စိန်ပလောင် မေးမြန်းချက်အား ပြန်လည်ဖြေကြားလိုက်သည်။

မေး။ ။ စိန်ပလောင်: ရွာဦးကျောင်းဆရာတော်ဘုရား နတ်ပြည်မှာ နတ်သားတစ်ယောက်နဲ့ နတ်သမီး တဖက်ငါးရာ ၊ နှစ်ဖက် ဆို တစ်ထောင်။ ဤသို့ ကျမ်းဂန်းမှာ လာရှိပါသလား။ ရှိပါက မိန်းမတွေသေ နတ်ပြည်ရောက်။ ယောင်္ကျားတွေသေ နတ်ပြည်အရောက်နဲလို့ ဤသို့မှတ်ယူထိုက်ပါသလော။ ယောက်ျားတွေနတ်ပြည် အရောက်နဲတော့ ဘယ်ပြည်တွေ အရောက်များနေပါသလဲ။ အများတကာ သိစေလို၍ ရွာဦးကျောင်းစီဘောက်မှ လျှောက်ထားလိုက်ပါသည်။

ဖြေ။ ။ နတ်သားတိုင်း နတ်သမီး တစ်ဖက် ငါးရာပုံသေရှိသည်ဟူ၍ မတွေ့ဖူုးပေ၊ ကျမ်းဂန်များ၌ ဖော်ပြပါရှိသော နတ်သမီးတစ်ဖက်ငါးရာ ခြံရံသော နတ်သားများကို ထူးခြားဖြစ်စဉ်များ အဖြစ်သာ ဖော်ပြထားခြင်းဖြစ်ပါသည်၊ လု့ပြည်၌ ကုသိုလ်ထူးသော ပုဂ္ဂိုလ်များရှိသလို နတ်ပြည်၌လည်း အများတကာထက် ပါရမီကုသိုလ် ထူးသူများ ရှိကြပါသည်၊ ၄င်းတို့သည် ကုသိုလ်ပါရမီ ထူးသည်အားလျှော်စွာ နတ်သမီး တစ်ဖက်ငါးရာ ခြံရံ၍ နတ်ပြည် စည်းစိမ်ကို အပြည့်ခံစားရ လေသည်။ သို့သော် နတ်သားတိုင်း ထိုကဲ့သို့ခံစားစံစားရသည်ဟု မှတ်ယူ မထားသင့်ပေ။ နတ်သမီးတစ်ယောက်အား နတ်သားများစွာ ဝိုင်းဝန်းလုယူသော အဖြစ်အပျက်များ ရှိသည်ကို သတိထားသင့်ပါသည်။ မည်သူသေသည်ဖြစ်စေ မိမိပြုသောကံသည်သာ ပဓာနကျသောကြောင့် မိန်းမ ယောက်ျားခွဲခြား၍ သုဂတိ ဒုဂ္ဂတိ ရောက်သည်ဟူ၍လည်းမဆိုနိုင်ပေ။ နိဗ္ဗာန်ကို မရောက်မချင်း ငါသူတစ်ပါး ပုဂ္ဂိုလ် သတ္တဝါ ယောက်ျားမိန်းမ မရွေးပဲ ဒေဝ၊ မနုဿ၊ နိရယ၊ ပေတ၊ တိရိစ္ဆာန၊ ဟူသော ဂတိများသို့ တစ်ခုမဟုတ်တစ်ခု ရောက်ကြရမည်သာ။ ။

ဆက်ဖတ်ရန်.

ကပ္ပိယသာချို၏ မေးမြန်းချက်အား ပြန်လည်ဖြေကြားလိုက်သည်။

မေး။ ။ ကပ္ပိယသာချို: အရှင်ဘုရား အဘိဓမ္မာဘုရားဟော ဟုတ်မဟုတ်သိချင်ပါတယ် ဘုရား တကယ်လို့သာဘုရားဟောဆိုရင် ဘယ်လို့အချက်တွေကြောင်းသိနိုင်ပါသလဲ ဘုရား ၊
မေး။ ။ နောက်တစ်ခါ သမ္မာဒိဌိ ဟာ သိပ္ပံပညာရဲ့ ခြေလှမ်းကို လိုက်နိုင်ပါရဲ့လားဘုရား
ဖြေ။ ။ ဤမျှနက်နဲ ခက်ခဲသော ရုပ်နာမ်တရားများကို အ သေးစိပ် ဟောကြားထားသော အဘိဓမ္မာတရားကို ဘုရားမဟောလျှင် အဘယ်သူဟောသည်ဟု ငါ့ရှင်သာချို ယူဆမိပါသနည်း? ။ မြတ်စွာဘုရားသည် အဘိဓမ္မာတရားတော်ကို တာဝတိံသာနတ်ပြည်၌ အကျယ်တဝင့် ဟောကြားတော်မူပြီး။ အရှင်သာရိပုတ္တရာအား အကျဉ်းအားဖြင့် ဟောကြားတော်မူလေးသည်။ အရှင်သာရိပုတ္တရာ သည်လည်း လင်းနို့သားဖြစ်ခဲ့ဖူးသော ရဟန်းငါးရာတို့အား မကျဉ်းမကျယ် လက်ဆင့် ကမ်း၍ ဟော ကြားတော်မူခဲ့လေသည်။ ဤသို့လျှင် ဗုဒ္ဓဘုရားရှင်မှ အစပြုကာ ဆရာအစဉ် အဆက် အားဖြင့် လက်ဆင့်ကမ်း သယ်ဆောင် လာခဲ့သည်မှာ ယနေ့ ကပ္ပိယသာချိုတို့ လက်ထက်တိုင် အောင်ဖြစ်လေ သည်။ ။ရုပ်နာမ်တရား တို့ကို ပိုင်းခြား၍ ဟောထားခြင်း၊ ပရမတ္ထသဘာဝ တရားများကို ဖြစ်စဉ်အတိုင်း အကြွင်း မရှိ ပြည့်စုံစွာ ဆက်စပ် ဟောထားခြင်းတို့ကို ထောက်ဆ၍ သဗ္ဗညုတ ဘုရားရှင်မှတစ်ပါး အခြား တစ်စုံတစ်ဦး သောသူသည် ဟောကြားနိုင်စွမ်း ရှိမည်မဟုတ်ပါ။ အကျယ်ကိုသိလိုလျှင် အောက်ပါလင့်တွင် http://www. dhammaflavour.net/2009/06/blog-post_3899.htmlလေ့လာနိုင်ပါသည်
ဖြေ။ ။ သမ္မာဒိဋ္ဌိသည်=ကမ္မဿကတာသမ္မာဒိဋ္ဌိ၊ နာမရူပပရိဂ္ဂဟသမ္မာဒိဋ္ဌိ၊ ဟေတုပစ္စယပရိဂ္ဂဟသမ္မာဒိဋ္ဌိ၊ ဝိပဿနာဥာဏဒဿနသမ္မာဒိဋ္ဌိ၊ လောကုတ္တရမဂ္ဂဖလသမ္မာဒိဋ္ဌိ-အားဖြင့် ငါးမျိုး ခွဲခြားနိုင်ပါသည်။ လောကုတ္တရမဂ္ဂဖလသမ္မာဒိဋ္ဌိ သည်ပင်လျှင် သိပ္ပံပညာ၏ ခြေလှမ်းကို ကျော်လွန်သွားပြီး ဖြစ်သည်၊ သို့သော် ၄င်းသမ္မာဒိဋ္ဌိ တရားတို့ကိုကောင်းစွာ သဘောမပေါက်ပဲ၊ မည့်သည့် သိပ္ပံပညာကိုမျှ ကျော်လွှားနိုင်လိမ့်မည် မဟုတ်ပါ။ လက်ရှိသိပ္ပံပညာရှင်များ လေ့လာနေသော သိပ္ပံသည်ကား နာမရူပပရိဂ္ဂဟသမ္မာဒိဋ္ဌိ- မှ-(ရူပ) ဟုဆိုအပ်သော ရုပ်တစ်စိပ် တစ်ဒေသကို သာလျှင် လက်တွေ့ အားဖြင့် လေ့လာနေကြခြင်းသာ ဖြစ်သေး၍၊ ကပ္ပိယသာချို ဆိုလိုသော သမ္မာဒိဋ္ဌိ ကိုသာလျှင် ကောင်းစွာသိရှိ ထားမည်ဆိုပါက၊သိပ္ပံပညာ၏ခြေလှမ်းကို လိုက်နိုင်ရုံမကပဲ၊ ဘုရားရဟန္တာ အရိယာ သူတော်ကောင်းတို့သာလျှင် အာရုံပြုကျက်စားရာဖြစ်သော နိဗ္ဗာန်တိုင်အောင် လျှောက်လှမ်းနိုင် မည်ဖြစ်ကြောင်း တင်ပြအပ်ပါသည်။

ဆက်ဖတ်ရန်.

သည်းခံခြင်း


ပတ်ဝန်းကျင်ကြောင့် ဖြစ်ပေါ်လာသော အကြောင်းအကျိုး အကောင်းအဆိုးတွေကို သည်းခံခြင်းနှင့်၊ မိမိ၏ အလိုဆန္ဒကြောင့် ဖြစ်ပေါ်လာသော လိုချင်တပ်မက်မှူတွေကို သည်းခံခြင်းဟူ၍ သည်းခံခြင်း နစ်မျိုး ရှိရာ တွင်၊ မည့်သည့်အရာက ပို၍ သည်း ခံရ ခက် သနည်းဟု ရှေးဦးစွာစဉ်းစားဖို့လိုလေသည်။
လူတစ်ဦးတစ်ယောက်သည် အလုပ် ထုပ်ခံ ရမည်စိုး၍ မာန်နေဂျာက ဆူပူ ငေါက် ငန်း သည်ကို သည်းခံရခြင်း၊ မယားက ပူညံ ပူညံလုပ်မည်စိုး၍ မိမိသောက်ချင်သော ဘီယာကို မသောက်ပဲ သည်းခံရခြင်း၊ အိမ်ကနှင်ချမည် ကို စိုးရိမ်၍ အိမ်ရှင်၏ ဆူးပူမှူကို သည်းခံခြင်း၊ စသော- ပတ်ဝန်းကျင်ကြောင့် ဖြစ်သော သည်းခံခြင်းများကို အကြောင်းအမျိုးမျိုးကြောင့် သီးခံလာရပေါင်းများမှာ မနည်းလှတော့ပေ။း
သို့သော်= လုပ်ခွင့်လည်းရှိ လုပ်လို့ရမည့်အနေအထားလည်းရှိသည်ဆိုလျှင် မလုပ်ပဲ အဘယ်နစ်ကြိမ်မျှ လောက် သည်းခံဖူးပါသနည်း။ အလုပ်ခွင်တစ်ခု၌ ဥပဒေလမ်းကြောင်းအရ မရိပ်မိနိုင်သော ငွေရပေါက် တစ်ခုကို တွေ့လျှင် အသင်သည် ရရှိသောအခွင့်အရေးကို မယူပဲ ဘယ်နစ်ကြိမ်လောက် သည်းခံပြီးနေခဲ့ဖူးပါ သနည်း။ အမှန်အတိုင်း ဝန်ခံရပါလျှင် လူတိုင်းလူတိုင်းသည် များသောအားဖြင့် မိမိဂုဏ်သိက္ခာကို မထိခိုက်နိုင် ဟု ယူဆရလျှင်၊ သို့တည်းမဟုတ် မည်သူမျှ မရိပ်မိဘူးဟု ယူဆနိုင်လျှင် မည့်သည့်အရာကိုမျှ ယေဘုယျ အား ဖြင့် သီးခံနိုင်စွမ်း မရှိကြပေ။
အင်အားမမျှ၍ သည်းခံလိုက်ရခြင်း၊ ဥပဒေလမ်းကြောင်းအရ တရားရင်ဆိုင်ရမည်ကို သိ၍ သည်းခံလိုက်ရခြင်း၊ ပတ်ဝန်းကျင် အသိုင်းအဝိုင်း၌ မျက်နှာမလှဖြစ်မည်ကိုသိ၍ သည်းခံလိုက်ရခြင်း၊ စသည်စသည် အားဖြင့် ပတ်ဝန်းကျင်ကြောင့် သည်းခံရခြင်းများကိုသာလျှင် မလွဲသာမရှောင်သာ သည်းခံခဲ့ဖူးကြလေ၏။ မိမိ၏ စိတ်၌ ဖြစ်ပေါ်လာသော လိုချင်တပ်မက်မှူများကို လုပ်နိုင်ခွင့် ရှိပါလျှက်နဲ့ မလုပ်ပဲ အဘယ်မျှသည်းခံခဲ့ဖူးပါသနည်း။
ဥပမာ= ဘယ်သူ့ကိုမှလည်း ကြောက်စရာမလို့၊ ဘယ်သူ့မျက်နှာကိုမှလည်းထောက်ထားစရာမလိုပဲ မိမိ၏ စိတ် ဆန္ဒအတိုင်း၊ လုပ်၍ရသော အခြေအနေ အနေအထားမျိုးကို သင်ရရှိနေပါလျှင်၊ အဘယ်မျှသည်းခံနိုင်စွမ်း ရှိပါမည်နည်း။ ရွာဦးကျောင်း၏ မှန်ဘီဒိုကြီးထည့်တွင် အပြည့်ရှိသောမုန်းများကို မည်သူ့မျက်နှာကိုမှ ထောက် ထားစရာမလိုပါပဲ မစားပဲသည်းခံနိုင်သော ရွာဦးကျောင်းဆရာတော်ကဲ့သို့ သင်သည်းခံဖူးပါသလား။ သင်သည် မစားပဲသည်းခံဖူးသည်ဟု ဖြေဆိုလျှင်၊ သင်ကိုယ်တိုင်မစားပဲ သင့်သားသမီးများအတွက် သည်းခံပြီး ချန်ထား ခြင်းသာလျှင်ဖြစ်ပါလိမ့်မည်။
သည်းမခံနိုင်သော အရာကို သည်းခံမှသာလျှင် ပါရမီမြောက် သည်းခံခြင်း ဖြစ်လေသည်။ ငါတို့…မည်သည့် အတိုင်းအတာထိ သည်းခံခဲ့ဖူးကြသနည်း။

ဆက်ဖတ်ရန်.

ငါ..ရွာဦးကျောင်းမှာနေပါတယ်။

တောင်စဉ်ရေမရ ပြောတာမဟုတ်ပါဘူး၊
ပေါက်ကရတော့ မတွေးလိုက်ပါနဲ့ ၊
မျှော်လင့်ချက် နွေတိမ်မှာ၊
ငါ ခြေသလုံး အိမ်တိုင်ထူထားတယ်၊
ရောက်ဖူးချင် လာလည်ပါ၊
ငါ. ကမ္ဘာကြီးမှာ နေပါတယ်၊
စာရေးချင်ရင် ရွာဦးကျောင်းသို့ လိပ်မူလိုက်၊
ငါ. သဘာဝတရားတွေကို လေ့လာဖတ်ရှု့နေတယ်၊
အရာရာဟာ ကောင်းကြပါပေတယ်၊
ဆွေးလိုက် တွေးလိုက် ငေးလိုက်၊
ဟော..ရေးလိုက်တယ် တစ်စေ့တစ်စောင်း၊
သောင်ပြင်က ဂဏန်းခြေရာတွေကိုတောင်၊
အနုပညာ တစ်ရပ်လို့ ခံစားတတ်ခဲ့ရင်၊
ညာနေတာတွေကို မှန်တယ်လို့ လက်ခံနိုင်အောင်၊
ကြိုးစားလိုက်ကြစို့...။
ဟာနေတာတွေဟာ ကဲ့ရဲ့ဖို့သက်သက် မဟုတ်ပါဘူး၊
ဖြည့်စွက်ဖို့လည်းပါတယ်...။

ဆက်ဖတ်ရန်.

မင်းသမီးဖရာသေး(သို့)ဟာရီကိန်း(သို့)မဟာချက်ကရီသီရိဒုံ


သူမ၏ ငယ်မည်မှာ‘‘ ဖရာသေး‘‘ ဖြစ်သည်။ ဖရာသေး ဟူသည် ‘‘နတ်သမီးလေး‘‘ဟု အဓိပ္ပါယ်ရသည်။ ငယ်စဉ်က အလွန်ဆော့လွန်း သောကြောင့် ချစ်စနိုးလေးဖြင့် ‘‘ဟာရီကိန်း‘‘ဟူ၍လည်း ခေါ်ကြသေးသည်။ သို့သော် ယခုအခါတွင်း‘‘ ပညာရှိ မင်းသမီးလေး‘‘ဟူ၍သာ ခေါ်ဝေါ်ကြလေသည်။ သူသည်ကား အခြားသူ မဟုတ်၊ ထိုင်းနိုင်ငံသူ နိုင်ငံသားတိုင်း၏ ချစ်ခြင်းမေတ္တာကို အပြည့်အဝ ခံယူရရှိထားသည့် ‘‘မဟာချက်ကရီသီရီဒုံ‘‘ ပင် ဖြစ်သည်။
မင်းသမီးသီရီဒုံသည် ထိုင်းဘုရင်းမင်းမြတ် ဘူမိဘောအဒူလျာဒက်(ဒ်) နှင့် မိဖုရားကြီး သီရီခေတ် တို့၏၊ တတိယမြောက် သမီးတော် ဖြစ်ပြီး၊ ၁၉၅၅-ခုနစ်၊ ဧပြီလ ၂-ရက်နေ့တွင်၊ ဘုရင့်နန်းတော်၌ ဖွားမြင်ခဲ့သည်။ ၁၉၅၈-ခုနစ်တွင် ချီထရာလာဒါကျောင်း၌ စတင်ပညာသင်ယူခဲ့ပြီး၊ ၁၉၇၂-ခုနစ်တွင် တစ်နိုင်ငံလုံး၌ ဝိဇ္ဇာဘာသာ ရပ်ဖြင့် အောင်မြင်သူများအနက် ပထမကိုရရှိခဲ့လေသည်။ ၁၉၇၃-ခနစ်မှ၊ ၁၉၇၆-ခုနစ်အထိ ချူလာလောင်ကွန် တက္ကသိုလ် ဝိဇ္ဇာဌာနတွင်၊ ဆက်လက်ပညာသင်ကြားခဲ့ရာ၊ သမိုင်းဘာသာ ဂုဏ်ထူးတန်းတွင် မထမအဆင့်ဖြင့် ဝိဇ္ဇာဘွဲ့ကို ရရှိခဲ့လေသည်။ ပညာသင်နစ် လေးနစ်စလုံးတွင် အတော်ဆုံးကျောင်းသူ ဖြစ်သဖြင့်၊ ရွှေတံဆိပ်ဆု ကို ရရှိခဲ့လေသည်။ ပညာထူးချွန်မူကြောင့် ပညာသင်ဆုကိုလည်း သုံးနစ်ဆက်တိုက်ရရှိခဲ့သည်၊ တက္ကသိုလ် ပထမနစ် အပြီးတွင်လည်း ပြင်သစ်ဘာသာရပ်၌ ပထမဆုကို ဆွတ်ခူးခဲ့ပြန်သည်။

