သော ရေ အတွက်လည်း ငါ့၏ အသွေးအသားများအား ထက်ဝက်ခွဲဝေပေးခဲ့ရပြီးပြီ၊ သဘာဝတောတောင် သယံဇာတများကို ငါအစွမ်းကုန် ကြိုးစားရုန်းကန်လျှက် ထွန်းလင်း တောက်ပ စိမ်းလန်းစိုပြေစေခဲ့ပြီးပြီ။
အနှစ် ငါးဆယ်လုံးလုံး အကျဉ်စံဘဝဖြင့် ငါ အစွမ်းကုန် ကြိုးစားရုန်းကန်ခဲ့ပြီးတဲ့ နောက်၊ ငါ အတောင်းတဆုံး အလိုချင်ဆုံးဖြစ်သော လွတ်လပ်မှူကို ရှာဖွေရန် အလွန်တရာကျဉ်းမြောင်းလှသော လှောင်အိမ်ထဲမှ ထွက်ခွါသွားရန် ဆုံးဖြတ်ချက်ချလိုက်တော့သည်။
အကျဉ်စံဘဝဖြင့် အနှစ်ငါးဆယ်လုံးလုံး နေခဲ့ရခြင်းသည်လည်း၊ ပြစ်မှူ တစ်စုံတစ်ရာ ကြူးလွန်းခဲ့၍မဟုတ်၊ သူတို့၏လိုအပ်ချက်ကို ဖြည့်ဆည်းပေးရန်အတွက် ငါ့အား ချုပ်နှောင်ထားခဲ့ကြခြင်းသာဖြစ်လေသည်။ ငါသည်ကား သဘာဝအလျှောက် အမြဲတမ်း စီးဆင်းနေရမှ ရှင်သန်ရသော အမျိုးဖြစ်လေသည်။
သို့သော် လူတို့၏ အတော်မသတ်နိုင်သော လောဘဇောကြောင့် အနှစ်ငါးဆယ်လုံးလုံး ကျဉ်းမြောင်းကျပ်တည်းလှစွာ အလုပ်လုပ်ခဲ့ရလေသည်။
အခု ငါ ထွက်ခွါသွားတော့မည် ငါ့အား မည်သူတစ်ဦးတစ်ယောက်မျှ တားဆီးမှူမပြုနှင့်တော့။
မည်သို့ပင် တောင်းမန်သော်လည်း ငါလာရာ လမ်းတစ်လျှောက် ငါ့အား အမျိုးမျိုး အဖုံဖုံသော အတားအဆီးများဖြင့် မရ ရအောင် ပိတ်ပင်ကြလေသည်၊ သို့သော် ငါ့ကို ချစ်၍တားကြသည်မဟုတ်၊ ငါ့အား မကောင်းဆိုးဝါးကြီးတစ်ကောင် သဖွယ် တားဆီးကြခြင်းသာ ဖြစ်လေသည်။ ငါသည်ကား မကောင်းဆိုးဝါးသတ္တဝါတစ်ကောင်မဟုတ်၊ သက်ရှိ သက်မဲ့ မှန်သမျကို အကျိုးပြုနေသော၊ သဘ၀အတိုင်း စီးဆင်းနေသော ရေ သာလျှင် ဖြစ်လေသည်။
ရေ ဟု ဆိုအပ်သော ထိုငါအား၊ လွန်ခဲ့သော နစ်ပေါင်းများစွာကတည်းက ပိတ်လှောင်၍ အလွန်တရာကြီးကျယ်လှသော ရေလှောင်ကန်ကြီးဖြင့်၊ စုဆောင်းထားခဲ့ရမှ ယနေ့ တားမနိုင်ဆီးမရဖြစ်ကာ၊ ပွင့်အန် ထွက်ချလာခြင်းသာဖြစ်လေသည်၊ လူသားတို့အား ဒုက္ခပေးရန် ငါ စောင့်ဆိုင်း၍ နေခဲ့သည်မဟုတ်။
မည်သူက မည်မျှပင်တားတား ငါ လုံးဝ နောက်ဆုတ်တော့မည်မဟုတ်၊ တား၍လည်း ရမည်မဟုတ်တော့၊ ငါ၏ သွားလိုရာကား ငါတို့အမျိုးအနွယ်တို့၏ ပျော်စံရာ မဟာသမုဒ္ဒရာပင် ဖြစ်လေသည်။
သို့သော်လည်း လူတို့သည် ပြုခဲ့ဖူးသော ငါ့၏ကျေးဇူးကိုမျှမထောင်ထားပဲ၊ အမျိုးမျိုးအဖုံဖုံ နှောင့်ယှက် တားဆီး နေလေတော့သတည်း။
Posted by ရွာဦးကျောင်း ဆရာတော် at 6:19 AM 0 comments Links to this post
Labels: ဆောင်းပါး
ထိုင်းနိုင်ငံ ရေဘေးသင့် မြန်မာများအား A.S.M.A အဖွဲ့မှ သွားရောက်ကူညီ
Posted by ရွာဦးကျောင်း ဆရာတော် at 12:55 PM 0 comments Links to this post
Labels: ဗွီဒီယို
သာဓု ဟူသည် အစွမ်းထက်သော ဂါထာမန္တရား မဟုတ်
အမေး။ ။Guest ဆရာတော်ဘုရား. ဘာသာခြားများက မေးလာတဲ့မေးခွန်းကို သေရှာဖြေနိုင်အောင် ကူညီပါဦးဘုရား။
သာဓုဆိုတာဘာလဲ။ သာဓုခေါ်လိုက်တာနဲ့ ကျွတ်လွတ်သွားရောလား တဲ့။
ကိုယ်တိုင်မလုပ်ဘဲ သာဓုခေါ်လိုက်ရုံနဲ့ ကျွတ်လွတ်သွားရောလား။ အဲလောက်စွမ်းလား ဆိုတဲ့ သဘောနဲ့ မေးကြတယ် ဘုရား။
နောက်ပြီး တပည့်တော်မ သိချင်တာက မကောင်းဆိုးဝါးတွေ မနှောက်ယှက်အောင် အိမ်တို့ ကုတင်အိပ်ယာတို့ကို စည်းချတယ်ဆိုတာ ဘယ်လို လုပ်တာလဲ ဘုရား။