ထိုနောက် သီရိဒုံသည်၊ ဆောလ်ပါကွန်း တက္ကသိုလ်မှ အရှေ့တိုင်း ကမ္ဗည်းကျောက်စာ ဘာသာရပ်ဖြင့် မဟာဝိဇ္ဇာဘွဲ့နှင့်၊ ချူလာလောင်ကွန်တက္ကသိုလ်မှ အရှေ့တိုင်းဘာသာရပ်များဖြင့် မဟာဝိဇ္ဇာဘွဲ့ကို ရရှိခဲ့သည်။ ၁၉၈၁-ခုနစ်မှစ၍ စရီနာခရာရင် ဝီရက်တက္ကသိုလ်တွင် ပညာရေးဖွဲ့ဖြိုးမှူ ဘာသာရပ်များကို ဆက်လက် လေ့လာခဲ့ပြန်သည်။ မဟီဒိုးတက္ကသိုလ်၊ ကာဆက်ဆတ်တက္ကသိုလ်၊ ဘရင်မွန်ကယ်စက်မှူတက္ကသိုလ်၊ သမ္မာဆတ်တက္ကသိုလ်၊ ရမ်ခမ်ဂဟန်းတက္ကသိုလ်၊ ပက်ပါဒိုးတက္ကသိုလ်၊ ဆုကာထုံးသာမတ်သီရတ်တက္ကသိုလ် နှင့် ချူလာလောင်ကွန်တက္ကသိုလ်တို့က၊ သမီးတော် သီရီဒုံးအား ဂုဏ်ထူးဆောင်ပါရဂူဘွဲ့(၁၁)ခုကို ချီးမြှင့် ခဲ့သည်။ သီရီဒုံမင်းသမီးသည် သပ္ပံစာပေ ရာဇဝင်သမိုင်း ပန်းချီအနုပညာနှင့် ဂီတတို့တွင် ဝါသနာထုံ၍ လေ့လာ လိုက်စားသည်။ မင်းသမီးသီရီဒုံသည်‘‘ထိုင်းနိုင်ငံ ရှေ့နေများကောင်းစီ‘‘နှင့်‘‘ယိုဒယား ဗိသုကာ အသင်း‘‘တို့တွင် ဂုဏ် ထူးဆောင် အဖွဲ့ဝင်တစ်ဦးဖြစ်သည်။
သမီးတော်သည် အမေရိကန်ပြည်ထောင်စု၊ ဆွီဒင်၊ အစ္စရေး၊ အီရန်၊ နယ်သာလန်၊ ပြင်သစ်၊ ဗြိတိန်၊ တရုတ်၊ သြစတြေးလျ၊ ပြည်ထောင်စုသမ္မတ ဂျာမနီနိုင်ငံ၊ မလေးရှား၊ ဂျပန်၊ ဖိလစ်ပိုင် နှင့် မြန်မာနိုင်ငံများသို့ အနှံအပြားသွားရောက် လည်ပတ်ဖူးသည်။ မြန်မာနိုင်ငံသို့ ၁၉၈၆-ခု မတ်လ ၂၁-ရက်မှ ၃၁-ရက်နေ့အထိ လာရောက်လည်ပတ်ဖူးလေသည်။ သီရိဒုံသည် ထိုင်း ကိုးရီးယားနှိင်ငံနှင့် ပြည်ထောင်စုသမ္မတ ဂျာမနီနိုင်ငံတို့မှ ဘွဲ့ထူးဂုဏ်ထူးဆောင် ကိုးခုကိုရရှိခဲ့သည်။
သမီးတော် မဟာချက်ကရီသီရိဒုံသည် ထိုင်းကြက်ခြေနီအသင်း အမှူဆောင်အဖွဲ့၌ ဒုတိယဥက္ကဋ္ဌ၊ ဆိုင်ဂျိုင်း ထိုင်းဖောင်းဒေးရှင်း၌ ဥက္ကဋ္ဌ၊ ဒုတိယမြှောက်ရာမဘုရင်း အထိမ်းအမှတ်ဖောင်းဒေးရှင်း၌ ဥက္ကဋ္ဌ၊ မြဘုရား ကျောင်းတော်နှင့် မဟာနန်းတော်မွန်းမံထိန်းသိမ်းရေး ဘုတ်အဖွဲ့ဥက္ကဋ္ဌ နှင့် ချူလာလောင်ကွန် ဘုရင့် စက်မှူ တက္ကသိုလ် ဥပဒေ နှင့် လူမှူရေးသိပ္ပံဌာန ကထိကလည်းဖြစ်လေသည်။ သီရိဒုံသည် ထိုင်းဘုရင့် ကြည်း တပ်မ တော်တွင် ဂုဏ်ထူးဆောင် ဒုတိယဗိုလ်မှူးကြီးနှင့်၊ ထိုင်းဘုရင့် လေတပ်နှင့် ရေတပ်တွင် ဂုဏ်ထူးဆောင် ဒုတိယ ဗိုလ်မှူးကြီးလည်းဖြစ်လေသည်။
မင်းသမီးသီရိဒုံသည် အားလပ်ချိန်များတွင် သုတေသနနှင့် ကျောင်းတွင်းဖွဲ့ဖြိုးရေးပြုလုပ်ခြင်း၊ သီးချင်းဆိုခြင်း၊ ထိုင်းတူရိယာတီးမှူတ်ခြင်း၊ စာပေရေးသားခြင်း၊ ကဗျာစပ်ဆိုခြင်း၊ ပန်းချီရေးဆွဲခြင်းနှင့်၊ ပန်းပုထုခြင်းတို့ကို ပြု လုပ်လေ့ရှိသည်။
မင်းသမီး ဖရာသေး ခေါ် မဟာချက်ကရီသီရိဒုံသည် ယခုအခါတွင် သက်တော် ၅၄- နစ်ရှိပြီ ဖြစ်ပြီး၊ ထိုင်းပြည်သူပြည်သားတို့၏ မေတ္တာကို အထူးတလေရရှိကာ ဘုရင့်သားတော် သမီးတော်များထည့်တွင် လူချစ်လူခင်အပေါဆုံး မင်းသမီးတစ်ပါး အဖြစ်ဖြင့် ထင်ပေါကျော်ကြားလျှက်ရှိပါသည်။

ဆက်ဖတ်ရန်.

ရွှေညဝါဆရာတော် ဘဒ္ဒန္တပညာသီဟ


ရွှေညဝါဆရာတော် ဘဒ္ဒန္တပညာသီဟ အရှင်သူမြတ်သည်၊ ၂၈-၁၂-၂၀၀၉၊ နေ့တွင်၊ ထိုင်းနိုင်ငံ ဘန်ကောက်မြို့သို့ကြွရောက်တော်မူ၍၊ ၃၀-၁၂-၂၀၀၉၊ နေ့တွင် မဟာချိုင်သို့ ကြွရောက်တော်မူပြီး။ ၃၁-၁၂-၂၀၀၉၊ နေ့တွင် မြန်မာနိုင်ငံသူ နိုင်ငံသားတို့အား နိဗ္ဗာန်ရောက်ကြောင်း တရားကောင်းများကို ဝပ်တလုမ်ကျောင်းတိုက် အတွင်း၌၊ နေ့တရားပွဲအဖြစ် ဆင်ယင်ကျင်းပ ဟောကြားပေးတော်မူမည် ဖြစ်ပါသောကြောင့်၊ တရားနာလိုသူ မည်သူမဆို လာရောက်နာကြားနိုင်ကြစေရန်၊ နိဗ္ဗာန်ကို အကျိုးမျှော်၍ တိုက်တွန်းနိုးဆော်အပ်ပါသည်။

ရွှေညဝါဆရာတော် ဘဒ္ဒန္တပညာသီဟ မထေရ်သည်၊ သာဓုပရိယတ္တိစာသင်တိုက်တွင် သီတင်းသုံးနေထိုင်တော်မူကာ။ ရန်ကုန် ဗုဒ္ဓတက္ကသိုလ် နှင့် အဘိဓမ္မာ ရွှေညဝါ ဆရာဖြစ်သင်တန်း များတွင်၊ အကျိုတော်ဆောင် ဆရာတော် တစ်ပါးအဖြစ်ဖြင့်၊ သာသနာ့အကျိုးကို သယ်ပို့ဆောင်ရွက်တော်မူနေကြောင်း သိရှိရပါသည်။

ဆက်ဖတ်ရန်.

အလိုတော်ပြည့် သမိုင်း


အလိုတော်ပြည့်ဘုရားနှင့်ပတ်သက်၍ ရှင်းလင်းချက် (၁၃၇၁-ခုနှစ် နတ်တော်လဆန်း ၁၄-ရက် အကြိုအဓိဋ္ဌာန်ပွဲတွင် အလိုတော်ပြည့်ဘုရား ဂေါပကအဖွဲ့ ကျေးဇူးတင်ဝမ်းမြောက်ကြောင်းစာ။ ဦးပညာသာရ (မိတ္ထိလာ-အလိုတော်ပြည့်)မှ ဖတ်ကြားချက်အား မူရင်းအတိုင်း တင်ပြအပ်ပါသည်။

သဒ္ဓါကြည်လင် ပါရမီရှင် သူတော်ကောင်းအပေါင်းတို့ခင်ဗျာ… (၁၈) ကြိမ်မြောက် အလိုတော်ပြည့်ဗုဒ္ဓပူဇနိယဘုရားပွဲတော်သို့ ရောက်ရှိလာကြကုန်သော ပါရမီရှင် သဒ္ဓါရှင်အပေါင်းတို့အား ကျွန်တော်တို့ ဂေါပကအဖွဲ့မှ ၀မ်းမြောက်ဝမ်းသာ ခရီးဦးကြိုဆို၍ ဂါရ၀ပြုပါကြောင်း ဤအလိုတော်ပြည့်စေတီတော်မြတ်တည်ရှိသည့် နေရာသည် ကျန်စစ်သား မင်းတရားကြီး၏ အောင်မြေအစစ်ဖြစ်ပြီး အဓိဋ္ဌာန် (၃) ချက်ပြည့် မြေနေရာနှင့် ကျန်စစ်သား မင်းတရားကြီးကိုယ်တိုင် တည်ထားကိုးကွယ်ခဲ့သည့် အလိုတော်ပြည့်ဘုရားစေတီဖြစ်ကြောင်း သမိုင်းအထောက်အထားဖြင့် တွေ့ရှိရပါသည်။ အေဒီ ၁၁-ရာစု၌ တည်ထားကိုးကွယ်ခဲ့သော ကျန်စစ်သားမင်းကြီး ကောင်းမှုဖြစ်သည့် အလိုတော်ပြည့်စေတီဘုရားကို ပြန်လည်ပြုပြင်သည့် အင်းဝခေတ်မှ သင်ကြီး ငတုတ်သင် ပြုပြင်ခဲ့ပြီး မိုးဒဏ် လေဒဏ် ဥတုဒဏ်ကြောင့် နောက်ပိုင်း တိမ်မြုပ်ပျောက်ကွယ်၍ နေခဲ့သော ယခုဖူးတွေ့နေရသော ဤစေတီတော်မြတ်သည် ရှေးမူလက်ရာမပျက်ဘဲ ဖူးတွေ့နေရခြင်းမှာ အလိုတော်ပြည့်ဆရာတော်ဘုရား၏ ပြန်လည်ပြုပြင်စီမံပြီး ဖော်ထုတ်ပေးခြင်းကြောင့် ပြည်သူအများ တစ်နှစ်တစ်ကြိမ် လာရောက် ဖူးမျှော်ခွင့်ရရှိပြီး ကုသိုလ်မင်္ဂလာတိုးပွားခြင်းတို့ တွေ့ရှိရပါသည်။

အလိုတော်ပြည့်စေတီတော်မြတ်၏ မွန်ဘာသာဖြင့် အလိုတော်ပြည့်အဓိပ္ပာယ်ရသော ဤဘုရားစေတီတော်မြတ်ကို သစ်သီး၊ ဆွမ်း၊ ပန်း၊ ဆီမီး၊ ရေချမ်းတို့ဖြင့် ဆရာတော်၏ စီမံညွှန်ကြားချက်အတိုင်း စနစ်တကျ ဆုတောင်းပတ္ထနာပြုခဲ့ကြသူများ ဂေါပကမှတ်တမ်းအရ ရာချီပြီး အလိုပြည့်ကြပါသဖြင့် ဘုရားကို ကျေးဇူးဆပ်သောအနေအားဖြင့် ပြန်လည်လှူဒါန်းခြင်း နောက်ထပ်လာပြီး ဆုတောင်းခြင်းစသည်များကို ဆုတောင်းပြည့်သည့် ကာယကံရှင်များ ပြန်လည်ပြောကြားသဖြင့် မှတ်တမ်းတင်ရှိပါသည်။

မိမိစိတ်သဘောအတိုင်း ဆုတောင်းပြီး အလိုဆန္ဒပြည့်ဝသူများလည်း မြောက်မြားစွာ တွေ့ရှိနေရပါသည်။ ပြည်တွင်းပြည်ပ နိုင်ငံခြားပါမကျန် နတ်တော်လပြည့်နေ့ ရောက်ရှိတိုင်း မိမိတို့၏ အိမ်၌ ကိုးကွယ်ထားသော အလိုတော်ပြည့် ဗုဒ္ဓရုပ်ပွားတော်ထံမှ ဆွမ်း၊ ဆီမီး၊ ရေချမ်း၊ ပန်း၊ သစ်သီးတို့ဖြင့် လှူဒါန်းဆုတောင်း၍ အလိုပြည့်ကြသူများ များပြားလှသည်ကို ပြန်ပြော၍ မှတ်တမ်းတင်ထားခြင်းကို တွေ့ရှိရပါသည်။ ဒါကြောင့် ယုံကြည်သဒ္ဓါ ပွားများစွာဖြင့် တကယ်တမ်း ယုံကြည်မှုအားကိုးပြီး တိကျမှန်ကန်သော ဆုတောင်းခြင်းစနစ်ဖြင့် လှူဖွယ်ဝတ္ထု ပြည့်ပြည့်စုံစုံ လှူဒါန်းပြီး ဆုတောင်းပါက တကယ်ပြည့်စုံသည့် အကြောင်းကို အများပြည်သူ ဆုတောင်းပြည့်သောပုဂ္ဂိုလ်များက သက်သေပြနေပါသည်။

ရောက်ရှိလာကြကုန်သော သဒ္ဓါကြည်လင် ပါရမီရှင် အပေါင်းတို့ အချို့အချို့သော ပုဂ္ဂိုလ်များ မယုံတစ်ဝက် ယုံတစ်ဝက်ဖြင့် ဆုတောင်းပြီး ပြည့်စုံသွားသော ပုဂ္ဂိုလ်များလည်း မနည်းလှပါဘူး။ တစ်ချို့ကလည်း လုံးဝမယုံကြည်ဘဲ အမနာပ ကဲ့ရဲ့ရှုတ်ချ သရော်သလို ပြောင်သလို ပြောဆိုနေကြတာကို တစ်စွန်းတစ်စ ကြားရပါတယ်။ ဒါဟာ မနာလိုတဲ့စိတ် မကြိုက်တဲ့စိတ်ထားဖြင့် အပြစ်ပြောတာ ရောက်ပါတယ်။ ဘုရားရှင်ကိုလည်း ကဲ့ရဲ့အပြစ်ပြောတာ ရောက်ပါတယ်။ ဗုဒ္ဓဘာသာ မြန်မာလူမျိုးတို့၏ ရှေးပဝေသဏီကစပြီး ဆုတောင်းဆုယူဆိုတာ ရှိခဲ့ပါတယ်။ သြကာသကန်တော့ခန်း၌ နောက်ဆုံး နိဗ္ဗာန်ရရပါလို၏လို့ ဆုတောင်းခြင်းသည် မမြင်ရ မသိရ မရောက်ရသေးတဲ့ နိဗ္ဗာန်ကို အနုမာနနည်းအားဖြင့် မှန်းဆ၍ ရောက်လိုသော ဆန္ဒ စိတ်ဓာတ်မျိုးဖြင့် ဆုတောင်းကြတယ်၊ ပြောကြပါတယ်၊ ဆုတောင်းသည့်အတိုင်း တကယ်အားထုတ်ရင် တကယ် မဂ်ဖိုလ်နိဗ္ဗာန် ပြည့်စုံပြီး ရောက်သွားတယ်ဆိုတာ သံသရာဖြစ်စရာမလိုဘူးဆိုတာ တွေ့နေကြရပါတယ်။

ဒါကြောင့် တကယ်သဒ္ဓါတရားရှိပြီး ဘုရားအပေါ်၌ မမှိတ်မသုန် ယုံကြည်သောအား ရှိခဲ့ပါလျှင် “သဒိသံ ပါကံ ဇနေတိ”ဆိုတဲ့အတိုင်း တူသောအကျိုးကို ပေးနိုင်ပါတယ်။ သို့သော်လည်းပဲ ဘုရားက တစ်လုံးတစ်ခဲတည်းပဲ ပေးနိုင်တာမဟုတ်ဘဲ မိမိဝတ္ထုလှူဖွယ် သဒ္ဓါတရားကသာလျှင် တူသောအကျိုးကို ပေးစွမ်းနိုင်ခြင်း ဖြစ်ပါတယ်။ ဒါကြောင့်မို့လို ဆုတောင်းပွဲကို အားခဲပြီး ရောက်လာကြကုန်သော သူတော်ကောင်းအပေါင်းတို့အား မမှိတ်မသုန် ယုံကြည်ခိုင်မြဲသော သဒ္ဓါတရားထားပြီး မိမိလှူဒါန်းသော လှူဖွယ်ဝတ္ထုများ သဒ္ဓါစိတ်ဓာတ်ပွားများပြီး ဂုဏ်တော်ကိုးပါးနှင့် ပွားများဆောက်တည်ခဲ့တဲ့ အဓိဋ္ဌာန်ဖြင့် ပြုလုပ်ခဲ့ပါလျှင် မိမိနှင့်ထိုက်တန်တဲ့အကျိုးတရားတစ်ခုခုကို ခံစားရမယ်လို့ ယုံကြည်ချက်ကို လက်ခံထားပြီး အားထုတ်ကြပါလို့ တိုက်တွန်းယင်း နိဂုံးချုပ်အပ်ပါတယ် ခင်ဗျား။

အလိုတော်ပြည့် http://alodawpyei.org/18cele.php သို့ဝင်ရောက်ကြည့်ရှူ့နိုင်ပါသည်။

ဆက်ဖတ်ရန်.