အဖြေ။ ။ သာဓု- ဟူသည် ပါဠိဘာသာဖြစ်သည်၊ မြန်မာလို (ကောင်းလေစွာ့- ကောင်းသည်) ဟု အဓိပ္ပါယ်ရသည်။ ကွယ်လွန်သွားပြီးသောသူများကို အမျှအတန်းပေးဝေရာ၌၊ ၄င်းသေပြီး၍ မကျွတ်မလွတ်သေးသော သူများက သာဓု ဟု ခေါ်ဆိုလိုက်ရလျှင်၊ ကျန်ရစ်သူများ ပြုလုပ်သော ကုသိုလ်ကောင်းမှူ၏ အကျိုးကို မုချရသည်ဟု ဆိုပါသည်။
သို့သော် သာဓု ဟု သာမန်အားဖြင့် ပြောဆိုရုံနှင့် အကျိုးခံစားရသည်ဟု မမှတ်စေချင်ပါ၊ သာဓု ဆိုသော စကားလုံးသည်၊ အစွမ်းထက်သော ဂါထာမန္တရား မဟုတ်ပေ။ မိမိအတွက် ရည်စူး၍ ပြုလုပ်သော ကုသိုလ်ကောင်းမှူကို၊ မြတ်မြတ်နိုးနိုး ဝမ်းသာပီတိဖြစ်၍ သာဓု ခေါ်ဆိုနိုင်မှ အကျိုးရလေသည်၊
အဘယ်ကြောင့် ဆိုသော်- ၄င်းပီတိသည်ပင်လျှင် မဟာကုသိုလ် သောမနဿပီတိ ဖြစ်သောကြောင့်ဟု မှတ်ပါလေ။ သာဓုက အကျိုးပေးသည်မဟုတ်၊ သာဓု (ဝါ) ဝမ်းမြောက် ဝမ်းသာ ဖြစ်သော ကိုသိုလ်သောမနဿ စိတ်က အကျိုးပေးသည်ဟု မှတ်ပါလေ။ ထိုသော ဝမ်းမြောက်မှ သာလျှင် (သာဓု) ခေါ်ဆိုနိုင်လေသည်။ တစ်နည်းအားဖြင့်၊ ငါ ဝမ်းမြောက် ဝမ်းသာဖြစ်သည် (သာဓု) ဟု ပြောခြင်းသာဖြစ်လေသည်။
မကောင်းဆိုးဝါးများ မနှောင့်ယှက်နိုင်အောင် စည်းချခြင်းသည်၊ ရတနာသုံးပါး၏ ဂုဏ်ကို အာရုံပြု၍ မေတ္တာ ဘာဝနာစိတ်ဖြင့် အိပ်စက်ခြင်းကို ဆိုလိုသည်၊ သိုသော်- လောကီနက္ခတ်ပညာ အင်းပညာ မှော်ပညာတို့၏ အစွမ်းများဖြင့် စည်းချခြင်းများလည်းရှိသေးသည်။
ည အိပ်ယာဝင်ခါနီ မေတ္တာပို့ခြင်း၊ ရတနာသုံးပါး မိဘ ဆရာသားများ၏ ဂုဏ်ကို အားပြု ရှိခိုးခြင်း၊ သို့မဟုတ် မိမိရွတ်ဖတ်ပူဇော်လေ့ရှိသော သမ္ဗုဒ္ဓေ အစရှိသော ဂုဏ်တော်များကို ရွတ်ဖတ်၍ မင်္ဂလာရှိစွာ အိပ်စက်ပါလေ။ ထိုသို့ အိပ်စက်ခြင်းသည်ပင်လျှင် စည်းချခြင်းဖြစ်လေသည်။
Posted by ရွာဦးကျောင်း ဆရာတော် at 7:12 AM 0 comments Links to this post
Labels: ဘာသာရေးအမေးအဖြေကဏ္ဍ
ရေဘေးကယ်ဆယ်ရေး မှတ်တမ်း
Posted by ရွာဦးကျောင်း ဆရာတော် at 1:22 AM 0 comments Links to this post
Labels: ဗွီဒီယို
လက္ခဏာတော် ၃၂ ပါး
Guest မေး။ ။ ဘုရား လက္ခဏာ ၃၂ပါးက ဘုရားဖြစ်ပြီးမှ ပေါ်လာတာလား မွေးတည်းက ပါရှိနေတာ လားဘုရား။
Guest မေး။ ။ အရင်ဘုရား ဘုရားဟောထဲမှာ ဒိုင်နိုဆောတို့ ကမ္ဘာဦးက အကြောင်းတွေ ပါပါသလား ဘုရား။
အဖြေ။ ။ ဘုရားလက္ခဏာ ၃၂ ပါး ဟူ၍ သိထားမိသောကြောင့် ဤမေးခွန်းကို မေးသည်ဟု ယူဆရပါသည်၊ အမှန်မှာမူ Guest သိထားသော ဘုရားလက္ခဏာ ၃၂ ပါးဟူသည်၊ မဟာပုရိသ လက္ခဏာ ခေါ် ယောင်္ကျားမြတ်တို့၏ လက္ခဏာ ၃၂ ပါးသာဖြစ်ပေသည်၊ ဘုရားအလောင်တော်သည် ၄င်းလက္ခဏာ ၃၂ ပါးနှင့်ပြည့်စုံသော မဟာပုရိသ ဖြစ်လေသည်။ ထို့ကြောင့်သာလျှင် ဗေဒင်လက္ခဏာ ဆရာများဖြစ်ကြသော၊ အရှင်ကောဏ္ဍညပုဏ္ဏားက ဘုရားစင်စစ် ဧကန် ဖြစ်မည်ဟု ဟောခဲ့ခြင်း ဖြစ်လေသည်။
သို့သော် အရွယ်နှင့် လိုက်လျှောညီထွေစွာသာလျှင် ၄င်းလက္ခဏာများ ဖြစ်ပေါ်ပေလိမ့်မည်။ ၄င်းလက္ခဏာ ၃၂ ပါးအား ဖော်ပြပေးလိုက်ပါသည်။
ဗုဒ္ဓဘုရားနှင့် စကြာဝတေးမင်းကဲ့သို့ ယောင်္ကျားမြတ်တို့၏ လက္ခဏာကြီးများ။
၁။ ပြည့် ဖြိုးညီညာသောဖဝါး။
၂။ ၁၀၈ ကွက် ၊ စက် လက္ခဏာ တော် အစုံပါသော ခြေဖဝါး။
၃။ သူတပါးတို့ထက် လုံးဝန်းရှည်သော ဖနောင့်။
၎။ ရင်းတုတ် ဖျားသွယ် ရှည်လျား၊ ညီညာသော ခြေချောင်း၊လက်ချောင်း ။
၅။ ဖွားစ အခါ ကဲ့သို့ အမြဲနုနယ်သော လက် ခြေ များ။
၆။ အတို အရှည် မရှိ ညီညာသော ၊ လက်ချောင်း၊ ခြေချောင်း။
၇။ မြင့်တက်သောဖမျက်၊
၈။ ခြေသလုံး၏ ရှေ့နောက်၊ နံပါး အသားစိုင်များမှ ၊ သလေးစပါးနှင့်တူခြင်း။
၉။ ကိုယ်ခန္ဓာ အဖြောင့်ထား၍ ဒူးဆစ်ထိရှည်သောလက်။
၁၀။ အအိမ်ဖြင့် ဖုံးလွှမ်းအပ်သော အင်္ဂါဇာတ်။
၁၁။ ရွှေ အဆင်းကဲ့သို့ဝါဝင်း၍ လုံးကျစ်သော ကိုယ်။
၁၂။ နုနယ်သော အရေ၊ အသား။
၁၃။ မွှေးညှင်းတစ်တွင်း ၌ တစ်ပင်စီ သာပေါက်ခြင်း။
၁၄။ ထိုမွှေးညှင်းတို့သည် လင်္ကျာရစ်လှည့်၍ အဖျားကော့တက်ပြီး ၊ မျက်စဉ်း အညိုရောင်ရှိခြင်း။
၁၅။ ဖြောင့်စင်းသော ကိုယ်ခန္ဓာ။
၁၆။ လက်ဖမိုး၊ခြေဖမိုး ပခုံးစွန်း လည်ဂုတ်ပြည့်ဖြိုးခြင်း။
၁၇။ ခြင်္သေ့မင်း၏ ရှေ့ပိုင်းကိုယ်ကဲ့သို့ ၊ ရှေ့ နောက် ၊အောက်ထက် ပြည့်စုံ သောကိုယ်။
၁၈။ လက်ပြင်ရိုးနှစ်ခု အကြား ပြည့်ဖြိုးသော အသား ။
၁၉။ အလံနှင့် အရပ် ညီ မျှ စွာရှိခြင်း။
၂၀။ အညီ အမျှ ၊ လုံး ၍ လှပသော ပခုံး၊လည်ပင်း။
၂၁။ အရသာကို ဆောင်ယူနိုင်သော အကြောကောင်းများ။
၂၂။ ခြင်္သေ့ ၏ အောက်မေးကဲ့သို့ ပြည့်ဖြိုးသော အထက်မေး ၊ အောက်မေး။
၂၃။ သွားပေါင်းလေးဆယ်ရှိခြင်း။
၂၄။ ညီညာတိကျသောသွားရှိခြင်း။
၂၅။ ကြိုးကြဲမရှိ၊စေ့သောသွားရှိခြင်း။
၂၆။ ထင်ရှားသောသွားစွယ်ရှိခြင်း။
၂၇။ ရှည်ပြန့်သော လျှာ ရှိခြင်း။
၂၈။ ဗြဟ္မာ မင်း၏ အသံကဲ့သို့ သာယာချိုမြိန်သောအသံ ၊ ကရဝိတ်သံရှိခြင်း။
၂၉။ ညိုသင့်သော အရပ်၌ ၊ အလွန်ညိုသော မျက်လုံး။
၃၀။ ဖွားသစ်စ နွားငယ်၏ မျက်လုံးအိမ်ကဲ့သို့ မျက်လုံးအိမ်ရှိခြင်း။
၃၁။ မျက်ခုံး နှစ်သွယ် ၊ အလည် တည့်တည့်၌ ၊ ဥဏ္ဏလုံမွှေးရှင်တော် ရှိခြင်း။
၃၂။ နဖူးသင်းကျစ်ရှိခြင်း
ဘုရားဟောထဲတွင် ကမ္ဘာဦးအကြောင်းတင်မကလှပဲ စကြာဝဠာ အဦးမှ အစပြုကာ မြောက်များစွာပါရှိလေသည်ဟု မှတ်သားစေချင်ပါသည်၊ သို့သော် သုတေသီတို့ကဲ့သို့ ဟောကြားထားခဲ့ခြင်းမဟုတ်ပေ၊ လူတစ်ယောက်၏ကျင်လည်ခဲ့ရာ ဘဝများစွာတို့ကို ဟောကြားရင် ထည့်သွင်းပြောကြားခြင်းများသာဖြစ်ပေသည်။ အလွန်တရာကျယ်ဝန်းလှသဖြင့် ရွာဦးကျောင်းဆရာတော် မရေးဝံ့တော့ပြီ။
ဒိုင်နိုဆောအကြောင်းကိုမူ ဟောကြားခဲ့သည် မဟောကြားခဲ့သည်ကို မလေ့လာဖူးပေ။ ဒိုင်နိုဆော အကြောင်းကို သိလိုပါက ဤနေရာတွင် အနည်းငယ် လေ့လာသိရှိနိုင်ပါသည်။ မြတ်စွာဘုရားသည် မဂ်ဖိုလ် နိဗ္ဗာန် ရမည့်အကြောင်းအရာများမှတစ်ပါး အခြားသော စကားများကို ပြောလေ့မရှိဟူ၍ကား မှတ်သားဖူးပါသည်၊ သိလိုပါက ကျမ်းတတ်အကျော် ဆရာတော်တို့အား မေးမြန်းလျှောက်ထားပါလေ။
Posted by ရွာဦးကျောင်း ဆရာတော် at 6:42 AM 0 comments Links to this post
Labels: ဘာသာရေးအမေးအဖြေကဏ္ဍ
ထိုင်းဘုရင်းမကြီး သိရိခေတ်
ထိုင်း ဘုရင်မကြီး သိရိခေတ် (สมเด็จพระนางเจ้าสิริกิติ์ พระบรมราชินีนาถ ) (Somdej Phra Nangchao Sirikit Phra Boromarajininat) ကို ၁၉၃၂ ခု သြဂုတ်လ ၁၂ ရက်နေ့တွင်၊ မွေးဖွားခဲ့သည်၊ ခမည်းတော်မှာ ထိုင်းမင်းသားကြီး ချန်ဒရာမူရီဆူနတ် ဖြစ်သည်။
အဋ္ဌမမြောက် ရာမဘုရင်ဘွဲ့ခံ အနန္ဒာမဟီဒိုး နတ်ရွာစံပြီးနောက် နန်းတက်လာသော၊ လက်ရှိ နဝမမြောက် ရာမဘုရင် ဘူမိဘော အဒူလျာဒက်(ဂ်ျ)နှင့် ၁၃၉၅ ခုနစ် ဧပြီလ ၂၈ ရက်နေ့တွင် စုလျာရစ်ပတ် လက်ထပ်ထိမ်းမြားခဲ့သည်။
မိဘုရားသိရိခေတ်နှင့် ဘုရင်ဘူမိဘော တို့သည်၊ ဆွစ်ဇာလန်နိုင်ငံတွင် ပညာသင်ကြားနေခဲ့စဉ် ကတည်းက မေတ္တာမျှနေခဲ့ကြသည် ဟု လူသိများကြလေသည်၊ မင်းသမီးသိရိခေတ်သည်ကား နုပျိုစဉ်အရွယ်က ကမ္ဘာပေါ်ရှိတော်ဝင်မင်းသမီးများ ထဲတွင် အချောဆုံးအလှဆုံး စာရင်ဝင်ခဲ့သူ တစ်ယောက်ဖြစ်လေသည်။