ဝပ်တလုမ်ကျောင်း၌ ဆောင်းရာသီ ခြုံစောင်များဆက်ကပ် လှူဒါန်း၊


ဝတ်တလုမ်=၆-၁၂-၂၀၀၉။
ထိုင်းနိုင်ငံ၊ ဘန်ကောက်မြို့၊ ဝပ်တလုမ်ကျောင်းတိုက်တွင် သီတင်းသုံးနေထိုင်တော်မူရင်း တက္ကသိုလ်အသီးသီးတို့၌ ပညာသင်ကြားနေကြသော မြန်မာရဟန်းတော် ၅၀ ကျော်တို့အား၊ ကိုထွန်းလင်း ဦင်္းဆောင်သော စေတနာရှင် မြန်မာအလုပ်သမားများမှ ဆောင်းရာသီသုံး ခြုံစောင်းများနှင့် အလှူတော်ငွေ ဘတ် ၂၁၀၀ တိတိတို့ကို ဘဏ္ဍာတော်ငွေအဖြစ် ဆက်ကပ်လှူဒါန်းပြီး။ နေ့ဆွမ်းအတွက် ကိုထွန်းလင်း နှင့် မမလေး တို့မှ ဆက်ကပ်လှူဒါန်းကြောင်း သိရှိရသဖြင့် စေတနာရှင်များ သာဓုအနုမောဒနာ ခေါ်ဆိုနိုင်ရန် အသိပေးအပ်ပါသည်။

ဆက်ဖတ်ရန်.

ဘုရင့်မွေးနေ့၌ ထိုင်းနိုင်ငံရောက် မြန်မာအလုပ်သမားများ ဆွမ်းဆန်စိမ်းလောင်းလှူ


၅-၁၂-၂၀၀၉၊ နေ့၊ နံနှက် ၁၀း၀၀ အချိန်တွင်၊ ဘန်ကောက်မြို့၊ ဖိကဆင်လမ်း ၁၂၂- မြန်မာစက်ရုံ အလုပ်သမားများ စုပေါင်း၍၊ ဆွမ်းဆန်စိမ်းလောင်းလှူပွဲကြီးကို စည်ကားသိုက်မြိုက်စွာ ပြုလုပ်လှူဒါန်းကြရာ၊ ၄င်းလှူဒါန်းပွဲအခန်းအနားသို့ ဝပ်တလုမ်ကျောင်းဆရာတော် ဖရမဟာဘုန်းထိန်ဇုတိနြေ္ဒာ ဦးဆောင်း၍၊ ပင့်သံဃာ မြန်မာရဟန်းတော်များ ၆၀ ပါးခန့်ကြွရောက်ချီးမြင့်ကြောင်း၊ ကြားသိရပါသည်။ ၄င်းစက်ရုံတွင် အလုပ်လုပ်ကိုင်နေကြသော မြန်မာပြည်အရပ်ရပ်မှ မြန်မာအလုပ်သမား ၅၀၀၀ ကျော်ရှိကြောင်းနှင့်၊ ဝပ်တလုမ်ကျောင်းတွင် သီးတင်းသုံးနေထိုင်တော်မူရင်း၊ တက္ကသိုလ်အသီးသီးတို့၌ ပညာသင်ယူနေကြသော မြန်မာရဟန်းတော်များအား၊ အပါတ်စဉ် တနင်္ဂနွေနေ့တိုင်း သံဃာသုံးပါးကို အလှည့်ကျ ပညာဒါနအဖြစ် ထောက်ပံ့လှူဒါန်းလျှက်ရှိကြောင်း ကြားသိရပါသည်။

ဆက်ဖတ်ရန်.

ပြည်သူချစ်သော ထိုင်းဘုရင်မင်းမြတ် ဘူမိဘောအဒူလျာဒက်(ဒ်)၏ ၈၂-နစ်ပြည့် မွေးနေ့။


ထိုင်းဘုရင်မင်းမြတ် ဘုမိဘောအဒူလျာဒက်(ဒ်)သည် ထိုင်းနိုင်ငံတွင် ၁၇၈၂ ခုနစ်မှ စတင်၍စိုးစံလာသော ချက်ကရီမင်းဆက်အနွယ်တော်မှ ဆင်းသက်လာခဲ့သော နဝမမြောက် ရာမဘုရင် ဖြစ်သည်။
ဘုရင်ဘူမိဘောအဒူလျာဒက်(ဒ်)သည် ဆောင်းကုလားမင်းသား မဟီဒိုး (Prince Mahidol of Sonkhla) နှင့် မင်းသမီး ဆိုင်းဝန် မဟီဒိုး (Mon Sangwalya Mahidol) တို့၏ သားထွေးဖြစ်သည်။ ၁၉၂၇ ခု၊ ဒီဇင်ဘာလ ၅ ရက်နေ့တွင် အမေရိကန်ပြည်ထောင်စု မက်ဆာချူးဆက်ပြည်နယ် ကိန်းဗရစ်မြို့တွင် ဖွားမြင်ခဲ့သည်။ သူ၏ အစ်မတော်မှာ မင်းသမီး ဂါလာယာနီဗာဓာန (H.R.H. Princess Galayani Vadhana) နှင့် နောင်တော်မှာ အဋ္ဌမမြောက် ရာမဘုရင်ဘွဲ့ခံ အနန္ဒမဟီဒိုး (H.M.King Ananda Mahidol Rama VIII) တို့ ဖြစ်ကြသည်။ မင်းသားအား ဖွားသန့်စင်စဉ်က ဘုရင်ဘူမိဘောအဒူလျာဒက်(ဒ်)၏ ခမည်းတော် ဆောင်းကုလား မင်းသားသည် အမေရိကန်ပြည်ထောင်စုရှိ ဟားဗတ်တက္ကသိုလ်၌ ပညာသင်ကြားလျှက်ရှိနေချိန်ဖြစ်သည်။
ထို့နောက် ဘုရင်ဘူမိဘောအဒူလျာဒက်(ဒ်)သည် ထိုင်းနိုင်ငံ ဘန်ကောက်မြို့နှင့် ဆွစ်ဇာလန်နိုင်ငံ လော့ဆိန်းမြို့တွင် ပညာသင်ကြားခဲ့သည်။ နောင်တော်ဘုရင် အနန္ဒမဟီဒိုး ရုတ်တရက်နတ်ရွာစံသောအခါ ဘုရင်ဘူမိဘောအဒူလျာဒက်(ဒ်)သည် နောင်တော်၏အရိုက်အရာကို ၁၉၄၆ ခု၊ ဇွန်လ ၉ ရက်နေ့တွင် ဆက်ခံတော်မူ၍ ယနေ့တိုင် ထိုင်းနိုင်ငံထီးနန်း၌ စိုးစံလျှက်ရှိသည်။
ဘုရင်ဘူမိဘောအဒူလျာဒက်(ဒ်)သည် (၁၉၅၀ ပြည့်နစ်၊ ဧပြီလ ၂၈ ရက်နေ့တွင်) ထိုင်းမင်းသားကြီး ချန်ဒရာမူရီဆူနတ်၏ သမီးတော်ဖြစ်သူ သီရိခေတ် (Mon Rajawongse Sirikit Kiktiyakara) မင်းသမီးနှင့် ၁၉၅၀ ပြည့်နှစ်၊ ဧပြီလ ၂၈ ရက်နေ့တွင် စုလျားရစ်ပတ် လက်ထပ်ထိမ်းမြားခဲ့သည်။ သီရိခေတ်ကို ဆွစ်ဇာလန် နိုင်ငံတွင် ပညာသင်ကြားနေစဉ်ကပင် တွေ့မြင်ရင်းနှီးမေတ္တာမျှခဲ့ခြင်းဖြစ်သည်။ သီရီခေတ်သည် နုပျိုစဉ်အခါက ကမ္ဘာတစ်ခွင်တွင် အချောအလှဆုံး အမျိုးသမီးများတွင် တစ်ဦးအပါအဝင်အဖြစ် ထင်ပေါ်ကျော်ကြားခဲ့သည်။ စုလျှားရစ်ပတ်ပြီး နောက် ထိုနစ် မေလ ၅ ရက်နေ့၌ပင် ရာဇာဘိသေက အခန်းအနားကို ကြီးကျယ်စွာဆင်ယင် ကျင်းပပြီးဘိသိက်ခံခဲ့သည်။ ထိုင်းဘုရင် ဘူမိဘောအဒူလျာဒက်(ဒ်)သည် ရွှေနန်းပြာသာဒ်တွင် အငြိမ့်သား ဇိမ်ခံ၍ နေနိုင်သူဖြစ်သည်။ ပုံပြင်ဆန်သော နန်းပြသာဒ်များကို သူ ပိုင်ဆိုင်သည်။ သို့သော် ဘုရင်းတစ်ပါးပင်ဖြစ်သော်ငြား ပြည်သူအကြားသို့ဝင်၍ ပြည့်သူ့ဝန်ကို ထမ်းရွက်နေသူဖြစ်သည်။
ဘုရင်ဘူမိဘောသည်ကား ဆက်ဦးဆံပိုင်ဘုရင်တစ်ပါးမဟုတ်ပေ၊ ထို့ပြင် [အင်နာခင်နှင့် ယိုးဒယား(ထိုင်း) ဘုရင်] ဝတ္ထုထည့်ကလို ဒေါသ မာန်မာနကြီးမား၍ အာဏာစက်ပြင်းလှသော သူ၏ ဘိုးတော်လို ဘုရင်ကြီးလည်းမဟုတ်ပေ။ ဘူမိဘောသည် ငယ်စဉ်ကတည်းက အရှက်အကြောက်ကြီးသူ ဖြစ်သည်။ စိတ်ကောင်း နှလုံးကောင်းရှိသည်၊ အမူအရာခက်ထန်မောက်ကြွားမှုကင်းသည်။ မည်သူ့ကိုမဆို ကူညီရိုင်းပင်းလိုသော လူမှူဝန်ထမ်းစိတ်ရှိ အပြည့်ရှိသည်။ သည်စိတ်ဓာတ်များကြောင့်ပင် သူသည် ရွှေအိမ်နန်း နှင့် ကြငှန်းစံသောဘဝမှနေ၍ မြေကြီးပေါ်သို့ဆင်းကာ ဗျိုက်တော်နှင့် ရွှံ့ညွန်အကြား ခြေစုံပင်ကွဲစေဦးတော့ တိုင်းပြည်နှင့်လူမျိုးအကျိုးရှိမည့် အလုပ်မှန်သမျှ အားမာန်အပြည့်နှင့် တစိုက်မတ်မတ် အမျှင်မပြတ် သယ်ပိုးခဲ့သည်။
လယ်သမားများနှင့် အသိချင်းဖလှယ်ခဲ့သည်။ ဘူမိဘောတိုင်းခန်းလှည့်လည်ရာ၌ သူ့နောက်ပါးတွင် အစိုးရအရာရှိများနှင့် ဆောက်လုပ်ရေး အင်ဂျင်နီယာများလည်းပါသည်။ အထူကုဆရာဝန်များနှင့် သွားအထူးကု ဆရာဝန်များလည်းပါသည်။ ဆရာဝန်များနှင့် ကျန်းမာရေးဝန်ထန်းများက ဒေသခံဆေးရုံများနှင့် ပူးပေင်း၍ အခမဲ့ ကုသပေးသည်။
ယနေ့ထိုင်းနိုင်ငံသည် အာရှတိုက်တွင် ထွန်းသစ်စ စက်မှူနိုင်ငံဘဝသို့ရောက်ရှိနေပြီဖြစ်သည်။ သို့ပင်ဖြစ်သော်ငြားလည်း လယ်ယာလုပ်ငန်းသည်သာ ထိုင်းနိုင်ငံ၏ အဓိကစီးပွားရေးကျောရိုးဖြစ်သည်ဟု ဘူမိဘောက လက်ခံထားသည်။ ကျေးလက်တောရွာများနှင့် တောင်ပေါ်ဒေသများ နယ်စပ်ဒေသများတွင် ဆင်းရဲမွေးတေမှူနှင့် လူမှူပြဿနာရှိနေသမျှ တိုင်းပြည် မတည်ငြိမ်နိုင်ကြောင်း ဘုရင်ဘူမိဘော ကောင်းကောင်း သိသည်။
ထို့ကြောင့်ပင်လျှင် သူ့လုပ်ဆောင်ချက်များကို ဘူမိဘောဘုရင်က (ကြိုတင်ကာကွယ်ရေးဆေးဝါး) ဟုတင်စားခဲ့သည်။ ‘‘ ပြည့်သူ့အတွက် ချက်ချင်းဆောင်ရွက်‘‘ ဆိုသည်မှာလည်း ဘုရင်ဘူမိဘော၏ လက်တွေ့  ကျင့်သုံးလျှက်ရှိသည့် ဆောင်ပုဒ်တစ်ခုဖြစ်သည်။ သို့ကလို ပြည်သူ့အကျိုးကို နေ့မအား ညမနား ဆောက်ရွက် ပေးလျက်ရှိသောကြောင့် ထိုင်းဘုရင်မင်းမြတ်သည် ထိုင်းနိုင်ငံတိုင်းသူပြည်သားများ၏ စည်းလုံးညီညွတ်ရေး အထိန်းအမှတ်အဖြစ်ဖြင့် ရပ်တည်နိုင်ခဲ့သည်။ ယခုအခါ ဘုရင်ဘူမိဘော၏ နန်းသက်မှာ နစ်ပေါင်း ၅၀ ကျော်ခဲ့ပြီဖြစ်သည်။ ဘူမိဘောနန်းသက်တစ်လျှောက်၌ ကမောက်ကမ ဖြစ်မှူများ အတောမသတ်နိုင်အောင် ကြုံတွေ့ခဲ့ရသည်။
စစ်တပ်မှ အာဏာသိမ်းပိုက်မှူ ၁၉ ကြိမ်၊ ဖွဲ့စည်းအုပ်ချုပ်ပုံဥပဒေသစ် ပျင်ဆင်ရေးအဖွဲ့မှ ၁၀ ကြိမ်နှင့် အကြိမ်ပေါင်း မရေတွက်နိုင်သော ကက်ဘိနက်အစိုးရဝန်ကြီးအဖွဲ့ ပြောင်းလဲဖွဲ့စည်းမှူများကို တွေ့ကြုံဖြတ်သန်း ခဲ့ရသည်။
ဘုရင်ဘူမိဘောသည် လုပ်ပိုင်ခွင့်အာဏာ ကန့်သတ်ခံထားရသော စည်းမျဉ်းခံဘုရင်တစ်ပါးဖြစ်သည်။ သို့ရာတွင် သူကား ပြည့်သူချစ်သောဘုရင်တစ်ပါးဖြစ်သည်။ ပြည်သူကိုအလုပ်အကြွေးပြုသော မင်းတစ်ပါးသာ ဖြစ်သည်။ သူ၏ကိုယ်ရေကိုယ်သွေးစွမ်းပကားကား ကြီးမားလှသည်။ သူ၏တည်ဆောက်ရေး လုပ်ငန်းများသည် ထိရောက်အောင်မြင်သောလုပ်ဆောင်မှူများဖြစ်ခဲ့သည်။ ထိုင်းစစ်တပ်ကလည်း အစိုးရတွေ တစ်ဖွဲ့ပြီး တစ်ဖွဲ့ သာ ဖြုတ်ချခဲ့သည် ဘုရင်ဘူုမိဘောကိုမူ သစ္စာရှိကြသည်။ အာဏာရယူရေးကိစ္စများတွင် ဘုရင်ဘူမိဘောသည် မည့်သူ့ဖက်မျှမပါဝင်ပဲ သိက္ခာသမာဓိနှင့်နေခဲ့သည်။ ကျောသားရင်သား မခွဲခြားပဲ တရားနည်းလမ်းကျစွာ အဆုံး အဖြတ်ပေးသည်။
ဘူမိဘောသည် ထိုင်းဘုရင်တစ်ပါးဖြစ်သော်လည်း သူ၏နိုင်ငံတွင် ဒီမိုကရေဆီအပြည့်အဝ ပေါ်ထွန်း ရေးကို ဦးတည်သောလုပ်ဆောင်ချက်များကိုသာ လိုလားနစ်သက်သူဖြစ်သည်။ ထိုင်း ဘုရင်ဘူမိဘော၏ ပုဂ္ဂိုလ်ရေး အာဏာသည် သူ၏ နန်းသက်တစ်လျှောက်တွင် ကြာလေခိုင်မြဲလေ ဖြစ်သည်။ ထိုင်းနိုင်ငံသမိုင်းတွင် ဘူမိဘောအဒူလျာဒက်(ဒ်)သည် နန်းသက်အရှည်ကြာဆုံး မင်းတစ်ပါးအဖြစ် သမိုင်းမှတ်တိုင်စိုက်ထူခဲ့လေပြီ။ ဘုရင်ဘူမိဘောသည် မရည်ရွယ်ပဲ စော်ကဲမင်းဖြစ်ဆိုသလို နောင်တော် အနန္ဒမဟီဒိုးမှာ သူ၏ အိပ်ခန်းဆောင်၌ သေနပ်ဒါဏ်ရာဖြင့် ထူးဆန်းစွာလုပ်ကြံသတ်ဖြတ်ခြင်း ခံရပြီးနောက် နောင်တော်၏ ထီးနန်းအရိုက်အရာကို ညီတော်ဖြစ်သောဘူမိဘောက ၁၉၄၆ ခုတွင် စတင်တာဝန်ထမ်းဆောင်ခဲ့ရသည်။ နောင်တော်နတ်ရွာစံစဉ်က ဘုရင်ဘူမိဘောမှာ ၁၈ နစ်သာရှိသေးကာ ဆွစ်ဇာလန်နိုင်ငံ၌ ပညာသင်ကြားနေချိန်ဖြစ်သည်။
ဘူမိဘောသည် ဘုရင်ဖြစ်လာပြီးနောက် နဝမမြောက်ရာမဘုရင် ဘွဲ့ကိုသာမက မဟာရာဇာ ဘွဲ့ကိုပါ ပြည်သူ၏ ဆန္ဒနှင့်အညီခံယူခဲ့သည်။ ဘူမိဘောသည် ၁၇၈၂ ခုနစ်ကပင် စတင်ခဲ့သော ချက်ကရီမင်းဆက် အနွယ်မှ ဆင်းသက်လာသူဖြစ်သည်။ ဘုမိဘော၏ ဘိုးတော်မှာ မောင်းကွတ်ဘုရင်ဖြစ်သည်။ ထိုဘုရင်ကြီး အကြောင်းကို မှီငြမ်းရေးဖွဲ့ထားသော ကမ္ဘာကျော်ဝတ္ထုတစ်ပုဒ် ပေါ်ထွက်ခဲ့ဖူးသည်၊ အင်နာခင် နှင့် ယိုဒယား (ထိုင်း) ဘုရင် (Anna and the King Siam) ဖြစ်သည်။ ထိုဝတ္ထုကို နောင်အချိန်တွင် ကမ္ဘာကျော် ခေါင်းတုံးမင်းသား ယူလ်ဘရိုင်နား နှင့် ရုပ်ရှင်ပြန်ရိုက်သောအခါ ဘုရင် နှင့် ကျွနုပ် (The King and I) အဖြစ် ကျော်ကြားခဲ့လေ၏။
ထီးနန်းကို ဆက်ခံပြီးနောက် နစ်လကြာသောအခါ ဆွစ်ဇာန်နိုင်ငံ သို့ ပြန်သွားကာ လော့ဆန်းတက္ကသိုလ် တွင် သိပ္ပံ၊ ဥပဒေ ပညာ နှင့် နိုင်ငံရေးပညာရပ်များကို ဆက်လက်သင်ယူခဲ့လေသည်။ ဆွစ်ဇာလန်နိုင်ငံတွင် ဘွဲ့ရပြီးနောက် ၁၉၅၁ ခုနစ်တွင် ထိုင်းနိုင်ငံသို့ပြည်တော်ပြန်ခဲ့သည်။ ထိုအချိန်မှအစပြု၍ ထိုင်းဘုရင်ဘူမိဘောအဒူလျာဒက်(ဒ်)သည်၊ ထိုင်းနိုင်ငံထီးနန်း၌ သက်တမ်းအကြားဆုံး ချက်ကရီမင်းဆက် နဝမမြောက် ရာမဘုရင်အဖြစ်ဖြင့် ယနေ့ တိုင် ဆက်လက်စိုးစံအုပ်ချုပ်လာခဲ့သည်မှာ သက်တော် ၈၂ နစ်မွေးနေ့သို့တိုင်ခဲ့လေပြီးဖြစ်သည်။

ထိုင်းဘုရင်မင်းမြတ်ဘူမိဘောအဒူလျာဒက်(ဒ်)သည်၊ ဒီဇင်ဘာလ ၅ ရက်နေ့တွင်ကျရောက်သော် ၈၂ နစ် မြောက်မွေးနေ့မှသည် နောင်နစ်ပေါင်းများစွာတိုင်အောင် တိုင်းပြည်ကို ဆက်လက် အုပ်ချုပ်ပါစေသတည်း။

ဆက်ဖတ်ရန်.