မင်းသမီး သိရိခေတ်သည် ဘုရင်ဘူမိဘော နှင့်အတူ သျှောင်းနောက် ဆံထုံးပါ ဆိုသကဲ့သို့ နယ်စွန် နယ်ဖျားများသို့ လိုက်ပါလျှက် ပြည်သူ ပြည်သားများအား လက်ဆောင်များ ပေးခြင်း ဆေးဝါးကုသပေးခြင်း၊ အစရှိသော လူသား အကျိုးပြုလုပ်ငန်းကို မငြီးမညူ လိုက်ပါ ဆောင်ရွက်လေသည်။
အထူးသဖြင့် ထိုင်းအမျိုးသမီးကလေးများ၏ ဘဝဖူလုံရေး အတွက် အသက်မွေးဝမ်းကျောင်း ပညာရပ်များကို သင်ကြားစေရန် အားပေး ကူညီခဲ့လေသည်။
သိရီခေတ်သည် ထိုင်းဘုရင် ဘူမိဘော၏ တစ်ဦးတည်းသော မိဖုရားခေါင်ကြီး အဖြစ်ဖြင့် နေလာခဲ့သည်မှာ ယနေ့ သက်တော် အားဖြင့် ၇၉ နစ်သို့တိုင်ခဲ့လေပြီ။ သို့သော်လည်း မိဖုရားသိရိခေတ်အား မေတ္တာပျက်သော ထိုင်းပြည်သူတစ်ဦင်္းတစ်ယောက်မျှ မရှိသေးပေ။
အကျွန်ုပ်သည် သူတစ်ပါး တိုင်းပြည့်တွင် လူမဖြစ်ချင်သော်လည်း၊ အကျွန်ုပ် မွေးဖွားသော တိုင်းပြည်တွင်ကား ထိုကဲ့သို့ မင်း မိဖုရားများ ရှိခဲ့ပါမူ ကောင်းလေစွာ့ဟု ဆုတောင်းရင်း၊
တိုင်းသူ ပြည်သားများ အပေါ်တွင် ရင်ဝယ်သားကဲ့သို့ မေတ္တာထားကာ အုပ်ချုပ်နေသော မိဖုရားသီရိခေတ်သည်-၁၂-၈-၂၀၁၁ နေ့တွင် ကျရောက်သော ၇၉ နှစ်ပြည့် မွေးနေ့ မှသည် နောင်နှစ်ပေါင်း များစွာသော ကာလတိုင်အောင်၊ စိုးစံအုပ်ချုပ် မင်းလုပ်နိုင်ပါစေသတည်း။
Posted by ရွာဦးကျောင်း ဆရာတော် at 6:29 PM 0 comments Links to this post
Labels: ဆောင်းပါး
အဖြေမသိသော ပုစ္ဆာ
ဘုန်းကြီးဖြစ်ပြီးတော့ ဘာကြောင့် အင်တာနက်သုံးသလဲ၊ ဝိနည်းတော်နှင့် ညီသလားဟု မေးသေး၏၊ ဤသည်ကား တော်ပါပေသေး၏တကား၊ တစ်ချိုလူများဆိုလျှင် အတီတေ ဗာရုဏသီချီလျှက် မြတ်စွာဘုရားရှင် လက်ထက်တော်အခါက ဘုန်းကြီးတွေ အင်တာနက်သုံးသလား ဟူ၍ မေးမြန်းကြသေး၏၊ ဒကာတော်ဦးပေါ်ဦးကိုသာ ဒုလ္လဘရဟန်းခံပေးပြီး ဖြေခိုင်းရပါမူကာ ကောင်းလေစွာ့။
သို့သော် ထိုကဲ့သို့သော် မေးခွန်းများကိုမူ ပြည်ပရောက်မြန်မာများနှင့် တစ်ခြားသော ဗုဒ္ဓဘာသာနိုင်ငံများမှ လူများ မေးလေ့မေးထမရှိပေ၊ ပြည်တွင်းမှ အင်တာနက်သုံးသော ညီငယ် ညီမငယ်များသာ မေးမြန်းလေ့ရှိကြ၏၊
အကြောင်းမှာကား၊ ဤသို့တည်း... မြန်မာပြည်အင်တာနက်လောကတွင် အသုံးပြုနေကြသူများမှာ google talk မှ တစ်ပါး အခြားမရှိချေ၊ ၄င်း google talk ဖြင့်လည်း တစ်ဦးနှင့်တစ်ဦး နောက်လိုက် စလိုက် ညာလိုက် ဝါလိုက်ဖြင့်ပင် လူငယ်အများစု အချိန်ကုန်နေကြကြောင်း တွေ့ ရှိရလေသည်၊ အခြားသော ဗဟုသုတဖြစ်ဖွယ်ရာ မည့်သည်ဝက်ဆိုဒ်ကိုမှ ဖွင့်ကြည့်၍မရချေ၊
ထို့ကြောင့်ပင်လျှင် ဦးဇင်းငယ်များကို အင်တာနက်လိုင်းပေါ်တွင် တွေ့ ရှိခဲ့ပါက၊ မိမိတို့ကဲ့သို့ (သူတို့အခေါ်) ကြူနေသည်ဟု တထစ်ချ ထင်မှတ်ကြလေတော့၏၊ အကျွန်ုပ် ရန်ကုန်သို့ ရောက်ခဲ့စဉ်က အင်တာနက်ဆိုင်များသို့ ဝင်မိလျှင် ကိုယ့်ကိုကိုယ် ရှက်ကိုးရှက်ကန်းဖြစ်မိသေး၏၊ အကြောင်းမှာ အများသူငါ ကြူနေသော နေရာတွင် ဝင်ထိုင်နေမိခြင်းကြောင့်ဖြစ်၏၊
ထို့သို့သော အကြောင်းများကြောင့်ပင်လျှင်၊ မေးခွန်းမျိုးစုံ မေးသော လူငယ်မောင်မယ်များအား အကျွန်ုပ်စိတ်မဆိုးနိုင်တော့ပေ၊ ထိုမေးခွန်း၏ အဖြေကိုလည်း အကျွန်ုပ်မဖြေဆိုလိုတော့ပေ၊ ပြည်ပမှာကဲ့သို့ အင်တာနက်လိုင်းများ အားကောင်းပြီး မိမိတို့ဖွင့်လိုသော ဝက်ဆိုဒ်များကို ဖွင့်၍ရသော တစ်နေ့ကိုသာ အကျွန်ုပ်မျှော်လင့် စောင့်စားနေမိသေးတော့၏တကား။
Posted by ရွာဦးကျောင်း ဆရာတော် at 6:56 AM 0 comments Links to this post
Labels: ဆောင်းပါး
(နမော တဿ) ဘုရားဟော ဟုတ်မဟုတ်
မေး။ ။ ဝေစန်း "နမော တဿ ဘုရားဟော ဟုတ်မဟုတ် သိလိုပါသည်ဘုရား၊ ကျေးဇူးပြု၍ ဖြေကြားပေးတော်မူပါ"
အဖြေ။ ။ အထက်ပါမေးခွန်းမှာ အလွန်သိထားသင့်သော မေးခွန်းဖြစ်သလောက်၊ နီးလျှက်နဲ့ ဝေးသော အဖြေဟုလည်း ဆိုချင်ပါသည်။
လေ့လာမိသလောက် ပြန်လည်ဖြေကြားရသော်၊ နမော တဿသည် ဘုရားရှိခိုး ဖြစ်သည့်အတွက်၊ ဘုရားရှင်အား ဂုဏ်တင်ထားသော၊ ဥဒါန်း၊ သို့မဟုတ်၊ အများနားလည်အောင် ပြောရမည့်ဆိုပါက၊ ဘုန်းတော်ဘွဲ့ တစ်ခု ဖြစ်လေသည်။ ဘုရားရှင်သည် မိမိကို ဂုဏ်တင်သော စကားကို ပြောဆိုမည်မဟုတ်ပေ၊ ဤတစ်ချက်တည်းဖြင့်ပင်လျှင်၊ ဘုရားဟော ဟုတ်မဟုတ် သဘောပေါက်ကြရပေမည်။
နမော တဿကို ရွတ်ဆိုခဲ့ကြသော ကျမ်းဂမ်လာ ပုဂ္ဂိုလ်များမှာ အောက်ပါအတိုင်း ဖြစ်လေသည်။
ဂေါတမဗုဒ္ဓလက်ထက်၊ ဗြဟ္မာယုပုဏ္ဏား၊ ဇာဏုသောဏိပုဏ္ဏား၊ ကာရဏပါလီပုဏ္ဏား၊ အာရာမဒဏ္ဍပုဏ္ဏား၊ ဓနဉ္ဇာနီပုဏ္ဏေးမ၊ ကောသလမင်းကြီး၊ သိကြားမင်း။
ဖုဿဘုရားရှင်လက်ထက်၊ မဟိန္ဒမင်းကြီး၊ အထက်ပါ ပုဂ္ဂိုလ်များသည်၊ မြတ်စွာဘုရားရှင်ကို ကြည်ညိုလှသဖြင့် နမော တဿ ဘဂဝတော အရဟတော သမ္မာသမဒ္ဗုဒ္ဓဿ ဟု ရွတ်ဆိုပြီး ရှိခိုးကန်တော့ခဲ့ကြသည် ဟူ၍မှတ်သားဖူးပါသည်၊
၎င်း နမော တဿ တွင်၊ ဘဂဝတော၊ အရဟတော၊ သမ္မာသမ္ဗုဒ္ဓဿ ဟူ၍ ဗုဒ္ဓ၏ဂုဏ်တော် သုံးမျိုးပါဝင်နေသည်ကိုလည်း တွေ့ရှိရပေသည်။
အကျယ်ကို သိလိုပါက၊ စာအုပ်မြောက်များစွာကို အချိန်ကြာကြာပေး၍ ဖတ်ရှူရပါမည်၊ အချိန်တိုအတွင်း သိလိုသူများသည်၊ (ပုံတော် ဂုဏ်တော်၊ ပရိတ်တော်) စာအုပ်ငယ်တွင် ရှာဖွေဖတ်ရှုလေ့လာနိုင်ပါသည်။
မှတ်သားရန်မှာ၊ နမော တဿသည် ဘုရားဟောမဟုတ်သော်လည်း ဘုရားရှိခိုးဟူ၍ မှတ်သားစေချင်ပါသည်။
Posted by ရွာဦးကျောင်း ဆရာတော် at 3:31 AM 0 comments Links to this post
Labels: ဘာသာရေးအမေးအဖြေကဏ္ဍ
တွေ့ရင် ပြောကြားပါ
ဘုန်းဘုန်း
ရိုသေစွာ လျှောက်ထားအပ်ပါတယ်ဘုရား။
ပြင်သစ်မှ ဒကာတစ်ဦးက လွန်ခဲ့သော (၂)နှစ်က မဲဆောက်မြို့ Wat Aran Ya Khet ကျောင်းတွင် သီတင်းသုံးနေထိုင်သော ဦးဇင်း ငြိမ်းချမ်း (သို့မဟုတ်) ဦးသုန် အားဖူးတွေ့လိုပါကြောင်း အကြောင်းကြားလာပါတယ်ဘုရား။ ထိုအချိန်က ထိုဘုန်းဘုန်း သို့မဟုတ် ဦးဇင်းသည် ကျန်းမာရေးတော်တော် ဆိုးဝါးနေပါသည်ဟု ပြောပါတယ်။ အဆင်ပြေမယ်ဆိုရင် သတင်းအစအနလေးများ ရလိုရငြား သိရအောင် တောင်းပန်လျှောက်ထားပါတယ်ဘုရား။
ရိုသေစွာရှိခိုးဦးတင်လျှက်
ခရစ္စတလ်
အထက်ပါ အကြောင်းအရာ ကိစ္စနှင့်ပတ်သက်၍ ကာယကံရှင်ကိုယ်တိုင်ဖြစ်စေ၊ အခြားအဆက်အသွယ်ရှိသူ တစ်ဦးတစ်ယောက်ယောက်က ဖြစ်စေ ဆက်သွယ်အကြောင်းကြားပေးစေချင်ပါသည်၊
ဆက်သွယ်ရန် ဖုန်း- ၀၈၅ ၁၂၃ ၅၀၅၄၊၊
Posted by ရွာဦးကျောင်း ဆရာတော် at 8:34 AM 0 comments Links to this post
Labels: သတင်း
သန္ဓေတားခြင်း
Guest "လျှောက်တင်ပါရစေဘုရား ကိုယ်ဝန်တားဆေးက သန္ဓေသားဖြစ်လာမယ့်အဆင့် မရောက်အောင် သန္ဓေမအောင်အောင် တားဆီးခြင်းဖြစ်လို့ ပါဏ ဆိုတဲ့ အသက်ကို ဖျက်ဆီးတာ မဟုတ်ဘူးလို့" သိရပါတယ်ဘုရား။