တိပိဋကဓရ ဓမ္မဘဏ္ဍာဂါရိက ဆရာတော် ဘဒ္ဒန္တဝံသပါလာလင်္ကာရ(မြင်းမူ)


ဝပ်တလုမ်-၃-၁၂-၂၀၀၉၊

တိပိဋကဓရ၊ဓမ္မဘဏ္ဍာဂါရိက၊ဆရာတော်ဘဒ္ဒန္တဝံသပါလာလင်္ကာရ သည်၊ ယနေ့ ည ၀၈း၀၀ အချိန်တွင်၊ မြန်မာနိုင်ငံမှ ပညာတော်သင်ရောက်ရှိနေကြသော ရဟန်းတော်များ အများဆုံးသီးတင်းသုံးရာ၊ ဘန်ကောက်မြို့ ဝပ်တလုမ်ကျောင်းတိုက်သို့ ကြွရောက်လာစဉ်၊ ပညာတော်သင်ရဟန်းတော်များမှ ဖူးမျှော်ကြည့်ညို ကန်တော့ ကြပြီး။ ဝပ်တလုမ်ကျောင်းထိုက်ကြီး၏၊ ဦးစီးပဓာနနာယက ဖြစ်တော်မူသော ဆရာတော် ဖရမဟာဘုန်းထိန်ဇုတိနြေ္ဒာ နှင့်တွေ့ ဆုံကာ၊ မဟာချိုင်မြို့ညတရားပွဲသို့ ဆက်လက်ကြွသွားတော်မူကြောင်း သတင်ရရှိပါသည်။ တိပိဋကဆရာတော် ဘဒ္ဒန္တဝံသပါလာလင်္ကာရသည်၊ မြန်မာနိုင်ငံရှိ မင်းကွန်းတိပိဋကနိကာယ ကျောင်းတိုက်တွင်နေထိုင်သီးတင်းသုံးကာ၊ အနယ်နယ်အရပ်ရပ်သို့၊ လှည့်လည်ကာ တရားဒေသနာတော်များ ဟောကြားတော်မူနေပြီး၊ မိမိမွေးဖွားရာဇာတိဖြစ်သော စစ်ကိုင်းတိုင်း၊ မြင်းမူမြို့နယ်၊ ခွက်ခွင်းကျေးရွာတွင်၊ အခြေခံပညာအထက်တန်းကျောင်း နှင့် တိပိဋကဇီဝိတဒါန တိုက်နယ် ဆေးရုံတို့ကို ဆောက်လုပ်ကာ၊ ပရဟိတများကိုလည်း စွမ်းစွမ်းတမံ၊ ဆောင်ရွက်လျှက်ရှိကြောင်း၊ ကြားသိရပါသည်။

ဆက်ဖတ်ရန်.

ကမ္ဘာကြီး တကယ်ပျက်တော့မည်။

အခုတစ်လော ရွာဦးကျောင်းသို့ ရောက်လာသူမှန်သမျှ ကပ္ပိယကျော်ခေါင် မှ အစပြုကာ လူတိုင်းလူတိုင်း၏ စကားဝိုင်းကို သတိထားမိသလောက် ပြန်ပြောပြရရင်၊ လာမည့် ၂၀၁၂- ခုနစ် ဒီဇင်ဘာလ ၂၁ ရက်နေ့မှာ ကမ္ဘာကြီးပျက်မည်ဟူသော စကားကို မကြားချင်အဆုံး ကြားနေရလေသည်၊ ဤစကားသည် အဘယ်မျှမှန်ကန်မှူ ရှိသည်မရှိသည်ကို သိချင်စိတ်နှင့် လေ့လာမိသောအခါ တကယ်ပင်ကမ္ဘာကြီးပျက်စီးချိန်နီးနေပြီဟု ကောက်ချက်ချမိလေတော့၏။ သို့သော် ကပ္ပိယကျော်ခေါင်တို့ ပြောဆို နေသလို ၂၀၁၂- ခု မှာတော့လုံးဝ ဤကမ္ဘာကြီးမပျက်စီးနိုင်သေးကြောင်းကို ရွာဦးကျောင်းဆရာတော် တာဝန်ယူသည်ဟု မုချ ပြောဆိုနိုင်လေသည်။ အကြောင်းမှာကား=ဤဘဒ္ဒကမ္ဘာပေါ်တွင် အရိမိတ္တေယျဘုရားပွင့်တော်မမူသေး၊ ဘုရားလေးဆူသာပွင့်သေးသည်၊ ဘုရားငါးဆူပွင့်တော်မူရန် ဧကန်မုချ ဗျာဒိတ်တော် ရရှိထား သောကြောင့်ဟူ၍ ဘာသာရေးရှူထောင့်က ပြောဆိုနိင်သောကြောင့်တည်း။ နောက်တနည်းမှာ ဤကမ္ဘာပျက်သတင်းကို NASA အဖွဲ့မှ တရားဝင် ထုပ်ပြန် ထားခြင်းလည်းမရှိသေးခြင်း၊ လွန်ခဲ့ပြီးသော နိုဝင်ဘာလကမှ ကမ္ဘာအနီးကို အလွန်နီးကပ်စွာ ဖြတ်သွားခဲ့သော ဂြိုဟ်တစ်လုံးကို ကမ္ဘာသို့ အနီးကပ်ဆုံးမရောက်ခင် ၁၅- နာရီအလိုလောက်မှ သိလိုက်ရခြင်း တို့ကို ထောက်ဆ၍ ဤကမ္ဘာပျက်မည့်အရေးကို လွန်ခဲ့သော ၂၆- နှစ်ခန့် (၁၉၈၃) ခုနစ်ကတည်းက NASA က သိထားနှင့်ပြီး ထိုင်ချန်ထားခဲ့သည်ဆိုသော သတင်းမှာလည်းလုံးဝ ဖြစ်နိုင်ခြေမ ရှိခြင်း၊ စသည် အကြောင်းတရာများကြောင့် လုံးဝ မဟုတ်ကြောင်းကို ရွာဦးကျောင်းဆရာတော် အတိအလင်း ပြောဆို နိုင်လေ သည်။ ပျက်စီးချိန်နီးပြီး ဟုသော စကား ကို အဘယ် ကြောင့်ပြောဆိုနိုင်သနည်းဟုသော်ကား၊ ယခုကဲ့သို့ကောလာဟလ ဖြစ်ထွန်းနေရခြင်းသည် ဗုဒ္ဓဘာသာ ရှု့ထောင့်မှကြည့်လျှင် ကမ္ဘာပျက် မည့်နိမိတ် လက္ခဏာဟုဆိုအပ်သော ကပ္ပကောလာဟလ တစ်ခုဖြစ်နိုင်ကြောင်း နှင့် ကမ္ဘာကြီးဧကန်မု ချပျက်တော့မည် ဆိုလျှင် နစ်ပေါင်းတစ်သိန်းအလိုလောက်ကစ၍ ယခုကဲ့သို့ ကောလာဟလများ ပေါ်ထွက်တတ်ကြောင်းကို
ဗုဒ္ဓစာပေများတွင်လေ့လာမှတ်သားဖူး၏။ အခုတလော ရပ်ထဲရွာထဲတို့၌ ပြသလျှက်ရှိသော ဒါရိုက်တာ ရိုလန်အီမာရစ်ခ်ျ ရိုက်ကူးထားသော Godzilla, Independence Day, The after tomorrow, 2012, ရုပ်ရှင်ကားတို့မှာ နောင်နစ်ပေါင်း တစ်သိန်းလွန်သောအခါ ဤကမ္ဘာကြီးပျက်စီးတော့မည့် အရိုက်အယောင် နိမိတ်လက္ခဏာများသာ ဖြစ်ပါလိမ့်မည်၊ တနည်းဆိုရသော် ကပ္ပကောလာဟလ ကမ္ဘာပျက်မည့် နိမိတ်လက္ခဏာ များသာဖြစ်သေးကြောင်းဟု၍ မှတ်ချက်ချရမည်ဖြစ်၏။ သိပ္ပံပညာရှင်များက လောကတွင် မဖြစ်နိုင်တာ မရှိ မဖြစ်သေးသည်သာရှိ၏ ဟူ၍ ပြောဆိုကြလေ၏၊ ထိုစကားကို ရွာဦင်္းကျောင်းဆရာတော်က ဤသို့ ပြန်၍ ပြောဆိုလိုပေသည်၊ ဖြစ်ပြီးသောအရာမှန်သမျှတို့သည်လည်း မပျက်စီးနိုင်တာမရှိ မပျက်သေးသည်သာ ရှိ၏ ဟူ၍ဖြစ်လေ၏။ ဤသည်မှာလည်း အရမ်းကာရော ပြောကြားခြင်းမဟုတ်ပေ၊ ဗုဒ္ဓဘုရား ဟောတော် မူခဲ့ သော အနိစ္စာ ဝတ သင်္ခါရာ- ဟူသော စကားကိုထောက်၍ ပြောဆိုခြင်းသာလျှင်ဖြစ်လေ၏။ သို့သော် ကမ္ဘာပျက် မည့်အရေးကိုတွေး၍ ကြောက်နေလျှင် တက်တီးတိုးငှက်ငယ်သည် ကောင်ကင်ကြီးပြိုကျပျက်စီးမည်ကို စိုး၍ အလွန်သေးငယ်သော မိမိ၏ ခြေထောက်ငယ်လေးကို မိုးပေါ်သို့ထောင်၍ အိပ်သကဲ့သို့ ရှိလိမ့်မည်တကား။ အကယ်၍ ဤကမ္ဘာကြီး တကယ်ပျက်တော့မည်ဆိုလျှင်သော်မှ အနည်းဆုံး နစ်ပေါင်း တစ်သိန်းအထက် နေရအုံး မည်ဖြစ်ကြောင်း ရွာဦးကျောင်း ပရိဿတ်အား တင်ပြအပ်ပါသည်။ သို့သော် =ဤကမ္ဘာကြီးတကယ် မပျက်သေးပါ။

ဆက်ဖတ်ရန်.

ကျေးဇူးတော်အရှင် ဖြုးဆရာတော် ၏ အန္တိမအဂ္ဂိ ဈာပန အခမ်းအနား- ဓါတ်ပုံများ

ကိုယ်တိုင်ဖူးတွေ့ရသကဲ့သို့ ကုသိုလ်ပွားများစေရန် ရည်ရွယ်မျှဝေပါသည်။




ဆက်ဖတ်ရန်.

ဖြူးဆရာတော်ဘုရားကြီး၏ အန္တိမဈာပနအခမ်းအနား

ဖြူးဆရာတော်ဘုရားကြီးအား ပူဇော်သောအနေဖြင့် ယနေ့ည (၂၅-၁၁-၂၀၀၉)မှ စ၍ ငါးညတိုင်တိုင် တရားပွဲများကို ကျင်းပမည်ဖြစ်ပါသည်။ တစ်ညလျှင် ဆရာတော်နှစ်ပါးကျစီ တရားဟောကြမည်ဖြစ်ပါကြောင်း ဘုန်းဘုန်း ဦးအဂ္ဂဝရမှ မိန့်တော်မူပါသည်။

၂၅-၁၁-၂၀၀၉ - ပျဉ်းမနားဆရာတော် ဦးဇဋိလနှင့် ဆရာတော်ဦးသုမင်္ဂလ (ဒယ်အိုးဆရာတော်)

၂၆-၁၁-၂၀၀၉ - မြစ်သားဆရာတော်ဘဒ္ဒန္တဝါသဝနှင့် တိပိဋက စွန်းလွန်းဆရာတော်ဦးသုန္ဒရ

၂၇-၁၁-၂၀၀၉ - (၁၂)ဘွဲ့ရ ကျိ်ုက်ထိုဆရာတော် ဘဒ္ဒန္တနန္ဒောဘာသာဘိဝံသ နှင့်
ဓမ္မဒူတဆရာတော် အရှင်ဆေကိန္ဒ

၂၈-၁၁-၂၀၀၉ - ဒေါက်တာကောဝိဒ နှင့် ပဲနွယ်ကုန်းဆရာတော် ဦးစန္ဒာဝရ

၂၉-၁၁-၂၀၀၉ - ညောင်ကန်အေးဆရာတော် အရှင် ဣန္ဒက နှင့် ဝါးခင်းကုန်းဆရာတော် ဦးတိက္ခ

၃၀-၁၁-၂၀၀၉ - ယင်းနေ့တွင် အန္တိမဈာပနအခမ်းအနားကို နေ့လည် (၁၂)နာရီတိတိ အချိန်တွင် စတင်ကျင်းပ မည်ဖြစ်ပြီး၊ ဖြူးဆရာတော်ဘုရားကြီး၏ ထေရ်ဆရာ အရှင်များဖြစ်ကြသော မြတောင် ဆရာတော်ဘုရားကြီးနှင့် ပေါက်မြိုင် ဆရာတော်ဘုရားကြီးတို့မှ သီလပေးသြဝါဒချီးမြှင့်ပေးကြမည်ဖြစ်ပါသည်။
ထို့နောက် သီတဂူဆရာတော်ဘုရားကြီး အရှင်ဥာဏိဿရမှ ရေစက်သွန်းချ အမျှပေးဝေပြီးနောက်တွင် ဖြူးဆရာတော်ဘုရားကြီး၏ ရုပ်ကလပ်တော်ကို ဆရာတော်ဘုရားကြီးများနှင့် တပည့်သံဃာများ၊ အစိုးရအဖွဲ့ဝင် လူကြီးမင်းများ၊ ဂေါပကအဖွဲ့ဝင်လူကြီးများ၊ တပည့်ဒကာ ဒကာမများနှင့် ဖြူးဆရာတော်ဘုရားကြီး၏ ဆွေတော် မျိုးတော်များမှ အဖွဲ့သုံးဖွဲ့ ခွဲကာ မင်းခမ်းမင်းနားဖြင့် ရေဝေးသုဿန်သို့ ပင့်ဆောင် မီးသဂြိုလ်မည်ဖြစ်ပါသည်။

ဖြူးဆရာတော်ဘုရားကြီး၏ ကြွင်းကျန်ရစ်သော အရိုးပြာကို ဈာပနပွဲအပြီး တစ်ပတ်ခန့်အကြာတွင် ပဲခူးတိုင်း၊ ဖြူးမြို့နယ်ရှိ ဖြူးမဟာစည်သာသနာ့ရိပ်သာ မူလကျောင်းတိုက်သို့ မြို့နယ်သံဃာနာယကအဖွဲ့ဆရာတော်များ၊ တာဝန်ရှိလူကြီးမင်းများ၊ တပည့်သံဃာတော်များနှင့် ဒကာ ဒကာမများမှ ပင့်ဆောင်ကြမည်ဖြစ်ပြီး ရိပ်သာတွင် သုံးညတိုင်တိုင် တရားပွဲများ ဆက်လက်ကျင်းပမည်ဖြစ်ပါသည်။
ထို့နောက် ဖြူးဆရာတော်ဘုရားကြီး၏ ကြွင်းကျန်ရစ်သော အရိုးပြာကို ဖြူးချောင်းတွင် ရေမျှောပူဇော်မည်ဖြစ်ပါ ကြောင်းကို ကမ္ဘာတစ်ဝန်းတွင် ရောက်ရှိနေကြပါသော ဓမ္မမိတ်ဆွေ မြန်မာနိုင်ငံသားများအားလုံးသို့ စေတနာရှေ့ထား၍ အသိပေးကြေညာအပ်ပါသည်။

ဆက်ဖတ်ရန်.