သားလောင်းအဖြစ် ရောက်နိုင်သောအဆင့် မဖြစ်ရလေအောင် ပြုလိုက်ခြင်း ဖြစ်ပါတယ်။ ဒီလို သန္ဓေမအောင်အောင် တားဆီးခြင်း မပြုလို့ သန္ဓေအောင်သွားရင်တော့ ရုပ်ဇီဝိတ နာမ်ဇီဝိတရှိတဲ့ သန္ဓေသား ဖြစ်လာပါတယ်ဘုရား။
သန္ဓေအောင်ပြီး ဖြစ်တည်လာတဲ့ သန္ဓေသားဆိုလျင်တော့ ရက်သား ဖြစ်စေကာမူ အသက်ရှိပါတယ်။ ထိုအဆင့်ရောက်မှ ပါဏာတိပါတကကံ မြောက်မယ်လို့ သိရပါတယ်ဘုရား။
အမိ၏ ကျန်းမာရေးမှာ သန္ဓေသားကို ဆက်လက်လွယ်လျှင် မွေးဖွားလျှင် အသက်ဘေးရှိလို့ ဘယ်သူ့အသက် ရွေးရမလဲ ဆုံးဖြတ်စရာ ဖြစ်လျှင်တော့ ဆက်လက်သန္ဓေစွဲခွင့် ပြုထားခြင်းဖြင့် မှီခိုခံလူသား၏ အသက်ကို ဖျက်ဆီးတော့မည့် သန္ဓေသားကို ဖယ်ရှားပေးရခြင်းမှာ သေစေလိုသောဆန္ဒမပါ လူသား ၁ - ဦး လူ့ဘဝရောက်ဖို့ သူ့အရင်လူသား၏ အသက်ကို ဆုံးရှုံးမခံသင့်သည်ဖြစ်၍ မလွှဲသာ၍ ကိုယ်ဝန်ဆိပ်မတက်မီ အမိမသေမီ သန္ဓေသားကို ဖယ်ရှားပေးရခြင်းမှာ ပါဏာတိပါတကံ မမြောက်ဟု ထင်ပါ
သည်။ အမှားပါလျှင် ခွင့်လွှတ်ပါဘုရား
ရွာဦးကျောင်းဆရာတော်။ ။ အခုလို ပါဝင်ဆွေးနွေးခြင်းကို ကျေးဇူးတင်ပါသည်။
သန္ဓေသားဘဝသို့ မရောက်မီ တားခြင်းသည် ပါဏခေါ် အသက် ဝိညာဉ် မရှိသေး၍၊ ပါဏာတိပါတကံ မထိုက်သေးဟု ဆိုသည်မှာ မှန်ပါသည်။
ဤအတိုင်းဖြစ်ခဲ့လျှင်ကောင်းပါသည်။ တစ်ခု သတိထားရမည်မှာ၊ သိပ္ပံပညာဖြင့် အသက်မရှိသေးဟု ယူဆထားသော ကာလမှ စ၍၊ ကလလရေကြည်(သုပ်သွေး)ဘဝကို အဘိဓမ္မာ သဘောအရ အသက်ရှိသည်ဟု ယူဆပါသည်။ အထက်ပါ ကိုယ်ဝန်တားခြင်း ဆိုရာ၌၊ အဘယ်အချိန်တွင် တားဆီးခဲ့ပါသနည်းဟု ဆိုသည်မှာ အလွန်အရေးကြီးလှပေသည်။
သိပံ္ပဖြင့် အသက်မရှိသေးသော အချိန်ဟု ယူဆထားသော ကာလ၌ တားဆီးခဲ့လျှင်၊ ဥပဒေအရ တရားရင်ဆိုင်ရန် မလိုသော်လည်း၊ အဘိဓမ္မာအရ အသက်ရှိသည်ဟု ယူဆထားချိန်ဖြစ်ခဲ့ပါက၊ ကံထိုက်ပါလိမ့်မည်။
မိခင်၏အသက်ကိုငဲ့ကွက်၍ မလွဲသာ မရှောင်သာ သန္ဓေသားကို ဖျက်ဆီးပစ်ရခြင်းမျိုး များစွာ ရှိကြပါသည်၊ ဤနေရာ၌ စဉ်းစားရန်မှာ၊ မသိနားမလည်သေးသော လူသားခလေးငယ်ဖြစ်၍သာလျှင်၊ မိခင်၏ အသက်ကိုငဲ့၍ အသတ်ခံလိုက်ရခြင်းသာ ဖြစ်ပါလိမ့်မည်။
အကယ်၍သာ အသက်အရွယ်ကြီးနေရင့်နေပြီး ဖြစ်သော သားအား မိခင်၏ အသက်ကိုကယ်ရန်ဟူသော ရည်ရွယ်ချက်ဖြင့်၊ ကိုယ်အင်္ဂါ အစိပ်အပိုင်း တစ်ခုခုကို အလိုရှိ၍ သတ်ခဲ့လျှင် မည်ကဲ့သို့ ဆုံးဖြတ်ကြမည်နည်း။
(အမိဝမ်းထဲ့သို့ မရောက်လာသေးသော သန္ဓေကိုတားလျှင် ကံမထိုက်၊ ရောက်ရှိနေပြီးသော သန္ဓေကိုတားလျှင် မည်သည့်နည်းဖြင့်၊ မည့်သောသို့အကြောင်းကြောင့် တားသည်ဖြစ်စေ၊ ကံထိုက်ပါသည်။)
မည်သူမဆို ပါဝင်ဆွေးနွေး ရေးသားနိုင်ကြပါသည်၊ ဤရွာဦးကျောင်းဘလော့သည်၊ အင်တာနက်တွင် ကျင်လည်ကျက်စားနေကြသည့် လူငယ်မောင်မယ်များကို ဘာသာရေး အသိရှိစေရန် ရည်ရွယ်လျှက်၊ လူငယ်များကျက်စားရာ အင်တာနက်၌ ရေးသားထားခြင်းသာ ဖြစ်ပါသည်၊ မိမိတို့ရေးသားပြုစုသော ကျမ်းဂန်များအတွက် ကိုးကားစရာအဖြစ် တစ်စုံတစ်ခုမျှ ဤဘလော့တွင် မရှိပါကြောင်းနှင့် အမှားပါခဲ့လျှင်လည်း သတိပေးဆုံးမကြပါရန်။
Posted by ရွာဦးကျောင်း ဆရာတော် at 9:31 PM 0 comments Links to this post
Labels: ဘာသာရေးအမေးအဖြေကဏ္ဍ
ဘာသာရေး အမေးအဖြေများ
အရှင်ဘုရား.....တပည့် တော် ရှိခိုးကန်တော့ လိုက်ပါတယ်ဘုရား ။ တပည့်တော် မသိတာလေးတွေ မေးစရာရှိလို့ ပါဘုရား။