ဖြူးဆရာတော်ဘုရားကြီးပျံလွန်တော်မူခြင်း။

ကျေးဇူးတော်ရှင် နိုင်ငံကျော်ဓမ္မကထိက ပြည်တွင်းပြည်ပသာသနာပြု ဖြူးဆရာတော်ဘုရားကြီး ဘဒ္ဒန္တနရပတိသည် အာရှတော်ဝင်ဆေးကုခန်းတွင် (၂၄-၁၁-၂၀၀၉) နံနက်(၇)နာရီ အချိန်တွင် ပျံလွန်တော်မူသွားပြီဖြစ်ပါ၍ ကြွင်းကျန်ရစ်သော ဆရာတော်ဘုရားကြီး၏ ရုပ်ကလပ်တော်အား (၃၀-၁၁-၂၀၀၉) ရက်နေ့တွင် မီးသဂြိုလ်မည်ဖြစ်ပါကြောင်းကို ရပ်ဝေးရပ်နီးမှ ဓမ္မမိတ်ဆွေအပေါင်းတို့အား ဝမ်းနည်းစွာ အသိပေးကြေညာအပ်ပါသည်။
အစီစဉ်အသေးစိတ်ကို ဆရာတော်ဦးအဂ္ဂဝရနှင့် ဆက်သွယ်၍ ဆက်လက် ဖေါ်ပြပေးသွားပါမည်။

ကြည်ညိုလေးစားခင်မင်ရပါသော ဆရာတော်အရှင်သူမြတ်များ၊ ဓမ္မမိတ်ဆွေများနှင့် ဓမ္မဘလော့ဂ်ဂါ ညီအကို မောင်နှမအပေါင်းတို့ (ဘုရား) ခင်ဗျား.....

ကျေးဇူးတော်ရှင် နိုင်ငံကျော်ဓမ္မကထိက ဖြူးဆရာတော်ဘုရားကြီး ရဲ့ သီလဂုဏ်၊ သမာဓိဂုဏ်၊ ပညာဂုဏ်တို့ နှင့် ဗုဒ္ဓသာသနာတော်အတွက် အားထုတ် ကြိုးပမ်းဆောင်ရွက်လုပ်ဆောင်ခဲ့မှုများကို အာရုံပြုကြည်ညိုနှလုံးသွင်း၍ အထက်ပါသတင်းစာသားကို ဓမ္မမိတ်ဆွေများ၏ ကိုယ်ပိုင် အင်တာနက်ဝက်ဘ်ဆိုဒ်များနှင့် အီးမေးလ်များမှတဆင့် ထပ်ဆင့် ဖြန့် ဖြူးဝေမျှပေးပါရန် လေးစားစွာဖြင့် မေတ္တာရပ်ခံ ပန်ကြားအပ်ပါတယ်ခင်ဗျား။

လေးစားစွာဖြင့်
ဝိမုတ္တိသုခ

ဆက်ဖတ်ရန်.

နိုင်ငံကျော် ဓမ္မကထိက ဖြူးဆရာတော်ဘုရားကြီး၏ ကျန်းမာရေးအတွက် ဆေးအလှူတော်ငွေဆက်ကပ်လှူဒါန်း


ဘန်ကောက်မြို့ ဖလန်ကောက် ဆေးရုံတွင် ဆေးကုသခံယူလျှက်ရှိသော နိုင်ငံကျော် ဓမ္မကထိက ဖြူးဆရာတော် ဘုရားကြီး၏ အရေးပေါ်ကျန်းမာရေးအတွက်၊ စာတုပတီ မြန်မာအလုပ်သမားများအဖွဲ့ ၊ ဖိကစင် ၆၂/၁ မိသားစုများအဖွဲ့ နှင့် စေတနာရှင် မြန်မာအလုပ်သမားများစုပေါင်း၍ ၊ ဆေးအလှူတော်ငွေ လှူဒါန်းပွဲအခန်းအနားကို ဘန်ကောက်မြို့ ဝပ်တလုမ်ကျောင်းတိုက်၌ ပြုလုပ်လှူဒါန်းကျင်းပရာ၊ ဖြူးဆရာတော်၏ တပည့်များဖြစ်ကြသော အရှင်အာလောက နှင့် အရှင်ဇာဂရ တို့မှ လက်ခံရယု၍ လှူဒါန်းမှူအစုစုတို့ အတွက် ရေစက်သွန်ချ အမျှပေးဝေကြကြောင်းကို သိရှိရပါသဖြင့် ဝမ်းမြောက်ဝမ်းသာ သာဓုအနုမောဒနာ ခေါ်ဆိုနိုင်ကြပါရန် စေတနာရှင်များအား အသိပေးအပ်ပါသည်။

ဆက်ဖတ်ရန်.

အလိုတော်ပြည့်ဗုဒ္ဓပူဇာနိယပွဲတော်


အလိုတော်ပြည့်ဗုဒ္ဓပူဇနိယပွဲတော် .1.12.2009 ရက်နေ. နံနက် 7း00 နာရီ.မှ (9း00)နာရီထိ ကျင်းပပြုလုပ်မည်ဖြစ်ပါကြောင်း ရပ်ဝေးရပ်နီးရှိတပည့်ဒကာဒကာမများအား အသိပေးဖိတ်ကြားအပ်ပါသည်။
for more information to visit / www.alodawpyi.multiply.com

ဆက်ဖတ်ရန်.

ဖြူးဆရာတော်ဘုရားကြီး၏ အရေးပေါ်ကျန်းမာရေးသတင်း


ကြည်ညိုလေးစားခင်မင်ရပါသော ဆရာတော်အရှင်သူမြတ်များ၊ ဓမ္မမိတ်ဆွေများနှင့် ဓမ္မဘလော့ဂ်ဂါ ညီအကို မောင်နှမအပေါင်းတို့ (ဘုရား) ခင်ဗျား.....

ကျေးဇူးတော်ရှင် နိုင်ငံကျော်ဓမ္မကထိက ဖြူးဆရာတော်ဘုရားကြီး ရဲ့ သီလဂုဏ်၊ သမာဓိဂုဏ်၊ ပညာဂုဏ်တို့ နှင့် ဗုဒ္ဓသာသနာတော်အတွက် အားထုတ် ကြိုးပမ်းဆောင်ရွက်လုပ်ဆောင်ခဲ့မှုများကို အာရုံပြုကြည်ညိုနှလုံးသွင်း၍ အောက်ပါသတင်းစာသားကို ဓမ္မမိတ်ဆွေများ၏ ကိုယ်ပိုင် အင်တာနက်ဝက်ဘ်ဆိုဒ်များနှင့် အီးမေးလ်များမှတဆင့် ထပ်ဆင့် ဖြန့် ဖြူးဝေမျှပေးပါရန် လေးစားစွာဖြင့် မေတ္တာရပ်ခံ ပန်ကြားအပ်ပါတယ်ခင်ဗျား။

လေးစားစွာဖြင့်
ဝိမုတ္တိသုခ

------------------------------------------------------------------------------------------------------------

ဖြူးဆရာတော်ဘုရားကြီး၏ အရေးပေါ်ကျန်းမာရေးသတင်း





ကျေးဇူးတော်ရှင် နိုင်ငံကျော်ဓမ္မကထိက ပြည်တွင်းပြည်ပသာသနာပြု ဖြူးဆရာတော်ဘုရားကြီး ဘဒ္ဒန္တနရပတိ သည် ထိုင်းနိုင်ငံ၊ ဘန်ကောက်မြို့ ရှိ ဖလန်ကောက်ဆေးရုံ (PRARAM 9 HOSPITAL)၊ စတုတ္ထထပ် အတွင်းလူနာဆောင် အခန်းအမှတ် (၃)တွင် ကျောက်ကပ်ရောဂါဝေဒနာကို ဆေးကုသမှုခံယူလျှက်ရှိနေပါသည်။

ဆရာတော်သည် လွန်ခဲ့သော ၂-နှစ်က ကျောက်ကပ်အစားထိုးခဲ့ရာမှ ကျောက်ကပ်သို့ ပိုးဝင်ရောက်မှုကြောင့် ယခုအချိန်တွင် အရေးပေါ်ကုသမှုခံယူလျှက်ရှိပါသည်။

ဆေးရုံတွင် အထူးကုဆရာဝန်ကြီးများနှင့် ခေတ်မှီစက်ကိရိယာများဖြင့် ကုသလျှက်ရှိရာ ကုသစရိတ်မှာ တစ်ရက်လျှင် ကျပ်သိန်း(၃၀)ခန့် ကုန်ကျလျှက်ရှိပါသည်။

သို့ပါသောကြောင့် ဆရာတော်ဘုရားကြီ၏ သီလဂုဏ်၊ သမာဓိဂုဏ်၊ ပညာဂုဏ်တို့ ကို ကြည်ညိုကြသော တပည့်ဒါယကာ၊ ဒါယိကာမများအနေဖြင့် ဘေသဇ္ဇဒါန ကျန်းမာရေးဆေးအလှူတော်အတွက် စွမ်းနိုင်သမျှ ကုသိုလ်တော် ပါဝင်လိုကြပါလျှင် အောက်ပါဖုံးနံပါတ်များသို့  ဆက်သွယ်လှူဒါန်းနိုင်ကြပါကြောင်
း ကုသိုလ်အကျိုးမျှော်၍ အသိပေးနှိုးဆော်ကြေညာအပ်ပါသည်။


ထိုင်းနိုင်ငံ
ဦးအဂ္ဂဝရ (ခေတ္တ ဘန်ကောက်မြို့၊ ထိုင်းနိုင်ငံ)
ဖုံးနံပါတ်။ ။+၆၆ ၈ ၁၄၃၉ ၄၅၉၆။
ဆန်စစ်ကရစ်ယူနီဗာစီတီ၊ ဗာရာဏသီ၊ အိန္ဒိယ
ဓမ္မရက္ခိတ ဖြူးမဟာစည်၊ ရန်ကုန် နှင့်
မဟာစည်သာသနာ့ရိပ်သာ၊ ဖြူးမြို့။

စင်္ကာပူနိုင်ငံ
ကိုညီညီလွင်+ မစမ်းမြ
ဖုံးနံပါတ်။ ။ +၆၅ ၉၀၀၉၆၈၂၀၊ +၆၅ ၉၈၅၁၇၆၆၀

မြန်မာနိုင်ငံ
ဦးစန္ဒာသီရိ၊ ဦးစန္ဒောဘာသ
အကျိုးတော်ဆောင်အဖွဲ့ -
ဓမ္မရက္ခိတဖြူးမဟာစည်သာသနာ့ရိပ်သာ၊
အမှတ်(၅)ရပ်ကွက်၊ လှိုင်မြို့နယ်၊ ကမာရွတ်ဘူတာအနီး၊ ရန်ကုန်မြို့။
ဖုန်း - ၀၁-၅၃၀၀၆၈ ၊ ၅၀၁၈၄၆ (Ext- ၁၈၁) ၊ ၀၉၅၀ - ၁၇၅၅၄

ဘလောဂါ ဝိမုတ္တိသုခ ၏ မေတ္တာရပ်ခံခြင်းအား ကူညီသောအားဖြင့်၎င်း၊ အလွန်တရာမှ ကြည့်ညိုလေးစားရသော ဖြူးဆရာတော်ကြီး၏ ကျန်းမာရေး အတွက်၎င်း ဤသတင်းအား ဝိမုတ္တိသုခ၏ မူရင်းအတိုင်း ဖော်ပြလိုက်ပါသည်။

ဆက်ဖတ်ရန်.

ကပ္ပိယကျော်ခေါင်း နှင့် တစ်ကြော့ပြန် ဘိုးမှန်

အခု တလော ရွာဦးကျောင်းဆရာတော်၏ အလွန်တရာအားကိုး အားထားရသော တပည့်ကျော် ကပ္ပိယကျော်ခေါင် တစ်ယောက် ပျောက်ခြင်းမလှ ပျောက်နေရခြင်းမှာကား တစ်ကြော့ပြန်ဘိုးမှန် ဆိုသူ၏ ပယောက မကင်းလှပေ၊ ၄င်း တစ်ကြော့ပြန်ဘိုးမှန် ဆိုသူသည် နာမည်နဲ့ လိုက်ဖက်ညီအောင် စကားကို ထပ်ခါတလေ့လေ့ ပြောဆိုလေ့ရှိ၏၊ ပြောပြီးသောစကားကို အနည်းဆုံး တစ်ကြော့ပြန်၍ မပြောရလျှင် စာဝင်အိပ်ပျော်ရှိလှသူမဟုတ်ပေ။
စကားပြောလျှင်လည်း ” ခုနားက ပြောခဲ့သလို ” ဟူ၍ နိဒါန်းချီကာ ပြောဆိုတတ်လေ၏၊ သူပြောသော စကားများတွင် ဂျပန်ခေတ် မြန်မာပြည်အကြောင်းမပါလျှင် မပြီး၊ တစ်ခုခုကို နှိုင်းယှဉ်၍ ပြောရာတွင် လည်း ” ငါ ဂျပန်ခေတ်က လုပ်ခဲ့သလိုမျိုးပေါ့” ” ဂျပန်ခေတ်က ငါ့ အဖိုးကိုင်ခဲ့တဲ့ ဓားမျိုးပေါ့” ” ဇာဇီပြင်ကုန်းမှာ ဂျပန်စစ်သားတစ်ယောက်က်ို ငါတို့အဖွဲ့လက်ပြန်ကြိုးတုတ်ခဲ့တုန်းကပေါ့” စသည်စသည်ဖြင့် အာဘောင်အားရင်း သံသံ ပြောဆိုလေ့ရှိ၏။
အခုလည်းကြည့်.. မြို့မှာ ငါးထောင်တန်း ထွက်တယ်ဆိုလား ဘာဆိုလား ကြားတာနဲ့ ၊ ဂျပန်ခေတ်ကို ရောက်သွားပြန်ရော့၊ ” အံမယ်..ငါတို့ ဂျပန်ခေတ်တုန်းက ဆိုရင် လက်ထည့်မှာ ငွေ ၁၀ လောက်ရှိရင် မြို့ကိုသွား ပုဆိုးတစ်ထည်ဝယ် အင်္ကျီးတစ်ထည်ဝယ် မုန့်အဝစား ဒါတောင် ငွေက မကုန်နိုင်သေးလို့ ၊ ဟို…ဂျပန်စကားပြန် လုပ်စားနေတဲ့ ဖိုးလုံးနဲ့  အတူ ယမကာလေး ဘာလေး သောက်လိုက်သေးတယ် မင်းတို့ခေတ်ကျမှ ဘာတွေလည်းကွာ” ဟူ၍ ညဉ်းတွားနေလေတော့၏ ။ သိုသော် ကပ္ပိယကျော်ခေါင် နှင့် ရွာသားလူငယ်တစ်စုတို့သည်လည်း တစ်ကြော့ပြန်ဘိုးမှန်၏ စကားကို မည်သူတစ်ဦးတစ်ယောက်ကမျှ ပြန်လည် ချေပနိုင်ခဲ့ခြင်း မရှိကြပေ။ ကိုယ့်ကိုကိုယ့် အလွန်ဗဟုသုတ ရှိသူဟု ယူဆထားသော ကပ္ပိယကျော်ခေါင်သည်ပင်လျှင် ဘာမျှ ပြန်မပြောနိုင်ခဲ့ပေ။ အကြောင်းမှာကား… ဂျပန်ခေတ်က သုံးခဲ့သည်ဆိုသော ငွေစက္ကူကို၎င်း၊ ယ္ခုထွက်နေသည်ဆိုသော ငွေစက္ကူကို၎င်း ကပ္ပိယကျော်ခေါင် နှင့်တကွ ရွာသူရွာသားများ အားလုံး မည်သူမျှ မြင်ဖူးခဲ့ခြင်းမရှိသေး သောကြောင့်တည်း။ ။

ဆက်ဖတ်ရန်.

ဆက်ဖတ်ရန်.

ဘဒ္ဒန္တအရိယ၀ံသ (Ph.D) အလိုတော်ပြည့်ဆရာတော်

အလိုတော်ပြည့်ဆရာတော်ကြီး၏(၇)ရက် ၀ိပဿနာ အလုပ်ပေး တရားစခန်း တစ်နေ့တာလုပ်ငန်းစဉ် အချိန်ဇယား

၁။ နံနက် (၀၅း၀၀) နာရီမှ (၀၆း၀၀) နာရီထိ တရားထိုင်ချိန်

၂။ နံနက် (၀၆း၀၀) နာရီမှ (၀၇း၀၀) နာရီထိ နံနက်စာသုံးဆောင်ရန်

၃။ နံနက် (၀၇း၀၀) နာရီမှ (၀၈း၀၀) နာရီထိ တရားနာရန်

၎။ နံနက် (၀၈း၀၀) နာရီမှ (၀၉း၀၀) နာရီထိ စင်္ကြန်လျှောက်ရန်

၅။ နံနက် (၀၉း၀၀) နာရီမှ (၁၀း၀၀) နာရီထိ တရားထိုင်ချိန်

၆။ နံနက် (၁၀း၀၀) နာရီမှ (၁၁း၀၀) နာရီထိ ရေချိုးချိန်

၇။ နံနက် (၁၁း၀၀) နာရီမှ (၁၂း၀၀) နာရီထိ နေ့လည်စာသုံးဆောင်ရန်

၈။ နေ့လည် (၁၂း၀၀) နာရီမှ (၀၁း၀၀) နာရီထိ နားနေချိန်

၉။ နေ့လည် (၀၁း၀၀) နာရီမှ (၀၂း၀၀) နာရီထိ တရားထိုင်ချိန်

၁၀။ နေ့လည် (၀၂း၀၀) နာရီမှ (၀၃း၀၀) နာရီထိ စင်္ကြန်လျှောက် (တရားစစ်) ရန်

၁၁။ ညနေ (၀၃း၀၀) နာရီမှ (၀၄း၀၀) နာရီထိ တရားနာချိန်

၁၂။ ညနေ (၀၄း၀၀) နာရီမှ (၀၅း၀၀) နာရီထိ ရေချိုးချိန်

၁၃။ ညနေ (၀၅း၀၀) နာရီမှ (၀၆း၀၀) နာရီထိ တရားထိုင်ချိန်

၁၄။ ညနေ (၀၆း၀၀) နာရီမှ (၀၇း၀၀) နာရီထိ စင်္ကြန်လျှောက်ချိန်

၁၅။ ည (၀၇း၀၀) နာရီမှ (၀၈း၀၀) နာရီထိ တရားနာချိန်

၁၆။ ည (၀၈း၀၀) နာရီမှ (၀၉း၀၀) နာရီထိ တရားထိုင်ချိန်



မှတ်ချက်။ ။သတ်မှတ်ချိန်မတိုင်မီ (၁၅) မိနစ်စော၍ ကြိုတင်အသိပေးပါမည်။



တရားထိုင်ချိန် (၅) ကြိမ် တရားနာချိန် (၃) ကြိမ် စင်္ကြန်လျှောက်ချိန် (၃) ကြိမ် အလိုတော်ပြည့်ကျောင်းတိုက်များ၏အဓိပြည်တွင်း-ပြည်ပသာသနာပြုအဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ ဒေါက်တာ ဘဒ္ဒန္တအရိယ၀ံသ (Ph.D)အလိုတော်ပြည့်ဆရာတော်၏ သတိပဋ္ဌာန်ရှုမှတ်ရာ၌ ယောဂီများ လိုက်နာရမည့် စည်းကမ်းချက်များ

၁။ တရားစခန်း ၀င်ရောက်သည့်နေ့မှစ၍ ကိုးပါးသီလ နေ့စဉ်လုံခြုံအောင် ထိန်းသိမ်းရမည်။

၂။ အရုဏ်မတက်မီ အစာမစားရန် သတိပြုရပါမည်။

၃။ ဘုရားနှင့် ဆရာတော်များအား ကန်တော့သောအခါ ထိခြင်းငါးပါးနှင့် ကန်တော့ရမည်။

၎။ ဓမ္မာရုံတွင်းသို့ တရားနာ၊ တရားအားထုတ်လာရောက်သောအခါ လက်ကို ပိုက်ထားလျက် မှတ်စိတ်ဖြင့် လာရမည်။

၅။ တရားအားထုတ်ရာ ဓမ္မာရုံတွင်းသို့ ၀င်ရောက်သောအခါ လက်အုပ်ချီ၍ ၀င်ရမည်။

၆။ ယောဂီများသည် အလုပ်ကိစ္စနည်းစေပြီး တရားအားထုတ်ချိန်များများရအောင် ကြိုးစားရမည်။

၇။ တရားအားထုတ်ရာ ဓမ္မာရုံတွင်း၌သာ စုပေါင်း၍ တရားအားထုတ်ရည်။ ကျန်းမာရေး မကောင်းသောအခါ၌မူ တရားပြဆရာတော်၏ ခွင့်ပြုချက်ဖြင့် မိမိအဆောင်၌ အားထုတ်နိုင်သည်။

၈။ သက်ဆိုင်ရာ ဆရာတော်များ၏ ခွင့်ပြုချက်မရဘဲ မည်သည့်အကြောင်းကြောင့်မျှ ရိပ်သာအပြင်သို့ မထွက်ရ။ မြို့တွင်း၊ ရွာတွင်းသို့ မသွားရ။

၉။ ရဟန်း၊ ရှင်၊ လူ မည်သည့်ယောဂီမဆို ရိပ်သာ ၀င်နေဆဲရက်အတွင်း ဆေးလိပ်သောက်ခြင်း၊ ကွမ်းစားခြင်း၊ ဆေးငုံခြင်း လုံးဝမပြုလုပ်ရ။

၁၀။ တရားစစ်ချိန်များတွင် တရားလျှောက်ရမည်။ တရားရိပ်သာ ၀င်ရောက်နေစဉ် ယောဂီ အချင်းချင်း တရားမဆွေးနွေးရ။ စာမဖတ်ရ။ တရားကိုသာ အချိန်ပြည့် အားထုတ်ရမည်။ တရားနှင့်ပတ်သက်၍ သိလိုမေးလိုလျှင် တရားပြဆရာတော်အား မေးမြန်းလျှောက်ထားရမည်။

၁၁။ ယောဂီများ နှစ်ယောက်၊ သုံးယောက် စုဝေး၍ စကားမပြောရ။ သွားလာရာတွင် ယောဂီ နှစ်ယောက်၊ သုံးယောက် ဘေးချင်းယှဉ်ပြီး မသွားလာရ။ လမ်းလျှောက်နေစဉ် စကားမပြောရ။

၁၂။ သတ်မှတ်ထားသောအချိန်၌သာ ရေချိုးရမည်။ ရေချိုးရာတွင် ဆူညံစွာ မချိုးရ။ ရေချိုးနေစဉ် စကားမပြောရ။ ယောဂီပီပီ မှတ်စိတ်ဖြင့် ရေချိုးနိုင်ရမည်။

၁၃။ အမျိုးသမီး ယောဂီများသည် ဟိရီသြတ္တပ္ပကင်းမဲ့သော ဘောင်းဘီ၊ ဂါဝန် မ၀တ်ရ။ လည်ဟိုက်အင်္ကျီ၊ ပုံဆန်းအင်္ကျီများကို မ၀တ်ရ။ တောက်ပြောင်လွန်းသော အ၀တ်ကြောင်ကြားသော အ၀တ်တို့ကို မ၀တ်ရ။ အဖြူရောင်အင်္ကျီနှင့် အညိုရောင် လုံချည်တို့သည် ယောဂီများအတွက် အသင့်လျော်ဆုံး ၀တ်စုံဖြစ်ပါသည်။ျ

၁၄။ ဆံပင်ကို ဖို့ရို့ဖားလျား ပိုးတို့ပွတ ထိုးထိုးထောင်ထောင် ရှုပ်ရှုပ်ပွေပွေ မရှိစေဘဲ အမြဲတစေ သပ်သပ်ရပ်ရပ် ရှိနေအောင် အထူးဂရုစိုက်ရမည်။

၁၅။ စကားပြောစရာရှိလျှင် တိုးတိုးတိုတိုပြောပါ။ လမ်းသွားရာတွင် ခြေသံမကြားရအောင် သွားလာပါ။ တံခါးကို ဖြည်းဖြည်းဖွင့်ရ/ပိတ်ရမည်။

၁၆။ မိမိထံ ရောက်လာသောဧည့်သည်ကို ကြာရှည်စွာ စကားပြော၍ ဧည့်မခံရ။ လိုရင်းစကားကို တိုးတိုးတိုတိုပြော၍ ပြန်စေရမည်။

၁၇။ သန့်ရှင်းရေးကို အထူးလေးစားရမည်။ ခြောက်သွေ့သော အ၀တ်အထည်များကို တို့လို့တန်းလန်း မရှိစေဘဲ သပ်ရပ်စွာ ခေါက်သိမ်းထားရမည်။

၁၈။ ယောဂီများအချင်းချင်း အုပ်စုဖွဲ့၍ ဆူညံစွာ စကားပြောခြင်း၊ မိတ်ဖွဲ့ခြင်း၊ မိတ်ဆက်ခြင်းများ ရှောင်ကြဉ်ရမည်။

၁၉။ တရားပြဆရာတော်များ၏ ဆုံးမခြင်းကို ကြည်ဖြူစွာ လက်ခံနိုင်သူဖြစ်ရမည်။

၂၀။ တရားဟော၊ တရားနာ၊ တရားအားထုတ်နေစဉ်အတွင်း ကျယ်လောင်စွာ “သန်း”ခြင်းကို အထူးသတိပြု၍ ရှောင်ကြဉ်ရမည်။

၂၁။ ကျန်းမာရေးကောင်းနေသူဖြစ်ပါလျက် တရားနာချိန်၊ တရားအားထုတ်ချိန်များ၌ ရေသာခို အနားယူနေခြင်းကို အထူးရှောင်ကြဉ်ရမည်။

၂၂။ တရားထိုင်နေစဉ်အတွင်း မျက်လုံးခဏခဏ ဖွင့်မကြည့်ရ။ နာရီမော့မကြည့်ရ။ တရားထိုင်ချိန်ပြီးဆုံးသည့်တိုင် မျက်လုံးမှိတ်ထားရမည်။

စင်္ကြန်လျှောက်ရာ၌ ရှုမှတ်ပုံအကျဉ်း

၁။ စင်္ကြန်လျှောက်၍ တရားရှုမှတ်သောယောဂီသည် လက်ကို တန်းလန်းချမထားရ။ ရှေ့ (သို့မဟုတ်) နောက်သို့ ပိုက်ထားရမည်။

၂။ မျက်လုံးဖွင့်ထားပြီး ရှေ့တစ်ဆုံး မကြည့်ရ။ လေးတောင်ခန့်အကွာအဝေးကို ပိုင်းခြားမှတ်သားကြည့်ရှု၍ မျက်လွှာချထားရမည်။

၃။ စင်္ကြန်လျှောက်ရှုမှတ်စဉ် ဣနြေ္ဒပျက်အောင် ဟိုကြည့်၊ ဒီကြည့် မလုပ်ရ။ ကမ္မဋ္ဌာန်းအပေါ် ရိုသေလေးစားစိတ်ဖြင့် လျှောက်ရမည်။

၎။ စင်္ကြန်လျှောက်ရှုမှတ်စဉ် စကားမပြောရ။ အညောင်းပြေသဘောထားလျှောက်ခြင်းမှ ရှောင်ကြဉ်ရမည်။

၅။ မိမိရပ်လိုသောနေရာရောက်လျှင် ခြေထောက်ကို စုံရပ်ပါ။ ရပ်လျှင် ရပ်တယ်လို့ မှတ်ပါ။ လှည့်သောအခါ ဖြည်းဖြည်းလှည့်ပြီး လှည့်တယ်လှည့်တယ်ဟု ရှုမှတ်ပါ။

၆။ စင်္ကြန်လျှောက်ရာတွင် ပထမအနေဖြင့် သွားတယ် သွားတယ်ဟုလည်းကောင်း၊ ဒုတိယအဆင့်အနေဖြင့် ဘယ်လှမ်းတယ် ညာလှမ်းတယ်ဟုလည်းကောင်း၊ တတိယ အဆင့်အနေအားဖြင့် ကြွတယ်၊ လှမ်းတယ်၊ ချတယ်ဟုလည်းကောင်း အဆင့်ဆင့် ရှုမှတ်ရမည်။

၇။ တပိုတပါး သွားရာ၊ ရေချိုးရာ၊ ဓမ္မာရုံသို့ သွားလာရာတို့၌ ဘယ်လှမ်းတယ် ညာလှမ်းတယ်ဟု ရှုမှတ်ရမည်။

၈။ စင်္ကြန်လျှောက် ရှုမှတ်ရာတွင် မြန်မြန်မလျှောက်ရ။ နှေးနှေးဖြည်းဖြည်းသာ သတိကပ်လျက် မှတ်စိတ်ပါအောင် လျှောက်ရမည်။

၉။ စင်္ကြန်လျှောက် ရှုမှတ်ခြင်းသည်လည်း ဘုရားဟောသော နိဗ္ဗာန်ရောက်ကြောင်းနည်း တစ်ခုဟု လေးလေးနက်နက် မှတ်ယူထားရမည်။

တရားထိုင်ပုံအကျဉ်း

၁။ တရားမထိုင်မီ အပေါ့-အလေး စွန့်ထားရမည်။

၂။ တော၊ သစ်ပင်အောက် ဆိတ်ငြိမ်သောနေရာတွင် တရားထိုင်ပါဟု မြတ်ဗုဒ္ဓညွှန်ပြသော ကြောင့် အနည်းဆုံး တရားထိုင်သောနေရာသည် ဆိတ်ငြိမ်မှုရှိရမည်။

၃။ တရားအားထုတ်လိုသည့် ယောဂီသည် ရှေးဦးစွာ တင်လ္လင်ခွေ၍ ထိုင်ပါ။ ခန္ဓာကိုယ်ကို ဖြောင့်မတ်စွာထားပြီး မျက်လုံးကို မှိတ်ထားပါ။

၎။ နှာသီးဝ၌ ၀င်သက်လေ၊ ထွက်သက်လေ သွားနေသည်ကို သတိကပ်၍ ရှုမှတ်ပါ။ လေကို ပြင်းပြင်းရှူခြင်း၊ မြန်မြန်ရှူခြင်း၊ အသက်အောင့်ထားခြင်းများ မပြုလုပ်ရ။

၅။ ၀င်သက်လေ၊ ထွက်သက်လေကို သတိကပ်ရှုမှတ်နေစဉ် အခြားသောမှတ်စရာအာရုံ များ ဖြစ်ပေါ်လာပါက ၎င်းမှတ်စရာအာရုံများကို ရှုမှတ်ပါ။

၆။ မှတ်စရာအာရုံအထူးအထွေ မတွေ့ရှိပါက ၀င်လေထွက်လေကို ပြန်၍ ရှုမှတ်ပါ။

၇။ တရားအားထုတ်ရာတွင် ထင်ရှားသောရုပ်နာမ်ကို ဦးစားပေးရှုမှတ်ရမည်။

၈။ နာမ်တရားထင်ပေါ်က နာမ်တရား၊ ရုပ်တရားထင်ပေါ်က ရုပ်တရားကို ရှုမှတ်ပါ။

၉။ စိတ်ကူးစိတ်များဖြစ်ပေါ်လာလျှင် စိတ်ကူးစိတ်ကို ရှုမှတ်ပါ။

၁၀။ တွေးတောကြံစည် အိပ်ချင် ငိုက်မျဉ်းစိတ်များ ဖြစ်ပေါ်လာလျှင် ဖြစ်ပေါ်ရာကို ရှုမှတ်ပါ။

၁၁။ ခံစားမှုဝေဒနာဖြစ်ပေါ်လာလျှင် ဝေဒနာကို ရှုမှတ်ပါ။

၁၂။ သဘောတရားဖြစ်ပေါ်လာလျှင် သဘောတရားကို ရှုမှတ်ပါ။

ယောဂီများ အာဟာရစားသုံးရာ၌ ဗဟိုစည်းကမ်းချက်များ

၁။ ဝေယျာဝစ္စအဖွဲ့မှ သတ်မှတ်ထားသောနေရာများ၌သာ အာဟာရသုံးဆောင်ရမည်။ မိမိနေရာသို့ ယူငင်မစားရ။

၂။ ယောဂီအားလုံး နေရာယူပြီးမှ စားဖွယ်အာဟာရကို ပစ္စဝေက္ခဏာဆင်ခြင်ပြီး သတိပဋ္ဌာန်မှတ်စိတ်ဖြင့် စားသုံးရမည်။

၃။ ဆွမ်း၊ ထမင်း၊ ဟင်းလျာတို့ကို မိမိနှင့်သင့်တော်ရုံ အတိုင်းအရှည်သိပြီး စားသုံးရမည်။ အစားကြူးသောယောဂီ မဖြစ်စေရ။

၎။ ဆွမ်း၊ ထမင်းလုတ်ကို ယူတိုင်း၊ စားတိုင်း၊ ၀ါးတိုင်း၊ မျိုချတိုင်း အမှတ်သတိပါအောင် ဂရုစိုက်ရမည်။

၅။ ဆွမ်း၊ ထမင်းဝိုင်း၌ စကားပြောဆိုခြင်း၊ ဇွန်းသံ၊ ပန်းကန်သံ ဆူညံခြင်းမပြုမိအောင် သတိပြုရမည်။

၆။ ဇွန်းဖြင့် ကော်ခပ်ရမည့်နေရာတွင် လက်ဖြင့်နှိုက်မစားရ။ သန့်ရှင်းသပ်ရပ်စွာ စားသုံးရမည်။

၇။ ဝေယျာဝစ္စလုပ်သူများထံမှ ဆွမ်း၊ ထမင်း လိုက်ပါ၊ ဟင်းလိုက်ပါဟု အော်ကြီးဟစ်ကျယ် လိုက်ပွဲမတောင်းရ။ ယောဂီပီပီ တင်းတိမ်ရောင့်ရဲနိုင်သူဖြစ်ရမည်။

၈။ ဆွမ်း၊ ထမင်းလုတ် ပါးစပ်ထံရှိစဉ် ပလုပ်ပလောင်းဖြင့် စကားမပြောရ။ ရှူးရှူးရှုပ်ရှုပ် ပျပ်ပျပ်အသံမြည်အောင် စားသောက်ခြင်းမှ ရှောင်ကြဉ်ရမည်။

၉။ ဆွမ်း၊ ထမင်းဝိုင်းအနီး၌ ချွဲသလိပ်ဟပ်ခြင်း၊ နှပ်ညှစ်ခြင်းစသော စက်ဆုပ်ဖွယ်အပြုအမူ များကို မပြုရ။ မလွှဲသာ မရှောင်သာပါက ဆွမ်း၊ ထမင်းဝိုင်းမှထ၍ သင့်တော်ရာ၌သာ နှပ်ညှစ်ခြင်းစသည် ပြုလုပ်ရမည်။

၁၀။ ချောင်းဆိုးခြင်း၊ ချေဆတ်ခြင်းဖြစ်ပေါ်လာလျှင် ဆွမ်း၊ ထမင်းဝိုင်းမှ မျက်နှလွှဲ၍ ပါးစပ်ကို လက်ဖြင့်ကာလျက်သာ ပြုလုပ်ရမည်။

၁၁။ ဆွမ်း၊ ထမင်းစားပြီးသောအခါ မှတ်စိတ်ဖြင့် ရေသောက်ရမည်။

၁၂။ ယောဂီမစုံမီ အရင်ရောက်နှင့်နေသော ယောဂီများသည် မျက်လုံးမှိတ်ထားပြီး ထိုင်တယ် ထိတယ်ဟု မှတ်နေရမည်။

မှတ်ချက်။ ။စည်းကမ်းမလိုက်နာသော ယောဂီများအား ဆရာတော်နှင့် တရားပြပုဂ္ဂိုလ်များမှ လိုအပ်သလို ဆုံးမသြ၀ါဒပေးပြီး ထိုက်သလို အရေးယူမည်ဖြစ်ပါသည်။

ဆက်ဖတ်ရန်.