၁။ ခန္ဓာကိုယ်မှာ ကိုက်ခဲခြင်း ၊ ယားယံခြင်းစတဲ့ ဝေဒနာတွေက ဘယ်အာရုံနဲ့ ဘယ်ဒွါရတိုက်တာလဲဘုရား ။
၂။ အိပ်မက်မက်ခြင်း၊ သေငယ်ဇော မျှောနေစဉ် နတ်ပြည်တို့ ငရဲပြည်တို့သို့  ရောက်ခြင်းကို အဘိဓမ္မာသဘောနှင့် ရှင်းပြပေးပါ။ တပည့်တော်သဂြိုလ် ၉ ပိုင်းမှာ ဘုံပိုင်း အထိတော့ လေ့လာဘူးပါတယ် အဲဒီကိစ္စကို မစဉ်းစားတက်လို့ပါ။
၃။ ကိုယ်ဝန်တားဆေး သောက်ခြင်း၊ ထိုးခြင်းများသည် ပါဏာတိပါတကံ ထိုက်ပါသလားဘုရား။
၎။ သူများသားပျိူ၊ သမီးပျိူကို စိတ်ကူးနှင့် ညစ်ညမ်းစွာ တွေးတောလျှင် ကာမေသု မိစ္ဆာစာရကံ ထိုက်ပါသလားဘုရား။
၆။ လက်မထက်ပဲ အတူနေထိုင်လျှင် ကာမေသုမိစ္ဆာစာရကံ ထိုက်ပါသလား။
၇။ မိမိသော်၎င်း၊ သူတပါးသော်၎င်း နစ်နာမှု တစုံတရာမဖြစ်စေရန်၊ အကျိူးရှိစေရန်အတွက် (အလိမ်ခံရသူလည်းမထိခိုက်) အရိယာများ စကားပရိယာယ် သုံးကြပါသလား အရှင်ဘုရား။ ပြည့်တန်ဆာမနှင့် လူပျိုတစ်ယောက် ဆက်ဆံလျှင် ကာမေသု ထိုက်ပါသလား။
၈။ သူခိုးတစ်ယောက် ခိုးဝှတ်နေသည်ကို မြင်သောအခါ သူခိုး သူခိုး ဟု အော်ကောင်းပါသလား ဆိုတာကိုလဲ ဖြေ ကြားပေးပါ အရှင်ဘုရား။
အဖြေ။ ။၁ ခန္ဓာကိုယ်မှာ ကိုက်ခဲခြင်း ၊ ယားယံခြင်းစတဲ့ ဝေဒနာများသည်၊ အဘိဓမ္မာသဘောအရ ကာယဒွါရနှင့် ဖောဋ္ဌဗ္ဗာရုံတို့ ထိခိုက်သည်ဟုမှတ်ပါ။
၂။ အိပ်မက်မက်ခြင်း၊ သေငယ်ဇောမျှောနေစဉ် နတ်ပြည်တို့ ငရဲပြည်တို့သို့ ရောက်ခြင်းတို့သည်၊ အဘိဓမ္မာသဘောအရ၊ ဘဝင်စိတ်ကျနေခြင်းကိုခေါ်သည်၊ မှတ်သားရန်မှာ= မနောဒွါရဝီထိ၌ အာရုံကို အတိအကျဖမ်းယူ မှတ်သားနိုင်ခြင်းမရှိသော၊ ပရိတ္တာရုံဝီထိကိုဆိုလိုသည်။
၃။ ကိုယ်ဝန်တားဆေး သောက်ခြင်း၊ ထိုးခြင်းများသည် ပါဏာတိပါတကံ ထိုက်ပါသည်။ မိခင်များကိုယ်ဝန်နေစဉ်၊ ကလလရေကြည်မှ စ၍ ဇိဝိတခေါ် အသက်ဝိညာဉ် ရှိနေသောကြောင့်ဖြစ်ပါသည်။ ရဟန်းတော်များ အမျိုးသမီးများအား ကိုယ်ကျဆေး တိုက်ပါက၊ လူသတ်မှုမြောက်၍၊ ပါရာဇိက အာပတ်သင့်ပါသည်။
၎။ သူများသားပျိူ၊ သမီးပျိူကို စိတ်ကူးနှင့် ညစ်ညမ်းစွာ တွေးတောလျှင် ကာမေသုမိစ္ဆာစာရကံ မထိုက်ပါ၊ ၄င်းသိက္ခာပုဒ်အရ ကာယကံမြှောက်ကြူးလွန်မှသာ ကံထိုက်သည်ဟုမှတ်ပါ။ သို့သော်- စိတ်နှင့်ပြစ်မှားမိသောကြောင့်၊ မနောကံဒုစရိုက်ဖြစ်သည်ဟုမှတ်ပါ။
၅။ ဘီယာသောက်ခြင်းသည်၊ သုရာမေရယကံ ထိုက်ပါသည်။ ဘီယားဆိုသည်မှာ၊ အရက်၏အမည် တစ်မျိုးသားဖြစ်သည်၊ ထို့ကြောင့် ဘီယာကို အရက်မဟုတ်ဟု မသတ်မှတ်သင့်ပါ။
ဆေးလိပ်သောက်ခြင်းသည် သုရာမေရယကံမထိုက်ပါ။ အခြားသောမူးယစ်ဆေးများကို ဆေးလိပ်၌ ထဲ့၍သုံးစွဲလျှင် ကံထိုက်ပါသည်။ သုရာ- ဟူသည်မှာ၊ သေရည် အရက်ဟု အဓိပ္ပါယ်ရပါသည်။
၆။ လက်မထက်ပဲ အတူနေထိုင်လျှင် ကာမေသုမိစ္ဆာစာရကံ ထိုက်ပါသလား ဆိုရာ၌၊ မည်ကဲ့သို့ လက်ထပ်သည်ကို ဆိုလိုသနည်းဟု ရှေးဦးစွာသိဖို့ လိုအပ်ပေသည်။ နှစ်ဦးသဘောတူ လက်ထပ်ထားခဲ့လျှင် ကံမထိုက်ဟုမှတ်သားရပါမည်။ လက်ထပ်ခြင်းသည် ပွဲလမ်းသဘင် လုပ်သည် မလုပ်သည်နှင့်မဆိုင်၊ အကြင်လင်မယားအဖြစ် အသိအမှတ်ပြုသည် မပြုသည်နှင့်သာ ဆိုင်လေသည်။
လက်မထပ်ပဲ အတူနေထိုင်ခြင်းဆိုရာ၌= အဂမနီယ၀တ္ထု အရ ကာမပိုင် မရှိသေးသော အပျိုသည် မိမိကာမကို မိမိပိုင်သဖြင့် မည်သည့်ယောက်ျားနှင့် ဆက်ဆံသည်ဖြစ်စေ ကာမေသုမိစ္ဆာစာရ မထိုက်ဟုဆိုပါသည်။