ကပ္ပိယကျော်ခေါင် နှင့် သူမသိသေးသော အကြောင်းအရာများ


တစ်နေ့သ၌ ကပ္ပိယကျော်ခေါင်းသည်၊ ရွာဦးကျောင်းနောက်ဖက် ဇရပ်အိုကြီး၌ အနားယူနေစဉ်၊ ဆရာတော်ခေါ်သဖြင့် အပြေးအလွှား ကျောင်းကြီးပေါ်သို့ ရောက်ရှိလာ၏၊ ‘‘အမိန့်ရှိပါဘုရား ’’ ဟု၍ လျှောက်ထားလိုက်ရာ ၊ ဆရာတော်သည်း ဤသို့ အမ်ိန့်ရှိလေ၏ ။ ‘‘ ငကျော်ခေါင်း မင်းနဲ့ ငါ နောက်အပတ်ထဲမှာ အညာဖက်ကို ခရီးအတူသွားကြမယ်ကွဲ့ မင်းလည်း ဗဟုသုတ တိုးတာပေ့ါ ’’ ဟူ၍ ပြောဆိုလေ၏ ။ ကပ္ပိယကျော်ခေါင် သည် မရောက်ဖူးသောနေရာကို လိုက်ချင်သော်လည်း၊ သူ့အား ‘‘ဗဟုသုတ တိုးတာပေါ့’’ ဟုပြောဆိုသော ဆရာတော့်စကားကို သိပ်ဘဝင်မကျလှပေ ၊ သူသည် သူ့ကိုယ်သူ အင်မတန် ဗဟုသုတ ရှိသူတစ်ယောက်ဟူ၍ ခံယူထားလေ၏ ၊ ဟုတ်လည်းဟုတ်ပေသည်၊ ကပ္ပိယကျော်ခေါင် သည် ညနေစောင်း အချိန်တိုင်း ရွာလယ်က ဒေါပုကုန်စုံဆိုင်သို့ သွားကာ အိမ်ရှင်မများအား အကဲခတ်လေ့ရှိ၏ ။

"ကပ္ပိယကျော်ခေါင် သည် သူအမြဲမပြတ်လေ့လားထားသော ရှားလော့ဟုမ်း၏ စုံထောက် ပညာ နှင့် ဆားပုလင်းနှင်းမောင် တို့ ၏ ပညာများကို လက်တွေ့ အသုံးချလေ့ရှိ၏ ၊ အိမ်ရှင်မများ၏ ဆွဲခြင်းကို ကြည့်သောအားဖြင့် မနက်ဖြန် ရွာဦးကျောင်း၌ အဘယ်ဟင်းများ နေရာယူမည်ကို သူ သေသေချာချာသိလေသည်၊ သို့သော် သူမသိသေးသည်မှာကား ၊ အိမ်ရှင်မများ၏ ဆွဲခြင်းထဲ့၌ ပါသွားသော ကြက်သား ဝက်သားများသည်း အဘယ်ြေုကာင့် ရွာဦးကျောင်းကို ရောက်မလာခဲ့သနည်း၊ ဤသည်ကား ကပ္ပိယကျော်ခေါင် မသိသေးသော အကြောင်းအရာထည့်တွင် တစ်ခုအပါအဝင် ဖြစ်လေသည်။
ရွာဦးကျောင်းဆရာတော် နှင့် ကပ္ပိယကျော်ခေါင် တို့ ခရီးထွက်ခဲ့လေပြီ ၊။
ရန်ုကုန်တွင် ခရီးစဉ်တစ်ထောက်နား၍ ကပ္ပိယအတွက် လိုအပ်သော အဝတ်အစားမျုားကို ဝယ်ကာ အညာခရီးကို စတင်လေတော့၏ ။ မန္တလေး ဂေါဝိန်ဆိပ်မှ တောင်တို သင်္ဘောကြီးဖြင့် ဧရာဝတီမြစ်ကြော်အတိုင်း စုန်ဆင်းခဲ့လေ၏ ။ ကပ္ပိယကျော်ခေါင် သည် မြင်သမျှတွေ့သမျှအားလုံးကို အတတ်နိုင်ဆုံးမှတ်သားထားလေ၏၊ ညနေစောင်း အချိန်ခန့်တွင် ဆီမီးခုံ မြို့အနီ၌ တောင်တို သင်္ဘောကြီး သောင်တင်သဖြင့် ၊ ငကျော်ခေါင် နှင့် တစ်ကွ ကာလသားများ အားလုံး ရေထဲဆင်ကာ သင်္ဘောအား တွန်းခဲ့ရလေသည် ။ ငကျော်ခေါင် အတွက် အင်မတန်မှ ထူးဆန်းသော ဖြစ်ရပ်ဖြစ်လေ၏ ၊ သူကြားဖူးသည်မှာ ကားကိုသာ ဆင်း၍တွန်းရသည် ဟု ကြားဖူးထား၏ ၊ ယခုမူ သင်္ဘောကို ဆင်းတွန်းရသဖြင့် ဒိုင်ယာရီ မှတ်ထားရမလောက် အံ့အိုနေမိ၏ ။ နတ်တိုလ ရာသီ၏ ဒီရေတိုက်စာမူကြောင့် ဧရာဝတီဖြစ်၏ ရေကြောင်း ပုံမှန်မဟုတ်သည်ကိုကား ငကျော်ခေါင် တစ်ယောက် သိမထားပေ။ သူသည် ထုံစံအတိုင်း မျက်စိကို ပေကလပ်ပေကလပ်လုပ်ကာ ဧရာဝတီ ရှူ့ ခင်းများကို အလွန်ပင် အံ့အိုလာခဲလေ၏ ၊အတော် မိုးချုပ်မှ ဆရာတော် နှင့် ကပ္ပိယတို့ ၊ သွားလိုရာ မြင်းခြံမြို့နယ် ကံတော်ရွာသို့ ရောက်လေတော့၏၊ ဆရာတော်သည် အလွန်ပင်ပန်း သဖြင့် စောစော ကျိန်းစက်လေ၏ ၊ ငကျော်ခေါင်းမှာကား သဘောဖြူ ရွှေညာသူလေးများနဲ့ လေပန်းကာမအိပ်ပဲ ကျန်နေသေး၏ ၊ ငကျော်ခေါင်း ပြောသောစကားထဲ့တွင် မိမိသည်သာလျှင် အဓိက မိမိသည်သာလျှင်ဇာတ်လိုက် ဖြစ်လေ၏ ။ ။ မက်ဆိုပိုးတေးမီယား စစ်မြေပြင်မှာ စွန့်စားခဲ့သော ဂျမဒါ မင်းထင် အကြောင်း ၊ ကမ္ဘာ့ ပထမဆုံး ကွန်မန်ဒို အော်တိုစကော့ဇန်ီ အကြောင်း ၊ ဒုတိယကမ္ဘာစစ်အတွင်းက ဟစ်တလာ၏ စေခိုင်းချက်အရ ဂျူလူမျိုး ခြောက်သန်းကျော်တို့ ကို အရှင်လတ်လတ် သတ်ခဲ့သူ အဒေါ့အိုက်ခမန်း အကြောင်း၊ သဲကန္ဒာရမြေခွေးဟု အမည်းတွင်ခဲ့သော စစ်သူကြီး ရွမ်းမဲ အကြောင်း၊ ဒုတ်ိယကမ္ဘာစစ်ကြီး စတင်ဖြစ်ပွားရာ အခြေခံအကြောင်းတရားဖြစ်သော ဂျနီဖာ စာချုတ်အကြောင်း၊ ဒုတိယကမ္ဘာစစ်ကြီးအဆုံးသတ်ရာ နော်မန်ဒီကမ်းတက်တိုက်ပွဲ အကြောင်း၊ ဒုတ်ိယကမ္ဘာစစ်အတွင်းက မဟာမိတ်တပ်များ အကြောက်ဆုံးဖြစ်ခဲ့ရသည့် နေးဗရွမ်း တောင်ကုန်းမှ အမြောက်ကြီးများအကြောင်း၊ နပိုလီယံအကြောင်း ၊ ရိုးမသူရဲကောင်း အားခီးလီး အကြောင်း၊ ထရွိုင်းမြို့တော်ကို ပျက်စီးအောင် ဖန်တီးပေးခဲ့တဲ့ ထရိုဂျင်း သစ်သားမြင်းရုပ်ကြီင်္းအကြောင်း နှင့် ပျောက်ဆုံးနေသော မြို့တော် ရှန်ဗေလား (ခေါ်) ရှန်းဂရီးလား အကြောင်း များကို ရေပက်မဝင် တတွတ်တွတ် ပြောနေလေတော့၏ ၊ သို့သော ကပ္ပိယကျော်ခေါင်း သည် ရန်ကုန်တွင် ခေတ္တနားနေခဲ့စဉ် ရွှင်ပျော်ပျော်စားသောက်ဆိုင်တွင် ထမင်းစားရင်း အလည်၌ တည်ထားသော ပန်းအိုးကို ငပိရည်နဲ့ တော့ခဲ့သည်ကိုမူ ယောင်လို့တောင်မှ မပြောဖြစ်ခဲ့ပေ ၊ သဘောဖြူ ရွှေညာသူလေးများမှာလည်း ကပ္ပိယကျော်ခေါင်းကို အလွန်အထင်ကြီးလေးစားကာ ထန်းမြစ်မီးဖုတ်များကို ပျားရည်နှင့် ဧည့်ခံကြလေတော့၏ ၊ ကပ္ပိယကျော်ခေါင် သည် ၄င်းထန်းဖြစ်များအား ပျားရည်တွင်တော့ကာ အီကြာကွေးကို ငရုပ်ဆီနှင့်စားသကဲ့သို့ အခွံမနွှာပဲ အချောင်းလိုက်ကိုက်လေတော့၏ ။ ထိုအခါ အညာသူလေးများသည် ခိခိခစ်ခစ်ရယ်မောကြလေ၏ ၊ ကပ္ပိယကျော်ခေါင် သည်ကာ သူ၏ ပျက်လုံးများကို ရယ်သည်ဟု အမှတ်ဖြင့် ရော၍ ရယ်ရင်း ထန်းမြစ်များကို အချောင်းလိုက် စားမြဲစားလေတော့သတည်း။ ။ ဤသည်မှာလည်း ကပ္ပိယကျော်ခေါင် မသိသေးသော အကြောင်းတရားများတွင် တစ်ပါးအပါအဝင် ဖြစ်လေတော့သတည်း။ ။

ဆက်ဖတ်ရန်.

ကပ္ပိယကျော်ခေါင် နှင့် ကမ္ဘာလောကကြီး

လောကကြီးကို သင် ဘယ်လို မြင်သနည်း၊ သင့်ကိုရော လောကကြီးက ဘယ်လို မြင်မည်ဟု သင် ယူဆပါသနည်း? ၊
အားလုံးမင်္ဂလာပါ၊... ယနေ့ အကျွှန်ုပ် ကပ္ပိယကျော်ခေါင် စကားကြီးစကားကျယ် နည်းနည်းပါးပါး ပြောဖို့ စိတ်ကူမိထားကြောင်းပါ။ သို့သော် အလွန်တရာမှ ရိုးရှင်းသော စကားများကိုသာ အကြီးကျယ်ဆုံး ပြောကြားမည်ဖြစ်ကြောင်းကိုလည်း ကြိုတင် အသိပေးပါရစေ။

အကျွန်ုပ် ကပ္ပိယကျော်ခေါင် နှင့် ဟောဒီကမ္ဘာလောက လူသားတွေအကြားမှာ နားလည်မှူတွေနဲ့ သံသယတွေကို မရှင်းမလင်း ဖြစ်စေဖို့အတွက်၊ အင်မတန်မှ ပါးလွှားနုးညံ့သော ရေစိုစက္ကူပါးပါးလေးတစ်ချပ် ကာဆီထားကြောင်းကို အကျွန်ုပ်သိ၏။ ၄င်းစက္ကူပါးပါးလေးကို နုးညံ့ပျော့ပျောင်းသော လက်ကလေးဖြင့် ထမင်းစားရင်း ရေသောက်ရင်းနဲ့ အကျွန်ုပ်ခွါမည်ဆိုပါက ခွါချနိုင်၏ ၊ သို့သော်လည်း အကျွန်ုပ်ကပ္ပိယကျော်ခေါင် သည်၊ ငါ..ဟေ့... ကပ္ပိယ ဟုဆိုအပ်သော အတ္တမာနကလေးဖြင့်၊ လောကလူသားတွေက ဝတ္တရားရှိရှိ လာရောက်ခွါပေးသော အချိန်ကို၊ စောင့်ဆိုင်း နေထိုင်ခဲ့၏။ ယနေ့အထိ မည်သူတစ်ဦး တစ်ယောက်ကမျှ လာရောက်ခွါပေးခြင်းမရှိပေ။ သို့နှင့် အကျွန်ုပ်သည် စိတ်မရှည်တော့သည်ဖြစ်၍၊ နင်လားဟေ့...လောကဓံ.. ဟူသော ကျုံးဝါးသံနှင့် အတူ မျက်စိစပါးမွေးစူးနေသော ၄င်းရေစိုစက္ကူပါးပါးလေးအား တအားဆောင့်ကန်လိုက်လေရာ၊ လင်းခနဲပွင့်သွားပြီး အရာရာကို အကျွန်ုပ်တွေ့ရလေတော့၏၊
အံ့သြော် စရာကောင်းသည်မှာကား..

အားပါးပါး......လောကလူသားတွေရှေ့မှာလည်း အကျွန်ုပ်ကဲ့သို့ စက္ကူပါးပါးလေးတစ်ချပ်စီ ကာရံထားကြပါလား၊ သူတို့လည်း လာရောက်ခွါပေးမယ့် တစ်ခြား လောကလူသားတွေကို အကျွန်ုပ်ကဲ့သို့ စောင့်နေကြတယ်ဆိုပါလား...။
ထိုထက်.. အံ့သြော်စရာကောင်သည်မှာကား..
.အကျွန်ုပ်ကလည်း သူတို့အား ဤသို့ ဤပုံ ခွါရကြောင်းကို တစ်လုံးတစ်ပါဒမျှ မပြောမိခဲ့ခြင်းပါပေတည်း။ လောကကြီးကို သင်ဘယ်လို မြင်သနည်း၊ သင့်ကိုရော လောကကြီးက ဘယ်လို မြင်မည်ဟု သင် ယူဆပါသနည်း? ၊ ။

ဆက်ဖတ်ရန်.

ဝိပဿနာအလုပ်ပေးတရားစခန်းများဖွင့်လှစ်မည်


အလိုတော်ပြည့် ကျောင်းတိုက်များ၏ အဓိပတိ၊ အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ ပြည်တွင်းပြည်ပသာသနာပြု၊ ဒေါက်တာဘဒ္ဒန္တအရိယဝံသ(Ph.D)အလိုတော်ပြည့်ဆရာတော်ဘုရားကိုယ်တိုင် စင်ကာပူနိုင်ငံတွင် (ရ)ရက် ဝိပဿနာအလုပ်ပေး တရားစခန်းကို တန်းဆောင်မုန်းလ္ဆန်း (၄)ရက် (21-10-2009)ဗုဒ္ဓဟူးနေ့တွင် စတင်ဖွင့်လစ်မည်ဖြစ်ပြီး၊ တန်းဆောင်မုန်းလ္ဆန်း (၁၀)ရက် (27-10-2009)အင်္ဂါနေ့တွင် စင်ကာပူ(ရ)ရက် ဝိပဿနာအလုပ်ပေးတရားစခန်း ပြီးဆုံးမည်ဖြစ်ပါသည်။

ဆက်သွယ်မေးမြန်းရန် ဖုန်းနံပါတ် Ashin kumara @ UZinBlue.... www.alodawpyi.multiply.com Email:alodawpyei@gmail.com : alodawpyei@myanmar.com.mm pfingo talk :065.31506839, Singapore Contact for all. ဦးစိန်မြင့် :91791988, ကိုသိန်းထွန်းအောင် :98356554, ဒေါ်ရတနာရှိန်: 90484205, 67265937

ဆက်ဖတ်ရန်.

ကပ္ပိယကျော်ခေါင် နှင့် ရွာသူကြီးဖိုးလူ

တစ်နေ့သ၌ ကပ္ပိယကျော်ခေါင်သည်၊ မျက်နှာဖရိုဖရဲဖြင့်၊ ရွာဦးကျောင်းဆရာတော်အား ဤသို့ လျှောက်ထားလေ၏၊ “
မှန်လှပါဘုရား…မနေ့ကဆိုလား ဟိုတစ်နေ့ကဆိုလား ပဲ…တဲ့ ဘုရား၊ ဟိုဖက်ရွာမှာ ဆိုလား ဒီဖက်ရွာမှာဆိုလား ပဲ…တဲ့၊ အဲဒီမှာ အမျိုးသမီး ဆိုးလား အမျိုးသားဆိုလား ပဲ…တဲ့ဘုရား၊ နွားခွေ့တယ် ဆ်ိုလာ ကျွဲခတ်တယ် ဆိုလားပဲ၊ အဲဒါ့နဲ့ အခု ဆေးရုံး တက်နေရတယ် ဆိုလား ဘာဆိုလားပဲ..တဲ့၊ အခုဆိုတော့လည်း သေသွားတယ် ဆိုလား ဘာဆိုလားပဲ..တဲ့ ဘုရား၊ ဟူ၍ လျှောက်ထားလိုက်လေရာ၊ ထိုအခါ= ရွာဦးကျောင်းဆရာတော်က . “ဟေ့ ငကျော်ခေါင် မင်း ဒီသတင်းကို ဘယ်ကကြားတာလဲ ပြောစမ်း“ ဟုမေးလေ၏။ “မှန်လှပါဘုရား ..တပည့်တော်ကို ရွာသူကြီးဖိုးလူ ပြောတာပါ ဘုရား၊ အရှင်ဘုရားမယုံရင် သူကြီးကို မေးကြည့်ပါဘုရား ဟူ၍ အားရပါးရ လျှောက်ထားလေ၏။
ထိုအခါ ရွာဦးကျောင်းဆရာတော်က ..“အံမယ် ဒီဥနှောင့် မရှိတဲ့ကောင်ပြောတာကို မင်းမို့ယုံတာ“ ဟူ၍ ပြောဆိုလိုက်လေရာ၊ ကပ္ပိယကျော်ခေါင်သည် မိမိ၏ စကားကို ပယ်ချခံရသဖြင့် အလွန့်အလွန် အားမလို အားမရ ဖြစ်ပြီး၊ ဤသို့ ပြန်လေလျှောက်ထားလိုက်လေ၏။
“ဆရာတော်ကလည်း ကိုယ့်ရွာကို အုပ်ချုပ်နေတဲ့ ဥက္ကဌကို အဲလို့ မပြောပါနဲ့ ဘုရား၊ သူ့မှာ ဥနှောင့်မရှိ ပေမယ့် ..ဒါ ..ရှိတယ်လေ ဘုရား.‘‘ ဟူ၍ လက်ညှိုးကို ကွေး၍ကွေး၍ ပြလေတော့သတည်း။ ။

ဆက်ဖတ်ရန်.

ငါ

မနက်စောစော အိပ်ရာထ
တောက်တိုမယ်ရ ဗရပွနဲ့
ကမ္ဘာကို ခြေကန်ချင်နေတဲ့ ငါ
ကောင်းကင်ကို မော့ကြည့်ရင်း
မြေကြီးကို လက်သီးထိုးမိခဲ့ ။ ။

ဆက်ဖတ်ရန်.