စေ့စပ်ထားသူမှအစ မိမိကို ပိုင်ဆိုင်သူ ရှိပြီးဖြစ်သော မိန်းမအတွက်ကား ထိုကာမပိုင် ယောက်ျားမှ တစ်ပါး အခြားယောက်ျားနှင့် ဆက်ဆံလျှင် ကံထိုက်ပါသည်။
ယောက်ျားဖက်တွင်ကား မိမိပိုင် မိန်းမမှတစ်ပါး အခြားမည်သည့် မိန်းမနှင့်မဆို ကံထိုက်ပါသည်။ (အပျိုနှင့်ဆက်ဆံရာတွင် မထိုက်ဟု ထင်ကြသည်။ သတိပြုပါ။) ပြည့်တန်ဆာမနှင့် ဆက်ဆံရာတွင် ကိုယ့်ထက်အရင် ငွေပေးထားသူရှိနေပါက နောက်ယောက်ျား ကံထိုက်၏။
ပြည့်တန်းဆာမဘက်ကလည်း ငွေလက်ခံထားပြီး ထိုယောက်ျားနှင့် မပြီးပြတ်ခင် အခြားယောက်ျားကို လက်ခံလျှင် ကံထိုက်၏။
အိမ်ထောင်မရှိသူများ လွတ်လပ်စွာနေကြရာ၌ မယားအမှတ်ဖြင့် ပေါင်းသင်းဆက်ဆံလျှင် (မိဘ သဘောတူသည်ဖြစ်စေ, မတူသည်ဖြစ်စေ) ဆန္ဒ၀ါသီနီ - ဟူသော အလိုတူ၍နေသော မယားအရာမြောက်၍ ယောက်ျား ကံ မထိုက်။
အမျိုးသမီးဘက်တွင်လည်း စေ့စပ်ထားသူ, ငွေပေးထားသူ စသော ပိုင်ဆိုင်သူ မရှိသေးလျှင် ကံမထိုက်ဟု မှတ်ပါ။
၇။ မိမိသော်၎င်း၊ သူတပါးသော်၎င်း နစ်နာမှု တစုံတရာမဖြစ်စေရန်၊ အကျိူးရှိစေရန်အတွက် (အလိမ်ခံရသူလည်း မထိခိုက်) အရိယာများ စကားပရိယာယ်သုံးကြပါသည်။ ဥပမာအားဖြင့်- မြတ်စွာဘုရားသည် ညီတော်နန္ဒမင်းသားအား တရားထူးကို ရရှိစေရန်အတွက်၊ ဥပါယ်တမျည် ဟုခေါ်သော နည်းပရိယာယ်ဖြင့်၊ စည်းရုံးဖူးသည်ကို ဖတ်ရှု့ရပါသည်။
ပြည့်တန်ဆာမနှင့် လူပျိုတစ်ယောက်ဆက်ဆံလျှင် ကာမေသု ထိုက်ပါသလား။ ဟူသော မေးခွန်းကို (နံပါတ် ၆ အဖြေတွင်၊ ပြန်လည်ဖတ်ရှု့ပါ။
၈။ သူခိုးတစ်ယောက် ခိုးဝှတ်နေသည်ကိုမြင်သောအခါ သူခိုး သူခိုး ဟု အော်ကောင်းပါသလား ဆိုရာတွင်၊ အော်ကောင်းပါသည်ဟု ဖြေဆိုရပါမည်။ အဘယ်ကြောင့်ဆိုသော်၊ ထိုကဲ့သို့သတိပေးခြင်းအားဖြင့်၊ သူခိုးလည်း အဒိန္နာဒါနာ သိက္ခာပုဒ်မှ ကင်းလွတ်ပြီး၊ ပိုင်ရှင်မှာလည်း မိမိ၏ကိုယ်ပိုင် ပစ္စည်းဆုံးရှုံးခြင်းမှ ကင်းလွတ်ပါလိမ့်မည်။
သို့သော် မိမိဖက်မှ စိတ်ထားတတ်ဖို့ တော့လိုအပ်ပေသည်။ ထိုကဲ့သို အသိပေးခြင်းဖြင့်၊ သူခိုးလည်း အဒိန္နာဒါန- ခိုးခြင်းအကုသိုလ်မှ ကင်းဝေးပါစေ၊ အိမ်ရှင်မှာလည်း ဘောဂဗျာသန- စည်းစိမ်ဥစ္စာ ပျက်စီးခြင်းမှ ကင်းဝေးပါစေဟု ထားဖုိ့လိုအပ်လှပေသည်။
Posted by ရွာဦးကျောင်း ဆရာတော် at 4:30 AM 0 comments Links to this post
Labels: ဘာသာရေးအမေးအဖြေကဏ္ဍ
အားနည်းနေရှာသော အနာဂတ်လူငယ်များအား မိမိ၏လက်တစ်ဖက်ကမ်းလှမ်းပေးလိုသူများသို့
လှူဒါန်းနိုင်သောဝတ္ထုများ
ဆင်းရဲနွမ်းပါးသော ကလေးသူငယ်များ ပညာသင်ကြားပြီး လူမျိုးအကျိုး၊ နိုင်ငံအကျိုး၊ လောကအကျိုး သယ်ပိုးဆောင်နိုင်ရန်အတွက် အထက်ဖော်ပြပါ လိုအပ်ချက်များကို မိမိတို့တတ်နိုင်သည့် ဘက်မှ ပါဝင်ပံ့ပိုးကူညီကြမည်ဆိုပါက ဆရာတော်၏ သာသနာပြုပညာရေး လုပ်ငန်းသည် ဆထက်တိုး အောင်မြင် တိုးတက်လာမည်မှာ အမှန်ပင်ဖြစ်ပါသည်။ တစ်ဦးချင်းဖြစ်စေ၊ မိသားလိုက်ဖြစ်စေ အချင်းချင်း စုပေါင်းခြင်း ဖြင့်ဖြစ်စေ အောက်ပါလိပ်စာ အတိုင်း ပါဝင် လှူဒါန်းနိင်ကြပါသည်။
ဆရာတော်ဘဒ္ဒန္တဇာနေယျ ၊ လူငယ်များပရဟိတကျောင်း၊ တိမ်ညိုမြောက်ပိုင်းကျေးရွာ၊ မြောက်ဦးမြို့နယ်၊ ရခိုင်ပြည်နယ်၊ ဖုန်း098502155(တဆင့်ခေါ်ပါ)
မှတ်ချက်- စိတ်ပါဝင်စား၍ လေ့လာစုံစမ်း မေးမြန်းလိုသူများသည် ဖုန်းမှဆက်သွယ်မေးမြန်းရန် ခက်ခဲခဲ့ သော်
Posted by ရွာဦးကျောင်း ဆရာတော် at 9:20 PM 0 comments Links to this post
Labels: သတင်း