ကပ္ပိယကျော်ခေါင်း နှင့် တစ်ပွဲစားဖိုးတေ

တစ်နေ့သ၌ ကပ္ပိယကျော်ခေါင်သည် လူပျိုအပျိုများ စုဝေးရာ ရွာဦးကျောင်းနောက်ဖက် ဇရပ်အိုကြီးသို့  သွားရောက်ကြည့်ရှု့ရင်း လူပျိုများဝိုင်းကို ကျော်ဖြတ်ကာ အပျိုများ စုဝေးရာနေရာသို့ သွားရောက် စကားစမြဲ ပြေကြားရင်း ဤသို့ ငြင်းခုန်ကြလေ၏ ၊ ’’နင်တို့ မိန်းခလေးတွေ ထောင်းတာ မကောင်းဘူး ငါဟာငါ ထောင်းတာပဲ ကောင်းတယ်’’ ဟုပြောဆိုငြင်းခုန်လေ၏ ၊ ထိုအခါ မိန်းခလေးများကလည်း အောင်ကျမခံလို သောကြောင့်၊ ‘‘ အံမယ် ကပ္ပိယကများ ပြောရတယ်ရှိသေး ကျမတို့ကလည်း ထောင်းပေးနေကြနော် ရှင့်ဟာရှင် ထောင်းတာထက် အဆတစ်ရာကောင်းတယ် ရှင့် သိလား’’ ဟူ၍ ပြန်လည် ချေပငြင်းခုန်လေတော့၏ ၊ ကပ္ပိယကျော်ခေါင်ဆိုသော သူသည်ကား ငြင်းခုန်းသော နေရာတွင် ရွာဦးကျောင်းဆရာတော်မှ လွဲလျှင် မည်သူ့ ကိုမှ အရှူံးပေးလေ့မရှိချေ ၊ ထို့ကြောင့် ထိုငြင်းခုန်ပွဲသည်လည်း ယောက်ျားလေးထောင်းတာ ကောင်းသူ နှင့် မိန်းခလေး ထောင်းတာကောင်းသူ နစ်ဦးနစ်ဖက် တော်တော်နဲ့ လိုရင်းမရောက်နိုင်ပဲ ရှိနေလေ၏၊ ထိုသို့ ငြင်းခုန်နေစဉ်၊ အနည်းငယ် လည်လည်ဝေဝေ ရှိဟန်တူသော နော်ဖိုးဖိုး ဆိုသော ကောင်မလေးက ကျန်သော မိန်းခလေးများအား မျက်စိမှိတ်ပြကာ ဤသို့ ပြောဆိုလိုက်လေ၏ ၊ ’’ကဲ့ ကပ္ပိယကျော်ခေါင်ရယ် ရှင့်တုို့ ယောက်ျားတွေ ထောင်းတာ ပိုကောင်းတယ်ဆိုရင် အခုချက်ချင်း လက်တွေ့ထောင်းပြ’’ ဟု ပြောဆိုကာ ငရုပ်ဆုံ နှင့် ငရုပ်ကျည်ပွေ့ကိုအပ်လိုက်တော့မှ၊ ကျော်ခေါင်ခမျာမှာ ကိုယ့်စကားနဲ့ကိုယ် ရွာဘုံအလှူပွဲကြီး တစ်ခုလုံးအတွက် တစ်ပြည့်ခန့် လောက်ရှိသော ငရုပ်သီးများကို ထောင်းပေးလိုက်ရလေတော့၏ ။
ထိုအခိုက် တစ်ပွဲစားဖိုးတေ ရောက်ချလာပြီး ကောင်မလေးများနှင့် ဝိုင်းဖွဲ့ကာ ရောက်တတ် ရာရာများကို ပြောဆိုနေလေ၏ ၊ တစ်ပွဲစားဖိုးတေ ဟူသည်ကား ရွာဦးကျောင်းဆရာတော်၏ တူတော်မောင် ဖြစ်လေ၏၊ တစ်ပွဲစားဟုသော နာမဝိသေသကိုလည်း သမန်ကာချန်ကာ ရယူထားသူတစ်ယောက်တော့ မဟုတ်ပေ၊ သူသည် ရွာဦုးကျောင်းက ကြည်းစည်ခေါက်လိုက်သည်နှင့် တစ်ပြိုင်နဲ အချိန်မှန်မှန် ဆွမ်းတော် လာ စွန့် သူ တစ်ယောက်အဖြစ်နာမည်ကြီးလေ၏၊ ထို့ကြောင့် ကပ္ပိယကျော်ခေါင်၏ ပညာပေးခြင်းကို ခံရလေ့ရှိ၏ ။
ကပ္ပိယကျောင်ခေါင်၏ ပညာပေးပုံမှာ ဤသို့ ဖြစ်လေ၏ ။ ကပ္ပိယကျော်ခေါင်သည် မောင်ဖိုးတေ အား ဦးဦးဖျားဖျား ဆွမ်းတော်ကို စားသည်ဟုဆိုကာ ဆွမ်းဝိုင်း၌ ထမင်း တစ်ပွဲသာ စားခိုင်းလေ၏ ၊ သူ၏ ထမင်းပွဲသည်ကား ကြောင်တစ်ကောင်စာ သာသာလေးသာရှိ၏ ၊ သို့ သော် ကပ္ပိကျော်ခေါင် မရှိသော နေ့များတွင်ကား သူစားသော ထမင်း တစ်ပွဲသည် ရွာဦးကျောင်း ဆရာတော်၏ သပိတ်တစ်လုံးစာခန့် ရှိလေ၏ ။ ထိုအကြောင်းတရား ၂ ပါးကြောင့် သူ့ ကို သူ့ရှေ့ တွင်ပင်လျှင် တစ်ပွဲစားဖိုးတွေ ဟူ၍ ခေါ်ဆို သမုတ်ကြလေ၏ ။ သူ့ နောက်ကွယ်တွင်မူ ကျပ်မပြည့်ဖိုးတေး ဟူ၍လည်း ချစ်စနိုး ခေါ်ကြသူများ ရှိသေး၏ ။ ဤကား တစ်ပွဲစားဖိုးတေ (ဝါ) ကျပ်မပြည့်မောင်ဖိုးတေး ၏ ၊ ရှိစု မဲစု ဂုဏ်ထူးဝိသေသ များဖြစ်တော့သတည်း ။
သို့သော် တစ်ပွဲစားဖိုးတေ၏ အားသာချက်များကား ဤသို့ရှိသေးလေ၏ ။ သူသည် တစ်ယောက်ဆို တစ်ယောက် ပိတောက်ဆို ပိတောက် ဗူးဆို ဖရုံသီးသူ မဟုတ်ပေ၊ ထို့ ကြောင့် ဘယ်သူပင် ဘယ်လောက် နှိမ်စေကာမူ ရွာလယ်က နန်းကုတ်ကုတ် ဆိုသော ညိုပြာညက်ကလေး၏ အသည်းစွဲဖြစ်လေ၏၊ ကပ္ပိယကျော်ခေါင်မှာမူ ဆွမ်းလာပို့ သူလုံးမပျော်လေးများအားလုံးကို လိုက်ပိုးနေသောကြောင့် သူ့ကောင်မလေး ဟူ၍ လက်ညှိုညွန်ပြစရာ အတည်တကျ မရှိသေးပေ၊ သို့ သော် သူ၏ စိတ်ထည့်တွင်ကား ရွာလယ်က ဒေါ်ပု ကုန်စုံဆိုင်မှ ဈေးရောင်းအကူ နော်ဖိုးဖိုး သည် သူပြောလိုက်လျှင် အလိုက်သင့် ပါလာနိုင်သည်ဟူ၍ အပိုင်တွက်ထားသော စာရင်းများထဲ့တွင် တတိယ နေရာကို ရယူထားသူကလေး ဖြစ်လေတော့သတည်း။ ။

ဆက်ဖတ်ရန်.

ဆရာကို ဆရာကြီးလုပ်ချင်ကြသူများအကြောင်း

ကြည့်... ဘ၀ဆိုတာ ဟိုတလောကပဲ လူဂုဏ်ထန်တွေ ကြားမှာ စကားကြီး စကားကျယ်တွေ ပြောလို့ ၊ဒီနေ့တော့လည်း ဆင်းရဲသား ရပ်ကွက်က စုတ်ချာချာ နေရာ တစ်ခုမှာ ခပ်စွာစွာ လူတစ်စုရဲ့ ဆူပူ ကြိမ်းမောင်း တာကို ခံနေရပြန်ရော့။

အင်း....ဘ၀ဆိုတာ ဒါပဲလား...... မဟုတ် သေးဘူး... မဟုတ် သေးဘူး..။ ဒါနဲ မပြီးသေးဘူး နောက်ရှိ သေးတယ်၊ ...ကြည့်လေ.. အကြီးတကာ့ အကြီးဆုံး အဆောက်အဦး ကြီးမှာနေပြီး၊ အကောင်းတကာ့ အကောင်းဆုံး အစားအစာတွေကို စား၊ အကောင်းဆုံး စကားတွေကိုပြော၊ အကောင်းဆုံး ဆိုတဲ့ လူတွေရဲ့ အလယ်မှာ တင့်တယ်လို့ စံမြန်းခဲ့သေးတယ်။

သိပ်မကြာ ပါဘူး၊ မကြာဆိုမှ ခဏလေးပါ၊ တရားခံလိုလို ဘာလိုလိုနဲ့ တောင်ပြေးမြောက်ပြေး ပြေးရပြန်ရော့၊ ဒါ ဘယ်ကောင်တွေ လက်ချက်လည်းလို့  ၊ ငါ တွေးကြည့်သေးတယ်၊ အဖြေကတော့ တွေ့တော့ တွေ့တယ်၊ ဒါပေမယ့် တရားဝင် တွေ့တာ မဟုတ်ဘူးလိုတော့ပြောကြတာပဲ လူဆိုတာလည်း ခက်တော့ ခက်သား၊ ဆရာကိုမှ ဆရာကြီး လုပ်ချင် ကြတာကိုး၊ ဟို တလောက စာအုပ်ထဲ့မှာ ဖတ်ရသေးတယ်၊ ကာတွန်းဆရာကြီး ဦးဘဂျန်း ရေးတာ ဆိုပဲ..၊ ( လူဆိုတာ အမြဲတမ်း လိမ်နေ ပတ်နေ လှည့်ပတ်နေမှ ၊ ကိုယ်၏ ကျန်းမာခြင်း စိတ်၏ ချမ်းသာခြင်းနဲ့ ၊ ပြည့်စုံတဲ့ သတ္တ၀ါ ) တဲ့ ..။

ဆက်ဖတ်ရန်.

ကပ္ပိယကျော်ခေါင်း နှင့် ရွာဦးကျောင်းဆရာတော်

တစ်နေ့သ၌ ကျွန်ုပ် ကပ္ပိယကျော်ခေါင်သည်၊ ကပ္ပိယ ဟု ဆိုအပ်သော ဂုဏ်ထူးဝိသေသကို အဖန်ဖန်သုံးသပ်ရင်း၊ ပိတိဖြစ်နေခိုက်၊ ဟေ့ကပ္ပိယ.... ဟူသောအသံကိုကြားလိုက်ရသဖြင့် အချိုပေါ် သကာလောင်းဆိုသကဲ့သို့ ၊ ၀မ်းသာပိတိ ဂွမ်းဆီထိဖြစ်ကာ ၊ ကျွန်ုပ်အမြဲသုံးလေ့ရှိသော... လာပြီးဗျို ....့ ဟူသောအသံနဲ့ အတူ၊ လျှင်မြန်သောအဟုန်ဖြင့်၊ ဆွမ်းကျောင်းသို့ တက်ကာ ဆရာတော့် ဝေယျာဝေစ္စကို အမြန်ဆုံး စီရင်လေတော့၏။ ကျော်ခေါင် ဟူသော အမည်နှင့် လိုက်ဖက်ညီအောင် လျှင်မြန်ခြင်း၊သွက်လက်ခြင်း၊အလိုက်သိတတ်ခြင်း၊ စသည်စသည် အခြေခံ စွမ်းပကားတွေကြောင့်၊ ရွာဦးကျောင်း ဆရာတော်၏ မေတ္တာတော်ကို အထူရရှိသည်အားလျှော်စွာ၊ ဆရာတော့်အနီးတွင် နေ့စဉ် ဇာတ် နိပါတ် များကို အထူးတလေ ကြားနာမှတ်သားရလေ၏၊ အကျွန်ုပ်၏ အရေအချင်းကိုတီးမိခေါက်မိ ရှိနေပြီဖြစ်သော ၊ ရွာဦးကျောင်းဆရာတော်သည်လည်း၊ ခက်ခဲနက်နဲ သော အမေးပုစ္ဆာ ပြသနာတွေကို အမြဲလိုလို မေးမြန်လေ့ရှိ၏၊ မေးမြန်းသမျှသော အမေးပုစ္ဆာ ပြသနာတွေကို အကျွန်ုပ်ကပ္ပိယကျော်ခေါင်း ဖြေဆိုနိုင်သည်သာ၊။

တစ်နေ့သ၌ ရွာဦးကျောင်းတွင် လူအများစုဝေးရောက်ရှိနေခိုက် ၊ ဆရာတော်သည်၊ အင်မတန်မှ အစွမ်းအစနှင့် ပြည့်စုံသော အကျွန်ုပ်ကပ္ပိယကျော်ခေါင် ကို ခေါ်ကာ၊ ရွာလူကြီးများမဖြေဆိုနိုင်ဟန်တူသော ၊ အမေးပုစ္ဆာတစ်ခုကို မဆိုင်းမထွ မေးမြန်းလေတော့၏ ။ ဆရာတော်၏မေးပုံမှာ အောက်ပါအတိုင်းဖြစ်လေ၏= ဟေ့ ငကျော်ခေါင်း...လောကမှာ ကံအဆိုးဆုံးပုဂ္ဂိုလ် ဟာ ဘယ်သူလဲ...ဟေ့....၊ သြဇာတိက္ကမ အလွန်တရာ ကြီးမားသော ရွာဦးကျောင်းဆရာတော်၏ မေးခွန်သည်၊ အထက်ဘ၀ဂ် အောက်အ၀ီစိသို့ တိုင် ပြန့်နံ့သွားသည့်အလား ထင်မှတ်ရ၏၊ သို့သော် အကျွန်ုပ် ကပ္ပိယကျော်ခေါင် သည်၊ မိဂ သမင်တို့၏ အလယ်တွင် ကျားဘုရင်တို့၏ တင့်တယ်စံပယ်ခြင်းဖြင့်၊ ရွာသူရွာသားများ၏ အလယ်တွင် အစွမ်းကုန်တင့်တယ် စံပယ်လျှက်၊ ဆရာတော်သည် အလွန်တရာလွယ်ကူသော ပုစ္ဆာကိုမေးသည့်အလား၊ ဟန်မပျက်မတ်တတ်ရပ်လျှက်၊ ဤသို့ ဖြေဆိုလိုက်လေ၏၊.....မှန်လှပါဘုရား...ဟု အစချီကာ..ပရိသတ်ကို မျက်လုံးတစ်ချက်ဝေ့ရင်း...လောကတွင်..ကံအဆိုးဆုံး ပုဂ္ဂိုလ်သည်ကား... မြိုင်သာယာကျေးရွာနေ...မသဲမျှင်၏ ချစ်လှစွာသော ခင်ပွန်း၊ တပည့်ကျော် ဗိုက်ကလေး၏ ဆရာယောက်ဖ၊ မုဆိုးကျော် တွတ်ပီ ဖြစ်ကြောင်းပါဘုရား.....ဟူ၍လျှောက်ထားလိုက်လေရာ၊ ရွာသူ ရွာသားအားလုံးတို့သည်။ တ၀ါးဝါးရယ်မောကြလေတော့သတည်း။ ဆရာတော်မှာလည်း စိတ်ဆိုးရမည့်အစား၊ ရယ်သွန်းနှော်လျှက်၊ ဟေ့ကောင် ငကျော်ခေါင် မင်းကို ငါသင်ပေးထားတာ ဒါပဲလားကွ။ ဟု ပြောကာ . သွားစမ်း။ ဟုပြောဆို လိုက်လေတော့၏ ။

ဆက်ဖတ်ရန်.

ကိုယ်ပိုင်ဆုံးဖြတ်ချက်ချနိုင်ကြပါစေ။

"အို ကာလမတို့-

(၁)တဆင့်စကား အဆင့်ဆင့်ကြားရသည်တို့အပေါ်မှာလည်း အပြီးသတ် ဆုံးဖြတ်ချက်မချကြကုန်နှင့်။

(၂) သင်တို့အထက်က ဘိုးဘေးဘီဘင် အစဉ်အဆက်လာ ဓလေ့ထုံးတမ်းများကိုလည်း
အဆုံးသတ် အားကိုးပြီး အဟုတ်မှတ်၍ မကျင့်သုံးကြကုန်နှင့်။

(၃)အခြေအမြစ်မပါသည့် သူပြောငါပြော ကောလာဟလ စကားတို့ကိုလည်း လက်ခံမမှားကြကုန်နှင့်။

(၄)ဘာသာရေးကျမ်းစာတို့၏ အရှိန်ဩဇာအောက်မှာလည်း နစ်မြုပ်၍မနေကြကုန်နှင့်။

(၅) အကျင့်နှင့် အသိမပါ တက္ကီဝါဒီတို့၏ အတွေးအခေါ်များကိုလည်း ဟုတ်ပြီ မှန်ပြီဟု အတည်မယူကြကုန်နှင့်။

(၆)အခြားအခြားသောလူတို့ အခြားအခြားသော အယူဝါဒတို့ထံမှ ပုံတူကူး၍ ကျင့်သုံးခြင်းသည်လည်း မိမိတို့ ဘဝနှင့် အပ်စပ်လိမ့်မည်ဟု အတည်တကျ မယူကြကုန်နှင့်။

(၇) မိမိတို့အတွေးအခေါ် အယူအဆကို မိမိတို့၏ အတွေးဖြင့်သာလျှင် အကြောင်းယုတ္တိပေး၍ တင်ပြနိုင်ရုံမျှဖြင့် ကိုယ့်အတွေး ကိုယ့်ယုတ္တိ ဟုတ်ပြီဟု မယူကြကုန်နှင့်။

(၈)ဆရာတစ်ယောက်ယောက် လာရောက်ဟောပြောချက်သည် မိမိတွေးထင်ထားသည်နှင့် ကိုက်ညီသွားပြီဆို ရုံမျှဖြင့်လည်း ဟုတ်ပြီမှန်ပြီဟု မယူဆကြကုန်နှင့်။

(၉) လေးစားထိုက်သော လောကကဂရုပြုနေသည့် ပုဂ္ဂိုလ်ကြီးတစ်ယောက်၏ဝါဒသည် ဖြစ်နိုင်ဖွယ်ရှိသည်ဟူ၍လည်း တစ်ထစ်ချ မယူကြကုန်နှင့်။

(၁၀) မိမိတို့ ဆည်းကပ်ကိုးကွယ်သော ဆရာတို့၏ စကားတိုင်းသည်လည်း ဟုတ်ပြီမှန်ပြီ အကျိုးရှိပြီဟု အပြီးသတ် မမှတ်ယူကြကုန်နှင့်။
ဟူ၍ ဘုရားရှင် မိန့်မှာတော်မူခဲ့သည်ကို သတိမူကြလျှက်=

ဤဘလော့၌ ရွာဦးကျောင်းဆရာတော် ဤကဲ့သို့ ဖြေကြားထားသည်ဟူ၍လည်း ဟုတ်လှပြီဟု အပြီးသတ် မမှတ်ယူကြစေချင်ပါ။


  © Blogger templates Palm by Ourblogtemplates.com 2008

Back to TOP